நாக சைதன்யாவின் ‘கஸ்டடி’ திரைப்படத்தின் புதிய அப்டேட்...!
Tamil Selvi Selvakumar 
நாக சைதன்யா நடித்திருக்கும் 'கஸ்டடி' திரைப்படம் பைலிங்குவலாக வெளியாகவுள்ள நிலையில், இப்படத்தின் டீசர் மார்ச் 16 மாலை 4:51 மணிக்கு வெளியிடப்படும் என்று படக்குழு அறிவித்துள்ளது.
பிளாக்பஸ்டர் வெற்றிப் படங்களைத் தரக்கூடிய இயக்குநரான வெங்கட் பிரபு இயக்கத்தில், அக்கினேனி நாக சைதன்யாவின் நடிப்பில், தெலுங்கு-தமிழ் பைலிங்குவல் திரைப்படமான 'கஸ்டடி' படத்தின் படப்பிடிப்பு சமீபத்தில் நிறைவடைந்தது. படக்குழு தற்போது போஸ்ட் புரொடக்ஷன் வேலைகளில் பிஸியாக உள்ள நிலையில், படத்தில் இருந்து வெளியான கதாபாத்திர போஸ்டர்கள் பார்வையாளர்களிடையே படம் குறித்தான ஆர்வத்தை அதிகரித்துள்ளது. மேலும், படக்குழுவிடம் இருந்து இன்னும் அதிக கண்டெண்ட்டை ரசிகர்கள் எதிர்பார்த்த வண்ணம் உள்ளனர்.
இந்நிலையில் இன்று, படக்குழு மிகப்பெரிய அறிவிப்பு ஒன்றை வெளியிட்டுள்ளனர். மிகவும் எதிர்பார்க்கப்படும் படத்தின் டீசர் மார்ச் 16 ஆம் தேதி மாலை 4:51 மணிக்கு வெளியிடப்படும் என்ற அறிவிப்பை அறிவித்ததோடு, படக்குழு ஒரு சுவாரஸ்யமான க்ளிம்ப்ஸையும் வெளியிட்டுள்ளனர். இந்த அறிவிப்பு டீசருக்கான எதிர்பார்ப்பை அதிகரித்துள்ளதோடு, ஸ்டைலான பின்னணி இசை, பிரமிக்க வைக்கும் காட்சியமைப்புகள் படத்தின் பலத்தை மேலும் கூட்டும்படி அமைந்துள்ளது. இதில் இருந்து, 'கஸ்டடி' டீஸர் இன்னும் பல ஆச்சரியங்களை ரசிகர்களுக்குத் தர இருக்கிறது என்பது தெளிவாகத் தெரிகிறது.
இதையும் படிக்க : கொரோனா பாதித்தோரை இன்புளுயன்சா தாக்கினால் ஆபத்து - மருத்துவர்கள் எச்சரிக்கை!
இப்படத்தில் கதாநாயகியாக கீர்த்தி ஷெட்டியும், ப்ரியாமணி பவர்ஃபுல் ரோலிலும், அரவிந்த் சாமி, சரத்குமார், சம்பத் ராஜ், பிரேம்ஜி, வெண்ணேலா கிஷோர், பிரேமி விஸ்வநாத் உள்ளிட்ட பலரும் நடித்துள்ளனர். அக்கினேனியின் கரியரில் அதிக பொருட்செலவில் எடுக்கப்பட்ட படங்களில் 'கஸ்டடி'யும் ஒன்றாகும்.
பிரமாண்டமான கேன்வாஸில் எடுக்கப்பட்ட இப்படம் பார்வையாளர்களின் எதிர்பார்ப்புகளுக்கு ஏற்ப இருக்கும் என்பதை படக்குழு உறுதி செய்துள்ளது. ஸ்ரீனிவாசா சில்வர் ஸ்க்ரீன் பேனரின் கீழ் ஸ்ரீனிவாசா சித்தூரி மிகவும் பிரமாண்டமான முறையில் தயாரிக்கும் இப்படம், மே 12, 2023 அன்று உலகம் முழுவதும் திரையரங்குகளில் வெளியிடப்படும் என்பது குறிப்பிடத்தக்கது.
