சென்னை கிண்டியில் உள்ள அண்ணா பல்கலைக்கழக வளாகத்தில் இந்திய அளவில்  சிறந்த கல்வி நிறுவன தரவரிசை பட்டியலில் அண்ணா பல்கலைக்கழகம் 18-வது இடம் பிடித்தது குறித்து அண்ணா பல்கலைக்கழக துணைவேந்தர் வேல்ராஜ் செய்தியாளர்களை சந்தித்து பேசினார் :

அப்போது பேசிய அவர் :-

அண்ணா பல்கலை கழகம் நான்கு தரவரிசைகளில்  முன்னேறி உள்ளது.கடந்த இரண்டு ஆண்டுகளில் பல்கலை கழகம் நன்றாக முன்னேறி உள்ளது.பல்கலை கழகம் மற்றும் இனிஜினிரிங் துறைகளில் நல்ல முறையில் முன்னேறி உள்ளது.

கடைந்த இரண்டு ஆண்டுகளில் புதிய 15 ரிசர்ச் சென்டர் தொடங்கியுள்ளதாகவும் தரமான கல்வி வழங்கினால் எந்த கல்லூரி வேண்டுமானும் முன்னேற்றம்  அடையும் எனவும் அவர் தெரிவித்தார். 

கடந்த இரண்டு ஆண்டுகளாக திறமைக்கு ஏற்றவாறு தான் கல்விகளை வழங்கி வருகிறோம்.அடுத்த கட்ட  நடவடிக்கை இந்திய அளவில் மட்டும் மின்றி உலகளவில் முன்னேற்றம் அடைய நடவடிக்கை எடுப்போம் எனவும் அவர் கூறினார்.

கடந்த 2017 - 2018 ஆண்டுகளில் சரியான மேற்பார்வை இல்லாத காரணத்தினாலே ராங்கில் பின் தங்கியதற்கு காரணம் என்றும், தற்போது பொருளியல் படிப்பில் அதிகமான மாணவர்கள் பயின்று வருகின்றனர் எனவும்,சென்னை அண்ணா பல்கலை கழகம் சிறந்த தரம் வாய்ந்த ஆசிரியர்கள் மற்றும் மாணவர்கள், நிறுவனத்தின் தொடர்ச்சியான முன்னேற்றத்துக்கு குறிப்பிடத்தக்க பங்களிப்பை வழங்கி உள்ளது எனவும், தமிழக அரசின் நான் முதல்வன் திட்டத்தில் மூலம் நல்ல முன்னேற்றம் மாணவர்களுக்காக அமைகிறது. தமிழக அரசு நல்ல முறையில் ஒத்துழைப்பு அளிக்கிறது என்று அவர் தெரிவித்தார்.

" நான் முதல்வன் திட்டம் மூலம் புதிய படிப்புகளை மாணவர்களுக்கு சேர்த்து வழங்கி வருகிறோம்.   தேசிய கல்விக் கொள்கை மாநில கல்வி கொள்கை என எங்களுக்கு எதுவும் இல்லை நாங்கள் எங்களுக்கு எது தேவையோ அதனை தேர்ந்தெடுத்து மாணவர்களுக்கு  கற்றுத் தருகிறோம்"  என அவர் தெரிவித்தார்.

இதையும் படிக்க    |  தென் ஆப்பிரிக்காவில் ஐஐடி புதிய கிளை...! - இயக்குநர் காமகோடி.

தென் ஆப்பிரிக்காவில் உள்ள தன்சானிய நாட்டில் ஐஐடி மெட்ராஸ்- ன் புதிய கிளையை தொடங்க உள்ளோம் - ஐஐடி இயக்குநர் காமகோடி:

சென்னை அடையாறில் உள்ள ஐஐடி மெட்ராஸ் வளாகத்தில் ஐஐடி இயக்குனர் காமகோடி, தொடர்ந்து 8 ஆண்டுகளாக பொறியியல் கல்லூரிகளின் வரிசையில் முதலிடம் பிடித்துள்ளது தொடர்பாக  செய்தியாளர்களை சந்தித்தார். 

அப்போது பேசிய அவர்,

 NIRF தரவரிசை பட்டியலில் அனைத்து பொறியியல் கல்லூரிகளில் ஐஐடி மெட்ராஸ் முதலிடம் பிடித்துள்ளது.இது தன்னம்பிக்கையும் சரியான பாதையில் செல்கிறோம் என்ற நம்பிக்கையை கொடுத்துள்ளது என்றும்,  100 சதவீதத்தில் 74% மாணவர்கள் ஒவ்வொரு ஆண்டும் வெளியேறுகிறார்கள் என்றும், அதனை 50% ஆக்குவதே தங்கள் முயற்சி என்றும் அன்று தான் தங்களுக்கு முழுமையான மகிழ்ச்சி எனவும்  கூறினார்.

அதோடு, " ஐஐடி மாணவர்களின் மனநிலையை குறைக்கவும் உணர்ந்து கொள்ளவும் பல்வேறு முயற்சிகள் எடுத்து வருகிறோம். கிராமப்புறங்களில் BS DATA பற்றி மாணவர்கள் பேசுகிறார்கள்.அந்த அளவிற்கு கல்வி வளர்ச்சி முன்னேற்றம் அடைந்துள்ளது.தமிழ்நாட்டில் 10 மற்றும் 12 ஆம் மாணவர்களுக்கு கல்வி வளர்ச்சி நிகழ்ச்சி நடத்த உள்ளோம்.சாதிய பாகுபாடு குறித்த  2 கமிட்டி அமைக்க பட்டுள்ளது புகார் வந்தால் உடனடியாக நடவடிக்கை எடுக்கப்படும்"  என்றார்.

தொடர்ந்து பேசிய அவர், " தரவரிசை என்பது ஒரு எண் தான். எந்த துறை படித்தாலும் அதிலும் இதே நிலை தான்.கணினி துறையை விட நல்ல மேம்பாடு அனைத்து துறைகளிலும் உள்ளது.மாணவர்களை பெற்றோர்கள் குறைந்த மதிப்பெண் எடுத்தால் மனஅழுத்தத்தை உருவாக்க கூடாது.வருங்காலத்தில் பொறியியலில் துறை இருக்காது", என்று குறிப்பிட்டார். 

மேலும், மருத்துவ அறிவியல் ( Medical Science ) துறைக்கு தான் வருங்காலத்தில் அதிக மதிப்பு உள்ளது என்றும்,  மேலும், தென் ஆப்பிரிக்காவில் உள்ள தன்சானிய நாட்டில் ஐஐடி மெட்ராஸ் -ன் புதிய கிளையை தொடங்க உள்ளதாகவும் தெரிவித்தார்.  இந்தியா ஒரு வல்லரசாக தொடக்க நிறுவனங்கள் அதிகாக உருவாக வேண்டும் என்றும் மாணவர்கள் தொழில் முனைவோராக மாற வேண்டும் என்றார்.

இதையும் படிக்க    | " பள்ளிகள் திறக்கும் தேதியை தள்ளி வைத்ததை ரத்து செய்ய வேண்டும் " - புதிய தமிழகம் கட்சி தலைவர் கிருஷ்ணசாமி .

மேலும், "கிராமப்புறங்களில் நேரடியாக சென்று கல்வி வளர்ச்சிக்கான   விழிப்புணர்வு ஏற்படுத்தி உள்ளோம்.தமிழ்நாட்டிற்கு 204 பள்ளிகள் 540 ஆசிரியர்கள் நியமிக்கப்பட்டு பயிற்சி அளித்து வருகிறோம்.வருடத்திற்கு 1 லட்சத்திற்கு மேலான மாணவர்களுக்கு எலக்ட்ரானிக் குறித்த அறிவினை வளர்த்த உதவி செய்ய முடிவு செய்துள்ளோம்' என்று தெரிவித்தார்.

அதோடு, படிப்பில் ஆர்வம் உள்ள குழந்தைகளுக்கு புதுமையான கண்டுபிடிப்புகளையும் செய்ய புதிய கல்வி கொள்கை உதவும்.நுழைவு தேர்வு வைக்க காரணம் எத்தனை இடங்கள் உள்ளனவோ அதற்கு சரியான ஆட்களை கொண்டு வருவதற்கு தான் என்றும், பொதுத் தேர்வில் பலர் ஒரே சதவீதம் பெறுகிறார்கள் அதனால் தான் நுழைவு தேர்வு.Core subject -ல் படித்து வேலை செய்வதற்கு மாணவர்கள் ஆர்வம் காட்டுவதில்லை. அடுத்த ஆண்டு முதல் ஐஐடியில் மருத்துவ அறிவியல் ஆன்லைன் படிப்பினை தொடங்க உள்ளோம் என தெரிவித்தார்.

இதையும் படிக்க    | தமிழ்நாடு காங்கிரஸில் ஓங்குகிறதா சசிகாந்தின் கை!

" பள்ளிகள் திறக்கும் தேதியை  தள்ளி வைத்ததை ரத்து செய்ய வேண்டும் " என வலியுறுத்தி தமிழ்நாடு முதலமைச்சர் மு.க.ஸ்டாலின் , தமிழ்நாடு பள்ளிக் கல்வித் துறை அமைச்சர்  அன்பில் மகேஷ் பொய்யாமொழி மற்றும் பள்ளிக் கல்வித்துறை இயக்குநர் திரு.க.அறிவொளி ஆகியோருக்கு புதிய தமிழகம் கட்சி தலைவர் கிருஷ்ணசாமி கடிதம் எழுதியுள்ளார்.  

அவர்  எழுதியுள்ள கடிதத்தின் சாராம்சம் பின்வருமாறு: 

அன்புடையீர் வணக்கம்.!

கோடை விடுமுறைக்கு பின், ஜூன் 1 ஆம் தேதி முதல் இந்த கல்வியாண்டிற்கான பள்ளி வகுப்புகள் துவங்கப்பட்டிருக்க வேண்டும். ஆனால், ஜூன் 7-ம் தேதிக்கு பிறகுதான் பள்ளிகள் திறக்கப்பட வேண்டும் என்று ஒரு வாய்மொழி உத்தரவும்; இப்பொழுது ஜூன் 12, 14 ஆம் தேதிக்கு பிறகு தான் பள்ளிகள் திறக்கப்பட வேண்டும் என்ற சுற்றறிக்கையும்  அனைத்து பள்ளிகளுக்கும் அனுப்பப்பட்டுள்ளதாகத் தெரிகிறது.
ஒரு ஆண்டின் 365 தினங்களில் 210-220 நாட்கள் மட்டுமே பள்ளி வேலை நாட்களாகவும்; 140 தினங்களுக்கு மேல் விடுமுறை தினங்களாகவும் உள்ளன. மாறிவரும் பல்வேறு சூழல்களில் 220 நாட்களுக்கு உள்ளாக பாடத்திட்டங்களை முடிப்பதில் ஆசிரியர் பெருமக்களுக்கும், அவற்றைப் படிப்பதில் மாணவர்களுக்கும் அது மிகவும் சிரமம்.

கோடை விடுமுறை கழித்து மாணவர்கள் புதிய பாடங்களை படிப்பதற்கு மிகுந்த ஆர்வத்தோடு இருப்பார்கள். ஆனால், கல்வியாண்டின் துவக்கத்திலேயே கல்வி நாட்களை மாணவர்கள் இழக்க வேண்டி இருப்பின், ஆண்டின் இறுதியில் மாணவர்களுக்கும், கற்றுத் தரும் ஆசிரியர்களுக்கும் அது பெரும் சுமையாக இருக்கும். அக்டோபர், நவம்பர், டிசம்பர் மற்றும் பல நேரங்களில் ஜனவரி மாதங்களிலும் இயற்கை சீற்றங்கள் ஏற்பட வாய்ப்பு உண்டு; புயல், மழை போன்றவை எதிர்பாராத அளவுக்கு வீரிய தன்மையோடு இருக்கின்ற பொழுது தவிர்க்க முடியாத நிலையில் பள்ளிகளுக்கு விடுமுறை அளிக்க நேரிடும்.

இப்படிப்பட்ட சூழலில் தமிழகத்தின் சில பகுதிகளில் வெயிலின் தாக்கம் அதிகமாக இருப்பதை  காரணம் கூறி, தமிழகத்தில் பள்ளிகளுக்கு 12 மற்றும் 14-ஆம் தேதி வரை விடுமுறை என்று அறிவித்திருப்பது எவ்விதத்திலும் ஏற்புடையதல்ல! 

ஏற்கனவே, கரோனா கால கட்டத்தில் பள்ளிகள் மூடப்பட்டதால் மாணவர்களிடத்தில் கல்விகற்றலில் (Learning Gap) ஏற்பட்ட இழப்புகளைச் சரி செய்வதற்கே இன்று வரையிலும் ஆசிரியர்களும், பெற்றோர்களும், மாணவர்களும் போராடிக் கொண்டிருக்கிறார்கள். எனவே இந்த கல்வி ஆண்டின் துவக்கத்திலேயே 15 தினங்கள் விடுமுறை என்பது கல்விகற்றலில் எதிர்மறையான தாக்கத்தை ஏற்படுத்தும். வருங்காலங்களில் இது ஒரு தவறான முன்னுதாரணமாகவும் அமையும்.

பொதுவாக எல்லா பள்ளிகளுமே காலை 8.30 மணியிலிருந்து 9.00 மணிக்குள்ளாக துவங்கி, மாலை 3.30 மணிக்கு பிறகு மாணவர்களை வீட்டுக்கு அனுப்பி வைக்கிறார்கள். எனவே, குழந்தைகள் பள்ளிக்குக் கிளம்பும்போதும், பள்ளியிலிருந்து திரும்பும் போதும் வெயில் தாக்கம் குறைவாகவே இருக்கும். மேலும், தமிழகத்தின் அனைத்து மாவட்டங்களிலும் வெயிலின் தாக்கம் ஒரே அளவில் இருப்பதில்லை.
சர்வதேச பள்ளிகள் நடைபெறும் ஊட்டி, கொடைக்கானல், ஏற்காடு, குன்னூர் போன்ற பகுதிகளில் வெப்பத்தின் தாக்கம் எதுவும் இருக்காது. கோவை, திருப்பூர், ஈரோடு, திண்டுக்கல் போன்ற பல மாவட்டங்களில் வெயிலின் தாக்கம் எப்பொழுதுமே குறைவாக இருக்கும். சில வடக்கு, தெற்கு மாவட்டங்களில் வெயிலின் தாக்கம் அதிகமாக இருக்கலாம். அந்தந்த மாவட்ட பகுதிகளின் பூகோள சூழலுக்கு ஏற்ப பள்ளி நிர்வாகங்கள் முடிவெடுத்துக் கொள்ளலாம் என்பதற்கு மாறாக, ஒட்டுமொத்தமாக அனைத்து பள்ளிகளையும் மூடிட மாவட்ட கல்வி அலுவலர் சுற்றறிக்கை அனுப்பி இருப்பது சரியான முறையல்ல.

எனவே, தமிழ்நாடு கல்வித்துறையில் 12, 14 ஆம் தேதி வரை பள்ளிகளை மூடிடப் பிறப்பிக்கப்பட்ட உத்தரவை மறுபரிசீலனை செய்யவும், விரைவாக பள்ளிகளைத் திறப்பதற்கு உண்டான நடவடிக்கையை எடுக்கவும் பள்ளிக் கல்வித் துறை அமைச்சருக்கும், அதிகாரிகளுக்கும் தேவையான அறிவுறுத்தல்களை வழங்க தமிழ்நாடு முதல்வர் அவர்களை கேட்டுக்கொள்கிறேன்." 

இவ்வாறு அந்த கடிதத்தில் குறிப்பிட்டுள்ளார். 

இதையும் படிக்க     | " பாஜக, ஆர்.எஸ்.எஸ். அமைப்பின் கொள்கை பரப்புச் செயலாளர் போன்று செயல்படுகிறார் ஆளுநர் " - செல்வப்பெருந்தகை .

தமிழ்நாட்டில் பள்ளிகள் திறப்பு தேதி மீண்டும் மாற்றப்பட்டுள்ளதாக பள்ளிக் கல்விதுறை அமைச்சர் அன்பில் மகேஷ் தெரிவித்துள்ளார். 

பள்ளி மாணவர்களுக்கான ஆண்டு இறுதி தேர்வு ஏப்ரல் மாதம் இறுதியில் முடிவடைந்தது. இதனையடுத்து மாணவர்களுக்கான கோடை விடுமுறையானது சுமார் ஒரு மாதம் காலம் விடப்பட்டிருந்தது. ஜூன் 5 ஆம் தேதி பள்ளிகள் திறக்கப்படும் என அறிவிக்கப்பட்டிருந்தது. ஆனால், வெயிலின் தாக்கம் குறையாமல் உக்கிரமாக இருந்து வருவதால் 7 ஆம் தேதி பள்ளிகள் திறக்கப்படும் என அறிவிக்கப்பட்டது. அதன்படி புதன்கிழமை பள்ளிகள் திறக்கப்படவிருந்தது. 

இருப்பினும் 18 மாவட்டத்தில் வெயிலானது 100 டிகிரியை தாண்டியது. எனவே, வெயிலின் தாக்கம் குறையாமல் உள்ளதால் பள்ளிகள் திறப்பு  குறித்து  முதலமைச்சர் மு.க.ஸ்டாலின் மற்றும் பள்ளிக்கல்வித்துறை அமைச்சர் அன்பில் மகேஷ் ஆகியோர் ஆலோசனையில் ஈடுபட்டனர். 

இந்த ஆலோசனையின் முடிவில் பள்ளிகள் திறப்பு மீண்டும் தள்ளி வைக்கப்பட்டுள்ளது.  அதன்படி 1 முதல் 5-ம் வகுப்பு வரை 14-ம் தேதி பள்ளிகள் திறக்கப்படுமென்றும், 6 முதல் 12-ம் வகுப்பு வரை 12-ம் தேதி பள்ளிகள் திறக்கப்படுமெனவும் முதலமைச்சர் மு.க.ஸ்டாலின் மற்றும் அமைச்சர் அன்பில் மகேஷ் ஆகியோர் அதிகாரப்பூர்வமாக அறிவித்துள்ளனர்.

இதையும் படிக்க:கோடை விடுமுறை முடிந்தது: விமான நிலையத்தில் அலைமோதும் கூட்டம்...! கட்டணங்கள் ராக்கெட் வேகத்தில் உயர்வு...!

பள்ளிகள் திறக்கப்பட்ட உடன், பள்ளி மேலாண்மைக் குழு கூட்டம் நடத்தப்பட வேண்டும் என பள்ளிக்கல்வித்துறை உத்தரவிட்டுள்ளது.

பள்ளிகளுக்கு கோடை விடுமுறை விடப்பட்டு மீண்டும் ஜூன் 7 ஆம் தேதி பள்ளிகள் திறக்கபட உள்ளன. இந்நிலையில்  9-ம் தேதி அனைத்து பள்ளிகளிலும் பள்ளி மேலாண்மை குழு கூட்டத்தை நடத்த பள்ளிக் கல்விதுறை உத்தரவிட்டுள்ளது. 

மாணவர் சேர்க்கை, இடைநிற்றலைக் கண்டறிந்து மீண்டும் பள்ளிகளில் சேர்க்க நடவடிக்கை எடுத்தல், துணைத் தேர்வு எழுத உள்ள மாணவர்களுக்கு சிறப்புப் பயிற்சி வழங்குதல், நான் முதல்வன் திட்டத்தை செயல்படுத்துதல், இல்லம் தேடிக் கல்வி திட்டத்தை தொடருதல் உள்ளிட்டவை குறித்து இக்கூட்டத்தில் கலந்தாய்வு நடத்தப்பட வேண்டும் எனவும் அறிவுறுத்தப்பட்டுள்ளது. 

மேலும் கூட்டத்தில் எடுக்கப்பட்ட முடிவுகளின் அடிப்படையில் கற்றல்-கற்பித்தல் பணிகளை தொடர வேண்டும் எனவும் மாநிலம் முழுவதும் உள்ள அனைத்து அரசுப்பள்ளிகளின் தலைமை ஆசிரியர்களுக்கும் அனைவருக்கும் கல்வி திட்ட இயக்குநர் உத்தவிட்டுள்ளார்.

இதையும் படிக்க:அடுத்தக்கட்ட ஆளுமைகள்!