நடிகர் விஜயகாந்தின் காலில் 3 விரல்கள் அகற்றம்.. தற்போது அவரின் நிலை என்ன?
தேமுதிக தலைவரும், நடிகருமான விஜயகாந்தின் காலில் இருக்கும் 3 விரல்கள் அகற்றப்பட்டுள்ளதாக தகவல் வெளியாகியுள்ளது.
Suaif Arsath
0
339
தேமுதிக தலைவரும், நடிகருமான விஜயகாந்த உடல் நல குறைவு காரணமாக மருத்துவமனையில் அனுமதிக்கப்பட்டு தொடர்ந்து சிகிச்சை பெற்று வந்தார்.
உடல் நலக்குறைவால் தீவிர அரசியலில் இருந்து விலகி இருந்தார். அவரது பெயரில் அறிக்கைகள் மட்டும் வெளிவந்து கொண்டிருந்தன.
சிகிச்சைக்காக விஜயகாந்த் அவ்வவ்போது மருத்துவமனையில் அனுமதிக்கப்படுவது வழக்கம். அந்த வகையில் சமீபத்தில், சென்னையில் உள்ள தனியார் மருத்துவமனையில் அனுமதிக்கப்பட்ட அவருக்கு வழக்கமான பரிசோதனை மேற்கொள்ளப்பட்டது.
அவரது காலில் ரத்த ஓட்டம் சீராக இல்லாததன் காரணமாக அறுவை சிகிச்சை முறையில் காலில் 3 விரல்கள் அகற்றப்பட்டதாக மருத்துவர்கள் தரப்பில் தெரிவிக்கப்பட்டுள்ளது. தற்போது அவர் நலமுடன் இருப்பதாக மருத்துவர்கள் தெரிவித்தனர்.
