தமிழில் விஜய் சேதுபதியை புகழ்ந்து தள்ளிய ஹர்பஜன்சிங்.. வைரல் ட்வீட்

webteam webteam
Sep 15, 2021 - 04:38
0 80
தமிழில் விஜய் சேதுபதியை புகழ்ந்து தள்ளிய ஹர்பஜன்சிங்.. வைரல் ட்வீட்

தமிழ் சினிமாவில் பிரபல இந்திய கிரிக்கெட் வீரர் ஹர்பஜன் சிங் பிரண்ட்ஷிப் படம் மூலமாக  நடிகராக களமிறங்கி உள்ளார். இப்படத்தில் இவருக்கு ஜோடியாக லாஸ்லியா நடித்துள்ளார். இப்படம் மீதான எதிர்பார்ப்பு ரசிகர்கள் மத்தியில் அதிகரித்துள்ளது.

வருகின்ற செப்டம்பர் 17ஆம் தேதி இப்படம் திரையரங்குகளில் வெளியாக உள்ள நிலையில், சமீபத்தில் இப்படத்தின் டீசர் வெளியாகி ரசிகர்கள் மத்தியில் வரவேற்பை பெற்றது. 

தமிழ் மீது அதிக பற்று கொண்டுள்ள ஹர்பஜன் சிங் சமீபகாலமாகவே தமிழில் தான் அவரது ட்விட்டரில் பதிவுகளை செய்து வருகிறார்.

இந்நிலையில் இந்த படத்தின் முதல் பத்து நிமிட ஸ்னீக் பீக் வீடியோவை பிரபல இயக்குனர்களான வெற்றிமாறன் பாண்டியராஜன் மற்றும் மக்கள் செல்வன் விஜய் சேதுபதி ஆகியோர் வெளியிட்டுள்ளனர். அதற்கு தன்னுடைய ட்விட்டர் மூலமாக தமிழில் ஹர்பஜன் நன்றி தெரிவித்துள்ளார்.

இதில் விஜய் சேதுபதியை ‘ஒரே வாரத்தில் மூன்று படம் கொடுக்கும் விஜய் சேதுபதி, ஓய்வு என்னும் வார்த்தையை உதறிய சினிமா துறவி’ என்று ஹர்பஜன் சிங் விஜய் சேதுபதியை புகழ்ந்துள்ளார். அத்துடன் பாண்டியராஜன் மற்றும் வெற்றி மாறனையும் அதேபோல் புகழ்ந்துள்ள ட்விட்டர் பதிவானது தற்போது சமூக வலைதளங்களில் ட்ரெண்டாகி வருகிறது.

மேலும் இந்தப் பதிவிற்கு எக்கச்சக்கமான லைக்குகளும் குவிந்து வருகிறது. ஹர்பஜன் சிங் படத்தில் நடிப்பதற்கு முன்பாகவே பிளாக் சீப் என்ற யூடியூப் சேனலில் ஒளிபரப்பான வெப் தொடர் ஒன்றில் திருவள்ளுவராக நடித்திருந்தார் என்பது குறிப்பிடத்தக்கது