77 பக்க கடிதத்தில் இறந்த இளைஞர் கூறியது என்ன?
டெல்லியில் இளைஞர் ஒருவர் தாயை கழுத்தறுத்து கொன்றுவிட்டு, 77 பக்கங்கள் கொண்ட கடிதம் எழுதிவைத்து விட்டு, தானும் தற்கொலை செய்து கொண்டுள்ளார்.
மன அழுத்தத்தில் இருந்த இளைஞர்:
டெல்லி புத்விஹார் பகுதியை சேர்ந்த 25 வயது இளைஞர் மனஅழுத்தத்தில் இருந்து வந்ததாக கூறப்படுகிறது. இதனால் தாயிடம் பணம் கேட்டு சண்டையிட்டு வந்த அவர், ஒரு கட்டத்தில் தாயுடன் பேசுவதையும் நிறுத்தியுள்ளார்.
இதையும் படிக்க: அடுத்த தீர்ப்பு யாருக்கு சாதகம்? யாருக்கு பாதகம்? உச்சகட்ட எதிர்பார்ப்பில் ஈபிஎஸ், ஓபிஎஸ்.. !
தகவல் அளித்த இளைஞர்:
இந்த நிலையில் அந்த இளைஞர் தனது உறவினருக்கு அளித்த தகவலின் பேரில், போலீசார் அவரது வீட்டை சோதனையிட்டனர். அப்போது தற்கொலை செய்து கொண்ட இளைஞர் சடலமும், அழுகிய நிலையில் அவரது தாயின் சடலமும் கண்டெடுக்கப்பட்டது.
77 பக்கம் கொண்ட தற்கொலை கடிதம்:
மேலும் அங்கிருந்து கைப்பற்றப்பட்ட 77 பக்கம் கொண்ட தற்கொலை கடிதத்தத்தில், இளைஞரே தாயை கழுத்தை இறுக்கி கொன்றது தெரியவந்தது. அத்துடன் அந்த இளைஞர் தாயின் சடலத்துடன் 3 நாள் உட்கார்ந்திருந்தாகவும் குறிப்பிடப்பட்டுள்ளது. இது தவிர தாய் முக்தி பெற வேண்டி கீதையில் கூறியபடி, கங்கை தீர்த்தத்தை உடம்பில் தெளித்து அவரது கழுத்தையும் அறுத்துள்ளது தெரியவந்துள்ளது.