உள்ளாடைக்குள் மறைத்து வைத்து கடத்தி வரப்பட்ட ரூ. 27.31 லட்சம் மதிப்புடைய தங்கம் பறிமுதல்
சாா்ஜாவிலிருந்து சென்னைக்கு வந்த விமானத்தில் கடத்திவரப்பட்ட ரூ. 27.31 லட்சம் மதிப்புடைய தங்கத்தை சுங்கத்துறை அதிகாரிகள் பறிமுதல் செய்தனர்.
webteam
0
62
சாா்ஜாவிலிருந்து சென்னை பன்னாட்டு விமானநிலையம் வந்த பயணிகளை சுங்கத்துறை அதிகாரிகள் சோதனை செய்தனர். அப்போது சென்னையை சோ்ந்த 31- வயது ஆண் பயணி ஒருவா்,தன்னிடம் சுங்கத்தீா்வை செலுத்தும் பொருள் எதுவும் இல்லை, என்று கூறிவிட்டு, கிரின்சேனல் வழியாக வெளியே சென்றாா்.
அதனைதொடர்ந்து சந்தேகத்தின்பேரில் அந்த பயணியை தடுத்து நிறுத்திய அதிகாரிகள், அவரை சோதனை செய்தனர். அதில் அவருடையை உள்ளாடைக்குள் 4 சிறிய பாா்சல்கள் மறைத்து வைக்கப்பட்டிருந்ததை அதிகாரிகள் கைப்பற்றினர்\
அந்த பார்சல்களை பிரித்து பார்த்தபோது அதனுள் தங்கப்பசை மறைத்து வைத்திருந்தது தெரியவந்தது. அதனை பறிமுதல் செய்த அதிகாரிகள், தங்கத்தை கடத்தி வந்த பயணியை கைது செய்து விசாரணை மேற்க்கொண்டு வருகின்றனர்.
