சென்னை | கொடுங்கையூர் பகுதியில் கஞ்சா விற்கப்படுவதாக கொடுங்கையூர் போலீசாருக்கு ரகசிய தகவல் கிடைத்தது. அதன் அடிப்படையில் நேற்று கொடுங்கையூர்  போலீசார் கொடுங்கையூர் முத்தமிழ் நகர் ஆறாவது பிளாக் 153வது தெருவில் திடீர் சோதனை செய்தனர்.

அப்போது சந்தேகத்திற்கு இடமான மூன்று நபர்களை பிடித்து விசாரணை செய்தபோது அவர்களிடம் சிறு சிறு பொட்டலங்களில் கஞ்சா இருப்பது கண்டுபிடிக்கப்பட்டது.

மேலும் படிக்க | போதை பொருளால் தனி மனிதன் மட்டுமல்லாமல், சமூகமும் பாதிக்கிறது - நீதிமன்றம் வேதனை!

இதனை அடுத்து அவர்களை காவல் நிலையம் அழைத்து வந்து விசாரணை செய்ததில் கொடுங்கையூர் முத்தமிழ் நகர் பகுதியை சேர்ந்த அப்துல் ரசாக் 23 வியாசர்பாடி பகுதியை சேர்ந்த ஆகாஷ் 21 எம் கே பி நகர் பகுதியை சேர்ந்த சத்ய நாராயணன் 23 என்பது தெரிய வந்தது.

இவர்கள் மூன்று பேரும்  குறுக்கு வழியில் பணம் சம்பாதிக்க வேண்டும் என்று  நினைத்து ஆந்திராவுக்கு சென்று ஐந்து கிலோ கஞ்சாவை வாங்கி வந்து அதனை சிறு சிறு பெட்டலங்களாக பிரித்து கஞ்சா விற்பனையில் ஈடுபட்டது தெரிய வந்தது. இதனை யடுத்து இவர்களிடம் இருந்து 5 கிலோ கஞ்சா பறிமுதல் செய்யப்பட்டது. 

கைது செய்யப்பட்ட மூன்று பேர் மீதும் வழக்கு பதிவு செய்த கொடுங்கையூர் போலீசார் அவர்களை நீதிமன்றத்தில் ஆஜர் படுத்தி சிறையில் அடைத்தனர்.

மேலும் படிக்க | போராட்டக்காரர்களுக்கும், காவல் துறைக்கும் இடையே தள்ளுமுள்ளு...

பிரபல நிறுவனம் காக்னிசன்ட் நிறுவனத்தை கட்டுவதற்காக சிஎம்டிஏ அதிகாரிகள் 12 கோடி ரூபாய் லஞ்சம் பெற்ற விவகாரம் தொடர்பாக லஞ்ச ஒழிப்புத்துறை வழக்கு பதிவு செய்துள்ளது 

கடந்த 2011 முதல் 2016 ஆம் ஆண்டு கால கட்டத்தில் காக்னிசன்ட் அடுக்குமாடி கட்டுவதற்கு திட்டம் அனுமதி பெறுவதற்காக சிஎம்டிஏ அதிகாரிகளுக்கு லஞ்சம் கொடுக்கப்பட்டிருக்கிறது.

காக்னிசன்ட் டெக்னாலஜி நிறுவனத்தின் துணைத் தலைவர் ஸ்ரீ மணிகண்டன், முன்னாள் தலைமை செயலாக்க அதிகாரி ஸ்ரீதர் திருவேங்கடம், காக்னிசன்ட் நிறுவனம், எல்என்டி முன்னாள் கட்டுமான பிரிவு தலைவர் ரமேஷ், மற்றும் முன்னாள் தொழில் பிரிவு தலைவர் கண்ணன் முன்னாள் செயல் துணைத் தலைவர் மற்றும் தற்போதைய மூத்த செயல் துணைத் தலைவருமான சதீஷ் உட்பட ஒன்பது பேர் மீது லஞ்ச ஒழிப்புத்துறை அதிகாரிகள் வழக்கு பதிவு செய்துள்ளனர்.

இதையும் படிக்க:   உடன்பிறப்புகளாய் இணைவோம்...... விதிமுறைகளை வெளியிட்ட திமுக பொது செயலாளர் துரைமுருகன்!!!

புதுச்சேரி | ரெயின்போ நகரை சேர்ந்தவர் அருண் (24), கட்ட வடிவமைப்பாளரான இவர் கடந்த 24 ஆம் தேதி மாலை 5 மணி அளவில் தனது விலை உயர்ந்த கே.டி.எம் இருசக்கர வாகனத்தை தனது வீட்டின் வாசலில் நிறுத்தி விட்டு உள்ளே சென்றுவிட்டு பின்னர் மீண்டும் இரவு 9 மணிக்கு வந்து பார்த்த போது அவருக்கு அதிர்ச்சி காத்திருந்தது. 

தனது இருசக்கர வாகனம் மாயமாகி இருப்பதை கண்டு அதிர்ச்சி அடைந்த அவர் இது தொடர்பாக பெரியகடை காவல் நிலையத்தில் அளித்த புகாரின் பேரில் போலீசார் வழக்கு பதிவு செய்து அப்பகுதியில் பொருத்தப்பட்டிருந்த சிசிடிவி கேமிரா காட்சிகளை ஆய்வு செய்தனர் 

அப்போது புதுச்சேரி காமராஜர் சாலையில் உள்ள மருந்து கடை ஊழியரின் ஸ்பெலண்டர் இருசக்கர வாகனத்தை கடந்த 18 ஆம் தேதி திருடி சென்ற அதே நபர் தான் அருண்னின் இருசக்கர வாகனத்தையும் திருடி சென்றது தெரியவந்ததை அடுத்து இரண்டு சிசிடிவி காட்சிகளில் பதிவான வாலிபரின் உருவத்தை கொண்டு போலீசார் அவரை தீவிரமாக தேடி வந்தனர். 

மேலும் படிக்க | “ஐயா... என் ரோட்-டை காணும்” - வடிவேலு பட பாணியில் காணாமல் போன சாலை... 

இந்த நிலையில் நேற்று விடியற் காலை 45 அடி சாலையில் பெரிய கடை போலீசார் ரோந்து சென்ற போது சந்தேகத்திற்கு இடமாக இருசக்கர வாகனத்தில் வந்த வாலிபரை பிடித்து விசாரித்ததில் தாங்கள் தேடி கொண்டிருக்கும் விலை உயர்ந்த இருசக்கர வாகன திருடன் என தெரியவந்ததை அடுத்து அவரை காவல் நிலையம் அழைத்து சென்று விசாரணை செய்தnar. 

aதில் அவர் ரோட்டியார்பேட் பகுதியை சேர்ந்த அப்துல் காதர் (20) என்பதும் இவர் வேலை இல்லாமல் நகர பகுதிகளில் பல்வேறு இடங்களில் சிறுசிறு திருட்டும், அதே போல் இருசக்கர வாகனம் திருட்டிலும் ஈடுப்பட்டது தெரியவந்ததை அடுத்து அவர் திருடிய ரூ.2.5 லட்சம் மதிப்பிளான மூன்று இருசக்கர வாகனங்களை பறிமுதல் செய்த போலீசார், அப்துல் காதரை நீதிமன்றத்தில் ஆஜர்ப்படுத்தி சிறையில் அடைத்தனர். 

மேலும் படிக்க | இந்தியாவிலிருந்து திருடப்பட்ட 16.80 கோடி பேரின் ரகசிய தகவல்கள்....!! 

கன்னியாகுமரி | முட்டம் பகுதியை சேர்ந்த 30 வயதுடைய இளம்பெண் ஒருவர் மாவட்ட போலீஸ் சூப்பிரண்டு அலுவலகத்தில் ஒரு புகார் மனு அளித்தார். 

அதில், தனக்கும் தோவாளை பகுதியைச் சேர்ந்த சதீஷ் பெருமாள் (வயது 34) என்பவருக்கும் 2013-ம் ஆண்டு திருமணம் நடந்ததாகத் தெரிவிக்கப்பட்டிருந்தது. மருந்து விற்பனை பிரதிநிதியாக வேலை பார்த்து வரும் சதீஷ் பெருமாள், தற்போது குடும்ப பிரச்சினை காரணமாக புகார்தாரருடன் பிரிந்து வாழ்வதாகக் கூறப்படுகிறது.

மேலும் படிக்க | பெற்ற தந்தையை கத்தியால் குத்தி கொலை செய்த மகன்...

இதனைத் தொடர்ந்து சதீஷ், தனது மனைவி, அதாவது புகார்தாரௌடன் நெருக்கமாக இருக்கும் போட்டோக்கள் மற்றும் ஆபாச வீடியோக்கள் எடுத்து வைத்து, இணையத்தில் வெளியிடுவதாக தன்னை மிரட்டி வருவதாக புகாரளித்துள்ளார். தன்னைக் காக்க, சதீஷ் மீது நடவடிக்கை எடுக்குமாறு புகார்தாரர் கேட்டுக் கொண்டுள்ளார்.

இதுதொடர்பாக விசாரணை நடத்த மாவட்ட போலீஸ் சூப்பிரண்டு ஹரிகிரண் பிரசாத் சைபர் கிரைம் போலீசுக்கு அறிவுறுத்தியதில், சதீஷ் பெருமாள் மீது போலீசார் வழக்குப்பதிவு செய்து அவரை நேற்று கைது செய்தனர்.  மேலும் அவரிடம் விசாரணை நடத்தி வருகின்றனர்.

மனைவியின் ஆபாச வீடியோவை வெளியிடுவேன் என மிரட்டியதாக மருந்து விற்பனை பிரதிநிதி கைது செய்யப்பட்ட சம்பவம் குமரியில் பரபரப்பை ஏற்படுத்தியது.

--- பூஜா ராமகிருஷ்ணன்

மேலும் படிக்க | தாயுடன் சேர்ந்து தந்தையை அடித்து கொன்ற மகன்...

விழுப்புரம் | ஈயக்குனம் கிராமத்தை சேர்ந்தவர் பாலகிருஷ்ணன். இவருடைய மூத்த மகன் சுப்ரமணி குடிபோதைக்கு அடிமையான நிலையில் தினந்தோறும் குடித்து விட்டு தந்தையுடன் தகராறு செய்து வந்ததாக கூறப்படுகிறது.

நேற்று இரவு முதல் குடிபோதையில் இருந்த வந்த சுப்ரமணி காலையில் மீண்டும் தந்தையுடன் தகராறில் ஈடுபட்டு வந்த நிலையில் ஆத்திரமடைந்த மகன் சுப்ரமணி வீட்டிலிருந்த கத்தியை கொண்டு தந்தையை தலை, மார்பு, வயிறு உள்ளிட்ட இடங்களில் பலமாக குடிவெறியில் குத்தியதால் தந்தை நிலை குலைந்து சம்பவ இடத்திலேயே உயிரிழந்தார்.

தகவலறிந்து வந்த வளத்தி காவல் நிலைய போலீசாரிடம் பொதுமக்கள் சுப்ரமணியை பிடித்துக் கொடுத்தனர். மேலும், இறந்தவரின் சடலத்தை மீட்டு பிரேத பரிசோதனைக்காக செஞ்சி அரசு மருத்துவமனைக்கு அனுப்பி வைத்துள்ளனர்.

குடிபோதையில் தந்தையை மகன் கத்தியால் குத்தி கொலை செய்துள்ள சம்பவம் சுற்றுவட்டார கிராம பகுதிகளில் பெரும் அதிர்ச்சியை ஏற்படுத்தியுள்ளது. 

மேலும் படிக்க | தாயுடன் சேர்ந்து தந்தையை அடித்து கொன்ற மகன்...