சென்னையில் அம்மா உணவகங்கள் எப்போதும் போல் செயல்படும் என்று மாநகராட்சி மேயர் பிரியா ராஜன் தெரிவித்துள்ளார்...

பல்வேறு குற்றச்சாட்டுகள்:

தமிழகத்தில் அதிமுக ஆட்சிக்காலத்தில் மலிவு விலையில் பொதுமக்களுக்கு உணவு வழங்கும் வகையில் அம்மா உணவகம் திட்டம் எல்லா மாவட்டங்களிலும் செயல்படுத்தப்பட்டது. இந்த திட்டமானது சென்னையை பொறுத்தமட்டில் வார்டு வாரியாக 400க்கும் அதிகமான அம்மா உணவகங்கள் உள்ளன. இந்நிலையில் கடந்த 2021 ஆம் ஆண்டு தமிழகத்தில் ஆட்சி மாற்றம் ஏற்பட்டு திமுக ஆளும் கட்சியாக மாறியது. இதையடுத்து, திமுக ஆட்சிக்கு வந்ததும் அதிமுக ஆட்சியில் உருவான அம்மா உணவக திட்டத்தை மூடும் நோக்கத்தில் செயல்பட்டு வருவதாக ஆளும் அரசு மீது பல்வேறு குற்றச்சாட்டுகள் எழுந்தது வருகிறது.

மாதாந்திர மாமன்ற கூட்டம்:

இந்நிலையில் சென்னை மாநகராட்சியின் மாதாந்திர மாமன்ற கூட்டம் மேயர் பிரியா ராஜன் தலைமையில் நடைபெற்று வருகிறது.  அதன்படி, இரண்டாவது நாளாக இன்று நடைபெற்ற கூட்டத்தில், வள்ளுவர் கோட்டம் மேம்பாலம் திட்டத்திற்காக நிலம் கையப்படுத்தும் பணி, பள்ளிகளை புதுப்பிக்கும் பணி, எரிவாயு தகன மேடை கட்டும் பணி உள்ளிட்டவை தொடர்பான பல்வேறு தீர்மானங்கள் நிறைவேற்றப்பட்டன. 

இதையும் படிக்க: ஆதார் இணைப்பு: லஞ்சம் வாங்கினால்...அதிகாரிகளை எச்சரித்த மின்வாரியம்...!

எப்போதும் போல் செயல்படும்:

பின்னர் மாமன்ற உறுப்பினர்களின் கேள்விகளுக்கு மேயர் பிரியா ராஜன் பதிலளித்தார். இதில், வருமானம் குறைவாக உள்ள அம்மா உணவகங்கள் மூடப்படுமா என்ற கேள்விக்கு பதிலளித்த மேயர் பிரியா, அம்மா உணவகங்கள் எப்போதும் போல் செயல்படும் என்று  கூறினார். ஏதேனும் குறிப்பிட்ட உணவகங்களில் உள்ள பிரச்சனைகள், வருமானம் குறைவு பற்றி ஆய்வு செய்யப்படும். இந்த ஆய்வை தொடர்ந்து பரிசீலனை செய்து அடுத்தக்கட்ட நடவடிக்கைகள் எடுக்கப்படும்'' என்றார். இதன்மூலம் சென்னையில் உள்ள அம்மா உணவகங்கள் மூடப்படாது என்பது உறுதியானது. 

மேலும், காலை சிற்றுண்டி குறித்த கேள்விக்கு பதிலளித்த மேயர் பிரியா, மாநகராட்சி நடுநிலைப் பள்ளிகளில் பயிலும் தொடக்க பள்ளி மாணவர்களுக்கும் படிப்படியாக காலை சிற்றுண்டி திட்டம் அமல்படுத்தப்படும் என தெரிவித்தார். 

மனித உரிமை மீறல் தொடர்பான வழக்கில் மாற்றுத் திறனாளி வழக்கறிஞருக்கு 5 லட்சம் ரூபாய் இழப்பீடு வழங்க உத்தரவிட்ட சென்னை உயர் நீதிமன்றம், மாற்றுத் திறனாளிகளை கையாள்வது குறித்து போலீசாருக்கு பயிற்சி வழங்க வேண்டும் என தமிழக டிஜிபி-க்கு உத்தரவிட்டுள்ளது

பொய் புகார்:

திருப்பூர் மாவட்டம், தாராபுரம் முத்துநகரைச் சேர்ந்த மாற்றுத் திறனாளி வழக்கறிஞர் முருகானந்தம் என்பவரை, அதே பகுதியைச் சேர்ந்த தண்டபாணி என்பவர் அளித்த பொய் புகாரில், தாராபுரம் காவல் நிலைய உதவி ஆய்வாளர் கார்த்திகேயன், கடந்த 2020ம் ஆண்டு பிப்ரவரி மாதம் கைது செய்துள்ளார். 

தான்  மாற்றுத் திறனாளி   எனக் கூறிய முருகானந்தத்தை தாக்கியதுடன் ஆபாசமாக திட்டியுள்ளார். பின்னர் கோவை சிறையில் அடைக்கப்பட்ட முருகானந்தம், 2020 மார்ச் 10ம் தேதி ஜாமீனில் விடுதலை செய்யப்பட்டார். 

மனித உரிமை மீறல்:

இதையடுத்து தனக்கு நேர்ந்த மனித உரிமை மீறல்கள் தொடர்பாக முருகானந்தம் தாக்கல் செய்த புகாரை விசாரித்த  தமிழ்நாடு மாநில மனித உரிமை ஆணையம்,  அவருக்கு ஒரு லட்சம் ரூபாயை இழப்பீடு வழங்கவும், உதவி ஆய்வாளருக்கு எதிராக ஒழுங்கு நடவடிக்கை எடுக்கவும்   உத்தரவிட்டது.

நிவாரணம்:

இந்த உத்தரவை எதிர்த்தும், தனக்கு 50 லட்சம் ரூபாய் இழப்பீடு வழங்கக் கோரியும், தமிழகம் முழுவதும் உள்ள சிறைகளில் மாற்றுத் திறனாளிகளுக்கு உரிய வசதிகளை செய்து கொடுக்கவும் தமிழக அரசுக்கு உத்தரவிடக் கோரியும் முதுகானந்தம் சென்னை உயர் நீதிமன்றத்தில் மனுத்தாக்கல் செய்திருந்தார்.

வழக்கு விசாரணை:

இந்த மனுவை விசாரித்த நீதிபதிகள் ஆர்.சுப்பிரமணியன் மற்றும் குமரேஷ்பாபு அமர்வு,  பாதிக்கப்பட்ட முருகானந்தத்துக்கு இழப்பீடாக 5 லட்சம் ரூபாய் வழங்க வேண்டும் என உத்தரவிட்டது. 

இத்தொகையில் 4 லட்சம் ரூபாயை மாநில அரசு வழங்க வேண்டும் என உத்தரவிட்ட நீதிபதிகள், மாற்றுத் திறனாளிகளை கையாள்வது தொடர்பாக கான்ஸ்டபிள் முதல் அனைத்து போலீஸ் அதிகாரிகளுக்கும் பயிற்சி வழங்க தமிழக டிஜிபி-க்கு உத்தரவிட்டனர்.

காவல் நிலையங்களுக்கு உத்தரவு:

மேலும், தமிழ்நாடு முழுவதும் காவல் நிலையங்களில் கண்காணிப்பு கேமராக்களை பராமரிப்பது தொடர்பாக மாவட்டந்தோறும் அதிகாரியை நியமிக்க வேண்டும் எனவும் டிஜிபி-க்கு உத்தரவிட்ட நீதிபதிகள், மனுதாரருக்கு வழக்குச் செலவாக 25 ஆயிரம் ரூபாயை வழங்கவும் உத்தரவிட்டுள்ளனர்.

-நப்பசலையார்

இதையும் படிக்க:   ராஜஸ்தானில் காஷ்மீரிகளின் கம்பளி கடைகளில் தீ விபத்து...விபத்திற்கான காரணம் என்ன?!!

மின் இணைப்புடன் ஆதார் எண்ணை இணைக்கும் பணியின் போது பொதுமக்களிடம் பணம் வாங்கினால் கடுமையான நடவடிக்கை எடுக்கப்படும் என அதிகாரிகளுக்கு மின்சார வாரியம் கடும் எச்சரிக்கை விடுத்துள்ளது.

ஆதார் எண்ணை இணைக்க வேண்டும்:

தமிழகத்தில் மின் இணைப்பு என்னுடன் ஆதார் எண்ணை இணைக்க வேண்டும் என்று தமிழக அரசு சார்பில் மின்சாரத்துறை அமைச்சர் செந்தில் பாலாஜி வலியுறுத்தியிருந்தார். தற்போது அதற்கான பணிகள் வேகமாக நடைபெற்று வருகிறது.

இதனிடையே, பொதுமக்கள் எளிதில் இந்த பணிகளை மேற்கொள்ள மின்சார வாரியம் தமிழக முழுவதிலும் உள்ள 2811 பிரிவு அலுவலகங்களிலும் சிறப்பு முகாம்களை அறிவித்தது. அதன்படி, நேற்று முதல் இந்த சிறப்பு முகாம்களில் ஆதார் எண்களை இணைக்கக்கூடிய பணிகளை பொதுமக்கள் மேற்கொண்டு வருகின்றனர்.

இதையும் படிக்க: டீ விற்றவன் கையில் நாடு..! அனல் பறக்கும் இறுதிகட்ட குஜராத் தேர்தல் பிரச்சாரம்..  !

ஒரே நாளில் இவ்வளவு இணைப்புகளா?:

இந்த சிறப்பு முகாம் அறிவிக்கப்பட்ட நேற்று ஒரே நாளில் மட்டும் 5 லட்சம் மின் இணைப்புகள் ஆதார் எண்ணுடன் இணைக்கப்பட்டிருப்பதாக மின்சார வாரியம் தகவல் தெரிவித்துள்ளது. அதேபோன்று, மின்வாரிய இணையதளத்தை பயன்படுத்தி இதுவரை 15 லட்சத்து 90 ஆயிரம் இணைப்புகளும், மின் கட்டண வசூல் மையங்கள் மூலம் மூன்று லட்சத்து 32 ஆயிரம் இணைப்புகளும் இணைக்கப்பட்டிருப்பதாக மின்சார வாரியம் தெரிவித்துள்ளது. இதன் மூலம், இதுவரை 19 லட்சத்து 23 ஆயிரத்து 688 மின் இணைப்புகள் ஆதார் எண்ணுடன் இணைக்கப்பட்டிருப்பதாக மின்சார வாரியம் தகவல் தெரிவித்துள்ளது.

அதிகாரிகளுக்கு மின்வாரியம் சுற்றறிக்கை:

இந்நிலையில் மின் இணைப்புடன் ஆதார் எண்ணை இணைப்பதற்காக மின்சார வாரியம் சார்பில் ஏற்படுத்தப்பட்டுள்ள சிறப்பு முகாம்களை அமைச்சர் செந்தில்பாலாஜி ஆய்வு செய்தார். அதற்கு பிறகு, அமைச்சர் செந்தில்பாலாஜியின் உத்தரவுப்படி அதிகாரிகளுக்கு மின்வாரியம் சுற்றறிக்கை ஒன்றை அனுப்பியது. அந்த சுற்றறிக்கையில், சிறப்பு முகாம்களுக்கு வரும் முதியவர்கள் மற்றும் மாற்றுத்திறனாளிகளுக்கு முன்னுரிமை அளிக்க வேண்டும் எனவும், ஆதார் எண் இணைப்பு பணி நடைபெறும் போது கணினியில் தொழில்நுட்ப கோளாறு ஏற்பட்டால் மாற்று ஏற்பாடாக கணினிகள் தயாராக வைத்திருக்க வேண்டும் எனவும், காலை 10.30 மணி முதல் மாலை 5.15 வரை நடைபெறும் முகாம்களுக்காக மின்வாரிய அதிகாரிகள் உணவு இடைவேளை, தேநீர் இடைவேளியின்றி பணியாற்ற உத்தரவிட்டுள்ளது.

எச்சரிக்கை:

மேலும், மின் இணைப்புடன் ஆதார் எண்ணை இணைக்கும் அவசியம் குறித்த விவரங்கள் பிளக்ஸ் போர்டுகள் மூலமாக மக்களுக்கு தெரியப்படுத்த வேண்டும் எனவும், இணைப்பு பணியை மேற்கொள்வதற்காக நுகர்வோர்களிடம் பணம் பெற்றதாக புகார் வந்தால் அதிகாரிகள் மீது கடுமையான நடவடிக்கை எடுக்கப்படும் எனவும் அனைத்து மண்டல பொறியாளர்களுக்கு மின்சார வாரியம் எச்சரிக்கை விடுத்துள்ளது.

ஆளுநர் ஆர்.என் ரவியை பதவி நீக்கக் கோரி சென்னை உயர் நீதிமன்றத்தில் வழக்கு தொடரப்பட்டுள்ளது.

ஆளுநர் - திமுக:

தமிழ்நாட்டில் ஆளுநர் ஆர். என் ரவிக்கும், ஆளும் திமுக தரப்பிற்கும் இடையில் கடுமையான மோதல் நிலவி வருகிறது. ஆளுநர் தொடர்ந்து இந்துத்துவா குறித்தும், சானதானம் குறித்தும் பேசுவதை ஆளும் திமுக தரப்பு கடுமையாக விமர்சனம் செய்து வருகிறது. மேலும் திமுக சட்டமன்றத்தில் நிறைவேற்றிய 7 தமிழ்ர்கள் விடுதலை, நீட் தேர்வு ரத்து, ஆன்லைன் சூதாட்ட தடை மசோதா போன்றவற்றை கிடப்பில் வைத்திருப்பதிலும் அதிருப்தி நிலவி வருகிறது.

ஆளுநர் நீக்கக் கோரி கடிதம்:

ஆளுநர் ரவியை திரும்ப பெற வேண்டும் என்றும் அவரை பதவியில் இருந்து நீக்க வேண்டும் என்றும் திமுக மற்றும் கூட்டணி கட்சிகள் சார்பாக கடிதம் எழுதப்பட்டு குடியரசுத் தலைவருக்கு கோரிக்கை மனுவும் வைக்கப்பட்டு உள்ளது.

இதையும் படிக்க:  உன் குடும்பம் கடலூர்ல தானே இருக்கு..! இராணுவ வீரருக்கு மிரட்டல் விடுத்த விசிக பிரமுகர்..!

உயர் நீதிமன்றத்தில் வழக்கு:

இந்த நிலையில் ஆளுநரை பதவி நீக்க வேண்டும் என சென்னை உயர் நீதிமன்றத்தில் வழக்கு தொடரப்பட்டுள்ளது. காஞ்சிபுரம் மாவட்டம் தஞ்சை பெரியார் திராவிட கழகச் செயலாளர் கண்ணதாசன் என்பவர் வழக்கு தொடர்ந்துள்ளார். அந்த மனுவில், பொது நிகழ்ச்சிகளில் பங்கேற்று சனாதன தர்மம் பற்றியும், திராவிட இயக்கக் கொள்கைகளுக்கு எதிராகவும் பேசி வருகிறார். தமிழ்நாடு அரசு அனுப்பியுள்ள கோப்புகளுக்கு உரிய கையெழுத்து போடாமல் கால தாழ்த்துகிறார்;  ஆரோவில் பவுண்டேஷன் சட்டத்தின் கீழ் தலைவர் பதவி என்பது சம்பளம் மற்றும் ஓய்வூதியம் பெறக்கூடியது எனக் கூறிப்பிட்டு தமிழ்நாடு ஆளுநரை பதவி நீக்க வேண்டும் எனக் கேட்டுக்கொள்ளப்பட்டுள்ளது.

வருமானவரி துறையினர் மேற்கொண்ட நடவடிக்கையை எதிர்த்து, முன்னாள் அமைச்சர் விஜயபாஸ்கர் தாக்கல் செய்த மனுவிற்கு பதில் அளிக்குமாறு உத்தரவிட்ட நீதிமன்றம் விசாரணையை தள்ளி வைத்துள்ளது.

வருமான வரித்துறை அதிகாரிகள் சோதனை:

கடந்த 2017 ஆம் ஆண்டு ஆர் கே நகர் தொகுதி இடைத்தேர்தலின் போது,  வாக்காளர்களுக்கு லஞ்சம் கொடுக்கப்பட்டதாக வந்த புகாரை தொடர்ந்து, வருமான வரித்துறை அதிகாரிகள் முன்னாள் அமைச்சர் விஜயபாஸ்கருக்கு சொந்தமான இடங்களில் சோதனை நடத்தினார்கள்.

வங்கி கணக்குகளை முடக்கிய அதிகாரிகள்:

இந்த சோதனையின்போது, பறிமுதல் செய்யப்பட்ட ஆவணங்களின் அடிப்படையில், 2011-12 ம் ஆண்டு முதல் 2018-19ம் ஆண்டு வரைக்குமான காலத்துக்கு 206 கோடியே 42 லட்சம் ரூபாய் வருமான வரி பாக்கியை வசூலிக்கும் வகையில், புதுக்கோட்டையில் உள்ள அவரது நிலங்களை முடக்கியும், மூன்று வங்கிக் கணக்குகளை முடக்கியும் வருமான வரித்துறை நடவடிக்கை மேற்கொண்டது.

இதையும் படிக்க: திட்டங்களின் நிலை குறித்து இறையன்பு ஆலோசனை...!

மனு தாக்கல்:

இதையடுத்து வருமானவரி துறை மேற்கொண்ட நடவடிக்கையை எதிர்த்து முன்னாள் அமைச்சர் விஜயபாஸ்கர் சென்னை உயர்நீதிமன்றத்தில் மனு தாக்கல் செய்தார். அந்த மனுவில், வருமானவரி துறையினர் முடக்கிய வங்கி கணக்குகளில் தான் எம்எல்ஏவுக்கான சம்பளத்தையும், அரசு நிதிகளை பெறுவதாகவும், அந்த கணக்குகள் முடக்கி வைக்கப்பட்டுள்ளதால், தன்னால் தொகுதிக்கு செய்ய வேண்டிய செலவுகளை செய்ய முடியவில்லை; எனவே, தனது வங்கி கணக்குகளை விடுவிக்கக் கோரி அந்த மனுவில் குறிப்பிட்டிருக்கிறார்.

விசாரணை தள்ளி வைப்பு:

இந்நிலையில் இந்த மனுவை விசாரித்த நீதிபதி அனிதா சுமந்த், விஜயபாஸ்கர் தாக்கல் செய்த மனுவுக்கு நாளை மறுநாளைக்குள் பதில் அளிக்கும்படி வருமான வரித்துறைக்கு உத்தரவிட்டு விசாரணையை தள்ளி வைத்துள்ளார்.