சத்தீஸ்கரில் படித்த இளைஞர்களுக்கு நாளை முதல் மாதந்தோறும் 2 ஆயிரத்து 500 ரூபாய் உதவித்தொகை வழங்கப்படுமென்று அம்மாநில முதலமைச்சர் பூபேஷ் பாகேல் தெரிவித்துள்ளார். 

நாடு முழுவதும் வேலையில்லா திண்டாட்டம் என்பது நாளுக்கு நாள் அதிகரித்து வருகிறது.  இதன் காரணமாக இளைஞர்கள் கடும் மன உளைச்சலுக்கு ஆளாகி வருகின்றனர்.  இதனால் பல மாநிலங்களிலும் வேலையில்லாமல் திண்டாடி வரும் இளைஞர்களுக்காக பல புதிய திட்டங்கள் முன்னெடுக்கப்பட்டு செயல்படுத்தப்பட்டு வருகின்றன.

இந்த நிலையில், சத்தீஸ்கரில் நாளைத்தொட்டு படித்த இளைஞர்களுக்கு வேலையின்மை உதவித்தொகையாக  2 ஆயிரத்து 500 ரூபாய் வழங்கப்படும் என்று அம்மாநிலத்தின் முதலமைச்சர் பூபேஷ் பாகேல் அவரது ட்விட்டர் பக்கத்தில் பதிவிட்டுள்ளார்.

இதையும் படிக்க:   பொருளாதாரத்தில் சிறந்து விளங்கும் ராஜஸ்தான்....!!

அரசு இவ்வளவு திட்டங்களை ஏன் செயல்படுத்துகின்றன என்று சிலர் விமர்சிப்பதாக 
ராஜஸ்தான் முதலமைச்சர் அசோக் கெலாட் தெரிவித்துள்ளார். 

ராஜஸ்தானில் நடந்த நிகழ்ச்சி ஒன்றில் கலந்து கொண்டு பேசினார் அம்மாநிலத்தின் முதலமைச்சர் அசோக் கெலாட்.  அப்போது பேசியி அவர், கல்வி, மருத்துவம், காப்பீடு, குடிநீர், மின்சாரம், ரேசன் உள்ளிட்ட பலவற்றில் இலவச சேவைகள் வழங்கப்பட்டு வருவதாக கூறினார்.  

அரசு இவ்வளவு திட்டங்களை ஏன் செயல்படுத்துகின்றன என்று சிலர் விமர்சிப்பதாகவும் இவ்வளவு திட்டங்கள் இருந்தும் பொருளாதாரத்தில் ராஜஸ்தான் 2வது இடத்தில் இருப்பது எப்படி என்று மக்கள் ஆச்சரியப்படுவதாகவும் குறிப்பிட்டு பேசினார் முதலமைச்சர் அசோக் கெலாட்.

இதையும் படிக்க:   ”இந்தியாவின் உண்மையான அளவு மிகப் பெரியது.....” சட்ட அமைச்சர்!!

இந்தியாவின் உண்மையான அளவு மிகப் பெரியது என்பது யாருக்கும் தெரியாது என்று மத்திய சட்டத்துறை அமைச்சர் கிரண் ரிஜிஜு தெரிவித்துள்ளார். 

இந்தியாவைக் குறித்த நிகழ்ச்சி ஒன்றில் கலந்து கொண்டு பேசினார் இந்தியாவின் சட்டத்துறை அமைச்சர் கிரண் ரிஜ்ஜு.  நிகழ்ச்சியில் கலந்து கொண்டு பேசியபோது இந்தியாவின் அளவு மிகப்பெரியது எனத் தெரிவித்தார்.  அதாவது கந்தஹார், தக்ஷஷிலா, இந்தோனேசியா மற்றும் இமயமலைக்கு அப்பால் இந்தியா செல்வாக்கு பெற்றிருந்ததாக கூறினார். 

தொடர்ந்து பேசிய அவர் இந்தியா தற்போதைய நிலைக்கு தள்ளப்பட்டதற்கும் நாம் தற்போதைய நிலைக்கு தள்ளப்பட்டதற்கும் பல காரணங்கள் இருப்பதாகவும் குறிப்பிட்டு பேசினார்.  அமைச்சர் கிரண் ரிஜ்ஜு இவ்வாறு பேசியது காங்கிரஸ்ஸை குறித்தே என அரசியல் வட்டாரத்தில் பேசப்பட்டு வருகிறது. 

இதையும் படிக்க:   பக்தர்களுக்கு அருள்பாலித்த பஞ்சமூர்த்திகள்...!!

தமிழ்நாட்டை சேர்ந்த நீதிபதி டி.எஸ்.சிவஞானத்தை கொல்கத்தா உயர்நீதிமன்ற பொறுப்பு தலைமை நீதிபதியாக நியமித்து குடியரசு தலைவர்  திரவுபதி முர்மு உத்தரவிட்டுள்ளார். 

இந்நிலையில், கொல்கத்தா உயர்நீதிமன்ற தலைமை நீதிபதியாக உள்ள பிரகாஷ் ஸ்ரீவத்சவா நேற்றுடன் ஓய்வு பெற்றார்.  இதையடுத்து மூத்த நீதிபதியாக உள்ள சிவஞானத்தை அடுத்த தலைமை நீதிபதியாக நியமிக்க உச்சநீதிமன்ற கொலிஜியம் பரிந்துரைத்தது.  இதை ஏற்று கொல்கத்தா உயர்நீதிமன்ற பொறுப்பு தலைமை நீதிபதியாக சிவஞானத்தை குடியரசு தலைவர் நியமித்தார். 

இதையும் படிக்க:  தள்ளி வைக்கப்பட்ட ஓபிஎஸ் வழக்கு இன்று விசாரணை...!!

தலைநகர் டெல்லியில் நடந்த ராமநவமி விழாவில் கலந்து கொண்ட மத்திய பாதுகாப்புத் துறை மந்திரி ராஜ்நாத்சிங் பேசுகையில் கடவுள் ராமர் தான் நம் இந்திய நாட்டின் அடையாளம் எனத் தெரிவித்தார்.

விழாவில் பங்கேற்ற மக்கள் பலர் ராமர் கோவில் கட்டுவது பற்றிய  சந்தேகங்களைக்   கேள்விகளாக   எழுப்பினர். அப்போது சிலர் மருத்துவமனை கட்டலாம் , பள்ளிக்கூடம் அமைக்கலாம் மேலும் சிலர் புதிதாகத் தொழிற்சாலை அமைக்கலாம் தன் சிந்தனையில் தோன்றும் அனைத்து விதமான கேள்விகளையும் கொட்டி தீர்த்தனர். 

இதற்கெல்லாம் பதிலளித்த ராஜ்நாத் சிங் கடவுள் என்பவர் கல் , மரம் , இல்லையென்றால் மண்ணிலே செய்யப்பட்ட பொம்மையோ அல்ல அவர் நமது நாட்டின் நம்பிக்கையாகவும் , கலாச்சாரம் முக்கிய மையாகவும் திகழ்பவர். 

இதனை அடுத்துப் பேசிய மத்திய மந்திரி  ராஜ்நாத்சிங் நாங்கள் மருத்துவமனை , பள்ளிக்கூடம் மற்றும் ஆலைகள் கட்டும் அதே நேரத்தில் கோவில்களையும் கட்டுவோம் எனத் தெரிவித்தார். 

-முருகானந்தம்

இதையும் படிக்க :தனது உரையின்போது எந்த இடத்திலும் "அதிமுக" என்ற வார்த்தையை உச்சரிக்காத ஓபிஎஸ்...!