ரயில்களை இயக்கம் பொழுது லோகோ பைலட்டுகள் செல்போன் மற்றும் ஸ்மார்ட் வாட்ச் பயன்படுத்த தடை விதிக்கப்பட்டுள்ளது

சில தினங்களுக்கு முன்பு நிகழ்ந்த ஒடிசா ரயில் விபத்து நாட்டில் அதிர்ச்சியை ஏற்படுத்திய நிலையில், ரயில் போக்குவரத்தில் பாதுகாப்பை அதிகரித்து, உறுதிப்படுத்த ரயில்வே நிர்வாகம் பல்வேறு முன்னெச்சரிக்கை நடவடிக்கைகள் மேற்கொள்ளப்பட்டு வருகின்றது.

இந்த வகையில், முதற்கட்டமாக ரயில்களை இயக்கம் லோகோ பைலட்டுகள் செல்போன் மற்றும் ஸ்மார்ட் வாட்சுகளை பயன்படுத்த தடை விதிக்கப்பட்டுள்ளது. முன்பே, செல்போன் பயன்படுத்த தடை விதிக்கப்பட்டிருந்தாலும், தற்போது, அவற்றை அணைத்து அருகில் வைத்திருக்கவும் தடை விதிக்கப்பட்டுள்ளது.  இது குறித்து அவ்வப்போது, சோதனைகள் நடத்தப்படும் எனவும் தெரிவிக்கப்பட்டுள்ளது.

மேலும், ரயில்களின் இயக்கும் போது அவர்களின் கவணம் மற்றும் இயக்கம் திறன் கண்காணிக்கப்படும் எனவும் ரயில்வே நிர்வாகம் தெரிவித்துள்ளது. 

மத்தியப்பிரதேசத்தில் 300 அடி ஆழ்துளை கிணற்றில் விழுந்து உயிரிழந்த சிறுமிக்கு அம்மாநில முதலமைச்சர் சிவராஜ் சிங் சவுகான் இரங்கல் தெரிவித்துள்ளார். 

மத்தியப்பிரதேச மாநிலம் செஹோர் மாவட்டத்தில் உள்ள முங்காவல்லி கிராமத்தில் உள்ள பண்ணை நிலத்தில் கடந்த ஜூன் 6-ம் தேதி  சிருஷ்டி குஷ்வாஹா என்ற இரண்டரை வயது குழந்தை விளையாடிக் கொண்டிருக்கும்போது, எதிர்பாராத விதமாக 300 அடி ஆழ்துளைக் கிணற்றில் தவறி விழுந்தது. அதைத் தொடர்ந்து ராணுவத்தினர், தேசிய மீட்புப் படையினர் சம்பவ இடத்திற்கு விரைந்து வந்து மீட்புப் பணிகளை துரிதப்படுத்தினர். 

தொடர்ந்து ஆழ்துளைக் கிணற்றில் சிக்கிய குழந்தையை மீட்கும் பணி 3-வது நாளாக நடைபெற்று வந்த நிலையில், குஜராத்திலிருந்து ரோபோடிக் நிபுணர் குழுவினரும் வரவழைக்கப்பட்டு  மீட்புப் பணி தீவிரப்படுத்தபட்டது. இதனையடுத்து, குழந்தை ஆழ்துளைக் கிணற்றில் இருந்து பத்திரமாக மீட்கப்பட்டது.

இதையும் படிக்க : ”இந்திய நிறுவனங்களுக்கு செர்பியா ஒரு சிறந்த நுழைவாயிலாக மாறும்” திரவுபதி முர்மு!

மீட்கப்பட்ட குழந்தை மயக்க நிலையில் இருப்பதாகவும், குழந்தையின் இதயத்துடிப்பு, மூளை ஆகியவை சரியாக செயல்படுகிறதா என்பதை மருத்துவர்கள் கூர்ந்து கவனித்து வருவதாகவும் தெரிவிக்கப்பட்ட நிலையில் செய்தியாளர்களிடம் பேசிய மாவட்ட ஆட்சியர், எவ்வளவு முயற்சி செய்தும் குழந்தையின் உயிரை காப்பாற்ற முடியவில்லை என்றும், மருத்துவர்கள் பரிசோதனையில் மூச்சுத்திணறல் காரணமாக குழந்தை இறந்ததாகவும், அழுகிய நிலையில் மீட்கப்பட்டுள்ளதாகவும் தெரிவித்தார். 

இச்சம்பவம் குறித்து  செய்தியாளா்களிடம் பேசிய  மாவட்ட காவல் கண்காணிப்பாளா் மாயக் அவஸ்தி, குழந்தை உயிரிழந்தது தொடர்பாக, விவசாய நிலத்தின் உரிமையாளர் மற்றும் ஆழ்துளை கிணற்றிற்கு காரணமான நபர் மீது வழக்கு பதிவு செய்யப்பட்டு விசாரணை நடத்தப்படும் என கூறினார். 

இதனிடையே செய்தியாளர்களுக்கு பேட்டியளித்த அம்மாநில முதலமைச்சர் சிவராஜ் சிங் சவுகான், உயிரிழந்த குழந்தைக்கு ஆழ்ந்த இரங்கல் தெரிவித்தார். மேலும் இது தொடர்பாக வழக்குப்பதிவு செய்யப்பட்டு விசாரணை நடைபெற்று வருவதாகவும் கூறினார். 

மேகதாதுவில் அணை கட்டும் திட்டத்தை முற்றிலும் கைவிட வலியுறுத்தி கர்நாடக காங்கிரஸ் அரசுக்கு சிபிஐ (எம்) தீர்மானம்:  

இந்திய கம்யூனிஸ்ட் கட்சி (மார்க்சிஸ்ட்)-யின் தமிழ்நாடு மாநில செயற்குழு கூட்டம் 2023 ஜூன் 6, 7 ஆகிய தேதிகளில் சென்னையில் மத்தியக்குழு உறுப்பினர் பி.சண்முகம் தலைமையில் நடைபெற்றது.

இக்கூட்டத்தில் அரசியல் தலைமைக்குழு உறுப்பினர்கள் பிரகாஷ் காரத், ஜி.ராமகிருஷ்ணன், மாநில செயலாளர் கே.பாலகிருஷ்ணன், மத்தியக்குழு உறுப்பினர்கள் பி. சம்பத், உ. வாசுகி, மற்றும் மாநில செயற்குழு உறுப்பினர்கள் கலந்து கொண்டனர். 

இக்கூட்டத்தில் மேகதாதுவில் அணை கட்டும் திட்டத்தை முற்றிலும் கைவிட வலியுறுத்தி கர்நாடக காங்கிரஸ் அரசுக்கு சிபிஐ (எம்) தீர்மானம் ஒன்றை வெளியிட்டது. 

அதன் விவரங்கள் பின்வருமாறு:-  

' கர்நாடக மாநிலத்தில் ஆட்சி மாற்றம் ஏற்பட்டுள்ளது வரவேற்கத்தக்கது. இதனைத் தொடர்ந்து பாஜக அல்லாத அனைத்து மதச்சார்பற்ற கட்சிகளையும் ஒருங்கிணைத்து செயல்பட வேண்டிய அரசியல் தேவை நாட்டின் மீது அக்கறையுள்ளவர்களின் முன்னால் உள்ளது. ஆனால், இது குறித்தெல்லாம் கவலைப்படாமல் கர்நாடக மாநில துணை முதலமைச்சர் திரு டி.கே.  சிவக்குமார் அவர்கள் தானடித்த மூப்பாக காவிரியின் குறுக்கே மேகேதாட்டுவில் அணை கட்டப்படும் என்று அறிவித்திருப்பது வன்மையான கண்டனத்திற்குரியது.

                இது தொடர்பாக தமிழ்நாடு அரசு தொடர்ந்த வழக்கு உச்சநீதிமன்றத்தில் நிலுவையில் உள்ளதை அமைச்சர் அறியாமல் இருக்க வாய்ப்பில்லை. மற்றொன்று, தமிழ்நாடு அரசின் அனுமதி இல்லாமல் இப்படிப்பட்ட கட்டுமானப் பணிகளை காவிரியில் மேற்கொள்ள முடியாது என்று காவிரி நடுவர் மன்ற தீர்ப்பில் குறிப்பிடப்பட்டுள்ளது. காவிரி நடுவர் மன்ற விவாதத்தின் போதோ, உச்சநீதிமன்ற இறுதி தீர்ப்பு விசாரணையின் போதோ கர்நாடக அரசு மேகதாது அணை பிரச்சனையை எழுப்பவில்லை. இறுதித் தீர்ப்பில் பெங்களூர் நகர குடிநீர் தேவையும் கணக்கில் கொண்டே காவிரி நீர் மாநிலங்களுக்கு பகிர்ந்தளிக்கப்பட்டுள்ளது. இவையெல்லாம் புறக்கணித்துவிட்டு கர்நாடகத்தில் ஏற்கனவே இருந்த பாஜக அரசு மேகதாது அணைப் பிரச்சனையை புதிதாக எழுப்பி தமிழ்நாட்டிற்கு விரோதமான நிலையினை மேற்கொண்டது. இதேபோக்கில் புதிதாக பதவியேற்றுள்ள கர்நாடக காங்கிரஸ் அரசும் மேகதாது அணை பிரச்சனையை கிளப்புவது நியாயமற்றது, நேர்மையற்றது, உச்சநீதிமன்றம் மற்றும் காவரி நடுவர் மன்ற இறுதித் தீர்ப்புகளுக்கு விரோதமானது.

                எனவே, கர்நாடக மாநில காங்கிரஸ் அரசு, மேகேதாட்டுவில் அணை கட்டுவது உள்ளிட்ட தமிழ்நாட்டிற்கு விரோதமான நடவடிக்கைகளை முற்றிலும் கைவிட வேண்டுமென்று இந்திய கம்யூனிஸ்ட் கட்சி (மார்க்சிஸ்ட்) தமிழ்நாடு மாநில செயற்குழு வலியுறுத்துகிறது'. 

இதையும் படிக்க    |  " நெல் கொள்முதல் விலையை உயர்த்த வேண்டும் " - மருத்துவர் ராமதாஸ்.

நாடாளுமன்றத் தேர்தலுக்கு தயாராகும் தேர்தல் ஆணையம் - அடுத்த மாதம் வாக்குப்பதிவு இயந்திரங்களின் முதல் நிலை சோதனை நடைபெற உள்ளதாக
தமிழக தலைமை தேர்தல் அதிகாரி சத்ய பிரதா சாகு தகவல் தெரிவித்துள்ளார்.

இதுகுறித்து அவர் கூறியதாவது;  

" தமிழகத்தில் சட்டப் பேரவைத் தேர்தல் கடந்த 2021ம் ஆண்டு நடத்தப்பட்டது. இதன்பிறகு, அண்டை மாநிலங்கள் உட்பட பல்வேறு மாநிலங்களில் பேரவைத் தேர்தல்கள் நடத்தப்பட்டன. இந்தத் தேர்தலுக்கு நம்முடைய மாநிலத்தின் சில மாவட்டங்களில் இருந்து மின்னணு வாக்குப் பதிவு இயந்திரங்கள் போன்றவை அனுப்பப்பட்டு இருந்தன. இந்த நிலையில், இப்போது மக்களவைத் தேர்தலுக்கு நமது மாநிலமும் தயாராக வேண்டிருக்கிறது", என்றும், 

மேலும், இதன் அடிப்படையில், ஒவ்வொரு மாவட்டத்துக்கும் தேவையான மின்னணு வாக்குப் பதிவு இயந்திரங்கள், யாருக்கு வாக்களித்தோம் என்பதை உறுதி செய்வதற்கான விவிபேட் இயந்திரங்கள் ஆகியவற்றை மதிப்பிடும் பணி நடந்து வருவதாகவும் தெரிவித்தார்.

ஒவ்வொரு மாவட்டத்துக்கும் தேவைக்கும் அதிகமாக 35 சதவீதம் அளவுக்கு இயந்திரங்கள் அளிக்கப்பட உள்ளன. உதாரணத்துக்கு, ஒரு மாவட்டத்துக்கு 200 வாக்குப் பதிவு இயந்திரங்கள் தேவைப்படும்பட்சத்தில், 270 இயந்திரங்கள் தயார் நிலையில் வைக்கப்படும் என்றும் தெரிவித்தார். 

இயந்திரங்களின் தேவை, தேர்தலுக்குத் தயாராகுதல் போன்ற பணிகளை மண்டல வாரியாக ஆய்வு செய்து வருவதாகவும், அண்மையில், கள்ளக்குறிச்சி, திருவண்ணாமலை, கோவை, நீலகிரி உள்ளிட்ட மாவட்டங்களுக்குச் சென்று அங்குள்ள ஆட்சியர், காவல் கண்காணிப்பாளர், தேர்தல் நடத்தும் அதிகாரிகளுடன் ஆலோசனை நடத்தியுள்ளதாகவும் தெரிவித்தார். 

இதையும்  படிக்க     | ஒடிசா ரயில் விபத்து: சிபிஐ அதிகாரிகள் விசாரணை...!

அதோடு, மாவட்டங்களுக்குத் தேவைப்படும் மின்னணு வாக்குப் பதிவு இயந்திரங்கள், விவி-பேட் இயந்திரங்கள் ஆகியன மதிப்பீடு செய்யப்பட்டு தேர்தல் துறைக்குச் சொந்தமான கிடங்குகளில் வைக்கப்படும். வரும் ஜூலை மற்றும் ஆகஸ்ட் மாதங்களில் இயந்திரங்களில் முதல் நிலை சோதனை நடத்தப்பட்டு, மாவட்டங்களில் உள்ள அங்கீகரிக்கப்பட்ட அரசியல் கட்சிகளின் பிரமுகர்கள் முன்னிலையில் வாக்குப் பதிவு இயந்திரங்களின் தன்மை குறித்து சோதனை நடத்திக் காண்பிக்கப்படும் என்றும் கூறினார். 

மேலும், தமிழகத்தில் 32 மாவட்டங்களில் தேர்தல் துறைக்கென சொந்தமாக கிடங்குகள் உள்ளதாகவும், புதிதாக உருவாக்கப்பட்ட மாவட்டங்களில் கிடங்குகள் இன்னும் கட்டப்படவில்லை என்றும், இதற்கான பணிகள் நடந்து வருவதாகவும் தெரிவித்தார்,

அதனைத்தொடர்ந்து ,  புதிய மாவட்டங்களில் அரசுக்குச் சொந்தமான கட்டடங்கள் வாடகையின் அடிப்படையில் பெறப்பட்டு அங்கு மின்னணு வாக்குப் பதிவு இயந்திரங்கள் உட்பட தேர்தலுக்கான தளவாடச் சாமான்கள் வைக்கப்படும் என்றும்  தலைமைத் தேர்தல் அதிகாரி சத்யபிரத சாகு தெரிவித்தார்.

இதையும்  படிக்க     | 

ஒடிசா ரயில் விபத்தின் போது பணியில் இருந்த ரயில்வே ஊழியர்களின் செல்போன்களை சிபிஐ கைப்பற்றியுள்ளது. ஒடிசா மாநிலம் பாலசோர் அருகேயுள்ள பாகாநாகா பகுதியில் கடந்த 2 ஆம் தேதி மூன்று ரயில்கள் மோதிக் கொண்டது. 

இந்த விபத்தில் சுமார் 275 பேர் உயிரிழந்தனர். இந்நிலையில் இந்த விபத்துக்கான காரணம் மின்னணு தடம் மாற்றும் கருவியில் ஏற்பட்ட தொழில்நுட்ப கோளாறு தான் என கண்டறியப்பட்ததாக அதிகாரிகள் விளக்கம் அளித்தனர். 

இவ்வாறிருக்க, தற்போது, இந்த விபத்து குறித்து சிபிஐ வழக்கு பதிவு செய்து விசாரித்து வருகிறது. இந்த நிலையில், பாகாநாகா ரயில் நிலையத்திற்கு சென்று சிபிஐ அதிகாரிகள்  விசாரணை மேற்கொண்டனர். 

இதனைத் தொடர்ந்து விபத்து நிகழ்ந்த போது பணியில் இருந்த ரயில் ஊழியர்கள் சிலரின் செல்போன்களை கைப்பற்றி தகவல்கள்  சேகரித்து வருகின்றனர். . ரயில்வே ஊழியர்கள் மீதான சிபிஐ  விசாரணை மேலும் விரிவடையும்  என்று கூறப்படுகிறது.

இதையும் படிக்க    | முதலீட்டை ஈர்ப்பதில் தமிழ்நாடு முன்னிலை...முதலமைச்சர் பெருமிதம்!