கள்ளக்குறிச்சி | உளுந்தூர்பேட்டை நகராட்சியில் பணியாற்றக் கூடிய தற்காலிக துப்புரவு பணியாளர்கள் ஊரக வளர்ச்சி உள்ளாட்சித்துறை ஊழியர் சங்கம் சார்பாக பல்வேறு கோரிக்கைகளை வலியுறுத்தி இன்று ஒருநாள் வேலை நிறுத்தம் போராட்டம் ஊரக வளர்ச்சி உள்ளாட்சித்துறை ஊழியர் சங்கத்தின் தலைவர் ஜெயராமன்,
செயலாளர் பழனியம்மாள் ஆகியோர் தலைமையில் போராட்டம் நடைபெற்றது.

மேலும் படிக்க | பெற்ற குழந்தைகளைக் கொலை செய்து தற்கொலை செய்து கொண்ட தம்பதியர்...

போராட்டத்தின் கோரிக்கைகள்

• மத்திய மாநில பொதுத்துறை நிறுவனங்கள், ஊராட்சி நிறுவனங்கள் அரசு அலுவலக பணிகளை அவுட் சோஸ்ஸிங், கான்ட்ராட் விடும் அரசாணைகள் 115 139 152 ஐ செய்க.
• புதிய பென்ஷன் திட்டத்தை கைவிட்டு பழைய பென்ஷன் திட்டத்தை அமல் படுத்து
• 2003 க்கு பின்னர் பணியில் சேர்ந்து அனைவருக்கும் பென்சன் வழங்கு, காலியாக உள்ள பணியிடங்களை நிரப்புக
• நகராட்சி பேரூராட்சிகளில் அனைத்து ஊழியர்களுக்கும் குறைந்த பட்ச ஊதியம் ரூபாய் 25000 வழங்குக
• தமிழ்நாடு அரசு அறிவித்த கொரோனோ ஊக்கத்தொகையை ரூபாய் 15 ஆயிரத்தை உடனடியாக வழங்குக
• விலைவாசி உயர்வை கட்டுப்படுத்த தீவிர நடவடிக்கை எடுக்கவும், நகராட்சி பேரூராட்சிகளில் பணிபுரியும் மகளிர், ஆண்கள் சுய உதவிக்குழு தொழிலாளர்களை பணி நிரந்தரம் செய்து காலமுறை ஊதியம் வழங்குக
• நகராட்சி பேரூராட்சி ஊழியர்களுக்கு புதிய குடியிருப்புகளை கட்டித்தரவும் பொழுது உள்ள குடியிருப்புகளை பராமரித்து புதுப்பித்தல் செய்து தர வேண்டும்.
• நகராட்சி பேரூராட்சி ஊழியருக்கு வேலைக்கு சம ஊதியம் வழங்குக.
• அனைத்து ஊழியிருக்கும் அகவிலைப்படி உயர்வு சரண்டர் பிஎஃப் வட்டித்தொகை வழங்கிடுக.
• கார்ப்பரேட் திருமுதலாளிகளுக்கு ஆதரவாக தொழிலாளர்கள் நலசட்ட தொகுப்பு நான்கையும் கைவிட்டு பழைய 44 சட்டத்தை அமல்படுத்து

என பல்வேறு கூறுகளை வலியுறுத்தி ஆர்ப்பாட்டத்தில் ஈடுபட்டனர். இதனால் பெரும் பரபரப்பு ஏற்பட்டுள்ளது.

--- பூஜா ராமகிருஷ்ணன்

மேலும் படிக்க | டெல்லி ராஜ்கட்டில் 144 தடை உத்தரவை மீறி காங்கிரஸார் போராட்டம்...!

கரூர் | குளித்தலை அருகே அய்யர் மலையில் ஸ்ரீ மகா மாரியம்மன் ஆலயம் அமைந்துள்ளது. இக்கோவிலில் பங்குனி மாத திருவிழாவினை முன்னிட்டு கடந்த மார்ச் 12ஆம் தேதி கம்பம் ஊன்றப்பட்டது. அதனை தொடர்ந்து தினந்தோறும் பக்தர்கள் கம்பத்திற்கு புனித நீர் ஊற்றி வழிபட்டனர். 

நேற்று குளித்தலை கடம்பன் துறை காவிரி ஆற்றில் இருந்து பால் குடம், தீர்த்த குடம் எடுத்து வந்து அம்மனுக்கு பாலாபிஷேகம் செய்தனர். அதனை தொடர்ந்து இன்று இரவு தீமிதி திருவிழா நடைபெற்றது. 

விரதம் இருந்த 100க்கும் மேற்பட்ட பக்தர்கள் தீக்குண்டத்தில் இறங்கி தீ மிதித்து தங்களது வேண்டுதலை நிறைவேற்றினர். அய்யர் மலை சுற்றி உள்ள ஏராளமான பொதுமக்கள் தீமிதி திருவிழாவினை கண்டுகளித்தும் சுவாமி தரிசனம் செய்யும் வழிபட்டனர். 

அதனைத் தொடர்ந்து வான வேடிக்கை நிகழ்ச்சியும், பக்தர்கள் பொதுமக்களுக்கு அன்னதானமும் வழங்கப்பட்டது. 

மேலும் படிக்க | கொடியேற்றத்துடன் தொடங்கிய பங்குனி உத்திர திருவிழா... 

கிருஷ்ணகிரி | மாரண்டஹள்ளி அருகே காளிகவுண்டன் கொட்டாய் பகுதியில் கடந்த சில நாட்களுக்கு முன்பு விவசாய நிலத்தில் அமைக்கப்பட்டிருந்த மின் வேலியில் சிக்கி இரண்டு பெண் யானைகள் மற்றும் ஒரு மக்னா யானை உயிரிழந்தன. இதனால் இரண்டு குட்டி யானைகள் தாயை இழந்தன.

இந்த குட்டிகள் வனப்பகுதிக்குள் சென்ற காட்டு யானைகள் கூட்டத்துடன் இணைந்ததா? என்பது இதுவரை தெரியவில்லை. இது தொடர்பாக நீதிமன்றத்தில் தொடரப்பட்ட வழக்கில் தாயை இழந்த குட்டியானைகள் எங்கு இருக்கின்றன என கண்காணித்து அவற்றின் புகைப்படத்தை நீதிமன்றத்தில் சமர்பிக்க வேண்டும் என நீதிமன்றம் உத்தரவிட்டது.

மேலும் படிக்க | 40 அடி கிணற்றில் விழுந்த 2 கரடிகள்... 8 மணி நேரமாக போராடிய அதிகாரிகள்...

தாயைப் பிரிந்த இரண்டு குட்டி யானைகள் கிருஷ்ணகிரி மாவட்டம் தேன்கனிக்கோட்டை வனச்சரகத்திற்கு உட்பட்ட மாரண்டஹள்ளி காப்புக்காடுகள் மற்றும் காளிகட்டா வனப்பகுதியில் சுற்றித்திரிகிறதா? என
தேன்கனிக்கோட்டை வனச்சரகர் முருகேசன் தலைமையிலான வனத்துறையினர் மற்றும் வேட்டை தடுப்பு காவலர்கள் அடங்கிய குழுவினர், பாலக்கோடு வனத்துறையினருடன் இணைந்து தேடி வருகின்றனர். 

குட்டி யானைகளை புகைப்படம் எடுத்து அவற்றை நீிதிமன்றத்தில் தெரிவிக்க வேண்டிய கட்டாயம் உள்ளதால், கடந்த சில நாட்களாக இரவு, பகலாக தேடுதல் வேட்டையில் வனத்துறையினர் தீவிரமாக ஈடுபட்டுள்ளனர்.

மேலும் படிக்க | ஊருக்குள் புகுந்த காட்டு யானைகளை விரட்டிய அதிகாரிகள்...

தமிழ்நாடு அரசின் இந்திய மருத்துவம் மற்றும் ஓமியோபதி துறை சார்பில் சித்தர் தின விழா மாமல்லபுரம் அரசு மருத்துவ மனையில் வெகு சிறப்பாக கொண்டாடப்பட்டது.

தமிழ்நாடு அரசின் இந்திய மருத்துவம் மற்றும் ஹோமியோபதி துறை சார்பில் செங்கல்பட்டு மாவட்டம் மாமல்லபுரம் அரசு மருத்துவமனை ஆயுஷ் சித்தா பிரிவு சார்பில் சித்தர் தின விழா கொண்டாடப்பட்டது.  செங்கல்பட்டு மாவட்ட ஆட்சியர் ராகுல்நாத் மற்றும் திருப்போரூர் சட்டமன்ற உறுப்பினர் எஸ்.எஸ்.பாலாஜி ஆகியோர் குத்துவிளக்கேற்றி விழாவை துவக்கி வைத்தனர்.

இவ்விழாவில் பொதுமக்கள் பயன்பெறும் வகையில் மூலிகை கண்காட்சி சித்த மருத்துவ மூலப்பொருட்கள் கண்காட்சி சித்த மருத்துவர் அறுவை சிகிச்சை கருவிகள் கண்காட்சி ஒருங்கிணைந்த குழந்தை வளர்ச்சி திட்ட பணியாளர்களுக்கான பாரம்பரிய சமையல் போட்டி நெகிழி இல்லா கடற்கரை திட்டக்குழு கண்காட்சி ஆகியவை காட்சிப்படுத்தப்பட்டிருந்தன.  பல்வேறு படைப்புகளை காட்சிப்படுத்தியிருந்த அங்கன்வாடி ஊழியர்கள் மற்றும் சுகாதார துறை ஊழியர்களுக்கு சான்றிதழ்கள் வழங்கப்பட்டது.

இந்த நிகழ்ச்சியில் கல்லூரி மாணவ மாணவிகள் பொதுமக்கள் என ஏராளமான கலந்து கொண்டு கண்காட்சியினை கண்டு பயன் பெற்றனர். 

இதையும் படிக்க:   அரை நூற்றாண்டு காலத்திற்கு திமுகவை எந்த கட்சியாலும் அசைக்க முடியாது..... அமைச்சர் சேகர்பாபு!!

நீலகிரி | மலைப்பிரதேசமான நீலகிரி மாவட்டத்தில் இயற்கை சுற்றுச்சூழலை பாதுகாக்கும் வகையில் நீலகிரி மாவட்டத்தில் பிளாஸ்டிக் பைகள், பிளாஸ்டிக் மற்றும் மட்காத பேப்பர் டம்ளர், தட்டு, பிளாஸ்டிக் தண்ணீர் பாட்டில்கள் என 19 வகையான பிளாஸ்டிக் பொருட்கள் பயன்படுத்த மாவட்ட நிர்வாகம் தடை விதித்துள்ளது.

இந்நிலையில் பிளாஸ்டிக் பயன்பாட்டை முற்றிலும் தவிர்க்க நீலகிரி மாவட்டத்தில் அமைந்துள்ள அனைத்து சோதனை சாவடிகளிலும் வெளி மாவட்ட மற்றும் வெளி மாநிலங்களில் இருந்து வரும் சுற்றுலா பயணிகளிடம் பிளாஸ்டிக் குறித்து விழிப்புணர்வு ஏற்படுத்தப்பட்டும் தடை செய்யப்பட்ட பிளாஸ்டிக் பொருட்கள் பறிமுதல் செய்யப்பட்டு வருகிறது.

மேலும் படிக்க | மனித நரம்புகளில் கிடைத்த ‘மைக்ரோ’ ப்ளாஸ்டிக் துகள்கள்...

முதுமலை புலிகள் காப்பகத்திற்கு உட்பட்ட கக்கனல்லா சோதனை சாவடியில் கேரளா, கர்நாடகா உள்ளிட்ட வெளி மாநிலங்களில் இருந்து கொண்டு வரப்படும் தடை செய்யப்பட்ட பிளாஸ்டிக் பொருட்களை வனத்துறையினர் பறிமுதல் செய்யும் பணியில் ஈடுபட்டு வருகின்றனர்.

சனி, ஞாயிறு தொடர் விடுமுறையையொட்டி கர்நாடக மாநிலத்தில் இருந்து ஏராளமான சுற்றுலா பயணிகள் நீலகிரிக்கு வருகை புரிந்திருந்த நிலையில் சுற்றுலா பயணிகள் கொண்டு வந்த தடை செய்யப்பட்ட ஒரு லிட்டர் பிளாஸ்டிக் வாட்டர் பாட்டில்களை பறிமுதல் செய்தனர்.

மேலும் படிக்க | இந்த அழகுல இவங்களுக்கு கேஷ்மீர் கேக்குதாம்... - கேளி செய்யும் நெட்டிசன்கள்!

வார விடுமுறையான சனி, ஞாயிறு இரண்டு நாட்களாக கூடலூர் வட்டாட்சியர், வனத்துறையினர் மற்றும் காவல் துறையினர் வாகன சோதனையில் ஈடுபட்டிருந்தனர். அப்போது சுற்றுலாப் பணிகளிடம் இருந்து ஒரு டன் பிளாஸ்டிக் வாட்டர் பாட்டில்களை பறிமுதல் செய்துள்ளனர்.

மேலும் வாகனத்தில் செல்லும் சுற்றுலா பயணிகளிடம் வனவிலங்குகளுக்கு இடையூறு ஏற்படுத்தும் வகையில் கண்ணாடி பாட்டில்கள் மற்றும் உணவுப் பொருட்களின் பிளாஸ்டிக் கழிவுகளை வனப்பகுதிக்குள் வீசக்கூடாது என சுற்றுலா பயணிகளுக்கு வனத்துறையினர் அறிவுறுத்தினர்.

மேலும் படிக்க | ப்ளாஸ்டிக் பேரலில் மீட்கப்பட்ட பெண் சடலம்... ரயில் நிலையத்தில் பரபரப்பு...