கிருஷ்ணகிரி | மாரண்டஹள்ளி அருகே காளிகவுண்டன் கொட்டாய் பகுதியில் கடந்த சில நாட்களுக்கு முன்பு விவசாய நிலத்தில் அமைக்கப்பட்டிருந்த மின் வேலியில் சிக்கி இரண்டு பெண் யானைகள் மற்றும் ஒரு மக்னா யானை உயிரிழந்தன. இதனால் இரண்டு குட்டி யானைகள் தாயை இழந்தன.

இந்த குட்டிகள் வனப்பகுதிக்குள் சென்ற காட்டு யானைகள் கூட்டத்துடன் இணைந்ததா? என்பது இதுவரை தெரியவில்லை. இது தொடர்பாக நீதிமன்றத்தில் தொடரப்பட்ட வழக்கில் தாயை இழந்த குட்டியானைகள் எங்கு இருக்கின்றன என கண்காணித்து அவற்றின் புகைப்படத்தை நீதிமன்றத்தில் சமர்பிக்க வேண்டும் என நீதிமன்றம் உத்தரவிட்டது.

மேலும் படிக்க | 40 அடி கிணற்றில் விழுந்த 2 கரடிகள்... 8 மணி நேரமாக போராடிய அதிகாரிகள்...

தாயைப் பிரிந்த இரண்டு குட்டி யானைகள் கிருஷ்ணகிரி மாவட்டம் தேன்கனிக்கோட்டை வனச்சரகத்திற்கு உட்பட்ட மாரண்டஹள்ளி காப்புக்காடுகள் மற்றும் காளிகட்டா வனப்பகுதியில் சுற்றித்திரிகிறதா? என
தேன்கனிக்கோட்டை வனச்சரகர் முருகேசன் தலைமையிலான வனத்துறையினர் மற்றும் வேட்டை தடுப்பு காவலர்கள் அடங்கிய குழுவினர், பாலக்கோடு வனத்துறையினருடன் இணைந்து தேடி வருகின்றனர். 

குட்டி யானைகளை புகைப்படம் எடுத்து அவற்றை நீிதிமன்றத்தில் தெரிவிக்க வேண்டிய கட்டாயம் உள்ளதால், கடந்த சில நாட்களாக இரவு, பகலாக தேடுதல் வேட்டையில் வனத்துறையினர் தீவிரமாக ஈடுபட்டுள்ளனர்.

மேலும் படிக்க | ஊருக்குள் புகுந்த காட்டு யானைகளை விரட்டிய அதிகாரிகள்...

தமிழ்நாடு அரசின் இந்திய மருத்துவம் மற்றும் ஓமியோபதி துறை சார்பில் சித்தர் தின விழா மாமல்லபுரம் அரசு மருத்துவ மனையில் வெகு சிறப்பாக கொண்டாடப்பட்டது.

தமிழ்நாடு அரசின் இந்திய மருத்துவம் மற்றும் ஹோமியோபதி துறை சார்பில் செங்கல்பட்டு மாவட்டம் மாமல்லபுரம் அரசு மருத்துவமனை ஆயுஷ் சித்தா பிரிவு சார்பில் சித்தர் தின விழா கொண்டாடப்பட்டது.  செங்கல்பட்டு மாவட்ட ஆட்சியர் ராகுல்நாத் மற்றும் திருப்போரூர் சட்டமன்ற உறுப்பினர் எஸ்.எஸ்.பாலாஜி ஆகியோர் குத்துவிளக்கேற்றி விழாவை துவக்கி வைத்தனர்.

இவ்விழாவில் பொதுமக்கள் பயன்பெறும் வகையில் மூலிகை கண்காட்சி சித்த மருத்துவ மூலப்பொருட்கள் கண்காட்சி சித்த மருத்துவர் அறுவை சிகிச்சை கருவிகள் கண்காட்சி ஒருங்கிணைந்த குழந்தை வளர்ச்சி திட்ட பணியாளர்களுக்கான பாரம்பரிய சமையல் போட்டி நெகிழி இல்லா கடற்கரை திட்டக்குழு கண்காட்சி ஆகியவை காட்சிப்படுத்தப்பட்டிருந்தன.  பல்வேறு படைப்புகளை காட்சிப்படுத்தியிருந்த அங்கன்வாடி ஊழியர்கள் மற்றும் சுகாதார துறை ஊழியர்களுக்கு சான்றிதழ்கள் வழங்கப்பட்டது.

இந்த நிகழ்ச்சியில் கல்லூரி மாணவ மாணவிகள் பொதுமக்கள் என ஏராளமான கலந்து கொண்டு கண்காட்சியினை கண்டு பயன் பெற்றனர். 

இதையும் படிக்க:   அரை நூற்றாண்டு காலத்திற்கு திமுகவை எந்த கட்சியாலும் அசைக்க முடியாது..... அமைச்சர் சேகர்பாபு!!

நீலகிரி | மலைப்பிரதேசமான நீலகிரி மாவட்டத்தில் இயற்கை சுற்றுச்சூழலை பாதுகாக்கும் வகையில் நீலகிரி மாவட்டத்தில் பிளாஸ்டிக் பைகள், பிளாஸ்டிக் மற்றும் மட்காத பேப்பர் டம்ளர், தட்டு, பிளாஸ்டிக் தண்ணீர் பாட்டில்கள் என 19 வகையான பிளாஸ்டிக் பொருட்கள் பயன்படுத்த மாவட்ட நிர்வாகம் தடை விதித்துள்ளது.

இந்நிலையில் பிளாஸ்டிக் பயன்பாட்டை முற்றிலும் தவிர்க்க நீலகிரி மாவட்டத்தில் அமைந்துள்ள அனைத்து சோதனை சாவடிகளிலும் வெளி மாவட்ட மற்றும் வெளி மாநிலங்களில் இருந்து வரும் சுற்றுலா பயணிகளிடம் பிளாஸ்டிக் குறித்து விழிப்புணர்வு ஏற்படுத்தப்பட்டும் தடை செய்யப்பட்ட பிளாஸ்டிக் பொருட்கள் பறிமுதல் செய்யப்பட்டு வருகிறது.

மேலும் படிக்க | மனித நரம்புகளில் கிடைத்த ‘மைக்ரோ’ ப்ளாஸ்டிக் துகள்கள்...

முதுமலை புலிகள் காப்பகத்திற்கு உட்பட்ட கக்கனல்லா சோதனை சாவடியில் கேரளா, கர்நாடகா உள்ளிட்ட வெளி மாநிலங்களில் இருந்து கொண்டு வரப்படும் தடை செய்யப்பட்ட பிளாஸ்டிக் பொருட்களை வனத்துறையினர் பறிமுதல் செய்யும் பணியில் ஈடுபட்டு வருகின்றனர்.

சனி, ஞாயிறு தொடர் விடுமுறையையொட்டி கர்நாடக மாநிலத்தில் இருந்து ஏராளமான சுற்றுலா பயணிகள் நீலகிரிக்கு வருகை புரிந்திருந்த நிலையில் சுற்றுலா பயணிகள் கொண்டு வந்த தடை செய்யப்பட்ட ஒரு லிட்டர் பிளாஸ்டிக் வாட்டர் பாட்டில்களை பறிமுதல் செய்தனர்.

மேலும் படிக்க | இந்த அழகுல இவங்களுக்கு கேஷ்மீர் கேக்குதாம்... - கேளி செய்யும் நெட்டிசன்கள்!

வார விடுமுறையான சனி, ஞாயிறு இரண்டு நாட்களாக கூடலூர் வட்டாட்சியர், வனத்துறையினர் மற்றும் காவல் துறையினர் வாகன சோதனையில் ஈடுபட்டிருந்தனர். அப்போது சுற்றுலாப் பணிகளிடம் இருந்து ஒரு டன் பிளாஸ்டிக் வாட்டர் பாட்டில்களை பறிமுதல் செய்துள்ளனர்.

மேலும் வாகனத்தில் செல்லும் சுற்றுலா பயணிகளிடம் வனவிலங்குகளுக்கு இடையூறு ஏற்படுத்தும் வகையில் கண்ணாடி பாட்டில்கள் மற்றும் உணவுப் பொருட்களின் பிளாஸ்டிக் கழிவுகளை வனப்பகுதிக்குள் வீசக்கூடாது என சுற்றுலா பயணிகளுக்கு வனத்துறையினர் அறிவுறுத்தினர்.

மேலும் படிக்க | ப்ளாஸ்டிக் பேரலில் மீட்கப்பட்ட பெண் சடலம்... ரயில் நிலையத்தில் பரபரப்பு...

திருவண்ணாமலை | குப்பநத்தம் அணி கடந்து சில ஆண்டுகளாக மீன் பிடி குத்திகை சாத்தனூர் பகுதி சேர்ந்த மகளிர் குழு வழங்கப்பட்டதன் மூலம் சாத்தனூர் பகுதியைச் சேர்ந்த நபர் மீன்பிடித்து வந்தனர். கொரோனா காலத்தில் அவர்களால் மீன்பிடிக்க முடியாத நிலையில் ஏற்பட்டதால் அவர்கள் ஹைகோர்ட் வழக்கு தொடர்ந்தனர்.

அந்த வழக்கில் அவர்கள் வருகின்ற ஜூன் மாதம் 30 ஆம் தேதி வரை மீன் பிடித்துக் கொள்ள உத்தரவு பிறப்பிக்கப்பட்டது. இந்த நிலையில் கல்லாத்தூர், தொட்டி மடிவு, புரிஞ்சிக் குப்பம் உட்பகுதி சேர்ந்த பொதுமக்கள் கடந்த நான்கு தினங்களில் முன்பு தங்களது மீன் பிடிக்க அனுமதி அளிக்க கோரி சாலை மறியலில் ஈடுபட்டனர்.

மேலும் படிக்க | பா.ஜ.க.வினருடன் தள்ளுமுள்ளு ஏற்பட்டதால் பரபரப்பு...

மேலும் அணையில் அருகே மகளிர் குழு சார்பில் அமைக்கப்பட்டிருந்த போட்டோவில் தீ வைக்கப்பட்டதாக கூறப்படுகிறது. இது சம்பந்தமாக குப்பனத்து அணை மீன்பிடிப்பது தொடர்பாக இருதரப்பின் இடையே அமைதியை கூட்டம் கடந்து 24 ஆம் தேதி திருவண்ணாமலை கோட்டாட்சியர் அவர்களுக்கு நடைபெற்றது.

அப்போது மகளிர் குழு தரப்பில் சேர்ந்தவர்கள் மட்டுமே கலந்து கொண்டனர் கிராம மக்கள் சேர்ந்து தரப்பில் யாரும் கலந்து கொள்ளாததால் இந்த கூட்டம் 27-தேதிக்கு ஒத்திவைக்கப்பட்டது. இந்நிலையில் போட்டாசியர் மந்தாகினி முன்னியில் மீண்டும் அமைதி கூட்டம் நடைபெற்றது. அப்போது மகளிர் குழு சேர்ந்த தரப்பினர்கள் கிராம மக்கள் சேர்ந்த தரப்பினரும் கலந்து கொண்டனர்.

மேலும் படிக்க | ஓபிஎஸ் வழக்கு.... இன்று தீர்ப்பு வழங்கப்படுமா?!!

அப்போது மகளிர் குழுவினர் கோர்ட் உத்தரவுபடி மீன்பிடிக்க போலீஸ் பாதுகாப்பு கேட்டு மீண்டும் கோர்ட்டுடில் வழக்கு தொடரப்பட்டுள்ளது என்றும் கோர்ட்டிலும் உத்தரவு வந்துள்ளதாகவும் அவர்கள் தெரிவித்தனர். மேலும் இதற்கு கிராமம் மக்கள் தரப்பில் அவர்கள் மீன்பிடிக்க தடை உத்தரவு வாங்கவும் வழக்கு தொடர்ந்து உள்ளதாகவும் தெரிவித்தார்.

இதனால் ஈரல் தரப்பினரும் இரண்டு நாள் அவகாசம் கேட்டது தொடர்ந்து மீண்டும் இந்த அமைதி கூட்டம் வருகின்ற 30ஆம் தேதி ஒத்தி வைக்ககோட்டாட்சியர் மந்தாகனி உத்தரவிட்டார் மேலும் இது தொடர்பாக இரு தரப்பினரும் கோட்டாட்சியர் அலுவலகத்தில் குவிந்ததால் சம்பவம் எதுவும் நடைபெறாமல் இருக்க  போலீஸ் பாதுகாப்பு பணியில் ஈடுபட்டனர்.

மேலும் படிக்க | பெற்ற தந்தையை கத்தியால் குத்தி கொலை செய்த மகன்...

திருப்பத்தூர் | ஆம்பூர் அடுத்த அருங்கல்துருகம் அருகே வனப்பகுதியை ஒட்டியுள்ள சக்கரவர்த்தி என்பவருக்கு சொந்தமான  விவசாய நிலத்தில் ஒரு கிணறு அமைந்துள்ளது. பாழடைந்து, 40 அடி ஆழமான இந்த கிணறில் நேற்று மாலை இரண்டு கரடிகள் தவறி விழுந்து காயம் அடைந்தன.

கரடிகளின் அலறல் சத்தம் கேட்ட  அப்பகுதி மக்கள் உடனடியாக ஆம்பூர் வனத் துறையினருக்கும், தீயணைப்பு துறையினருக்கும் தகவல் அளித்தனர்.

மேலும் படிக்க | பெற்ற தந்தையை கத்தியால் குத்தி கொலை செய்த மகன்...

சம்பவ இடத்திற்கு விரைந்து வந்த ஆம்பூர் வனத்துறையினர் மற்றும் தீயணைப்புத் துறை சேர்ந்த சுமார் 25க்கும் மேற்பட்டோர், 2 ஜேசிபி இயந்திரங்களின் உதவியுடன் கிணற்றின் பக்கவாட்டு சுவர்களை அகலப்படுத்தி பணை மரத்தினை கிணற்றில் விட்டு அதன் மீது கிணற்றில் உள்ள கரடிகள் பாதுகாப்புடன் ஏறி வருவதற்கான முயற்சியில் ஈடுபட்டனர்.

சுமார் 5 மணி நேர முயற்சிக்குப் பின் ஒரு கரடியை பத்திரமாக மீட்டனர். ஆனால், மீட்கப்பட்ட கரடியானது மேலே வரும் போது அங்கிருந்த வனத்துறை மற்றும் தீயணைப்புத் துறையினர் பொதுமக்கள் பார்த்து அச்சத்துடன் குரல் எழுப்பியதால் மீண்டும் அருகாமையில் உள்ள வனப்பகுதியை நோக்கி ஓடிச் சென்றது.

மேலும் படிக்க | பேருந்து கவிழ்ந்து விபத்தில் 20 க்கும் மேற்பட்டோர் படுகாயம்...

மற்றொரு கரடியை மீட்பதில் தாமதம் ஏற்பட்டதால் உதவி வன பாதுகாவலர் ராஜ்குமார் வன அலுவலர்கள் சங்கரய்யா இளங்கோ ஆகியோர் தலைமையிலான வனத்துறையினர் மற்றும் தீயணைப்பு துறையினர் சுமார் 8 மணி நேரத்திற்கு மேலாக போராடி பொதுமக்கள் உதவியுடன்  கிணற்றில் காயமடைந்த மேலும் ஒரு கரடியை பத்திரமாக மீட்டனர்.

மேலும் அப்பகுதியில் யானை சிறுத்தை கரடி உள்ளிட்ட வனவிலங்குகள் நடமாட்டம் அதிகம் உள்ளதால் அப்பகுதி மக்கள் எச்சரிக்கையுடன் இருக்க வேண்டும் என வனத்துறையினர் அறிவுறுத்தினர்.

மேலும் படிக்க | கடத்தப்பட்ட பச்சிளம் குழந்தை...10 மணி நேரத்தில் மீட்ட போலீசாருக்கு பாராட்டு!

ஆம்பூர் அருகே வனப்பகுதியை ஒட்டியுள்ள விவசாய நிலத்தில் இருந்த பாழடைந்த 40 அடி ஆழமுள்ள கிணற்றில் தவறி விழுந்த இரண்டு கரடிகளை 8 மணி நேரத்துக்கு பின் வனத்துறை மற்றும் தீயணைப்புத் துறையினர் பொதுமக்கள் உதவியுடன் போராடி உயிருடன் மீட்டனர்.

அப்போது  வனத்துறையினர் மற்றும் பொதுமக்கள் அச்சத்துடன் குரல் எழுப்பியதால் இரண்டு கரடிகளும் அருகில் இருந்த வனப்பகுதியை நோக்கி ஓடி விட்டதால் வனத்துறையினர் பெருமூச்சு விட்டனர் இதனால் அப்பகுதி மக்கள்  பெரும் அச்சத்தில் இருந்தனர்.

மேலும் படிக்க | வழக்கறிஞரை வெட்டி படுகொலை செய்த மர்ம நபர்கள்...