திருப்பூர் | பல்லடம் கோவை திருச்சி தேசிய நெடுஞ்சாலையில் மாதப்பூர் அருகே வசித்து வருபவர் விவசாயி வாசு. இவர் தனக்கு சொந்தமான 37 ஏக்கர் நிலத்தில் 4 ஏக்கரில் வாழை சாகுபடி செய்தும் கால்நடைகள் வளர்ப்பிலும் ஈடுபட்டு வருகிறார்.

இந்நிலையில் கடந்த சில மாதங்களாகவே இவரது விவசாய நிலத்துக்கு அருகில் குளம் போல் தேங்கிய சாக்கடை கழிவுநீரில் இருந்து மிகுந்த துர்நாற்றம் வீசியதை அடுத்து இந்த கழிவுநீர் எங்கிருந்து வருகிறது என்பதை சக விவசாயிகள் சிலருடன் சென்று பார்த்துள்ளார்.

அப்போது மாதப்பூர் கோவை திருச்சி தேசிய நெடுஞ்சாலையில் அமைந்துள்ள தாராபுரத்தைச் சேர்ந்த கமலக்கண்ணன் என்பவருக்கு சொந்தமான அபூர்வா என்ற ஹோட்டலில் இருந்து வெளியேற்றப்படும் கழிவுநீர் தான் இந்த சூழலுக்கு காரணம் என தெரியவந்துள்ளது. இன்று விவசாயிகள் சங்க நிர்வாகிகள் பலரும் அப்பகுதியில் ஆய்வு நடத்தினர்.

மேலும் படிக்க | சோதனை ஓட்டத்தில் அத்தி கடவு அவினாசி திட்டம் : அமைச்சர் விளக்கம்

இதில் அபூர்வா ஹோட்டலில் இருந்து வெளியேறும் கழிவு நீர் தேசிய நெடுஞ்சாலை பாலத்தின் வழியாக அங்குள்ள நீர் ஆதார ஓடை வழியாக சென்று விவசாயி வாசுவின் விலை நிலத்தின் அருகே குளம் போல் தேங்கி இருப்பதும் அதில் இருந்து துர்நாற்றம் வீசுவதும் தெரியவந்துள்ளது.

மேலும் இந்த கழிவு நீர் தேங்கி இருப்பதன் காரணமாக நிலத்தடி நீர் ஆதாரம் கடுமையாக பாதிப்படைந்து இருப்பதன் காரணமாக கால்நடைகள் தண்ணீர் அருந்த மறுப்பதாகவும் ரசாயனம் கலந்த துர்நாற்றம் வீசுவதாகவும் இதனால் தங்களது கிணற்று நீரை உபயோகப்படுத்த முடியாத நிலை ஏற்பட்டு இருப்பதாகவும் விவசாயிகள் புகார் கூறுகின்றனர்.

இந்த ரசாயனம் கலந்த நீரானது கிணற்றில் இருந்து வெளியில் எடுக்கப்பட்டு வாழை மரங்களுக்கு பாய்ச்சப்படுவதால் மரங்கள் காய்ந்து போவதாகவும் வருத்தம் தெரிவித்த விவாயிகள் சம்பந்தப்பட்ட அபூர்வா ஹோட்டல் உரிமையாளர் கமலக்கண்ணன் மீது உரிய நடவடிக்கை எடுத்து கழிவு நீரை வெளியேற்றாமல் இருக்க நடவடிக்கை எடுக்க வேண்டும் என்று கோரிக்கை வைத்துள்ளனர்.

மேலும் படிக்க | திடீரென உள்வாங்கிய விவசாய நிலம்.... ஆராய்ச்சியில் மூத்த புவியியலாளர்கள்!!

நீலகிரி மாவட்டத்தில் பிளாஸ்டிக் பயண்படுத்த தடை விதிக்கப்பட்டுள்ளது. பிளாஸ்டிக் பயண்படுத்துவதால் சுற்றுச்சூழல் மற்றும் வன விலங்குகள் பாதிப்பு ஏற்படுகிறது. இதன் பயன்பாட்டை தடுக்க மாவட்ட நிர்வாகம் சார்பில் பல்வேறு நடவடிக்கைகளை எடுத்து வருகின்றனர். 

மாவட்டத்தில் தண்ணீர் பாட்டில், பிளாஸ்டிக் டம்ளர், பாலித்தீன் பைகள் போன்ற பிளாஸ்டிக்கால் ஆன பொருட்கள் பயண்படுத்த தடை விதிக்கப்பட்டுள்ளது. குன்னூர் அருகே வண்டிச்சோலை பகுதியில் செயல்படும் டாஸ்மாக் மதுபானக்கடை சுகாதாரமற்ற முறையில் நடத்திவருவதாக புகார் எழுந்தது.  அங்கு சென்ற வருவாய் துறையினர் ஆய்வு மேற்கொண்டனர். 

மேலும் படிக்க | இரண்டாவது நாளாக தொடரும் போராட்டம்... போராட்டக் களமாக மாறிய சுற்றுலா தளம்... 

டாஸ்மாக் கடையில் தடைசெய்யப்பட்ட பிளாஸ்டிக் பொருட்களை பயன்படுத்தி அவற்றை வனபகுதிக்குள் வைத்து எரித்ததாலும் டாஸ்மாக் கடைக்கு சீல் வைத்து குன்னூர் வட்டாட்சியர் சிவக்குமார் தலைமையில் வருவாய்த்துறையினர் அதிரடி நடவடிக்கை எடுத்துள்ளனர். 

தொடர்ந்து டாஸ்மாக் கடை மேற்பார்வையாளருக்கு பத்தாயிரம் ரூபாய் அபராதமும் விதிக்கப்பட்டது. மாவட்ட ஆட்சியரிடம் முறையான அனுமதி பெற்ற பின்னரே கடை திறக்க உத்தரவிட்டுள்ளனர். 

மேலும் படிக்க | ரோப் கார் திட்டத்திற்கான இடத்தை நேரில் சென்று ஆய்வு செய்த அதிகாரிகள்... 

நாகை | மாவட்டத்தின் சுற்றுவட்டாரப் பகுதிகளில் இருந்து தடைசெய்யப்பட்ட கடல் அட்டைகளை வியாபாரிகள் வாங்கி வீட்டில் பதுக்கி வைத்து வெளிநாடுகளுக்கு கடத்தி வருவதாக தொடர் புகார்கள் வந்தன. இதையடுத்து நாகை கடலோர பாதுகாப்பு குழும போலீசார் அக்கரைப்பேட்டை திடீர் குப்பம் பகுதியில் அதிரடி சோதனை மேற்கொண்டனர். 

அப்போது அதே பகுதியைச் சேர்ந்த செண்பகம் என்பவருக்கு சொந்தமான தோட்டத்தில் சுமார் 1 கோடியே 50 லட்சம் ரூபாய் மதிப்புள்ள 1, டன் கடல் அட்டைகள் பதுக்கி வைக்கப்பட்டிருந்தது கண்டுபிடிக்கப்பட்டது. 

மேலும் படிக்க | ஐஸ்வர்யா ரஜினிகாந்த்திடம் விசாரணை செய்யவுள்ள காவல்துறை...!! 

இதையடுத்து 30 பெட்டிகளில் இருந்த சுமார் ஆயிரம் கிலோ கடல் அட்டைகளை பறிமுதல் செய்த கடலோர பாதுகாப்பு குழும போலீசார் அக்கரைப்பேட்டையை சேர்ந்த செண்பகம் மகன் சபரிநாதன் செல்லூரை சேர்ந்த சுரேஷ் அக்கரைப்பேட்டை டாட்டா நகரை சேர்ந்த செல்வம் ஆகிய மூவரையும் கைது செய்தனர். 

முதற்கட்ட விசாரணையில் கடல் அட்டைகள் நாகையில் இருந்து தூத்துக்குடிக்கு கடத்திச் சென்று அங்கிருந்து வெளிநாடுகளுக்கு கொண்டு செல்லப்படுவதாக இருந்தது கண்டுபிடிக்கப்பட்டுள்ளது. 

மேலும் படிக்க | அவதூறு பரப்பி வரும் ராகுல் காந்தியை தேசிய பாதுகாப்பு சட்டத்தில் கைது செய்ய வேண்டும் - கோரிக்கை வைக்கும் அர்ஜூன் சம்பத் 

திருவாரூர் | மன்னார்குடி இராஜகோபாலசுவாமி கோயிலில் பெருமாள் சன்னதியின் எதிர்புறம் கண்ணாடி பள்ளியறை அமைந்திருக்கிறது. இதில் வருடத்தில் ஒரு சில உற்சவங்களின் போது ராஜகோபாலசுவாமி ருக்மணி , சத்தியபாமா சமேதராக எழுந்தருளி கல்யாண திருக்கோலத்தில் அருள்பாலிப்பார். 

இந்த கண்ணாடி பள்ளியறையில் கிருஷ்ணா அவதாரத்தில் பல்வேறு நிகழ்ச்சிகள் படங்களாக வைக்கப்பட்டு அலங்கரிக்கப்பட்டிருக்கிறது. இக்கோயிலில் நடைபெற்று வரும் பங்குணி உற்சவத்தையொட்டி இன்று ராஜகோபால சுவாமி கண்ணாடி பள்ளியறையில் கல்யாண திருக்கோலத்தில்  அருள்பாலித்தார். 

ஏராளமான பக்தர்கள் பெருமாளை தரிசனம் செய்து கண்ணாடிகளில் பிரதிபலித்த சுவாமிகளை கண்டு மகிழ்ந்தனர். 

மேலும் படிக்க | சனி பெயர்ச்சியை முன்னிட்டு இன்று சனி கோவிலில் சிறப்பு பூஜை... 

தஞ்சாவூர் | கும்பகோணம் அருகே திருநறையூர் கிராமத்தில் பர்வத வர்த்தினி சமேத ராமநாத சுவாமி திருக்கோவில் அமைந்துள்ளது. திருக்கோயிலில் சனீஸ்வரன் பகவான் மந்தாதேவி ஜெஷ்ட்டா தேவி என இரு மனைவிகள் மாந்தி குளிகன் என இரு மகன்களுடன் காக்க வாகனம் கொடிமரம் பலி பீடங்களுடன் தனி சன்னதி கொண்டு மங்கள சனி பகவானாக அருள் பாலித்து வருகிறார். 

இவ்வாலயத்தில் உலக மக்கள் நலம் பெற வேண்டி தசரத சக்கரவர்த்தி வழிபாடு செய்துள்ளார். அதேபோல் ராமபிரானும் ஆலயத்தில் வழிபாடு செய்துள்ளதாக தல வரலாறு. பல்வேறு சிறப்புடைய இத்திருக்கோவில் வருகிற 29 ஆம் தேதி மதியம் ஒரு மணி ஆறு நிமிடங்களை அளவில் மகர ராசியில் இருந்து கும்ப ராசிக்கு சனி பெயர்ச்சியானது நடைபெற உள்ளது. 

இதனை ஒட்டி சிறப்பு ஹோமம் அபிஷேக ஆராதனைகள் நடைபெறுகிறது. அதனைத் தொடர்ந்து 30 ஆம் தேதி மாலை சனீஸ்வர பகவான் திருக்கல்யாணம் வீதி உலாவும் நடைபெறுகிறது. இந்நிலையில், சனி பெயர்ச்சிக்கும் முதல் சனிக்கிழமையான இன்று மங்கள சனீஸ்வர பகவானுக்கு மகா அபிஷேகம் செய்யப்பட்டு தீபாரதனை கட்டப்பட்டது. இதில் ஏராளமான பக்தர்கள் கலந்து கொண்டு சுவாமி தரிசனம் செய்தனர். 

மேலும் படிக்க | குடமுழுக்கு விழாவிற்கு வருகை தர இருக்கும் இஸ்லாமியர்கள்...