கோவை | மேட்டுப்பாளையம் அருகே உள்ள தோலம்பாளையம் மற்றும் அதன் சுற்றுவட்டார பகுதிகளில் அடர் வனப்பகுதியை ஒட்டி உள்ளது.இந்த வனப்பகுதியில் காட்டு யானை,மான்,காட்டுப்பன்றி உள்ளிட்ட ஏராளமான வனவிலங்குகள் வசித்து வருகின்றன. 

இந்த நிலையில் நேற்று மாலை பெரியநாயக்கன்பாளையம் வனச்சரகர் செல்வராஜ் தலைமையிலான வனத்துறையினர் தோலம்பாளையத்தை அடுத்துள்ள நீலாம்பதிவனப்பகுதியில் ரோந்துப்பணியில் ஈடுபட்டிருந்தனர். அப்போது,அப்பகுதியில் வயது வந்த பெண் யானை இறந்து கிடப்பது தெரியவந்தது. 

மேலும் படிக்க | காட்டு யானை தாக்கி விவசாயி உயிரிழப்பு... 

இதனையடுத்து இச்சம்பவம் குறித்து மாவட்ட வன அலுவலர் அசோக் குமாருக்கு தகவல் தெரிவிக்கப்பட்டுள்ளது.இந்த நிலையில் இறந்து கிடந்த பெண் யானை எப்படி இறந்தது ? என்பது குறித்து அறிய உடற்கூறாய்வானது மாவட்ட வன அலுவலர்,உதவி வனப்பாதுகாவலர்,வன உயிரின ஆர்வலர்கள்,கிராம வனக்குழு தலைவர்,வனத்துறையினர் முன்னிலையில் இன்று நடைபெற உள்ளது. 

இதுகுறித்து வனத்துறையினர் கூறுகையில் இறந்த யானையின் வயது,இறந்த விதம்,நோய் தாக்குதல் காரணமா? அல்லது வேறு ஏதேனும் காரணமா? என்பது குறித்து உடற்கூறாய்விற்கு பின்னரே தெரிய வரும்.உடற்கூறாய்வு முடிந்தவுடன் உடல் பாகங்கள் பரிசோதனைக்கு அனுப்பி வைக்கப்பட்ட பின்னர் அப்பகுதியிலேயே புதைக்கப்பட உள்ளதாக தெரிவித்தனர். 

மேலும் படிக்க | காட்டு யானைகள் முகாம் - மக்களுக்கு எச்சரிக்கை... 

திருவள்ளூர் | பள்ளிப்பட்டு பகுதியில் பெருமாநல்லூர் கொசஸ்தலை ஆற்றின் அருகில் இந்து சமய அறநிலைத்துறைக்கு சொந்தமான சிறப்பு பெற்ற அருள்மிகு ஸ்ரீ ஓசூரம்மன் ஆலய  திருப்பணிகள் நிறைவு பெற்று புதன்கிழமை முதல் மூன்று நாட்கள் மஹா கும்பாபிஷேக விழா வெகு விமர்சையாக நடைபெற்றது.

விழாவை யொட்டி திருக்கோயில் முழுவதும் வண்ணமலர்கள் மற்றும் மின் விளக்குகளால் அலங்கரிக்கப்பட்டிருந்தது. திருக்கோயில் வளாகத்தில் யாகசாலைகள் அமைக்கப்பட்டு சிவாச்சாரியார்கள் ஹோம குண்ட பூஜைகள் செய்தனர்.

மேலும் படிக்க | 16 ஆண்டுகளுக்குப் பிறகு 300 ஆண்டுகள் பழமையான கோவிலுக்கு கும்பாபிஷேகம்...!

இன்று காலை மஹாபூர்ணஹூதி பூஜைகள் தொடர்ந்து மேள தாளங்கள் முழங்க சித்தஞ்சி சிவகாளிசித்தர்பீடம் மோகனானந்த சுவாமிகள் தலைமையில் புனித நீர் கலசங்கள் புறப்பாடு நடைபெற்று கோபுர கலசத்திற்கு மஹா கும்பாபிஷேகம் நடைபெற்றது.

திருத்தணி, பள்ளிப்பட்டு சுற்றுவட்டார பகுதிகளிருந்து  ஆயிரக்கணக்கான பக்தர்கள் பயபக்தியுடன் அம்மனை வழிபட்டனர். பக்தர்கள் மீது புனித நீர் தெளிக்கப்பட்டது.

இதனை தொடர்ந்து ஓசூர் அம்மனுக்கு சிறப்பு அபிஷேக தீபாராதனை பூஜைகள் தொடர்ந்து பக்தர்கள் அம்மனை தரிசித்து வழிபட்டனர். பக்தர்கள் அனைவருக்கும் திருக்கோயில் நிர்வாகம் சார்பில் அன்னதானம் வழங்கப்பட்டது.

மேலும் படிக்க | 35 அடி உயர பத்துமலை முருகன் சிலை கொண்ட கோவிலில் கும்பாபிஷேகம்...

கடலூர் | சிதம்பரம் அருகே வரகூர்பேட்டை கிராமத்தைச் சேர்ந்த குருமூர்த்தி என்பவர் மகளுக்கும் கடலூர் அருகே உச்சிமேடு நாடார் தெருவை சேர்ந்த ஜெகநாதன் மாலா இவர்களின் மகன் ஜெயக்குமார், கடலூர் நீதிமன்றத்தில் பணியாற்றி வரும் இவருக்கும் ஏற்கனவே பெற்றோர்கள் மற்றும் உறவினர்கள் பெரியோர்களால் நிச்சயிக்கப்பட்டு திருமணம் இன்று  நடைபெற இருந்தது. 

மேலும் படிக்க | புதுமணத்தம்பதிக்கு போனில் வாழ்த்து சொன்ன நடிகர்!!! ஆசீர்வாதம் கேட்ட ஜோடி!!! 

இந்நிலையில் ஜெயக்குமார் நேற்று மணப்பெண்ணுடன் வரவேற்பு நிகழ்ச்சியில் கலந்து கொண்டு ஃபோட்டோ ஷூட் முடித்து தூங்க சென்றுள்ளனர். காலையில் திருமண ஏற்பாடுகள் நடைபெற்றபோது, திடீரென ஜெயக்குமார் மண்டபத்தை விட்டு வெளியேறியுள்ளார். 

இதனை அறியாமல் ஜெயக்குமாரின் பெற்றோர் உறவினர்கள் மணமகள் பெற்றோர் உறவினர்கள் திருமண ஏற்பாடுகளை செய்து ஜெயக்குமாரை அழைத்து வர சென்றனர். அப்போது ஜெயக்குமார் மண்டபத்தில் இல்லை என்பது தெரியவந்தது. 

மேலும் படிக்க | மணமகளை ரேக்ளா வண்டியில் அழைத்து சென்ற மணமகன்... 

ஜெயக்குமாரை பல இடங்களில் தேடியும் ஜெயக்குமாரை காணவில்லை என்பதால், மணமகள் பெற்றோர் சிதம்பரம் நகர காவல் நிலையத்தில் புகார் அளித்தனர். புகாரின் பேரில் போலீசார் விசாரணை நடத்தி வருகின்றனர். 

திருமணம் நின்ற நிலையில் மணப் பெண்ணுக்கு வேறொரு மாப்பிள்ளையுடன் உடனடியாக பெண்ணின் பெற்றோர்கள் திருமணத்தை நடத்தி வைத்தனர். திருமண நேரத்தில் நீதித்துறையில் பணியாற்றும் மாப்பிள்ளை ஓட்டம் பிடித்த சம்பவம் சிதம்பரத்தில் பரபரப்பை ஏற்படுத்தி உள்ளது. 

மேலும் படிக்க | காவல் நிலையத்தில் தஞ்சம் அடைந்த காதல் ஜோடி... 

அறுபடை வீடுகளில் மூன்றாம் படை வீடான பழனியில் தைப்பூச திருவிழா கடந்த 29ம் தேதி கொடியேற்றத்துடன் துவங்கியது. தொடர்ந்து 10 நாட்கள் நடைபெறும் திருவிழாவில் முக்கிய நிகழ்வான திருக்கல்யாணமும், வெள்ளி தேரோட்டமும் நாளை நடைபெறுகிறது. 

தைப்பூசத் தேரோட்டம் நாளை மறுநாள் சனிக்கிழமை அன்று மாலை நடைபெறவுள்ளது. இந்நிலையில் 5ம்நாள் திருவிழாவான இன்று ஏராளமான பக்தர்கள் பழனியில் சாமி தரிசனம் செய்து வருகின்றனர். பக்தர்கள் காவடி எடுத்து ஆடிப்பாடியும், உடலில் அலகு குத்தியவாறு சப்பரம் இழுத்தும்கிரிவலம் வந்து சாமிதரிசனம் செய்துவருகின்றனர். 

பாதயாத்திரை வரும் பக்தர்கள் முடிக்காணிக்கை செலுத்தி சரவணப்பொய்கை, சண்முக நதி மற்றும் இடும்பன் குளம் ஆகிய புனித தீர்த்தங்களில் நீராடி சாமிதரிசனம் செய்கின்றனர். பக்தர்களின் பாதுகாப்பு வசதிதாக ஏராளமான போலிசார் பாதுகாப்பு பணியில் ஈடுபட்டுள்ளனர். 

மேலும் படிக்க | கருவறையை படம்பிடித்தால் நடவடிக்கை! - பழனி கோவில் நிர்வாகம் அதிரடி 

கிராமங்களில் விவசாயம் செய்யக்கூடிய விவசாயிகள் தங்களின் வீட்டிலும் தோட்டத்திலும் மாடுகள் ஆடுகள் கோழி ஆகியவைகளை தங்கள் பிள்ளைகளோடு பிள்ளைகளாக பாசத்தோடு வளர்த்து வருவது வழக்கம். சென்னை புறநகர் பகுதிகளில் விவசாய செய்து வந்த விவசாயிகள் பெரும் அளவில் தற்போது விவசாயம் செய்ய முடியாத நிலை ஏற்பட்டுள்ளது. 

அதற்கு முக்கிய காரணம் பெருமளவில் புறநகர் பகுதியில் வளர்ச்சி அடைந்து வருகிறது குடியிருப்புகளும் பள்ளி கல்லூரிகள் மருத்துவமனைகள் உள்ளிட்ட அதிக வளர்ச்சி அடையும் நிலையில் ஒரு சில விவசாயிகள் மட்டும் இன்றளவும் சிறிய அளவிலான விவசாயம் செய்து வருகின்றனர். அதேபோல் தங்கள் வீடுகளில் இன்றளவும் மாடு ஆடுகளை வளர்த்து வருவது வழக்கமாக வைத்துள்ளனர். 

மேலும் படிக்க | காவல் நிலையத்தில் தஞ்சம் அடைந்த காதல் ஜோடி... 

இந்த நிலையில் சென்னை மாதவரம் சட்டமன்ற தொகுதிக்குட்பட்ட 17 வது வார்டு வடபெரும்பாக்கம் செட்டிமேடு பகுதியை சேர்ந்த, விவசாயி கோபால் மற்றும் கண்ணகி மகனான விஜய், மற்றும் ஆனந்தன் - மேரி மகள் ரம்யா ஆகிய இருவருக்கும் திருமணம் நிச்சயிக்கப்பட்டு குலதெய்வம் கோயிலில் திருமணம் நடைபெற்றது. 

மணமக்கள் வீடு திரும்பும் பொழுது தங்களது பாரம்பரியத்தை மறக்காமல் இருக்கும் வகையில் உறவினர்கள் மற்றும் நண்பர்கள் ஏற்பாடு செய்யப்பட்டிருந்த தங்களின், இரண்டு மாடுகள் பூட்டப்பட்ட ‘ரேக்ளா வண்டியில்’ மணமகன் விஜய் மணமகள் ரம்யாவை ஏற்றிக்கொண்டு உறவினர்கள் நண்பர்கள் புடை சூழ ரேக்ளா வண்டியை ஓட்டிச் சென்றார். 

மேலும் படிக்க | புதுமணத்தம்பதிக்கு போனில் வாழ்த்து சொன்ன நடிகர்!!! ஆசீர்வாதம் கேட்ட ஜோடி!!! 

அப்பொழுது உறவினர்களும் நண்பர்களும் ஆனந்தமாக மகிழ்ச்சி அடைந்து மணமக்கள் மீது மலர்களை தூவி வாழ்த்தியவரே சென்றனர். 

இதைப் ஆச்சரியத்துடன் பார்த்த பொதுமக்கள் வாடகைக்கு பென்ஸ் ஜாக்குவார் கார்களை எடுத்து ஊர்வலமாக சென்று பந்தா காட்டி திருமணத்தை நடத்தும் பலர் மத்தியில் பாரம்பரியத்தை மறக்காமல் ரேக்ளா மாட்டு வண்டியில் சென்ற மணமக்களுக்கு வாழ்த்து தெரிவித்து பாராட்டியதோடு புகைப்படங்களும்  எடுத்துக்கொண்டனர் 

மேலும் படிக்க | லிப்ரா ப்ரொடக்‌ஷன்ஸ் வீட்டில் புகுந்த மகாலட்சுமி...!!!