.png)
திமுக ஆட்சியில் மக்களுக்கு பாதுகாப்பற்ற நிலை மாறி தற்போது காவல்துறைக்கே பாதுகாப்பற்ற நிலை உருவாகியுள்ளதாக எதிர்கட்சித் தலைவர் எடப்பாடி பழனிசாமி தெரிவித்துள்ளார்.
பெரியகுளத்தில் இரு தரப்பினர் இடையேயான மோதலால் ஒரு பெண் ஆய்வாளர் உட்பட 8 காவலர்கள் தாக்கப்பட்ட சம்பவம் குறித்து தனது ட்விட்டர் பக்கத்தில் எதிர்கட்சித் தலைவர் எடப்பாடி பழனிசாமி அறிக்கை வெளியிட்டுள்ளார்.
அந்த அறிக்கையில், பெரியகுளத்தில் இருதரப்பினரிடையே ஏற்பட்ட மோதலில் பெண் காவல் ஆய்வாளர் உட்பட 8 காவலர்கள் தாக்குதலுக்குள்ளான சம்பவம் தமிழ்நாட்டில் சட்டம் ஒழுங்கு சீர்குலைந்து விட்டதற்கான சாட்சியமாக உள்ளதாக கூறியுள்ளார். இனியும் இது போன்ற தாக்குதல்கள் நடைபெறாமல் தடுக்கவும் பொது அமைதியைக் காக்கவும் கடுமையான நடவடிக்கை எடுக்க வேண்டுமென திமுக அரசை வலியுறுத்துவதாக குறிப்பிட்டுள்ளார்.
