“இதை பற்றி பேசியதற்கு நன்றி கிருத்திக்கா”- கிருத்திக்காவிற்கு நன்றி தெரித்த ரசிகர்கள்...

கிருத்திகா உதயநிதி இயக்கத்தில், இளையராஜா இசையில் உருவாகியுள்ள யார் இந்த பேய்கள் என்ற தலைப்பிலான ஆல்பம் பாடல் வெளியாகியுள்ளது. குழந்தைகள் மீதான பாலியல் வன்கொடுமை குறித்த விழிப்புணர்வு பாடலாக உருவாகியுள்ள யார் இந்த பேய்கள் ஆல்பம் பாடல்.

இளையாராஜா இசையில், பா.விஜய் வரிகளில், யுவன் சங்கர் ராஜா இந்த பாடலை பாடியுள்ளார். யூடியூபில் வெளியாகியுள்ள இந்தப் பாடல் வைரலாகி வருகிறது.

மேலும் படிக்க | ஏப்ரல் 14-ம் தேதி வெளியாகும் ”சாகுந்தலம்”...

சிறு குழந்தைகளுக்கு நடக்கும் தவறுகளை அதிகமாக வெளியே பேசாமல் இருக்கும் நிலையில், குழந்தைகளுக்கு நடக்கும் பாலியல் தொல்லைகள் மற்றும் வன்முறைகளை வெளிப்படையாக காட்டியுள்ளது இந்த பாடல்.

அதுமட்டுமின்றி பொதுவாக இது போன்ற தலைப்புகளில் பெண் குழந்தைகளுக்கு மட்டுமே நடக்கும் அநீதிகளை வெளிப்படுத்தும் பாடல்களும் படங்களும் வெளியாகியுள்ளன.

ஆனால், ஆண் குழந்தைகளுக்கும் நடக்கும் அநீதியையும் வெளிச்சத்திற்கு கொண்டு வந்துள்ள இந்த பாடலை ரசிகர்கள் பாராட்டியும் பகிர்ந்தும் வருகின்றனர்.

--- பூஜா ராமகிருஷ்ணன்

மேலும் படிக்க | 30 லட்சம் பார்வையாளர்களை கடந்த 'வாத்தி' டிரைலர்...