இஸ்ரேலின் ப்னை ப்ராக் பகுதியில் அரசின் திட்டத்திற்கு எதிர்ப்பு தெரிவித்து பல்லாயிரகணக்கான பொதுமக்கள் குவிந்ததால் பரபரப்பு ஏற்பட்டது.

ப்னை ப்ராக் பகுதியில் ஆயிரக்கணக்கான பொதுமக்கள் அதிபரின் புதிய சட்டத்திற்கு எதிர்ப்பு தெரிவித்து சாலையில் குவிந்தனர்.  அப்போது பேசிய அவர்கள் இஸ்ரேல் பிரதமர் பெஞ்சமின் நெதன்யாகுவின் அரசாங்கம் உச்ச நீதிமன்றத்தின் அதிகாரத்தை மட்டுப்படுத்தும் புதிய சட்டத்தை அறிமுகப்படுத்தியதாக கூறினர்.  

இருப்பினும் இந்தத் திட்டம் நெதன்யாகுவின் ஊழல் குற்றச்சாட்டுகளுக்கான விசாரணையில் இருந்து விடுபடவே இவ்வாறு நீதிமன்ற சட்டங்களை மாற்றியமைக்கும் திட்டத்தை கொண்டு வந்துள்ளதாக போராட்டக்காரர்கள் தெரிவித்தனர்.

இதையும் படிக்க:  சூறாவளி மற்றும் கனமழையால் பாதிக்கப்பட்ட மக்கள்...!!

கலிபோர்னியாவை புரட்டி போட்ட சூறாவளி மற்றும் கனமழையால் மூன்றரை கோடி பேர் பாதிக்கப்பட்டுள்ளனர்.

கலிபோர்னியாவை புரட்டி போட்ட சூறாவளி மற்றும் கனமழையால் மூன்றரை கோடி பேர் பாதிக்கப்பட்டதுடன், ஒன்றரை லட்சம் வீடுகளுக்கு மின் இணைப்பு துண்டிக்கப்பட்டு உள்ளது. சூறாவளியின் பலத்த காற்றின் வேகத்தில் மரங்கள் வேருடன் சாய்ந்து விழுந்தன.  மின் இணைப்புகளும் பரவலாக சேதமடைந்தன. 

லாஸ் ஏஞ்சல்ஸ் நகரம் மட்டுமின்றி, சான் பிரான்சிஸ்கோ, ஓக்லேண்ட், சாக்ரமெண்டோ, ஸ்டாக்டன் மற்றும் பிரெஸ்னோ ஆகிய நகரங்கள் அனைத்தும் வெள்ளக்காடாய் காட்சியளிக்கிறது. 

இதையும் படிக்க:  மர்மமான முறையில் உயிரிழப்பு... தீவிர விசாரணை...!!

நார்வே நாட்டில் இருந்து உக்ரைனுக்கு சிறுத்தை 2 ரக பீரங்கிகள் அனுப்பப்பட்டுள்ளதாக தகவல் வெளியாகி உள்ளது. 

ரஷ்யா - உக்ரைன் இடையிலான போர் ஓராண்டுக்கு மேலாக நடைபெற்று வருகிறது.  இந்த போரில் உக்ரைன் நாட்டின் பல்வேறு நகரங்கள் முற்றிலும் உருக்குலைந்து போயுள்ளன.  போர் தொடுத்த ரஷ்யாவும் பெரும் இழப்பை சந்தித்து வருகிறது. ஆயிரக்கணக்கான ரஷ்ய வீரர்களும் மாண்டு போயுள்ளனர்.

ஆனாலும் தாக்குதல் நடத்துவதில் சிறிதும் பின்வாங்காத ரஷியா, தொடர்ந்து போர் தொடுத்து வருகிறது. உக்ரைன் நாடும், அதன் பங்குக்கு அமெரிக்கா உள்ளிட்ட நாடுகளின் உதவியுடன் தக்க பதிலடி கொடுத்து வருகிறது.  இதற்காக இரு நாடுகளுக்கும் உலக நாடுகள் உதவிக்கரம் நீட்டி வருகின்றன.   

அதன்படி, உக்ரைன் ராணுவ வீரர்கள் பயன்பாட்டிற்காக 8 சிறுத்தை- 2 ரக பீரங்கிகள் நார்வே நாட்டிலிருந்து அனுப்பப்பட்டுள்ளன.  இவற்றை கீவ் நகரில் உள்ள உக்ரைன் ராணுவம் பெற்றுள்ளதாக அறிவித்துள்ளது.  

-நப்பசலையார்

இதையும் படிக்க:  கடலில் கவிழ்ந்த பயணிகள் கப்பல்...!!

ஸ்காட்லாந்து நாட்டின் எடின்பர்க் நகரில் கப்பல் ஒன்று கவிழ்ந்து விபத்து ஏற்பட்டதால் பரபரப்பு ஏற்பட்டுள்ளது.

ஸ்காட்லாந்து நாட்டில் லெய்த் என்ற பகுதியில் உள்ள கப்பல் நிறுத்தும் இடத்தில் பெட்ரல் என்ற கப்பல் நிறுத்தப்பட்டு இருந்தது.   இந்த கப்பல் பயணிகள் கப்பலாகும்.  ஓய்விற்காக இந்த கப்பல் லெய்த் என்ற பகுதியில் நிறுத்தப்பட்டிருந்தது.  பயணிகள் அனைவரும் கப்பலுக்குள் இருந்த நிலையில் நிலையில், கப்பல் திடீரென காற்றின் எதிர் திசையில் சரிந்து நீருக்குள் கவிழ்ந்துள்ளது.  

இதனால் அதிர்ச்சி அடைந்த பயணிகள்  அலறி கத்தியுள்ளனர்.  இந்த சம்பவத்தில் 25 க்கும் மேற்பட்டோர் காயமடைந்ததாகக் கூறப்பட்ட நிலையில், அவர்களுக்கு விரைவாக மருத்துவ உதவிகள் வழங்கப்பட்டதாகவும் தெரிவிக்கப்பட்டுள்ளது. 

-நப்பசலையார்

இதையும் படிக்க:   ரஷ்யா உக்ரைனை விட தரவரிசையில் பின்தங்கிய இந்தியா...!!!

உலக மகிழ்ச்சிக்கான நாடுகளின் தர வரிசைப் பட்டியலில் 6 வது முறையாக பின்லாந்து முதலிடம் பிடித்து சாதனை படைத்துள்ளது. 

உலக மகிழ்ச்சி தினம்:

உலக மகிழ்ச்சி தினம் ஆண்டுதோறும் கொண்டாடப்பட்டு வருகிறது.  இதையொட்டி  மகிழ்ச்சியாக இருக்கும் நாடுகளின் தரவரிசைப் பட்டியலை ஐ.நா. சபையின் நீடித்த வளர்ச்சி தீர்வுகள் அமைப்பு வெளியிட்டு உள்ளது. வருமானம், ஆரோக்கியம், சுதந்திரம் மற்றும் ஊழல் இல்லாமை ஆகிய காரணிகள் அடிப்படையில்  இதற்கான ஆய்வு நடத்தப்பட்டது.  இந்நிலையில், இந்தப் பட்டியலில் தொடர்ந்து 6-வது ஆண்டாக ஐரோப்பிய நாடான பின்லாந்து முதலிடத்தில் உள்ளது.  

எவ்வாறு மதிப்பிடப்படுகிறது?:

இந்த அறிக்கைகளை ஐக்கிய நாடுகள் சபையின் நிலையான வளர்ச்சிக்கான தீர்வுகள் வலையமைப்பு வெளியிட்டு வருகிறது.  ஒரு நாட்டின் மொத்த உள்நாட்டு உற்பத்தி (ஜிடிபி), சமூக நிலை, தனிநபர் சுதந்திரம் , ஊழல்களின் அளவு ஆகிய காரணிகளை கொண்டு மகிழ்ச்சியின் அளவு கணக்கிடப்படுகிறது.  

முதலிடத்தில்:

இந்தப் பட்டியல் கடந்த 10 ஆண்டுகளாக வெளிவந்து கொண்டிருக்கிறது. இந்த பட்டியலை ஐ. நா. வெளியிடுகிறது.  அந்தவகையில் தற்போது வெளியாகியுள்ள 146 நாடுகள் கொண்ட பட்டியலில் பின்லாந்து முதல் இடத்தில் உள்ளது. பின்லாந்து கடந்த ஐந்து வருடமாகவே இப்பட்டியலில் முதலிடத்தில் உள்ளது.

மகிழ்ச்சியில் பின் தங்கும் இந்தியா:

மகிழ்ச்சியான நாடுகள் பட்டியலில் இந்தியா எப்போதும் பின்னடைவையே சந்தித்து வருகிறது.  இம்முறை வெளியிட்ட பட்டியலில் இந்தியாவுக்கு 126 ஆம் இடம் கிடைத்துள்ளது. 

ரஷ்யா மற்றும் உக்ரைன்:

ரஷ்யாவிற்கும் உக்ரைனுக்கும் இடையே மோதல்கள் நிலவி வந்தாலும், உலக மகிழ்ச்சி அறிக்கையில் இரு நாடுகளும் இந்தியாவை விட உயர்ந்த இடத்தில் உள்ளன.  அதாவது ரஷ்யா 70 வது இடத்திலும், உக்ரைன் 92 வது இடத்திலும் உள்ளன. 

பின்தங்கிய நாடு:  

கணக்கெடுக்கப்பட்ட 137 நாடுகளில் ஆப்கானிஸ்தானை மிகக் குறைவான மகிழ்ச்சியான நாடாக உலக மகிழ்ச்சி அறிக்கை தரவரிசைப்படுத்தியுள்ளது. 

-நப்பசலையார்

இதையும் படிக்க:  இரண்டு ஆண்டுகளாக போலி கையெழுத்து... ஊராட்சி மன்ற தலைவர் கோரிக்கை!!