ரஷ்ய தாக்குதலால் அச்சமடைந்த உக்ரைன் மக்கள், மெட்ரோ ரயில் நிலையங்களில் தஞ்சமடைந்துள்ளனர். 

உக்ரைனுக்கும், ரஷ்யாவுக்கும் இடையே  கடந்த பிப்ரவரி மாதம் 24ஆம் தேதி முதல் போர் நடந்து வருகிறது.  இந்த போரில் ஆயிரக்கணக்கானோர் உயிரிழந்துள்ளனர்.  ரஷ்யா போர் நிறுத்ததை இதுவரை அறிவிக்காத நிலையில் போர் தொடர்ந்து நடைபெற்று வருகிறது.  ரஷ்யா தொடர்ந்து அதனுடைய பலத்தை நிரூபித்து வரும் நிலையில் உலக நாடுகள் பலவும் உக்ரைனுக்கு ஆதரவு கரம் நீட்டி வருகின்றன.

உக்ரைன் - ரஷ்யா இடையேயான போர் 11 மாதங்களை கடந்து நடைபெற்று வரும் நிலையில், ரஷ்யாவின் தாக்குதலுக்கு பயந்து வீடுகளிலிருந்து வெளியேறிய மக்கள், மெட்ரோ ரயில் நிலையங்கள், சுரங்கப் பாதைகள் உள்ளிட்ட இடங்களில் தஞ்சமடைந்துள்ளனர்.  கீவ் நகரில் உள்ள மெட்ரோ ரயில் நிலையங்களில் பொதுமக்கள் குவிந்துள்ளதால் அங்கு கடும் கூட்ட நெரிசல் ஏற்பட்டுள்ளது. 

-நப்பசலையார்

இதையும் படிக்க:    வயலில் விழுந்து நொறுங்கிய விமானம்.... சம்பவ இடத்திலேயே உயிரிழப்பு....

பிலிப்பைன்சில் 260' ரக விமானம் ஒன்று வயலில்  விழுந்து நொறுங்கிய விபத்தில்  2 விமானிகள் உயிரிழந்துள்ளனர். 

பிலிப்பைன்ஸ் நாட்டின் விமானப்படைக்கு சொந்தமான 'மார்செட்டி எஸ்.எப். 260' ரக விமானம் ஒன்று வழக்கமான பயிற்சிக்காக புறப்பட்டு சென்றது.  அப்போது, இந்த விமானம் பிலார் நகருக்கு மேலே பறந்துகொண்டிருந்தபோது திடீரென விமானிகளின் கட்டுப்பாட்டை இழந்து வயல்வெளியில் விமானம் விழுந்து நொறுங்கியது. 

இந்த கோர விபத்தில் விமானிகள் 2 பேரும் சம்பவ இடத்திலேயே பரிதாபமாக உயிரிழந்துள்ளனர்.  இச்சம்பவம் குறித்து விரிவான நடவடிக்கை எடுக்கப்படும் என பிலிப்பைன்ஸ் ராணுவம் தெரிவித்துள்ளது. 

-நப்பசலையார்

இதையும் படிக்க:   போரில் தன்னார்வ ஊழியர்கள் உயிரிழந்த சோகம்.... 

உக்ரைன் போரில் இங்கிலாந்தை சேர்ந்த தன்னார்வ உதவி ஊழியர்கள் இரண்டு போ் உயிரிழந்துள்ளனர்.

உக்ரைன் நாட்டின் மீது ரஷ்யா 11 மாதங்களுக்கும் மேலாக போர் நடத்தி வருகிறது.  இந்நிலையில்,  கிழக்கு உக்ரைனின் சோலேடார் நகரில் மீட்பு பணிகளில் ஈடுபட்டிருந்த இங்கிலாந்தை சேர்ந்த கிறிஸ் பாரி, ஆண்ட்ரூ பாக்சா ஆகிய இருவரும் மீது பீரங்கி குண்டு வீசப்பட்டு உயிரிழந்ததாக தெரிவிக்கப்பட்டுள்ளது. 

இதனை உறுதி செய்த இங்கிலாந்து வெளியுறவு அமைச்சகம் உயிரிழந்த இருவரின் குடும்பங்களுக்கும் ஆழ்ந்த இரங்கலை தெரிவித்துள்ளது.  மேலும் உக்ரைனில் இங்கிலாந்து குடிமக்கள் யாரும் இருந்தால் உடனடியாக வெளியேற வேண்டுமெனவும் வலியுறுத்தியுள்ளது.

-நப்பசலையார்

இதையும் படிக்க:   உக்ரைனுக்கு போர் டாங்கிகளை வழங்கும் ஜெர்மனி.....

மத்திய நைஜீரியாவில் நடைபெற்ற குண்டுவெடிப்பில் 27 ஃபுலானி இன மேய்ப்பர்கள் பரிதாபமாக உயிரிழந்துள்ளனர். 

நசராவா மாநிலத்தின் டோமா பகுதியில் பழங்குடி ஃபுலானி இனமக்கள் ஏராளமானோர் வசித்து வருகின்றனர்.  இந்நிலையில் அவர்கள் கால்நடைகளை மேய்த்து வந்த பகுதியில் தீடீர் குண்டுவெடிப்பு நடந்துள்ளது.  இந்த குண்டுவெடிப்பில் 27 பேர் கொல்லப்பட்டுள்ளனர்.  

தொடர்ந்து பழங்குடியினர் அமைதியுடன் இருக்குமாறும், சம்பவத்தில் தொடர்புடையவர்களை கைது செய்ய உடனடியாக நடவடிக்கை எடுக்கப்படும் எனவும் அரசுத் தரப்பில் உறுதியளிக்கப்பட்டுள்ளது.

-நப்பசலையார்

இதையும் படிக்க:    வெற்றி பெற்ற மக்கள் போராட்டம்... விரைவில் பொதுத்தேர்தல்!!!

பெருவில் போராட்டம் உச்சம் தொட்டு வரும் நிலையில், விரைவில் பொதுத் தேர்தலுக்கு ஒப்புதல் அளிக்குமாறு காங்கிரஸுக்கு அதிபர் டினா போலுவார்டே அழைப்பு விடுத்துள்ளார். 

பெருவின் முன்னாள் அதிபர் பெட்ரோ காஸ்டில்லோ ஊழல் குற்றச்சாட்டில் பதவி பறிக்கப்பட்டு சிறையில் அடைக்கப்பட்டார்.  இதனையடுத்து புதிய அதிபராக பொறுப்பேற்றுள்ள டீனா பொலுவார்த்தேவுக்கு எதிராக நடந்து வரும் போராட்டங்கள் நாளுக்கு நாள் தீவிரமடைந்து வருகிறது. 
இதன் காரணமாக 60க்கும் மேற்பட்ட மக்கள் உயிரிழந்துள்ளனர்.  பல்வேறு இடங்களில்  போராட்டகாரர்களுக்கும் போலீசாருக்கும் இடையே மோதல் வெடித்திருக்கிறது. 

இந்நிலையில்  விரைவில் பொதுத் தேர்தலுக்கு ஒப்புதல் அளிக்குமாறு காங்கிரஸுக்கு அதிபர் டினா போலுவார்டே அழைப்பு விடுத்துள்ளார்.  இதனால் விரைவில் பெருவில் பொதுத்தேர்தல் நடைபெறும் என எதிர்பார்க்கப்படுகிறது.

-நப்பசலையார்

இதையும் படிக்க:  கடும் பனிப்பொழிவால் பாதிக்கப்பட்டுள்ள மக்களின் இயல்பு வாழ்க்கை!!!