ஈரானில் பொது இடத்தில் நடனம் ஆடிய ஜோடிக்கு சிறைத்தண்டனை வழங்கி அந்நாட்டு அரசு உத்தரவிட்டுள்ளது. 

ஈரான் தலைநகர் தெஹ்ரானில் உள்ள முக்கிய நினைவுச் சின்னமான ஆசாதி கோபுரத்தின் முன்பு இளம் காதல் ஜோடி இருவர் நடனம் ஆடிள்ளனர்.  இந்த வீடியோ இணையத்தில் வைரலான நிலையில், ஊழல் மற்றும் விபச்சாரத்தை ஊக்குவித்தல் மற்றும் தேசிய பாதுகாப்பை சீர்குலைக்கும் நோக்கத்துடன் செயல்பட்டதாக கூறி இவர்கள் மீது ஈரான் அரசு வழக்கு பதிவு செய்துள்ளது. 

மேலும், இருவருக்கும் தலா 10 ஆண்டுகள் 6 மாதம் சிறைத்தண்டனை வழங்கியும் உத்தரவிட்டுள்ளது.

-நப்பசலையார்

இதையும் படிக்க:  உக்ரைனுக்கு உதவுவதிலிருந்து பின்வாங்கிய ஜோ பைடன்.... உக்ரைனின் நிலை என்ன?!! 

உக்ரைனுக்கு எப் 16 போர் விமானங்கள் அனுப்பப்பட மாட்டாது என்று அமெரிக்க அதிபர் ஜோ பைடன் திட்டவட்டமாக தெரிவித்துள்ளார். 

உக்ரைன் மீது ரஷியா போர் தொடுத்து 11 மாதங்களைக் கடந்துள்ளது.  போரினால் டோனெட்ஸ்க் பகுதியில் பாக்முத், வூலெடார் மற்றும் பிற பிரிவுகளிலும் நிலைமை மோசமடைந்துள்ளது.  கடும் சூழ்நிலையை எதிர்கொள்ள வேண்டியுள்ளதால் தங்களுக்கு புதிய ஆயுதங்கள் வேண்டும் என உக்ரைன் அதிபர் ஜெலன்ஸ்கி கோரிக்கை வைத்திருந்தார்.  இதனிடையே உக்ரைனுக்கு எப்-16 பைட்டர் போர் விமானத்தை அமெரிக்கா அனுப்புவதாக முன்னர் அறிவித்திருந்த நிலையில் தற்போது அதிலிருந்து பின்வாங்கியுள்ளது.

உக்ரைனுக்கு போர் விமானங்கள் ஒருபோதும் வழங்கப்படமாட்டாது என திட்டவட்டமாக வெளிப்படையாக அறிவித்துள்ளார் அமெரிக்கா அதிபர் ஜோ பைடன்.

-நப்பசலையார்

இதையும் படிக்க:  பஸ் ஸ்டாண்டில் தொடங்கிய திரைப்பயணம்..... ஜெயிலரில் ரஜினியுடன்......

மெட்டாவின் தலைமை நிர்வாக அதிகாரி மார்க் சூக்கர்பெர்க் 11 ஆயிரம் பணிநீக்கங்களுக்குப்பின், மேலும் கூடுதலான நடவடிக்கைகளுக்கு வாய்ப்புள்ளதாக தெரிவித்துள்ளார். 

கூகுள், அமேசான், மெட்டா, ஃபோர்டு, சொமேட்டோ, ஸ்விக்கி உள்ளிட்ட பிரபல நிறுவனங்கள் கொத்துக் கொத்தாக பணிநீக்கங்களை அறிவித்தன. தொடர்ந்து பிரபல தனியார் செய்தி நிறுவனத்திற்கு அளித்த பேட்டியில், ஊழியர்களை ஒன்றிணைக்கும் மேனேஜர்களை பணிநீக்கம் செய்து இழப்பீடும் வழங்கக் கூடாது என நினைப்பதாகக் கூறினார். 

அனைத்தையும் மேனேஜ் செய்யும் மேனேஜர்கள் தேவையில்லை என நினைப்பதாகவும் அவர் தெரிவித்தது குறிப்பிடத்தக்கது.

-நப்பசலையார்

இதையும் படிக்க:  கேளிக்கை விடுதியில் துப்பாக்கி சூடு.... 8 பேர் உயிரிழப்பு!!!

மெக்சிகோவில் இரவு நேர கேளிக்கை விடுதியில் நடத்தப்பட்ட துப்பாக்கிச்சூட்டில் 8 பேர் பலியாகினர்.  

மெக்சிகோ நாட்டின் வடக்கு பகுதியில் உள்ள ஜகாடெகாஸ் மாகாணத்தின் ஜெரெஸ் நகரில் இரவு நேர கேளிக்கை விடுதியில் ஏராளமானவர்கள் திரண்டிருந்தனர்.  அவர்கள் மது, ஆடல், பாடல் என மகிழ்ச்சியில் திளைத்திருந்தனர்.  அப்போது மர்ம நபர்கள் சிலர் கையில் துப்பாக்கியுடன் கேளிக்கை விடுதிக்குள் நுழைந்தனர்.  பின்னர் அவர்கள் அங்கிருந்தவர்களை துப்பாக்கியால் சரமாரியாக சுட்டனர். இந்த துப்பாக்கி சூட்டில் 8 பேர் பரிதாபமாக உயிரிழந்தனர். 

இச்சம்பவம் குறித்து போலீசார் விசாரணை மேற்கொண்டுள்ளனர். 

-நப்பசலையார்

இதையும் படிக்க:  மசூதியில் குண்டுவெடிப்பு..... பலி எண்ணிக்கை அதிகரிப்பு....

பாகிஸ்தானில் ஒரு மசூதியில் நடந்த குண்டுவெடிப்பில் சிக்கி உயிரிழந்தோர் எண்ணிக்கை 90 ஆக உயர்ந்துள்ளது. 

பெஷாவரில் உள்ள மசூதியில் ஏராளமான மக்கள் வழக்கம்போல் தொழுகைக்காக கலந்து கொண்டனர். அப்போது திடீரென பயங்கர சத்தத்துடன் குண்டுவெடித்த நிலையில், 46 பேர் உயிரிழந்தனர். தொடர்ந்து படுகாயமடைந்த ஏராளமானோர் மருத்துவமனையில் அனுமதிக்கப்பட்ட நிலையில், பலி எண்ணிக்கை 90 ஆக உயர்ந்துள்ளது. 

150 பேர் சிகிச்சையில் உள்ளதாக தெரிவிக்கப்பட்டதோடு, மனித வெடிகுண்டாக ஒரு பயங்கரவாதி செயல்பட்டதாகவும் கூறப்பட்டுள்ளது.

-நப்பசலையார்

இதையும் படிக்க:    அமேசானை பின்பற்றும் பிலிப்ஸ்..... தோல்வியுறும் நிறுவனங்கள்.....