இலங்கையின் முன்னாள் அதிபர் கோத்தபய ராஜபக்ச அடுத்த வாரம் அந்நாட்டிற்கு திரும்புவார் என இலங்கையின் அமைச்சர் ஒருவர் தெரிவித்துள்ளார்.

இலங்கையில் பொருளாதார நெருக்கடி

ஈழத் தமிழர் மீதான இனப்படுகொலைக்காக ஆயுதங்கள் மற்றும் போர்த் தளவாடங்கள் வாங்கியதால் அந்நாட்டு பொருளாதாரம் பாதிப்படைந்தது. இலங்கையின் பொருளாதாரம் சீரழிந்ததால் அந்நாட்டு மக்கள் அதிபர் கோத்தபய ராஜபக்ச மற்றும் பிரதமர் மகிந்த ராஜபக்ச ஆகியோர் பதவி விலகக் கோரி போராட்டம் நடத்தினர். 

மாலத்தீவிலிருந்து வெளியேறிய கோத்தபய

இலங்கையில் ஏற்பட்ட கடும் பொருளாதார நெருக்கடியைத் தொடர்ந்து போராட்டக்காரர்களின் கடும் எதிர்ப்பினால் இதற்கு பயந்து முன்னாள் பிரதமர் மகிந்த ராஜபக்சே தலைமறைவாக இருந்து வந்தார். போராட்டம் தீவிரமடைந்ததால் கோத்தபய மாலத்தீவிற்கு தப்பியோடினார். அங்கும் அவருக்கு கடும் எதிர்ப்பு நிலவியதால் அந்நாட்டிலிருந்து சிங்கப்பூருக்குத் தப்பியோடினார்.

சிங்கப்பூரிலிருந்து வெளியேற உத்தரவு

கோத்தபய ராஜபக்ச, அவரது மனைவி மற்றும் பாதுகாப்பு அதிகாரிகள் 15 நாட்களுக்கு மட்டுமே நாட்டில் தங்க சிங்கப்பூர் அரசாங்கம் அனுமதி வழங்கியது. அந்த கால அவகாசம் முடிவடைந்த பின்னர் உடனடியாக நாட்டை விட்டு வெளியேறுமாறு  கோத்தபய ராஜபக்சவிற்கு அந்நாட்டு அரசாங்கம் அறிவித்தது.   

வெளியுறவுத்துறை அமைச்சர் தகவல்

கோத்தபய ராஜபக்ச இலங்கை திரும்புவது உறுதி என்று வெளியுறவுத்துறை அமைச்சரும் அவரின் வழக்குரைஞருமான அலி சப்ரி ஊடகத்திற்கு தெரிவித்துள்ளார்.

கோத்தபய ராஜபக்ச இலங்கை திரும்புவதில் அந்நாட்டு அரசாங்கம் அதிகாரப்பூர்வமாக எந்த ஏற்பாடுகளையும் செய்ய வேண்டிய அவசியம் இல்லை. அவர் இராஜதந்திர ரீதியாக நாடு திரும்புவார்.அவர் இலங்கையின் குடிமகன், அவர் விரும்பியவாறு பயணம் செய்யலாம் எனவும் வெளியுறவுத்துறை அமைச்சர் அலி சப்ரி தெரிவித்துள்ளார்.

ரணில் விக்ரமசிங்கவிடம் கோரிக்கை 

இதேவேளை, கோத்தபயவின் உறவினரான உதயங்க நேற்று முன்தினம் இதே தகவலை வெளியிட்டிருந்தார்.முன்னாள் அதிபர் கோத்தபயவுக்கு சிறப்புப் பாதுகாப்பு ஏற்பாடுகளைச் செய்து கொடுக்க வேண்டும் என சிறீலங்கா பொதுஜன பெரமுனவினர் அதிபர் ரணில் விக்ரமசிங்கவிடம் கோரிக்கை முன்வைத்துள்ளதும் குறிப்பிடத்தக்கது.

உலக நாடுகளின் எதிர்ப்பையும் மீறி, உக்ரைன் மீது ரஷ்யா கடந்த பிப்ரவரி மாதம் போர் தொடுத்தது.  இதில் கல்வி நிலையங்கள், அணு உலைகள் மீது நடத்தப்பட்ட தாக்குதலால் நகரங்கள் உருக்குலைந்தன. அங்கு சிக்கிய சுமார் 20 இந்திய மாணவர்களை மத்திய அரசு பெரும் சிரமத்துக்கு பிறகு மீட்டு தாயகம் அழைத்து வந்தது.

மேலும் அவர்களின் படிப்பை தொடர நடவடிக்கை எடுக்கப்படும் என மத்திய அரசு கூறிய நிலையில்,  இதுவரை அதுகுறித்து எவ்வித ஆக்கப்பூர்வ நடவடிக்கையும் எடுக்கப்படவில்லை என சொல்லப்படுகிறது.

குறிப்பாக உக்ரைனில் இருந்து நாடு திரும்பிய மாணவர்கள் தங்களை இந்திய மருத்துவக்கல்லூரிகளிலேயே சேர்க்க நடவடிக்கை எடுக்குமாறு போராட்டங்களை நடத்தியும், வெளிநாட்டு கல்வி நிறுவனங்களில் பயின்று இடையில் திரும்பும் மாணவர்களை இந்தியா கல்வி நிறுவனங்களில் சேர்க்க வழிமுறை இல்லை என நாடாளுமன்றத்தில் மத்திய அரசு கைவிரித்தது. இதனிடையே உக்ரைன் போரால் பாதிக்கப்பட்ட மாணவர்கள் கல்வியை தொடர உதவுவதாக ரஷ்யா அறிவித்தது.

இந்தநிலையில் சுமார் 6 மாதங்களாக போர் நீடித்து வரும் உக்ரைனில் செப்டம்பர் மாதம் முதல் நேரடி வகுப்புகளை தொடங்க அந்நாட்டு மருத்துவ பல்கலைக்கழகங்கள் முடிவு செய்துள்ளன. அத்துடன் மருத்துவம், பல் மருத்துவம் மற்றும் துணை மருத்துவ படிப்புகளுக்கு நடத்தப்படும் கே.  ஆர்.ஓ.கே.1 தேர்வை அக்டோபரில் நேரடியாக நடத்தவும் முடிவு செய்யப்பட்டு உள்ளது. இதற்கென மாணவர்களிடம் அடுத்த செமஸ்டருக்கான கல்வி கட்டணத்தையும் செலுத்த அறிவுறுத்தப்பட்டு வருகிறது.

இதனால் பெரும் குழப்பத்தில் உள்ள மாணவர்கள் கல்வியை தொடர வழியில்லாமலும், போர் மூண்டுள்ள உக்ரைனுக்கு செல்ல விரும்பாமலும் உள்ளனர். அங்கு சென்றால் மீண்டும் போரில் சிக்கி கொள்ள நேரிடுமோ என பெற்றோர்களும் அச்சம் தெரிவிப்பதால் மாணவர்கள் கலக்கத்தில் உள்ளனர்.

இலங்கை துறைமுகத்தை ராணுவ நோக்கத்துக்காக பயன்படுத்த சீனாவுக்கு அனுமதி இல்லை என அந்நாட்டு அதிபர் ரணில் விக்கிரமசிங்கே திட்டவட்டமாக தெரிவித்துள்ளார். 

இலங்கை வந்த சீன உளவுக் கப்பல்: இந்தியாவின் கடும் எதிர்ப்பை மீறி இலங்கையின் அம்பன்தோட்டா துறைமுகத்திற்கு சீன உளவுக் கப்பல் 'யுவான் வாங் 5'  வந்தடைந்தது. நேற்று அம்பன்தோட்டா துறைமுகத்துக்கு வந்த சீன உளவுக் கப்பல் வரும் 22-ந் தேதி வரை அங்கு நிறுத்தப்பட்டிருக்கும் என தெரிவிக்கப்பட்டுள்ளது. இந்தியாவின் எல்லைக்கு மிக அருகில் சீன உளவு கப்பல் நெருங்கி வருவது இதுவே முதல் முறை என்பதால் இந்திய ராணுவம் இதை அச்சுறுத்தலாக கருதுகிறது. இந்த சூழலில், அம்பன்தோட்டா துறைமுகத்தை ராணுவ நோக்கங்களுக்காக சீனா பயன்படுத்த அனுமதிக்கப்படாது என்று இலங்கை அதிபர் ரணில் விக்கிரமசிங்கே தெரிவித்துள்ளார். 

இந்தியா அச்சத்தை தவிர்க்க அரசாணை: அதேசமயம், சீன உளவுக் கப்பல் குறித்த இந்தியாவின் அச்சத்தைப் போக்கும் வகையில், கப்பலின் வருகையை ஒத்தி வைக்குமாறு சீன அரசிடம் கோரிக்கை வைத்ததாக இலங்கை அமைச்சர் பந்துல குணவர்தனே தெரிவித்துள்ளார். இதற்கான அரசாணையை வெளியிட்டுள்ள வெளியுறவுத்துறை அமைச்சகம், இலங்கைக் கடலில் சீன உளவுக்கப்பல் எந்தவொரு ஆராய்ச்சி மற்றும் ஆய்வு நடவடிக்கைகளையும் நடத்துவதைத் தவிர்க்க வேண்டும் என்றும் கோரிக்கை விடுத்துள்ளதாக குறிப்பிட்டுள்ளது. 

இலங்கையில் 200 க்கும் அதிகமான மருந்துகளுக்கு  கடுமையான தட்டுப்பாடு நிலவுகிறது. இவ்வாறு தொடர்ந்தும் மருந்துகளுக்கு தட்டுப்பாடு நிலவுமாயின் நாடு மோசமான நிலைமையை எதிர்கொள்ள நேரிடும் என அரச மருத்துவ அதிகாரிகள் சங்கத்தின் செயலாளர் மருத்துவர் ஹரித அலுத்கே தெரிவித்தார்.

 பொருளாதார நெருக்கடி

 இது தொடர்பில் அவர் மேலும் தெரிவிக்கையில், நாட்டில் நிலவும் பொருளாதார நெருக்கடி  காரணமாக பல வைத்தியசாலைகளில் மருந்துகளுக்கு தட்டுப்பாடு நிலவுகிறது. அரசாங்கத்தினால் இவ்வருடத்தில் மூன்று மாதங்களுக்கு தேவையான மருந்துகளை  கொள்வனவு செய்வதற்காக  12.4 பில்லியன் ரூபா செலவிடப்பட்டுள்ளது.

 குறைந்த அளவில் மருந்துகள்

 எனினும் கடந்த 2020 மற்றும் 2021 ஆம் ஆண்டுகளில் ஒரு காலாண்டுக்கு மாத்திரம் 20 பில்லியன் ரூபா செலவிடப்பட்டுள்ளது.  இந்நிலையில் உயிர்காக்கும் மருந்துகள் குறைந்த அளவிலும்  ஏனைய மருந்துகள் போதியளவிலும் கையிருப்பில் உள்ளன. கடந்த மே மாதம் 13 ஆம் திகதியிலிருந்து 200 க்கும் அதிகமான மருந்துகளுக்கு தட்டுப்பாடு நிலவுகிறது. மேலும் 56 சதவீதமான அறுவை சிகிச்சை மருந்துகளுக்கும் பாரிய தட்டுப்பாடு நிலவுகிறது. அது மட்டுமல்லாமல் சத்திர சிகிச்சைகள் மேற்கொள்வதற்கான இயந்திர வசதிகளைப் பெற்றுக் கொள்வதிலும் சிக்கல் நிலவுகிறது என்றார். 

அமெரிக்காவில் இந்திய கூட்டமைப்பு சார்பில் நடைபெற்ற சுதந்திர தின நிகழ்ச்சி, பார்வையாளர்களை வெகுவாக கவர்ந்தது. 

அமெரிக்காவில் இந்திய சுதந்திர தின கொண்டாட்டம்: இந்தியாவின் 75வது சுதந்திர தினம், உலகம் முழுவதும் உள்ள இந்தியர்களால் உற்சாகமாக கொண்டாடப்பட்டது. இதன் ஒருபகுதியாக அமெரிக்காவின் டைம்ஸ் சதுக்கத்தில், இந்திய கூட்டமைப்பு ஏற்பாடு செய்திருந்த நிகழ்ச்சியில், பிரபல திரைப்பட இசையமைப்பாளரும், பாடகருமான சங்கர் மகாதேவன், உற்சாகமாக இந்தி பாடல் பாடினார். 

கண்கவர் கலைநிகழ்ச்சி: அமெரிக்காவுக்கான இந்திய தூதர் தரன்ஜித் சிங் சந்து, வாஷிங்டன் நகரில் உள்ள தூதரக அலுவலகத்தில், மூவர்ணக்கொடியை ஏற்றி வைத்து மரியாதை செலுத்தினார். அப்போது நடைபெற்ற கலை நிகழ்ச்சிகள் பார்வையாளர்களை வெகுவாக கவந்தன.

மூவர்ண கொடி நிறத்தில் மிளிர்ந்த உலக வர்த்தக மையம்: முன்னதாக 75வது சுதந்திர தின விழாவை கொண்டாடும் இந்தியாவுக்கு வாழ்த்து தெரிவித்து நியூயார்க்கில் உள்ள உலக வர்த்தக மையம் மூவர்ண கொடி நிறத்தில் மிளிரவிடப்பட்டது. 

#WATCH | USA: Singer & music composer Shankar Mahadevan sings 'Ae Watan' at Times Square in New York where the national flag will shortly be hoisted to mark the 76th #IndependenceDay of India#IndiaAt75 pic.twitter.com/vMBPEB36nI

— ANI (@ANI) August 15, 2022