பொருளாதார நெருக்கடி காரணமாக நிகழும் பிரச்சனைகளால் அண்டை நாடான இலங்கை தவித்துக் கொண்டு வருகிறது. இதனால் கடந்த ஏப்ரல் மாதம் முதல் பொதுமக்களின் போராட்டமும் அரங்கேறத் தொடங்கியது.

இதுவரை நடைபெற்று வரும் வன்முறைகளினால் ஒரு.எம்.பி உள்பட 10 பேர் உயிரிழந்ததாக சொல்லப்பட்டது. இதனை தொடர்ந்து பொருளாதார நெருக்கடியினால் ஏற்பட்ட கலவரங்களில் பிரதமராக இருந்த மகிந்த ராஜபக்சே, உள்ளிட்ட மந்திரிகள் பலரும் தங்களது பதவிகளை ராஜினாமா செய்தனர். 

இருப்பினும் மக்களின் பிரச்சனைகள் மட்டும் சற்றும் குறைந்து விடாமல் அதிகரித்துக் கொண்டே தான் போனது. இதையடுத்து மக்கள் அன்றாட தேவைகளுக்காக பயன்படுத்தப்படும் பொருட்களின் விலைகளை அதிகரித்தது மட்டுமல்லாது டீசல் பெட்ரோல்களின் விலைகளையும் உயர்த்தி வந்தனர். 

இந்நிலையானது இரண்டே மாதங்களில் மட்டும், மூன்றாவது முறையாக பெட்ரோல் மற்றும் டீசலின் விலையை உயர்த்தியுள்ளனர். இதில் பெட்ரோலானது ரூ.50 க்கு அதிகரித்து லிட்டர் ரூ.470 ஆக விற்பனை செய்யப்படுகிறது. இதேபோல் டீசலின் விலையும் ரூ.60 அதிகரித்து லிட்டர் ரூ.460 க்கு விற்பனையாகிறது. இந்த விலை நேற்று பிற்பகல் இரண்டு மணியளவில் அமலுக்கு வந்ததாக தெரிவிக்கப்பட்டுள்ளது. 

அரசுக்கு சொந்தமான சிலோன் பெட்ரோலிய நிறுவனமும் இலங்கை இந்திய எண்ணெய் நிறுவனமும் இந்த விலை உயர்வை அறிவித்திருக்கின்றனர். இதன் இடையில் பெட்ரோலிய பொருட்களின் இறக்குமதி தாமதத்தின் காரணமாக தட்டுப்பாடு நிலவி பல எரிப்பொருள் நிலையங்கள் மூடும் கட்டத்திற்கு தள்ளப்பட்டன. இதனால் பொதுமக்கள் கடும் அவதிக்குள்ளாகி வருகின்றனர். 

பெட்ரோல் நிலையங்களில் பொதுமக்கள் நீண்ட வரிசையில் காத்திருந்து பெட்ரோல் வாங்கும் நிலைமைக்கு தள்ளப்பட்டதால் ஆங்காங்கே ஐந்து நாள், ஆறு நாள் என வரிசையில் காத்திருந்து பசிப் பட்டினியிலும் , உடல் உபாதைகள் நிகழ்ந்தும் சிலர் இறக்க நேரிடுகிறது. 

இதன் காரணமாக பொதுமக்கள் நீண்ட வரிசையில் காத்திருந்து பெட்ரோல் வாங்குவதை தவிர்ப்பதற்காக இன்று முதல் டோக்கன் முறையை அமலுக்கு கொண்டு வருவதாக மின்சாரம் மற்றும் எரிசக்தி மந்திரி கஞ்சன விஜேசேகரா தெரிவித்துள்ளார்.

இதனை தொடர்ந்து வங்கி நடைமுறை மற்றும் எரிப்பொருள் கொண்டு வருவதில் ஏற்பட்டிருக்கும் சில பிரச்சனைகள் காரணமாக இந்த வாரம் மற்றும் அடுத்த வாரம் வரவேண்டி இருந்த பெட்ரோல் , டீசல், கச்சா எண்ணெய் உள்ளிட்டவைகளின் இறக்குமதிக்கு தாமதம் ஆகுமென்பதால் அடுத்த வாரம் வரை பல எரிபொருள் நிலையங்கள் மூடப்பட்டிருக்கும் எனவும் அவர் தெரியப்படுத்தியுள்ளார். 

கடும் பொருளாதார நெருக்கடியில் இலங்கை சிக்கியுள்ள நிலையில், எரிபொருள் தட்டுப்பாடும் நாட்டை ஆட்டிப்படைத்து வருகிறது. இதனால் மின்உற்பத்தி பாதிப்பு, போக்குவரத்து முடக்கம் உள்ளிட்டவற்றை மக்கள் அனுபவித்து வருகின்றனர்.

பெட்ரோல், டீசல் விற்பனை நிலையங்களில் போதியளவு எரிபொருள் இல்லாததால் மக்கள் நீண்ட வரிசையில்  நாள் கணக்கில் காத்திருக்கும் நிலை ஏற்பட்டுள்ளது. இதனால் பெட்ரோல், டீசல் விலை கடுமையாக அதிகரித்து வந்த நிலையில், மீண்டும் விலை அதிகரித்துள்ளது.

அதன்படி ஒக்டேன் 92 ரக பெட்ரோலின் விலை லிட்டருக்கு 50 ரூபாய் அதிகரித்து 470 ரூபாய்க்கும் ஒக்டேன் 95 ரக பெட்ரோல் லிட்டருக்கு 100 ரூபாய் அதிகரித்து 550 ரூபாய்க்கும் விற்பனையாகிறது. டீசல் விலை லிட்டருக்கு 75 ரூபாய் அதிகரித்து 520 ரூபாய்க்கு விற்பனையாவது குறிப்பிடத்தக்கது.

கடும் பொருளாதார நெருக்கடிக்கு ஆளான இலங்கையில் எரிபொருள் தட்டுப்பாட்டால் பொதுமக்கள் கடும் அவதிகுள்ளாகி உள்ளனர்.

இந்நிலையில் கடந்த சில நாட்களாக ஹட்டன், பிள்ளையார் கோவில் சந்திப்பில் சிபேட்கோ எரிபொருள் நிரப்பும் நிலையத்திற்கு மண்ணெண்ணெய் வராததால், வரிசைகளில் காத்திருந்த மக்கள் ஏமாற்றத்துடன் திரும்பி சென்றனர்.

தொடர்ந்து, நேற்று மண்ணெண்ணெய் விநியோகிக்கப்படும் என கூறப்பட்ட நிலையில், பொதுமக்கள் வரிசையில் அணிவகுத்து நின்றனர்.  ஆனால் மண்ணெண்ணெய் விநியோகிக்கப்படாததால் ஆத்திரமடைந்த மக்கள் ஹட்டன் - கொழும்பு பிரதான சாலையை மறித்து போராட்டத்தில் ஈடுபட்டனர். இதனையடுத்து போலீசார் பேச்சுவார்த்தை நடத்தியதால் போராட்டம் கைவிடப்பட்டது. 

கனடா, பிரான்ஸ், ஜெர்மனி, இத்தாலி, ஜப்பான், இங்கிலாந்து, அமெரிக்கா ஆகிய நாடுகள் இணைந்து உருவாக்கியுள்ள 'ஜி-7' அமைப்பின் உச்சி மாநாடு, ஜெர்மனியின் ஸ்குலோஸ் எல்மாவ் நகரில் இன்றும் நாளையும் நடைபெறுகிது.

இந்த மாநாட்டில் கலந்துகொள்ளுமாறு பிரதமர் மோடிக்கு ஜெர்மனி பிரதமர் அழைப்பு விடுத்தார். அவரது அழைப்பை ஏற்று பிரதமர் மோடி, 'ஜி-7' உச்சி மாநாட்டில் கலந்து கொள்ளவதற்காக டெல்லியிலிருந்து தனி விமானம் மூலம் ஜெர்மனி புறப்பட்டுச் சென்றார்.

தொடர்ந்து ஜெர்மனி சென்றடைந்த பிரதமர் மோடிக்கு அந்நாட்டு பாரம்பரிய இசையுடன் உற்சாக வரவேற்பு அளிக்கப்பட்டது. மாநாட்டில் அமெரிக்க அதிபர் ஜோ பைடன், பிரிட்டன் பிரதமர் போரிஸ் ஜான்சன்,பிரான்ஸ் அதிபர் இம்மானுவேல் மேக்ரான் உள்ளிட்ட 12 நாடுகளின் தலைவர்களை மோடி சந்தித்து பேச உள்ளார்.

Munich | PM Narendra Modi arrives in Germany to attend the G7 Summit under the German Presidency

(Source: DD) pic.  twitter.com/aAOX4ayjGt

— ANI (@ANI) June 26, 2022

ஐரோப்பிய ஒன்றியம் உக்ரைனுக்கு வேட்பாளர் அந்தஸ்து வழங்கியதை அடுத்து ரஷ்யா தனது தாக்குதலை தீவிரப்படுத்தியது.  கடந்த சில வாரங்களாக டான்பாஸ் பகுதியில் உள்ள செவெரோடொனட்ஸ் நகரத்தை முற்றுகையிட்டிருந்த ரஷ்யா, கடந்த 2 தினங்களாக இடைவிடாத தாக்குதலைத் தொடங்கியது. இதனைத் தாக்குப் பிடிக்க முடியாத உக்ரைன்  வீரர்கள் பின்வாங்கி நகரை விட்டு வெளியேறியனர். இதையடுத்து முக்கிய தொழில் நகரான செவெரோடொனட்ஸ்க் ரஷ்யாவின் முழுக் கட்டுப்பாட்டின் கீழ் வந்தது. 

போர் தந்திரம் காரணமாகவே பின்வாங்கியுள்ளதாக கூறியுள்ள உக்ரைன் அதிபர் ஜெலன்ஸ்கி, விரைவில் இழந்த நகரங்களை மீட்போம் என்று கூறியுள்ளார்.  இதனிடையே உக்ரைன் மக்கள் கண்ணீருடன் நகரை விட்டு வெளியேறி வருகின்றனர். கடந்த மாதம் மரியுபோல் நகரை கைப்பற்றியதையடுத்து ரஷ்ய படைகளுக்கு கிடைத்த மற்றொரு குறிப்பிடத்தக்க வெற்றியாக செவெரோடொனட்ஸ்க் பார்க்கப்படுகிறது. எஞ்சியுள்ள லிசிசான்ஸ்க் நகரையும் கைப்பற்றி விட்டால் கிழக்கு உக்ரைன் முழுவதும் ரஷ்யா வசமாகி விடும் என்பது குறிப்பிடத்தக்கது.