இத்தாலி நாட்டில் மேஜிக் ஃபுளூட்" என்று செல்லமாக அழைக்கப்படும் மகப்பேறு மருத்துவர் 60 வயதான கியோவானி மினியெல்லோ குழந்தை பாக்கியம் இல்லை என்று வந்த பெண்ணிடம் தன்னுடன் உறவு  வைத்துக் கொள்ளுமாறு கூறியுள்ளார். மேலும் சிறு மார்பகங்கள் கொண்ட பெண்களின் ரசிகன் நான் என்று கூறி அந்த பெண்ணிடம் தவறாக நடந்து கொள்ள முயற்சி செய்துள்ளார். அதோடு மட்டுமில்லாமல் குழந்தை பாக்கியம் இல்லை என்று சென்ற அந்த பெண்ணிடம் உங்களுக்கு பாலியல் ரீதியாக தொற்றிய டிஎன்ஏ வைரஸ் இருப்பதாகவும், தன்னுடன் உறவு வைத்து கொண்டால் குழந்தை பிரச்சனைக்கு தீர்வு கிடைக்கும் என்றும் ஆபாசமாக பேசியுள்ளார்.

இதையடுத்து அந்த பெண், மருத்துவரின் இந்த பாலியல் ரீதியான சீண்டல்களை ஒரு தொலைக்காட்சியில் கூறி அழுத்துள்ளார். அதன் பிறகு அந்த தொலைக்காட்சி நிறுவனம் பெண் பத்திரிக்கையாளர் ஒருவரை குழந்தை இல்லை, சிகிச்சை தேவை என்று மருத்துவர் கியோவானி மினியெல்லோ-விடம் கூறுமாறு அனுப்பி வைத்துள்ளனர். பின்னர் மருத்துவர் கியோவானி மினியெல்லோ அந்த பெண்ணிடம் கூறியது போலவே செக்ஸ் சிகிச்சையை பரிந்துரை செய்துள்ளார். மேலும் தான் 2 டோஸ் வேக்சின் போட்டு கொண்டுள்ளதால் தன்னுடைய உடல் நோய் எதிர்ப்பு சக்தி உங்களுக்கும் கிடைக்கும் என்று கூறியுள்ளார்.

அதன் பிறகு சிகிச்சைக்காக அந்தப் பெண்ணை ஓட்டல் ஒன்றுக்கு அழைத்து சென்ற மருத்துவர் கியோவானி மினியெல்லோ அங்கு தனது உடைகளை களைந்துள்ளார். அப்போது உள்ளே புகுந்த தொலைக்காட்சி நிருபர் ஒருவர் அரை நிர்வாணமாக இருந்த அந்த மருத்துவரை கையும் களவுமாக பிடித்துள்ளார். இருப்பினும் அந்த மருத்துவர் "நான் இதை ஆய்வுக்காக தான் செய்கிறேன், இப்படி நான் பலரை காப்பாற்றியுள்ளேன்" என்று கூறி மலுப்ப தொடங்கியுள்ளார். இந்த சம்பவம் அம்பலமான பிறகு கிட்டத்தட்ட 15 பெண்களிடம் அந்த மருத்துவர் கைவரிசையை காட்டி இருப்பதும் தெரியவந்துள்ளது. மேலும் அந்த மருத்துவர் தனது வேலையையும் ராஜினாமா செய்துள்ளார்.

முதுகு பகுதியில் பாதிப்பு ஏற்பட்டு டியூப் உதவியுடன் தமது வாழ்நாளை கழித்து வரும் எவீ டூம்ஸ் என்ற 20 வயது இளம்பெண், தம்முடைய பிறப்புக்கு பிரசவம் பார்த்த மருத்துவர் பிலிப் மிட்செலுக்கு எதிராக, லண்டன் உயர்நீதிமன்றத்தில் விசித்திர வழக்கு தொடர்ந்துள்ளார். 

தம்முடைய தாயாருக்கு சரியான மருந்துகளை மருத்துவர் பரிந்துரைத்து இருந்தால், கர்ப்பம் தள்ளி சென்று, தாம் பிறந்திருக்காமல் இருந்திருப்பேன் என தெரிவித்துள்ளார். அவரது வழக்கை விசாரணைக்கு எடுத்து கொண்ட நீதிபதி ரோசாலிண்ட் கோ, குறிப்பிடத்தக்க தீர்ப்பை வழங்கியுள்ளார். 

எவீயின் தாயாருக்கு சரியான அறிவுறுத்தல்களை பிலிப் வழங்கியிருந்தால், கர்ப்பம் தள்ளி சென்றிருக்கும் என்றும், அதன் பின்னர் கர்ப்பம் தரிக்கும்போது ஆரோக்கியமுள்ள குழந்தை பிறந்திருக்கும் எனவும் கூறி, எவீக்கு இழப்பீடாக பெருந்தொகை கிடைப்பதற்கான உரிமை உள்ளதாக தெரிவித்துள்ளார்.  இழப்பீடு தொகை இன்னும் மதிப்பிடப்படவில்லை. ஆனால் அது லட்சக்கணக்கில் பெரும் தொகையாக இருக்கும் என கூறப்படுகிறது.

சீனாவின் பிரபல டென்னிஸ் வீராங்கனை பெங் ஷுவாய். இவர் அந்நாட்டின் முக்கிய கம்யூனிஸ்ட் கட்சியின் தலைவருக்கு எதிராக பாலியல் புகார் அளித்தை தொடர்ந்து இரு வாரங்களுக்கு முன்பு மாயமானார்.

இந்நிலையில் பெங் ஷுவாயின் எங்கிருக்கிறார் என்பது குறித்த உண்மையாக ஆதாரங்களை அளிக்குமாறு சீனாவிடம் பிரிட்டன் வலியுறுத்தியுள்ளது.  விம்பிள்டன் மற்றும் பிரெஞ்ச் ஓபனில் பட்டங்களை வென்ற உலகளவில் மிகவும் பிரபலமான டென்னிஸ் வீராங்கணை காணாமல் போயுள்ளது உலக நாடுகளிடையே பெரும் அதிர்ச்சியை ஏற்படுத்தியுள்ளது. 

இந்நிலையில் சீனாவில் நடைபெறயிருந்த மகளிர் டென்னிஸ் போட்டிகள் ரத்து செய்யப்பட்டுள்ளதாக பெண்கள் டென்னிஸ் சங்கம் அறிவித்துள்ளது.

20 நாடுகளில் 226 பேருக்கு ஒமிக்ரான் கொரோனா பாதிப்பு கண்டறியப்பட்டுள்ளதாக, அமெரிக்கா அதிர்ச்சி தகவலை வெளியிட்டுள்ளது. கொரோனாவின் உருமாறிய வைரசான ஒமிக்ரான், தென் ஆப்பிரிக்காவில் தோன்றி, தற்போது உலக நாடுகளில் எல்லாம் கால் தடம் பதிக்க தொடங்கி உள்ளது. இந்த வைரஸ் 50 உருமாற்றங்களை கொண்டிருப்பதால், மோசமான ஒன்று என விஞ்ஞானிகள் கவலை அடைந்துள்ளனர்.  இந்த ஒமிக்ரான் வைரஸ் தற்போது 20 நாடுகளில் 226 பேருக்கு உறுதியாகி இருப்பதாக, அமெரிக்க தொற்றுநோய் நிபுணர் ஆண்டனி ஃபாசி தெரிவித்துள்ளார். இது டெல்டா போன்ற பிற வகை வைரஸ்களில் இருந்து வித்தியாசமான உருமாற்றங்களை கொண்டுள்ளது என்றும், இருப்பினும் இது மிகவும் பரவக்கூடியதா என்பதை தீர்மானிப்பது கடினமாக உள்ளதாகவும் அவர் குறிப்பிட்டுள்ளார்.

உலகை அச்சுறுத்தி வரும் ஒமிக்ரான் வைரஸ், அமெரிக்காவிலும் நுழைந்து விட்டது. ஆப்பிரிக்க நாடில் இருந்து கலிபோர்னியா திரும்பி வந்த ஒருவருக்கு, இந்த வைரஸ் பாதிப்பு உறுதியாகி உள்ளது. பாதிக்கப்பட்ட நபரும், அவருடன் நெருங்கிய தொடர்பில் இருந்தவர்களும் அடையாளம் காணப்பட்டு, அவர்கள் அனைவரும் தனிமைப்படுத்தப்பட்டுள்ளதாக கூறப்படுகிறது.  இதனிடையே, ஒமிக்ரான் வைரசால் பாதிக்கப்பட்ட நபர், முழுமையாக தடுப்பூசி செலுத்திக் கொண்ட நபர் என்றும், லேசான அறிகுறிகள் இருப்பதையே அவர் தெரிவித்ததாகவும், மருத்துவர் ஃபாசி கூறியுள்ளார். அமெரிக்காவில் முதல் ஒமிக்ரான் பாதிப்பு கண்டறியப்பட்டதை தொடர்ந்து, கொரோனா தடுப்பூசி மற்றும் பூஸ்டர் தடுப்பூசிகளை போட்டுக்கொள்ள வேண்டும் என, அமெரிக்க மக்களை வெள்ளை மாளிகை வலியுறுத்தி உள்ளது.