கன்னியாகுமரி:  நாகர்கோயிலில் நடந்த திருமணம் ஒன்றில் மணமக்கள் வீட்டார் மோதலில் ஈடுபட்டனர்

கன்னியாகுமரி மாவட்டம் நாகர்கோயில் மறவன்குடியிருப்பு பகுதியில் அமைந்துள்ள ஒரு கல்யாண மண்டபத்தில்,  ஒரு கோலாகல திருமணம் நடந்து முடிந்துள்ளது. அதே பகுதியை சேர்ந்த மணமகனுக்கும், ராஜாமங்கலம்துறை பகுதியை சேர்ந்த மணமகளுக்கும் நேற்று திருமணம் நடந்துள்ளது. 

இதற்கான விருந்து உபசரிப்பு நிகழ்ச்சி நேற்று இரவு நடந்துகொண்டிருக்கும் வேளையில், மணமகளின் நண்பர்கள் மற்றும் உறவினர்கள் மது போதையில் குத்தாட்டம் போட்டுள்ளனர். அப்பொழுது, நிலை தெரியாமல் ஆட்டம் போட்டதில், மணமகனின் உறவுக்கார பெண்கள் மீது உரசியுள்ளனர். இதில், ஆத்திரம் அடைந்த மணமகன் வீட்டார், மணமகளின் உறவுக்கார வாலிபர்களை அப்புறப்படுத்த முயற்சித்துள்ளனர். 

குதூகலத்தில் ஆடிக்கொண்டிருந்த வேளையில், தொந்தரவு செய்வதாக எண்ணி, இருவருக்கும் மோதல் ஏற்பட்டது.  சிறிது நேரத்தில், மணமகள் வீட்டாருக்கும், மணமகன் வீட்டாருக்கும் சிறிய போராக மாறியது. மண்டபத்தின் ஜன்னல் கண்ணாடிகளை உடைத்தும், நாற்காலிகளை பறக்கவிட்டும் உடைத்தெறிந்துள்ளனர்.

இதற்கிடையில், மணப்பெண் நடக்கும் சம்பவங்களை கண்டு மயங்கியுள்ளார். பின்னர் மணமகன் யார் உதவியுமின்றி, மணமகளை தோலில் தூக்கிக்கொண்டு அருகிலிருந்த மருத்துவமனைக்கு கிளம்பிவிட்டார். தற்போது அக்காட்சிகள் இணையத்தில் வைரலாகி, காண்பவர்களை வெகுவாக கவர்ந்து வரும் நிலையில், கோட்டார் காவல்துறையினர் இச்சம்பவம் குறித்து விசாரித்து வருகின்றனர். 

மேற்கு வங்க தலைநகர் கொல்கத்தாவில் இருந்து சென்னை நோக்கி வந்துகொண்டிருந்த கோரமண்டல் விரைவு ரயில் விபத்துக்குள்ளானதில், இதுவரை 238 -க்கும் மேற்பட்டோர் உயிரிழந்துள்ளனர். இந்தியாவில் இதற்கு முன்னர் நிகழ்ந்த கோர ரயில் விபத்துக்கள் பற்றி விவரங்கள் ...

சூறாவளியில் சிக்கிய பாம்பன் - தனுஷ்கோடி ரயில்

1964ம் அண்டு, டிசம்பர் மாதம் 23ம் தேதியன்று பாம்பன்-தனுஸ்கோடி பயணிகள் ரயில் ஒன்று அப்போது வீசிய சூறாவளியில் சிக்கி கடலில் அடித்துச் செல்லப்பட்டது. இதில் 126 பேர் பரிதாபமாக உயிரிழந்தனர். 1981ம் ஆண்டு ஜூன் மாதம் 6ம் தேதியன்று பீகார் மாநிலத்தில் மான்சி மற்றும் சகார்சா இடையே சுமார் 800க்கும் அதிகமான பயணிகளை ஏற்றிக்கொண்டு சென்ற ரயில் ஒன்று பாக்மதி எனும் ஆற்றில் கவிழ்ந்து விபத்திற்கு உள்ளானது. இதில் மீட்பு பணிகளில் ஏற்பட்ட தோய்வு காரணமாக சுமார் 750க்கும் அதிகமானோர் உயிரிழந்தனர். 

மேலும் படிக்க | ஒடிசாவில் இரயில் விபத்து: 233 பேர் உயிரிழப்பு!

1998ம் ஆண்டு நவம்பர் மாதம் 26 ல் புருஷோத்தம் ரயில் விபத்து 

1995ம் ஆண்டு ஆகஸ்ட் மாதம் 20ம் தேதி புது டெல்லியிலிருந்து பூரி சென்றுக்கொண்டிருந்த புருஷோத்தம் எக்ஸ்பிரஸ், உத்தரப் பிரதேசத்தின் ஃபிரோசாபாத் அருகே நின்று கொண்டிருந்த காளிந்தி எக்ஸ்பிரஸ் மீது மோதியது. இதில் சுமார் 305 பயணிகள் வரை உயிரிழந்தனர். 1998ம் ஆண்டு நவம்பர் மாதம் 26ம் தேதி கொல்கத்தாவிலிருந்து ஜம்மு நோக்கி சென்றுக்கொண்டிருந்த ரயில் ஏற்கெனவே தடம் புரண்டு இருந்த ஃபிராண்டியர் கோல்டன் டெம்பிள் மெயில் ரயிலின் பெட்டிகள் மீது மோதியதில் 212 பேர் உயிரிழந்தனர். 

மேலும் படிக்க | ஒடிசாவில் 3 ரயில்கள் மோதி விபத்து: முதலமைச்சர் இரங்கல்!

1999 ஆகஸ்ட் மாதம் 2ம் தேதியன்று மேற்கு வங்கத்தின் கைசல் ரயில் நிலையத்தில் நின்றுக்கொண்டிருந்த அவத் அசாம் எக்ஸ்பிரஸ் மீது, பிரம்மபுத்திரா மெயில் மோதியது. இதில் 285 பேர் உயிரிழந்தனர். 2002ம் ஆண்டு ஹவுரா ராஜ்தானி எக்ஸ்பிரஸ் ரஃபிகஞ்சில் தாவே ஆற்றின் பாலத்தின் மீது தடம் புரண்டதில் 140 பேர் உயிரிழந்தனர். இது ஒரு சதி செயல் என்றும், இதற்கு தீவிரவாதிகள்தான் காரணம் என்றும் பின்னர் தெரிய வந்தது.

ஜார்கிராம் அருகே தடம் புரண்டு கோரவிபத்து 

அதன் பின்னர் 8 ஆண்டுகள் வரை வேறு எந்த கோர விபத்தும் பதிவாகவில்லை. ஆனால் 2010ம் ஆண்டு மே மாதம் 28ம் தேதியன்று மும்பை நோக்கி சென்றுக்கொண்டிருந்த ஞானேஸ்வரி எக்ஸ்பிரஸ், ஜார்கிராம் அருகே தடம் புரண்டு எதிரே வந்த சரக்கு ரயில் மீது மோதியதில் 148 பேர் உயிரிழந்தனர்.  2016ம் ஆண்டு நவம்பர் மாதம் 20ம் தேதியன்று உத்தரப் பிரதேசத்தின் கான்பூர் அருகே உள்ள புக்ராயனில், இந்தூர்-ராஜேந்திர நகர் எக்ஸ்பிரஸ் ரயிலின் 14 பெட்டிகள் தடம் புரண்டதில் 260 பேர் உயிரிழந்தனர்.

அமைச்சர் லால்பகதூர் சாஸ்திரி தனது அமைச்சர் பதவியை ராஜினாமா

1956 ஆம் ஆண்டு நவம்பர் 23 ஆம் தேதி அரியலூரில் நிகழ்ந்த விபத்தில் 250 பேர் உயிரிழந்தனர். அதற்க தார்மீக பொறுப்பேற்று அப்போதைய ரயில்வே துறை அமைச்சர் லால்பகதூர் சாஸ்திரி தனது அமைச்சர் பதவியை ராஜினாமா செய்தார். அதன்பிறகாக ரயில் விபத்துகளுக்கு எந்த அமைச்சரும் தங்கள் பதவியை ராஜினாமா செய்யவில்லை என்பது குறிப்பிடத்தக்கது.

சென்னை அண்ணா சாலையில் வீட்டின் வாடகையை உயர்த்திக் கொடுக்கவில்லை என்பதற்காக 80 வயது மூதாட்டியை கொடூரமாக தாக்கும் வீடியோ காட்சி வெளியாகி அதிர்ச்சியை ஏற்படுத்தியுள்ளது.

சென்னை அண்ணா சாலையில் உள்ள மசூதி அருகில் உள்ள பெருமாள் கோயில் தெருவை சேர்ந்தவர் அம்மணியம்மாள்.  80 வயது மூதாட்டியான  இவர், வீரராகவன் என்பவர் வீட்டில் கடந்த 50 வருடங்களாக குடியிருந்து வருகிறார். 

இந்நிலையில், வீட்டில் தனியாக வசிக்கும் இவரை வீட்டின் உரிமையாளர் வீரராகவன், அவரது மனைவி உமா மகேஸ்வரி மற்றும் அவர்களுடைய மகன் ஊர்க்காவல் படையை சேர்ந்த  ஹேமத் பிரசாத் ஆகியோர் வீட்டின் வாடகையை உயர்த்திக் கொடுக்குமாறு  கூறியுள்ளனர்.

அப்போது, 80 வயதான தன்னால் வெளியே சென்று சம்பாதிக்க முடியாத காரணத்தினால்  தன்னால் வாடகையை உயர்த்திக் கொடுக்கமுடியவில்லை கூறியுள்ளார். இதை ஏற்க மறுத்த  வீரராகவன் மற்றும் அவரது மகன் மனைவி ஆகியோர் வீட்டில் தனியாக இருந்த மூதாட்டியை அடித்து உதைத்து, வீட்டை பூட்டிவிட்டு,  மேலும் வீட்டிலிருந்த அனைத்து பொருட்களையும்  வெளியில் வீசியுள்ளனர். 

அதோடு, அவரிடம் இருந்த ஓய்வூதிய தொகையையும் பறித்துச் சென்றுள்ளனர். அப்போது, அந்த மூதாட்டியை தாக்க முற்பட்டபோது அருகிலிருந்தவர்கள் அவர்களைத் தடுக்க முற்பட்டனர். அப்போது  ஊர்க்காவல் படையை சேர்ந்த  ஹேமத் பிரசாத் அவர்களையும் கையில் இரும்பு ஆயுதங்களைக் கொண்டு தாக்கினார். 

வாடகை உயர்த்தி தாராததால், 80 வயது மதிக்கத்தக்க மூதாட்டி என்று கூட பாராமல்  இரக்கமின்றி தாக்கும் வீடியோ தற்போது வெளியாகி பெரும் அதிர்ச்சியை ஏற்படுத்தியுள்ளது. இந்த தாக்குதல் சம்பவம் தொடர்பாக மூதாட்டி சிந்தாதிரிப்பேட்டை காவல் நிலையத்தில் புகார் அளித்துள்ளார்.

இதையும் படிக்க    | பயிற்சி மருத்துவரை தாக்கிய நோயாளி...! ராஜீவ் காந்தி அரசு மருத்துவமனையில் பரபரப்பு..!

நெல்லை மாவட்டம் பேட்டையில், அரசுப் பள்ளியில் மாணவர்கள் சேர்க்கையை ஊக்குவிக்கும் வகையில், முன்னாள் மாணவர்கள் ஒன்றிணைந்து மக்களுக்கு துண்டுபிரசுரம் விநியோகித்தனர்.

அரசு பள்ளிகளில் மாணவர்கள் சேர்க்கை என்பது குறைந்து வருவதால் தமிழ்நாடு அரசு பல்வேறு நடவடிக்கைகளை மேற்கொண்டு வருகிறது. குழந்தைகளை அரசு பள்ளிகளில் சேர்க்குமாறும் பெற்றோர்களுக்கு அறிவுறுத்தியும் வருகிறது. 

இதன் ஒரு பகுதியாக திருநெல்வேலி மாவட்டத்தில் பேட்டையில் இயங்கி வரும் காமராஜர் மாநகராட்சி மேல்நிலைப்பள்ளியில் 6 ஆம் வகுப்பு முதல் 12 -ம் வகுப்பு வரை உள்ள நிலையில், இந்த கல்வி ஆண்டுக்கான மாணவர் சேர்க்கையை துரிதப்படுத்தவும், அதிகப்படுத்தவும் பள்ளி ஆசிரியர்கள் ஒவ்வொருவரும் நடவடிக்கை மேற்கொண்டு வருகின்றனர். 

இதையும் படிக்க : நீதி வெல்லும்...மல்யுத்த வீராங்கணைகளின் கைது...ஆதரவு தெரிவித்த அமைச்சர் உதயநிதி...!

இந்த நிலையில், ஆசிரியர்களுக்கு உறுதுணையாக இப்பள்ளியில் பயின்ற முன்னாள் மாணவர்கள் ஒன்றிணைந்து, சுற்றுவட்டாரப் பகுதிகளுக்கு வீடு வீடாக சென்று அரசுப் பள்ளியில் சேர்ந்தால் கிடைக்கும் நன்மைகள் மற்றும் திட்டங்கள் குறித்து எடுத்துரைத்தனர். இந்த செயல் கல்வியாளர்களிடையே பெரும் ஆச்சரியத்தையே ஏற்படுத்தியுள்ளது.

வழக்கமாக, முன்னாள் மாணவர்கள் என்றால் நேரம் கிடைக்கும் போது பள்ளியில் அலுமினி நிகழ்ச்சி ஏற்படுத்தி தங்களுடன் பயின்ற அனைவரையும் சந்தித்து விழா நடத்தி கொள்வார்கள். ஆனால் பேட்டை காமராஜர் அரசு பள்ளியை சேர்ந்த முன்னாள் மாணவர்கள், வித்தியாசமான முறையில் தாங்கள் படித்த பள்ளி மேலும் வளம் பெற வேண்டும் என்ற நோக்கத்தோடு மாணவர் சேர்க்கையில் களமிறங்கி வீடு வீடாக துண்டுப் பிரசுரம் வழங்கியது கல்வியாளர்கள் இடையே பாராட்டை பெற்றுள்ளது.

கேரளாவில் நான்கு மாதம் சம்பளம் வழங்காமல் இருப்பது குறித்து புகார் அளித்த வெளிமாநில தொழிலாளரை கம்பெனியின் மேலாளர் தாக்கும் வீடியோ சமூக வலைதளங்களில் வெளியாகி பரபரப்பை ஏற்படுத்தி உள்ளது.

கேரளா மாநிலம் கண்ணூர் மாவட்டத்தில் உள்ள பையனூர் பகுதியில் தேசிய நெடுஞ்சாலை துறையின் சார்பாக சாலை அமைக்கும் பணி நடைபெற்று வருகிறது. இந்தப் பணிக்காக வெளி மாநிலத் தொழிலாளர்கள் ஏராளமானோர் பணிபுரிந்து வருகின்றனர். ஹைதராபாத்தை தலைமையிடமாக கொண்டு செயல்பட்டு வரும் கட்டுமான நிறுவனம் சார்பாக இந்த சாலை பணிக்காக ஒப்பந்தம் எடுத்துள்ளது.

இந்த நிலையில் இங்கு பணியாற்றும் வெளி மாநிலத்தைச் சேர்ந்த ஏராளமான தொழிலாளர்களுக்கு கடந்த நான்கு மாதமாக சம்பளம் வழங்கப்படவில்லை என கூறப்படுகிறது. இதுகுறித்து வெளிமாநில தொழிலாளர் ஒருவர் ஒப்பந்த நிறுவனத்தின் தலைமை நிலையத்திற்கு புகார் அனுப்பி இருந்தார். 

இந்தப் புகார் குறித்து தகவல் அறிந்த பையனூரில் செயல்பட்டு வரும் ஒப்பந்த நிறுவனத்தின் மனித வளத்துறை அதிகாரி புகார் கூறிய வெளிமாநில தொழிலாளியை காலால் எட்டி மிதித்தும் கன்னத்தில் அறைந்தும் கட்டையினால் கொடுமையாக தாக்கியுள்ள மேலும் அவர் சம்பந்தப்பட்ட மேலாளரின் காலை பிடித்து கெஞ்சியும் அவர் தாக்குதலை நிறுத்தவில்லை இந்த காட்சிகள் தற்போது சமூக வலைதளங்களில் வைரலாக பரவி வருகிறது.

இது தொடர்பாக காவல் நிலையத்தில் புகார் அளிக்கப்படவில்லை என்ற போதிலும் சம்பந்தப்பட்டவர் மீது நடவடிக்கை எடுக்கும் என பலர் தங்களின் கருத்துக்களை பதிவு செய்து வருகின்றனர்.

இதையும் படிக்க:"பாலியல் தொழில் குற்றமில்லை" நீதி மன்றம் அதிரடி!