கொரோனா மூன்றாவது அலை குறித்த எச்சரிக்கை உள்ளது. இதனால் மக்கள் எச்சரிக்கையுடன் இருக்க அறிவுறுத்தப்பட்டு விழிப்புணர்வும் ஏற்படுத்தப்பட்டு வருகிறது

அதேநேரத்தில், ஒவ்வொரு காலகட்டத்திலும் வித்தியாசமான பொருட்களை கண்டுபிடித்து விற்பனை செய்து வணிகர்களின் வியாபார யுக்தியாக பார்க்கப்படுகிறது. அந்த வகையில் கொரோனா வைரஸ் வடிவிலான தோசை, முகக்கவசம், புரோட்டா போன்றவைகளை கண்டுபிடித்து மக்களின் கவனத்தை ஈர்த்து வருகின்றனர். 

இந்த நிலையில் தற்போது கொரோனா வைரஸ் வடிவில் தங்க ஜிமிக்கி தோடு விற்பனைக்கு வந்துள்ளது பெண்களை வெகுவாக கவர்ந்துள்ளது. மதுரை நேதாஜி சாலையில் அமைந்துள்ள தனியார் நகைக்கடை ஒன்றில் கொரோனா வைரஸ் போன்று வடிவமைக்கப்பட்ட காதணிகள் விற்பனை செய்யப்பட்டு வருவது பொதுமக்கள் மற்றும் வாடிக்கையாளர்கள் இடையே மிகுந்த ஆர்வத்தை ஏற்படுத்தியுள்ளது. 

கன்னியாகுமரி மாவட்டம் நாகர்கோவிலில் உள்ள மாவட்ட காவல்துறை கண்காணிப்பாளர் அலுவலகம் எதிரில் செல்போன் கடை ஒன்று செயல்பட்டு வருகிறது. இந்த கடைக்கு வந்த நபர் ஒருவர் செல்போனை தேர்ந்தெடுப்பது போல் நடித்து , கடை ஊழியரின் கவனத்தை திசைதிருப்பி கண் இமைக்கும் நேரத்தில், கடையில் இருந்த 2 புதிய செல்போன்களை எடுத்து கொண்டு ஓட்டம் பிடித்துள்ளார்.

சற்றும் எதிர்பார்க்காத செல்போன் கடை பெண் ஊழியர் அந்த இளைஞரை துரத்தி சென்ற நிலையில் கடை வெளியே இருசக்கர வாகனத்தில் நின்று கொண்டிருந்த மற்றொரு இளைஞருடன் செல்போனை தூக்கி சென்ற வாலிபர் சேர்ந்து பைக்கில் வேகமாக தப்பி சென்றார்.

தகவலறிந்து சம்பவ இடத்திற்கு வந்த போலீசார், கடையில் இருந்த சிசிடிவி கேமரா பதிவை பார்வையிட்டதோடு, அருகிலுள்ள வேறு செல்போன் கடைகளிலும் சிசிடிவி கேமராக்களை சோதித்தனர். அதில் இரண்டு வாலிபர்கள் வந்து செல்வது பதிவாகியுள்ளது. இந்நிலையில் சி சி டி வி கேமரா பதிவுகள் வைத்து வடசேரி போலீசார் கொள்ளையர்களை தீவிரமாக தேடி வந்தனர். 

இதற்கிடையில் திருடிய செல்போனை விற்பனை செய்ய கடைக்கு சென்ற திருடர்கள் குறித்து போலீசாருக்கு ரகசிய தகவல் கிடைத்தது. தகவலலின்பேரில் அங்கு சென்ற போலீசார் 2 வாலிபர்களையும் பிடித்து விசாரணை மேற்கொண்டனர். அதில் ஒருவர் திருவிதாங்கோடு பகுதியை சேர்ந்த சேக் பாபு உசைன் (18) மற்றொருவர்  அழகியமண்டபம் பகுதியை சேர்ந்த லிஜின் (19) என்பதும் தெரியவந்துள்ளது. இரண்டு வாலிபர்களையும் கைது செய்த வடசேரி போலீசார் விசாரணை மேற்கொண்டு வருகின்றனர்.இந்த சம்பவம் நாகர்கோவில் பகுதியில் பரபரப்பை ஏற்படுத்தியுள்ளது.

ஒவ்வொரு குழந்தைகளுக்கும் தனிதிறமை ஒன்று இருக்கும். அது போல் ஒரு சிறுமி தனது கைகளையும் கால்களையும் லாவகமாக பயன்படுத்தி, சிரமமின்றி தனது வீட்டில் உள்ள உயரமான சுவரில் எந்த வித கருவியின்  உதவியின்றி மட மடவென்று ஏறுகிறார்.

சுமார் 5 வயதுடைய இந்த சிறுமி, எந்த வித உதவியும், பிடிப்பும் இல்லாமல் நிமிடங்களில் சிரமமின்றி சுவரில் வேகமாக ஏறுவது காண்போரை வியக்க வைத்துள்ளது. 

பின்புறமாக நின்று கை கால்களை பயன்படுத்தி வேகமாக சுவரில் ஏறும் சிறுமி, சுவற்றின் உச்சிப்பகுதிக்கு சென்றதும் தன் இரண்டு கால்களையும் சுவற்றில் பிடியில் இருந்து எடுத்து கைகளால் மட்டும் சுவற்றை பிடித்தவாறு நிற்கிறாள். இந்த வீடியோ இணையத்தில் பரவி பலரையும்  ஆச்சர்யபடவைத்துள்ளது.

நெல்லை மாவட்டம் மானூர் பகுதி மாவட்டத்தில் அமைந்துள்ள பெரிய கிராமபகுதிகளில் ஒன்று இந்த பகுதியை கடந்து தான் நெல்லையில் இருந்து சங்கரன்கோவில் ராஜபாளையம் தேனி உள்ளிட்ட பகுதிகளுக்கு செல்லமுடியும். இந்த பகுதியில் அமைக்கப்பட்டுள்ள நெடுஞ்சாலையில் அதிகளவில் கனரகவாகனங்கள் செல்வது வழக்கம்.

இந்த நிலையில் நெல்லை மாவட்டம் மானூர் தெற்குபல்க் வளைவு அருகே முதியவர் ஒருவர் சாலையின் ஓரத்தில் சென்று கொண்டிருந்தபோது அதிகவேகமாக வந்த மினி லோடு ஆட்டோ ஒன்று நிலைதடுமாறி  முதியவரை இடிக்கவந்தது.  இந்த விபத்தில் இருந்து  நூலிலையில் முதியவர் தப்பிக்கும் சிசிடிவி காட்சிகள் தற்போது சமூகவலைதளங்களில் வைரலாக பரவி வருகிறது.

சாலையில்  வந்த மினி லோடு ஆட்டோவின் மீது லாரி இடித்ததில் இந்த விபத்து ஏற்பட்டிருப்பதாக அப்பகுதியினர் தெரிவிக்கின்றனர். சாலை விரிவாக்கம் செய்த சூழல் காரணமாக இந்த வளைவு பகுதியில் விபத்து அடிக்கடி ஏற்படும் நிலை இருப்பதாக அந்த பகுதி மக்கள் குற்றம் சாட்டுகின்றனர்

திருப்பூர் மாவட்டம் அவிநாசி தாலுகா அலுவலகம் எதிரே பஹீம் ரஹ்மான்- என்பவர் செல்போன் கடை வைத்து நடத்தி வருகிறார். இங்கு புதிய செல்போன்கள் மற்றும் உதிரிபாகங்கள் விற்பனை செய்வதோடு பழுதடைந்த செல்போன்களை சரி செய்யும் வேலையும் நடைபெற்று வருகிறது.

இதற்கிடையில் கடந்த 14-ம் தேதி வழக்கம்போல் இரவு கடையை பூட்டிவிட்டு பஹீம் ரஹ்மான் வீட்டிற்கு சென்றுள்ளார். 15ஆம் தேதி காலை கடைக்கு வந்து பார்த்த போது, கடையின் பூட்டை உடைத்து உள்ளே இருந்த சுமார் பத்தாயிரம் ரூபாய் மதிப்புடைய பழைய செல்போன்கள் மற்றும் செல்போன் உதிரிபாகங்களை மர்மநபர்கள் திருடிச் சென்றிருப்பது தெரியவந்தது.   

பின்னர் கடையில் வைக்கப்பட்டிருந்த சிசிடிவி காட்சிகளை ஆய்வு செய்தபோது 3 மர்ம நபர்கள் நள்ளிரவில் பூட்டை உடைத்து சட்டரை திறந்து கடைக்குள் புகுந்து கொள்ளை சம்பவத்தில் ஈடுபட்டது தெரியவந்தது. இதையடுத்து சிசிடிவி காட்சிகளுடன் கடையின் உரிமையாளரான பஹீம் ரஹ்மான் அவிநாசி காவல் நிலையத்தில் புகார் அளித்தார்.

புகாரின்பேரில் வழக்குபதிவு செய்த போலீசார், சிசிடிவி காட்சிகளை வைத்து விசாரணை செய்து வருகின்றனர்.