கையில் மது பாட்டில் வந்து விட்டால் உலகமே தன் கையில் என்ற எண்ணம் சில மதுபிரியர்களுக்கு. அந்த வகையில், ஒரு 20 வயது இளைஞர், தனது சோசியல் மீடியாவில் வீடியோ ஒன்று பதிவிட்டு, சிறையில் அடைபட்டுள்ளார். இந்த சம்பவம், பெரும் நகைச்சுவையாக பலராலும் இணையத்தில் பகிரப்பட்டு வருகிறது.

அகமதாபாத்தில் கிரைம் பிரான்ச், ஒரு 20 வயது இளைஞரை கைது செய்துள்ளது. ஏன் என்றால், அவர், தனது சோசியல் மீடியா பக்கத்தில், மது பாட்டில்களை கையில் பிடித்துக் கொண்டு, போலீசாருக்கு சவால் விடுக்குமாறு பதிவிட்டுள்ளார். அதுவும் சாதாரணமாக பேசாமல், படங்களில் வருவது போல, பஞ்ச் டயலாகாக பேசியிருக்கிறார். இதன் வீடியோ இணையத்தில் வைரலாகி, போலீசாரின் பார்வைக்கும் வந்துள்ளது. இந்த சம்பவம் நகைச்சுவையாக நெட்டிசன்கள் பகிர்ந்து வருகின்றனர். 

அகமதாபாத்தின் ஜமல்பூர் பகுதியைச் சேர்ந்த சைது எனும் முகமது சையது குரேஷி, க்குற்றப்பிரிவு கண்டறிதல் துறை (DCB) யால் கண்டுபிடிக்கப்பட்டு, கைது செய்யப்பட்டுள்ளார். கையில், பீர் மற்றும் விஸ்கி பாட்டில்களை வைத்துக் கொண்டிருந்த சைது, சினிமாவில் வரும் ஹீரோக்களைப் போல, மாசாக பேசுவதாக எண்ணி, பல பஞ்ச் வசனங்களை போலீசுக்கு சவால் விடும் வகையில் பேசியுள்ளார்.

சமீபத்தில், ஹூச் விவகாரத்தில் பல தொடர் இறப்புகள் ஏற்பட்ட நிலையில், சைது வெளியிட்ட இந்த வீடியோவை, லோக்கல் சேனல்களில் வெளியிட்டதால் தான் இந்த விஷயம் பெரும் பரபரப்பை ஏற்படுத்தியுள்ளது. மேலும், இவர் மீது, டானிமில்டா காவல் நிலையத்தில் வழக்கு பதிவு செய்யப்பட்டுள்ளதாகவும், DCB தெரிவித்துள்ளது.

சும்மா இருந்த சங்கை ஊதி கெடுத்தானாம் ஆண்டி என்பதற்கு வாழும் உதாரணமாக இருக்கும் சைது, பலரால் கேளி செய்யப்பட்டு வருகிறார். ஏற்கனவே, கடந்த 2020ம் ஆண்டு, இவர் இசான்பூர் பகுதியில், கோக்ரா காவல் நிலைய அதிகாரிகளால், கார்களை குடி போதையில் எரித்த குற்றத்திற்காக கைது செய்யப்பட்டிருந்தது குறிப்பிடத்தக்கது.

பொதுவாக திருட்டு அல்லது திருட்டு சம்பவங்களில் ஈடுபடுவதே தவறான செயல் தான். ஆனால், இங்கு திருட்டையும் பய பக்தியோடு, நேர்மையாக செய்திருகிறார் ஒருவர்.  பல திரைப்படங்களில்  கடவுளிடமே சென்று ஆழ்ந்த பரவசத்தில் வேண்டிக்கொண்டிருப்பார்கள்...நாம் நினைத்திருப்போம் அவர்களுக்கு ஏதோ பிரச்சனை போல அதனால் தான் இப்படி மனமுருகி வேண்டிக்கொண்டிருக்கிறார் என்று...பின்னர் தான் தெரியும், அங்கு இருக்கும் சாமி சிலையையோ அல்லது கோவில் சார்ந்த பொருட்களை திருடி செல்வதற்கு, தான் யாரிடமும் மாட்டாமல் இருக்க வேண்டும் என வேண்டி விட்டு அந்த கடவுளையே ஆட்டையை போட்டு செல்வது போன்ற காட்சிகளை பார்த்திருக்கிறோம்.  

#Viral | மத்திய பிரதேசத்தில் ஒரு கோவிலில், மனதார கடவுளை வணங்கி விட்டு உண்டியலை திருடி செல்லும் நபரின் சிசிடிவி காட்சி...! இணையத்தில் வைரல்..! #MadhyaPradesh #CCTV #viral #trending #Malaimurasu #MalaimurasuNews pic.twitter.com/lF8mFgX2OL

— Malaimurasu TV (@MalaimurasuTv) August 10, 2022

அது நிஜ வாழ்விலும் நடந்திருப்பது தான் தற்போது வைரலாகியுள்ளது. மத்திய பிரதேச மாநிலம் ஜபல்பூர் பகுதியில் உள்ள ஒரு கோவிலில் இந்த சம்பவம் நடந்துள்ளது.  சுகா கிராமத்தில் உள்ள ஒரு கோவிலில் பொருத்தப்பட்டிருந்த சிசிடிவி கேமராவில் பதிவான காட்சிகளில், சட்டை அணியாமல் ஒரு நபர், கருவறைக்குள் நுழைந்து திருடுவதற்கு முன்பாக, அந்த கடவுளை பயபக்தியோடு வேண்டிகொண்டிருக்கிறார். பின்னர் முகத்தை மூடிக்கொண்டு அந்த கோவிலில் உள்ள உண்டியல் மற்றும் பிற பொருட்களை திருடி செல்கிறார். இந்த காட்சிகள் சில தினங்களுக்கு முன்பாக சமூக வலைத்தளங்களில் வெளியாகி வைரலாகி வருகிறது. இந்த வீடியோ பல ஆயிரக்கணக்கான பார்வையாளர்களை பெற்றது. மேலும் இந்த வீடியோவை பார்த்த இணையவாசிகள், வர வர இந்த திருடர்களின் அட்டூழியங்கள் தாங்க முடியவில்லை என தங்களது கருத்துக்களை பதிவிட்டு வருகின்றனர்.     

மேலும் கடந்த சில தினங்களுக்கு முன்பாக சென்னை அருகே மர்மநபர்கள் அடுக்குமாடி குடியிருப்புகளில் திருட்டு சம்பவத்தில் ஈடுபட சுற்றித்திரிந்தபோது அங்கு பாதுகாப்பிற்காக பொறுத்தியிருந்த சிசிடிவி கேமராவிற்கு முத்தம் கொடுத்து சென்றுள்ளனர். அந்த சிசிடிவி காட்சி சமூக வளைதளங்களில் வெளியாகி வைரலானது குறிப்பிடத்தக்கது.  

#Viral | சிசிடிவிக்கு முத்தம் கொடுக்கும் சிசிடிவி காட்சி...! இணையத்தில் வைரலான வீடியோ..! #CCTVfootage #Trending #Viral #Malaimurasu #MalaimurasuNews pic.twitter.com/so7NrOnC1s

— Malaimurasu TV (@MalaimurasuTv) August 8, 2022

முன்பெல்லாம் திருட்டிற்கு பயந்த காலம் மாறி, வடிவேலுவின் நகைச்சுவை பாணியில் திருட்டிற்கு வெற்றி விழா கொண்டாடினாலும் ஆச்சர்யப்படுவதற்கு இல்லை என்ற நிலைக்கு சென்றுகொண்டிருக்கிறது காலம்...! 

முன்பெல்லாம், வழி தெரிய வேண்டும் என்றால், பூக்கடைக்காரரையோ அல்லது ஆட்டோ அண்ணனையோ கேட்பது வழக்கம். ஆனால், எப்போது நம் கையில் ஒரு குட்டி செங்கல் வந்ததோ, அப்போதே மனிதர்களிடம் பேசுவது என்ன, முகத்தை நிமிர்த்திப் பார்ப்பது கூட இல்லாமல் போய் விட்டது. மோபலைப் பார்த்துக் கொண்டே சமைப்பது, குழந்தைகளுக்கு சாப்பாடு ஊட்டுவது முதல், இப்போது வழி தேடி கைலாசம் வரை கூகுள் மேப் பார்த்துக் கொண்டே வண்டி ஓட்டுவது வரை நாம் மொபைல்களுக்கு அடிமை ஆகி விட்டோம்.

அந்த வகையில், கடவுளின் இடமான கேரள மாநிலத்தில், ஒரு குடும்பம், வழிக்காக கூகுள் மேப்புகளை நம்பி, காரை கால்வாய்க்குள் விட்டுள்ளனர். அதிர்ஷ்டவசமாக யாருக்கும் பெரிதான பாதிப்பு இல்லை என்றாலும், இச்சம்பவம், பெரும் பேசுபொருளாகியுள்ளது.

கேரளாவின் கொட்டயம் பகுதியில் தான் இந்த சம்பவம் நடந்துள்ளது. கொட்டயத்திற்கு அருகிலுள்ள பரச்சல் என்ற கால்வய் உள்ளது.  எர்ணாகுளத்தில் இருந்து கும்பநாடு சென்று கொண்டிருந்த ஒரு குடும்பம், அப்பகுதியில் பயணம் செய்த போது, கூகுள் மேப்புகளையே பார்த்துக் கொண்டு, அந்த பரச்சல் கால்வாயில் காரை விட்டுள்ளனர். இச்சம்பவம், கடந்த ஆகஸ்ட் 4ம் தேதி இரவு 10:30 மணிக்கு அரங்கேறியுள்ளது. 

ஆனால், அப்பகுதி மக்கள் இதனை உடனே கவனித்ததால், எந்த அசம்பாவிதமும் நட்ப்பதற்கு முன்பே அவர்கள் காப்பாற்றப்பட்டனர். மேலும், காரை கயிறு கட்டி இழுப்பதற்குள், 300 மீட்டர்கள் வரை தண்ணீருக்குள் சென்று விட்டது. ஆனால், நல்ல வேளையாக அனைவரும் பத்திரமாக மீட்கப்பட்டனர். இச்சம்பவம் குறித்த தகவல்கள் தற்போது இணையத்தில் பகிரப்பட்டு வருகின்றன.

ஒடிசாவில், வயது மூப்பு காரணமாக உயிரிழந்த வளர்ப்பு நாய்க்கு குடும்பத்தினர் பாரம்பரிய  முறைப்படி இறுதி அஞ்சலி செலுத்திய வீடியோ வைரலாகி வருகிறது. ஒடிசாவின் பாரலக்கேமுண்டியை சேர்ந்தவர் துன்னு கவுடா. இவர் அஞ்சலி என பெயரிடப்பட்ட நாயை கடந்த 17 ஆண்டுகளாக வளர்த்து வந்துள்ளார். இந்தநிலையில் குடும்பத்தினருடன் பாசமாகவும், விசுவாசமாகவும் இருந்து வந்த அஞ்சலி, நேற்று வயது மூப்பு காரணமாக உயிரிழந்தது. இதையடுத்து குடும்பத்தில் ஒருவர் உயிரிழந்தது போல், துக்கம் அனுசரித்த குடும்பத்தினர் தங்கள் வழக்கப்படி நாய்க்கு இறுதி சடங்கு செய்துள்ளனர்.

<blockquote class="twitter-tweet"><p lang="en" dir="ltr"><a href="https://twitter.com/hashtag/WATCH?src=hash&amp;ref_src=twsrc%5Etfw">#WATCH</a> | Odisha: A family in Paralakhemundi bid a tearful goodbye to their pet dog, Anjali, &amp; performed its last rites as per traditional rituals yesterday when it died after being with them for 17 yrs. Owner of the dog, Tunnu Gouda also took out a funeral procession for his pet. <a href="https://t.co/CQwIW9PFmv">pic.twitter.com/CQwIW9PFmv</a></p>&mdash; ANI (@ANI) <a href="https://twitter.com/ANI/status/1556841647501357056?ref_src=twsrc%5Etfw">August 9, 2022</a></blockquote> <script async src="https://platform.twitter.com/widgets.js" charset="utf-8"></script>

காண்டாமிருகம் ஒன்று பரபரப்பான குடியிருப்புப் பகுதியில் அதிவேகத்தில் ஓடிச்செல்லும் வீடியோ காண்போரை அதிர்ச்சிக்குள்ளாக்கியுள்ளது.

ஐஎஃஎஸ் அதிகாரியான சுசந்தா நந்தா என்பவர் இதுதொடர்பான வீடியோவை தனது இணையப்பக்கத்தில் பகிர்ந்துள்ளார். காட்சிகளின்படி, ஒரு காலியான தெருவில் புகுந்த காண்டாமிருகம் முதலில் நடக்கத் தொடங்கி, பின்னர் ஆக்ரோஷமாக ஓட ஆரம்பிக்கும்.

அதனைக் கண்டவுடன் வீதியில் இருந்த ஒருசிலர் அலறியடித்துக்கொண்டு ஓடியதும் அதில் பதிவாகியிருக்கும். அதில் கடைசியாக ஆட்டோ ஓட்டுநர் ஒருவர் வேகமாக வந்த காண்டாமிருகத்தை பார்த்ததும் ஆட்டோவா முக்கியம் தனது முக்கியம் என ஓடிய காட்சிகளும் பதிவாகி இருக்கும். இந்த வீடியோவை பலரும் ஆச்சரியத்துடன் தங்கள் இணையப்பக்கங்களில் பகிர்ந்து வருகின்றனர்.

When the human settlement strays into a rhino habitat…
Don’t confuse with Rhino straying in to a town pic.twitter.com/R6cy3TlGv1

— Susanta Nanda IFS (@susantananda3) August 5, 2022