ஒவ்வொரு பெண் குழந்தைகளுக்கும் அப்பா தான் முதல் ஹீரோ. ஒவ்வொரு தந்தை தங்களின் மகளுக்கு எப்படி வாழ வேண்டுமென்பதை கற்றுக் கொடுப்பதை விட... அவர்கள் எப்படி வாழ்ந்துள்ளார் என்பதிலிருந்து வாழ்க்கை பாடத்தை கற்று  கொடுக்கிறார்கள். அதாவது தந்தையின் இடத்தை ஒரு பெண்ணின் வாழ்க்கையில் வேறு எவராலும் பூர்த்தி செய்ய முடியாது.  மகள்களை பெற்ற அப்பாக்களுக்கு மட்டுமே தெரியும் முத்தம் காமத்தை சேர்ந்தது இல்லை என்ற முத்துகுமாரின் வரிகளுக்கேற்ப இப்படிப்பட்ட பந்தத்தின் அன்பை விவரிக்கும் விதமாக புகைப்படம் ஒன்று நெட்டிசன்களிடையே வைரலாகி வருகிறது. 

வைராலாகி வரும் புகைப்படத்தில் தந்தையும் மகளும் தலையை முட்டியபடி உட்கார்ந்து உள்ளனர்.அதில் இருவரது தலையிலும் முன் பக்கத்தில் மட்டும் ஷேவ் செய்யப்பட்டுள்ளது. மூளையில் அறுவை சிகிச்சை செய்து தனது மகளை போலவே தனது தலையையும் ஷேவ் செய்து கொண்டார் அந்த பாசக்கார தந்தை. அவரது தலையில் தனது மகளுக்கு அறுவை சிகிச்சையின் போது போடப்பட்ட தையல்கள் போலவே இந்த தந்தையானவர் தலையில் வரைந்துள்ளார். மேலும் இந்த புகைப்படமானது சமூக வலைதள பக்கங்களில் வைரலாகி வருவதன் மூலம் இந்த செய்தியானது தெரிய வந்துள்ளது. மேலும் இந்த நிகழ்வு  பற்றிய விவரங்கள் பற்றி எதுவும் அறியப்படவில்லை என சொல்லப்படுகிறது.

ஆஸ்திரேலிய பேட்டிங் ஸ்டார் டேவிட் வார்னர், அவருடைய பேட்டிங்கைத் தாண்டி இன்ஸ்டா போஸ்ட்களுக்கும் தனி ரசிகர்கள் உண்டு. அதற்கு காரணம் பிரபல நடிகர்களைப் போல் தன்னை சித்தரித்து அவர் வெளியிடும் வீடியோக்கள் இன்ஸ்டாவில் ரசிகர்களால் பிரபலமாக பார்க்கப்பட்டு வைரலாக்கப்பட்டு வருவது வழக்கம்.

இந்நிலையில், தனது இன்ஸ்டா பக்கத்தில் அண்மையில் அல்லு அர்ஜூன் நடிப்பில் வெளியான புஷ்பா படத்தின் புஷ்பா கதாபாத்திரமாகவே மாறி அவர் போட்ட ஆட்டங்கள் அடங்கிய வீடியோவை வெளியிட்டுள்ளார்.

இந்தச் செய்தியைப் பதிவு செய்த வேளையில் இந்த வீடியோ இதுவரை 30 லட்சத்துக்கும் மேற்பட்ட பார்வைகளைக் கடந்து சென்று கொண்டிருக்கிறது. அந்த வீடியோவின் மேல், நான் நடிப்பை அவ்வளவு எளிதானதாக வெளிப்படுத்தும் அல்லு அர்ஜூனாக இருந்திருக்கலாம் என விரும்புகிறேன் எனப் பதிவிட்டு #pushpa #india ஆகிய ஹேஷ்டேகுகளின் கீழ் அதை வெளியிட்டுள்ளார்.

#DavidWarner #mass #pusphahttps://t.co/uw2VhjLOfN pic.twitter.com/0pKd3XCee9

— Cinetale Tamil (@Cinetale_tamil) January 26, 2022

இந்திய டெஸ்ட் கிரிக்கெட் அணியின் கேப்டன் விராட் கோலி கடந்த 2017 ஆம் ஆண்டு டிசம்பர் 11 ஆம் தேதி  பாலிவுட் நடிகையும் தனது  காதலியுமான அனுஷ்கா ஷர்மாவை திருமணம் செய்தார்.

இவர்களுக்கு கடந்த ஆண்டு  தொடக்கத்தில் பெண் குழந்தை பிறந்தது. அந்த குழந்தைக்கு வாமிகா என பெயரிட்டுள்ள கோலி குழந்தையின் முகம் தெரியும்படியான புகைப்படத்தை இதுவரை வெளியிடவில்லை.

இந்த நிலையில், தென் ஆப்பிரிக்காவுக்கு எதிரான 3-வது ஒருநாள் போட்டியில் அரைசதம் அடித்த கோலி, அதை தனது குழந்தைக்கு அர்ப்பணிக்கும் வகையில் தாலாட்டு சைகை செய்தார். 

அப்போது பெவிலியனில் இருந்த அனுஷ்கா சர்மா தனது மகள் வாமிகாவுடன் இணைந்து கைத்தட்டி போட்டியை ரசித்தார். முதன்முறையாக தற்போது தான் விராட்கோலியின் மகளான வாமிகாவின் முகத்தை அனைவரும் பார்த்துள்ளனர்.

5⃣0⃣ for Virat Kohli

மறைந்த ராணுவ தலைமை தளபதி பிபின் ராவத்தின் சகோதரர் விஜய் ராவத் பாஜகவில் இணைந்துள்ளார்.

குன்னூரில் கடந்த ஆண்டு டிசம்பர் மாதம் நிகழ்ந்த ஹெலிகாப்டர் விபத்தில், முப்படைகளின் தலைமை தளபதியான பிபின் ராவத் உயிரிழந்தார். இந்நிலையில், அவரது சகோதரரான விஜய் ராவத் டெல்லியில் உள்ள பாஜக தலைமை அலுவலகத்தில் நடைபெற்ற நிகழ்ச்சியில், தன்னை அக்கட்சியில் இணைத்துக் கொண்டுள்ளார். இதனை தொடர்ந்து பேசிய அவர், பாஜகவில் இணைந்ததற்காக தான் பெருமைப்படுவதாகவும், பிரதமர் மோடியின் திட்டங்கள் தொலைநோக்கு பார்வை வாய்ந்தது எனவும் தெரிவித்தார். 

நாடு முழுவதும் கொரோனா பாதிப்பு மற்றும் பரவல் தொடர்ந்து அச்சுறுத்தலை ஏற்படுத்தி வருகின்றன.  இந்த பாதிப்பில் இருந்து நாடு இன்னும் மீளாத நிலை காணப்படுகிறது.  இவற்றில் டெல்டா, ஒமைக்ரான் பாதிப்புகள் சமீப நாட்களாக அதிகரித்து வருகின்றன.இதனை கட்டுப்படுத்த தடுப்பூசி செலுத்தும் பணிகள் நடந்து வருகின்றன.  பெருந்தொற்று சூழலை முன்னிட்டு கொரோனா தடுப்பூசியை பெருமளவில் மக்கள் விரும்பி செலுத்தி கொள்கின்றனர் என மத்திய அரசானது சமீபத்தில், சுப்ரீம் கோர்ட்டில் தெரிவித்து இருந்தது.

எனினும், தடுப்பூசியை போட்டு கொள்வதில் சிலரிடம் தயக்கம் காணப்படுகிறது.  உத்தர பிரதேசத்தின் பல்லியா நகரில் இரண்டு பேர் வெவ்வேறு சம்பவங்களில் தடுப்பூசியை போட்டு கொள்ள எதிர்ப்பு தெரிவித்த சம்பவங்கள் நடந்துள்ளன.படகு ஓட்டும் நபர் ஒருவர், சுகாதார பணியாளரை கண்டதும் தடுப்பூசி போட்டு கொள்ளமாட்டேன் என கூறியதுடன், சில வினாடிகளில் படகில் இருந்து குதித்து, சுகாதார பணியாளர் மீது தாக்குதல் நடத்தியுள்ளார்.தண்ணீருக்குள் வீசி விடுவேன் என கூறியதுடன், அந்த பணியாளரை நீருக்குள் இழுத்து செல்லவும் முயன்றுள்ளார்.  தொடக்கத்தில் எதிர்ப்பு தெரிவித்த அவரை சமரசப்படுத்தி, போராடி பணியாளர்கள் தடுப்பூசி செலுத்த செய்தனர்.  இதேபோன்று மற்றொரு சம்பவத்தில், நபர் ஒருவர் தடுப்பூசி செலுத்தி கொள்ளமாட்டேன்.  எனக்கு பயமாக இருக்கிறது என கூறியுள்ளார்.

இதன்பின் தடுப்பூசி செலுத்தி விடாமல் இருக்க ஒரு மரத்தின் மீது ஏறி கொண்டார். பணியாளர்கள் அவரிடம் கெஞ்சி, கேட்டுள்ளனர்.  கீழே இறங்கி வர கூறியுள்ளனர். தொடர்ந்து அந்த நபர் மரத்தில் இருந்து கீழே இறங்கி வந்து தடுப்பூசி செலுத்தி கொண்டார்.