சென்னை விமான நிலையத்தில் அதிநவீன தகவல் தொழில்நுட்ப வசதிக்காக ரூ. 10 கோடி செலவில் 135 அடி உயரத்தில் புதிய டவர் அமைக்கும் பணி தொடங்கியது.

அனலாக் அலைவரிசை:

சென்னை  விமான நிலையத்தில் அதிகாரிகள் மற்றும் ஊழியர்கள் இடையே அவசர  தகவல் தொடர்புக்காக வாக்கி டாக்கி  முறை கடந்த ஆண்டில் இருந்து செயல்பாட்டிற்கு வந்துள்ளது.  இந்த சேவை அனலாக் அலைவரிசை முறையில் தற்போது பயன்படுத்தப்பட்டு வருகிறது. 

கோளாறு என்ன:

இதில் அவ்வப்போது இணைப்புகள் கிடைக்காமலும், கிடைத்தாலும் தெளிவாக இல்லாமல், இடை இடையே இடையூறு ஏற்படுகிறது.  மேலும் இது மிகவும் குறுகிய தூரத்துக்கு மட்டுமே பயன்படுத்த முடிவதால் இந்திய விமான நிலைய ஆணையம் எதிர்பார்த்த பலன் கிடைக்கவில்லை.

மாற்றப்பட்ட சேவை:

இதையடுத்து டிஜிட்டல் வடிவில் டி.எம்.ஆர் "டிரங்க்ட் ரேடியோ சேவை"என்ற நவீன தகவல் தொழில்நுட்ப வசதி சென்னை விமான நிலையத்தில் செய்யப்பட்டு வருகிறது.  அதற்கு வசதியாக சென்னை விமான நிலையத்தில் 135 அடி  உயரத்திற்கான தகவல் தொடர்பு கோபுரம் ஒன்று புதிதாக அமைக்கப்பட்டுள்ளது.

இந்த புதிய நவீன தகவல் தொழில்நுட்ப சேவை சென்னை விமான நிலையத்தில் வெகு விரைவில் செயல்பாட்டுக்கு வரவிருக்கிறது.

டெட்ரா தொழில்நுட்பம்:

இது செயல்பாட்டுக்கு வந்த பின் சென்னை விமான நிலையத்தை மையமாக வைத்து சுற்றிலும் உள்ள 6  கிலோ மீட்டர் தூரம் வரை வாக்கி டாக்கி சேவைகளை பயன்படுத்த முடியும்.  "டெட்ரா"என்ற  ஐரோப்பிய தொழில் நுட்பத்தில் முழுவதும் டிஜிட்டல் வடிவில்பிக்7 தொலைதொடர்பு துறை சேவை இருக்கும்.

மேம்பாடு என்ன?:

இதனால் இனிமேல் விமான நிலைய அதிகாரிகள் ஊழியர்கள், விமான நிறுவன அதிகாரிகள் ஊழியர்கள், சென்னை விமான நிலைய கட்டுப்பாட்டு அறை அதிகாரிகள், சென்னை விமான நிலையத்தில் விமானம் தரையிறங்குதல் புறப்படுதல் பகுதியில் ஓடு பாதையில் பணியில் உள்ள ஊழியர்கள் ஒரே நேரத்தில் இதை பயன்படுத்த முடியும். 

ஒட்டு கேட்க முடியாது?:

மேலும் இவர்களின் வாக்கி டாக்கி பேச்சுகளை, வெளி ஆட்கள், தீவிரவாத, சமூக விரோதிகள், யாரும் ரகசியமாக ஓட்டு கேட்க முடியாது.   இவர்கள் பேசும் தகவல்களை இவர்களே பதிவு செய்து செய்யும் வசதியும் புதிய தகவல் தொழில்நுட்பத்தில் அமைக்கப்பட்டுள்ளது. இந்த இணைப்புகளில் சேர்வதற்கு தனித்தனியாக மத்திய தகவல் தொடர்பு துறையில் அனுமதி பெற வேண்டியது இல்லை. இந்திய விமான நிலைய ஆணையமே இணைத்து விடும்.

முன்னேறிய தொழில்நுட்பம்:

இதனால் சென்னை விமான நிலையத்தில் தகவல் தொடர்புத்துறை மேலும் ஒரு படி முன்னோக்கி சென்று உள்ளது.  முழு பாதுகாப்புகளுடன் கூடிய புதிய தகவல் தொழில்நுட்பம் ரூ.10 கோடி செலவில் சென்னை விமான நிலையத்தில் அமைத்து உள்ளது. 

முதல் முறையாக:

இந்தியாவில் உள்ள எந்த விமான நிலையங்களிலும் இந்த புதிய தகவல் தொழில்நுட்பம் வசதி இன்னும் ஏற்படுத்தப்படவில்லை.  சென்னை விமான நிலையத்தில் தான் முதல் முறையாக ஏற்படுத்தப்படுகிறது.

சென்னை விமான நிலையத்தில் வெகு விரைவில் புதிய தகவல் தொழில்நுட்பம் செயல்பாட்டிற்கு வந்ததும் விமானங்கள் புறப்படுவது, தரை இறங்குவது போன்றவைகள் மேலும் மேம்படுத்தப்படும் என்று சென்னை  விமான நிலைய அதிகாரிகள் தெரிவித்தனர்.

-நப்பசலையார்

இதையும் படிக்க:   பெரு நாட்டில் தொடரும் போராட்டம்....பதவி விலகுவாரா அதிபர்?!!!

பொருளாதார பின்னடைவு காரணமாக 18000 ஊழியர்களை பணியில் இருந்து விடுவிடுவிக்க அமேசான் நிறுவனம் முடிவு செய்துள்ளது.

அமேசான் நிறுவனம் எடுத்த முடிவு:

சர்வதேச அளவில் அமேசான் நிறுவனத்தில் ஏற்பட்டுள்ள நிலையற்ற பொருளாதாரச்சூழல் மற்றும் பொருளாதார மந்த நிலையால் கடந்த ஆண்டு நவம்பர் மாதம் 10,000 ஊழியர்களை பணியிலிருந்து அமேசான்  நிறுவனம் விடுவித்தது. தொடர்ந்து 2023 ஆம் ஆண்டின் தொடக்கத்தில் மேலும் பலரை விடுவிக்க இருப்பதாக அமேசான் நிறுவனம் அறிவித்தது.

இதையும் படிக்க: இறுதி வாக்காளர் பட்டியல் வெளியீடு: மாவட்டம் வாரியாக உள்ள வாக்காளர்கள் எண்ணிக்கை இதோ...!

இந்நிலையில் ஏற்கனவே தெரிவித்திருந்தபடி, பொருளாதார பின்னடைவு காரணமாக 18000 ஊழியர்களை பணியில் இருந்து விடுவிடுவிக்க முடிவு செய்து அமேசான் நிறுவனம் தெரிவித்துள்ளது. 

இது குறித்து அறிக்கை வெளியிட்டுள்ள அமேசான் நிறுவனத்தின் தலைமை செயல் அதிகாரி ஜெஸ்ஸி, 18000 பேரை பணியிலிருந்து விடுவிப்பது ஊழியர்களை வெகுவாக பாதித்தாலும் கடின மனதோடு இந்த முடிவை எடுத்திருப்பதாக குறிப்பிட்டுள்ளார்.

இருப்பினும், அமேசான் நிறுவனம் எடுத்த இந்த அதிரடி முடிவு ஊழியர்களிடம் பெரும் அதிர்வலையை ஏற்படுத்தியுள்ளது.

கருப்பை தொழிற்சாலை குறித்த விளக்க வீடியோ ஒன்று கடந்த வாரம் இணையத்தில் வெளியாகி மிகப் பெரியளவில் சர்ச்சையை ஏற்படுத்தி இருந்த நிலையில், அதில் இருக்கும் பிரச்சினைகள் குறித்து சில ஆய்வாளர்கள் எச்சரிக்கை விடுத்துள்ளனர்.

பயோபேக்:

கடந்த பல ஆண்டுகளுக்கு முன்பு பயோபேக் என்ற செயற்கை கருத்தரிப்பு முறை மூலம் 8 ஆடுகளையும், 2012 ஆம் ஆண்டு எலிகளையும் உற்பத்தி செய்தனர் சில அறிவியல் அறிஞர்கள். இதன் அடுத்த கட்டம் தான் தற்போது கருப்பை தொழிற்சாலையாக உருவெடுத்துள்ளது. இந்த தொழிற்சாலை குறித்து அல்-கைலி என்பவர் விளக்க வீடியோ ஒன்றை கடந்த வாரம் வெளியிட்டிருந்தார்.

Growth Pods: 

அதாவது புதிய குழந்தைகளை உருவாக்கக் கருப்பை தொழிற்சாலை போன்ற ஒன்றை உருவாக்குவதே இவரது திட்டம். ஆணின் விந்தணுவும் பெண்ணின் கருமுட்டையும் இணைவது மட்டுமே இதில் இருக்கும் ஒரே வழக்கமான செயல். இதைத் தவிர மற்ற அனைத்துமே தொழில்நுட்பத்தின் மூலம் மாற்றியமைக்கப்பட்டுள்ளன. கருவைச் சுமக்கச் செயற்கையாக ஒரு கருவியை உருவாக்க உள்ளன. growth pods என்று அழைக்கப்படும் இதில் தாயின் கருப்பையில் இருக்கும் அதே சூழல் உருவாக்கப்படும். இதனால் குழந்தைகள் பாதுகாப்பான சூழலில் வளரும். இந்த கரு பெண்களின் வயிற்றில் இருப்பதைப் போன்ற செயற்கை அம்னோடிக் திரவத்தில் வளரும்.

கருப்பை போன்றே..:

செயற்கையாக உருவாக்கப்பட்ட தொப்புள் கொடியின் மூலம் துல்லியமாக வடிவமைக்கப்பட்ட ஹார்மோன்கள், ஆன்டிபாடிகள் மற்றும் வளர்ச்சிக்குத் தேவையான புரதங்கள், ஆக்சிஜன் உள்ளிட்டவை கருவுக்கு அனுப்பப்படும். மற்றொரு குழாய் மூலம் கருவில் இருந்து வெளியே வரும் கழிவுப் பொருட்கள் அகற்றப்படும். மேலும், இப்போது ஜீன் எடிட்டிங் தொழில்நுட்பமும் வளர்ந்து வரும் நிலையில், பெற்றோரால் குழந்தையின் குணாதிசயங்களையும் இதில் தேர்ந்தெடுக்க முடியும். 

இதையும் படிக்க: இரவு நேர வீடியோசாட்.. இறுக்கமான உடை... மனைவியை கொன்ற எபியின் 11 பக்க கடிதம்..!

டிராக்கிங்:

குழந்தை வளரும் 9 மாதங்களும் அது எப்படி இருக்கிறது என்பதைப் பெற்றோரால் டிராக் செய்ய முடியும். இதற்காக ஒரு செயலியையும் அவர் உருவாக்க உள்ளாராம். இதன் மூலம் பெற்றோர் எங்கு இருந்தாலும் அங்கிருந்தபடி குழந்தையின் உடல்நிலையை செக் செய்து கொள்ள முடியும். பெற்றோர் விரும்பும் நேரத்தில் விரும்பும் நாளில் ஒரு பட்டனை அழுத்தி, குழந்தையைப் பெற்றெடுக்கலாம். மேலும், ஒரு குழந்தை பெற்றெடுத்த பிறகு மீண்டும் அதே podஐ பயன்படுத்தி எத்தனை குழந்தைகளை வேண்டுமானாலும் பெற்றெடுக்க முடியும். 

பெண்களுக்காக..:

கற்ப காலத்தில் தாய்மார்கள் படும் துன்பத்தைக் குறைக்கவே இதை உருவாக்கியுள்ளதாகக் கூறும் அல்-கைலி, ஒவ்வொரு ஆண்டும் பிரசவத்தின்போது, சுமார் 3 லட்சம் பெண்கள் உயிரிழக்கும் நிலையில், அது தடுத்து நிறுத்தப்படும். மேலும், குழந்தைகளுக்கு போதிய ஊட்டச்சத்து கிடைப்பதும் உறுதி செய்யப்படும் எனவும் தெரிவித்துள்ளார். 

8000 குழந்தைகள்:

மேலும், பல நாடுகளில் மக்கள்தொகை பெருக்கும் குறைந்துள்ளது. குறிப்பாக ஜப்பான் உட்பட 23 நாடுகளில் மக்கள்தொகை பெருக்கும் ஆபத்தான நிலையில் உள்ளது. இந்த நாடுகளுக்கு இது மிகச் சிறந்த தீர்வாக இருக்கும் என்றும் கைலி தெரிவித்திருந்தார். மேலும் இந்த தொழிற்சாலை மூலம் ஒரே இடத்தில் ஆண்டுக்கு 8000 குழந்தைகளைப் பெற்றெடுக்க முடியும் எனவும் விளக்கியிருந்தார் அல்-கைலி.

மனித இனமே..:

இந்த தொழில்நுட்பம் தற்போது தான் தொடக்க நிலையில் இருந்தாலும் இதற்கு பல தரப்பினரும் எதிர்ப்பு தெரிவித்து வருகின்றனர். அதாவது இதன் மூலம், அனைவருமே ஒரே வகையில் குழந்தைகளைப் பெற்றெடுக்க விரும்புவார்கள். இதனால் சிறு இயற்கை பேரிடர் வந்தாலும் மனித இனமே காணாமல் போகிவிடும். அதாவது அனைத்து குழந்தைகளும் ஒரே சூழலில் வளர்க்கப்படுவதால், சிறு நோய்ப் பாதிப்பு ஏற்பட்டாலும் அவை மிக எளிதாக அனைவரையும் அழித்துவிடும்" என்று எச்சரிக்கின்றனர். 

அழிவின் தொடக்கப் புள்ளி..:

மேலும், இது குழந்தைக்கும் பெற்றோர்களுக்கும் இருக்கும் பிணைப்பைக் கூட பாதிக்கும் எனச் சிலர் அச்சம் தெரிவிக்கின்றனர். இது மட்டுமின்றி, தாய்ப்பால் உள்ளிட்ட பல விஷயங்களில் இதில் பிரச்சினை வரும் என்றும் இது மனித இன அழிவின் தொடக்கப் புள்ளியாக அமைய வாய்ப்புள்ளதாகவும் அவர்கள் எச்சரிக்கை விடுத்துள்ளனர்.

நாசா விண்வெளிக்கு அனுப்பிய ஆா்டெமிஸ்-1 ஓாியன் விண்சிமிழ் வருகிற 11-ம் தேதி கடலில் விழும் என எதிா்பாா்க்கப்படுகிறது.

ஆர்டெமிஸ் 1 விண்கலம்:

மனிதா்களை மீண்டும் நிலவுக்கு அனுப்பும் முயற்சியில் நாசா தீவிரமாக களமிறங்கியுள்ளது. அதற்காக நாசா விண்வெளி ஆர்டெமிஸ் என்ற புதிய திட்டத்தை தொடங்கி, விண்வெளி வீரா்கள் யாரும் இல்லாமல் சோதனை அடிப்படையில், ஆர்டெமிஸ்-1 என்ற ராக்கெட்டை கடந்த மாதம் விண்ணில் செலுத்தியது. இதில் இருந்த ஓாியன் விண்சிமிழ் வெற்றிகரமாக நிலவின் சுற்றுப்பாதையில் நுழைந்து, முக்கியமான டேட்டாக்களையும் சேகாித்துவிட்டது.

மீண்டும் தொடங்கிய நாசா:

முன்னதாக, பூமியில் இருந்து மனிதர்களை முதல்முறையாக நிலவுக்கு அனுப்பி வைத்தது அமெரிக்கா தான். கடந்த 1960களின் பிற்பகுதியில் ”அப்பல்லோ விண்வெளி” திட்டத்தின் மூலம் மனிதர்கள் நிலவில் வெற்றிகரமாகத் தரையிறங்கினர். இது மனிதக் குலத்திற்கு வரலாற்று ரீதியாக முக்கியமான சாதனையாகப் பார்க்கப்படுகிறது. இந்த முயற்சியை தற்போது மீண்டும் நாசா தொடங்கி உள்ளது. இதற்காகத் தான் ஆர்டெமிஸ் திட்டத்தை முன்னெடுத்துள்ளது.

இதையும் படிக்க: திக் திக் நொடிகள்...முதல் காலிறுதிக்கு முன்னேறிய இரண்டு அணிகள்...!

4,01,798 கிமீ தொலைவு சென்ற விண்கலம்:

சுமார் 50 ஆண்டுகளுக்கு பின், மீண்டும் தொடங்கப்பட்டுள்ள இந்த முயற்சியின் முதல்படியாக ஆர்டெமிஸ் 1 ராக்கெட் மூலம் ஆளில்லாத சாட்டிலைட்டை கடந்த வாரம் நாசா அனுப்பியது. இந்த ஓரியன் காப்ஸ்யூல் இப்போது பூமியில் இருந்து சுமார் 4,01,798 கிமீ தொலைவிற்குச் சென்றுள்ளது. மனிதர்களைத் தாங்கிச் செல்லக் கூடிய வகையில் வடிவமைக்கப்பட்ட விண்கலம் ஒன்று பூமியில் இருந்து இவ்வளவு தூரம் செல்வது இதுவே முதல்முறையாகும்.

சாதனையை முறியடித்த ஆர்டெமிஸ்1:

இதற்கு முன்னர் நாசாவின் அப்பல்லோ 13 விண்கலம் கடந்த 1970 ஏப்ரல் 14ஆம் தேதி பூமியில் இருந்து அதிகபட்சமாக 4,00,171 கிமீ சென்றிருந்ததே சாதனையாக இருந்தது. இந்த சாதனையை  ஆர்டெமிஸ் 1 சுமார் 4,01,798 கிமீ தொலைவிற்குச் சென்று முறியடித்துள்ளது.

கடலில் விழுமா?:

இந்நிலையில் நாசா விண்வெளிக்கு அனுப்பிய ஆா்டெமிஸ்-1 ஓாியன் விண்சிமிழ் கடந்த டிசம்பர் 1-ம் தேதி பூமியை நோக்கி தனது பயணத்தை தொடங்கியது. அதன்படி, ஓாியன் விண்சிமிழ் வருகிற 11-ம் தேதி கடலில் விழும் என எதிா்பாா்க்கப்படுகிறது. 

உலகின் முன்னனி தொழிலதிபரும் டெஸ்லா நிறுவருமான எலான் மஸ்க் ட்விட்டரை வாங்கியது முதல் ட்விட்டரில் பல திருத்தங்கள் மேற்கொள்ளப்பட்டு வருகிறது.

ட்விட்டர்:

உலகம் முழுவதும் பெரும்பாலான மக்கள் பயன்படுத்தும் சமூக வலைதளங்களில் ட்விட்டரும் ஒன்று. தங்களின் கருத்துகளை பகிரும் தளமாக ட்விட்டரை பயன்படுத்தி வருகின்றனர்.

எலானின் ட்விட்டர்:

பல கட்ட போராட்டத்திற்கு பின்னர் கடந்த சில தினங்களுக்கு முன்பாக ட்விட்டர் எலானின் வசம் சென்றது. தனது டிவிட்டரில் கருத்து சுதந்திரம் முழுவதுமாக உண்டு என கூறி வருகிறார் எலான் மஸ்க்.

இதையும் படிக்க: இப்போது மனம் தளரக் கூடாது..! தலையின் ஆறுதலால் மனம் நெகிழும் சிவா..! என்ன நடந்தது?

மாதம் $8 கட்டணம்:

டிவிட்டர் நிறுவனம் இந்த வார துவக்கத்தில் மாத காட்டணமாக 8 டாலர் செலுத்தி புளூ டிக் பெறலாம் என்ற திட்டத்தை அறிமுகம் செய்தது. இந்த திட்டத்திற்கு பலரும் எதிர்ப்பு தெரிவித்து வரும் நிலையில், பிரபலங்களின் பெயரில் போலியான கணக்குகளின் எண்ணிக்கை அதிகரித்துள்ளது. 

பின் வாங்கிய எலான்:

மாத கட்டணம் செலுத்தி பலரும் போலி கணக்குகளுக்கு புளூ டிக் வாங்கியுள்ளதால், பல பிரச்சனைகள் தொடர்ந்து வருகிறது. உதாரணமாக பார்மா நிறுவனமான Eli Lilly & Co பெயரில் திறக்கப்பட்ட கணக்கில் இன்சுலின் இலவசம் என அறிவிக்கப்பட்டது, இதனால் Eli Lilly & Co. தனது அதிகாரப்பூர்வ கணக்கில் இருந்து மன்னிப்பு கேட்டது. மேலும் போலியாக உருவாக்கப்பட்ட டெஸ்லா கணக்கில் இருந்து கார் பாதுகாப்புக் குறித்துக் கிண்டல் செய்து பதிவு செய்யப்பட்டு உள்ளது. இது போன்ற பிரச்சனைகளை சமாளிக்க தான் அறிமுகப்படுத்திய 8 டாலர் திட்டத்தை தற்காலிகமாக நிறுத்தி வைத்துள்ளார் எலான்.

வாங்கியவர்களின் கணக்குகள் என்ன ஆகும்?

8 டாலர் செலுத்தி புளூ டிக் வாங்கியவர்களின் கணக்குகளில் எந்த மாற்றமும் இருக்காது. போலியான கணக்குகளில் மட்டும் parody என்ற வார்த்தை சேர்க்கப்படும் என தெரிவிக்கப்பட்டுள்ளது. அதே போன்று முக்கிய கணக்குகளுக்கு official என்ற லேபிள் சேர்க்கப்பட்டுள்ளது. 

We’re adding a “Parody” subscript to clarify

— Elon Musk (@elonmusk) November 11, 2022

ட்விட்டரில் வருமானம்?

ட்விட்டரை வாங்கியவுடன் சில முக்கிய அதிகாரிகளை பணியில் இருந்து நீக்கினார் எலான். ட்விட்டரை வருவாய் ஈட்டும் தளமாக மாற்ற வேண்டும் என்ற நோக்கிலேயே மாத கட்டணம் திட்டத்தை கொண்டு வந்தார். தற்போது அதிலும் சிக்கல் ஏற்பட்டுள்ளதால் ட்விட்டர் திவலாகும் நிலைக்கு செல்லலாம் எனவும் கூறப்படுகிறது.