புதிய பயனர்களைத் தங்கள் பக்கம் ஈர்க்கவும் பழைய பயனர்களை வெளியேறாமல் தக்கவைத்துக்கொள்வதற்காகவும் ஒவ்வொரு சமூக வலைதளமும் புதுப்புது அம்சங்களை அறிமுகப்படுத்துகிறது. 

அந்த அம்சங்கள் உங்களுக்கு மிகச்சிறிய அளவில் இருக்கலாம். ஆனால் பயனர்களின் மனநிலையைப் பொறுத்து அதன் முக்கியவத்துவம் மாறும். அதுதான் ட்விட்டர், பேஸ்புக், இன்ஸ்டா என பல சோசியல் மீடியாக்களின் பலம். உதாரணமாக பேஸ்புக்கில் ஸ்டேட்டஸ் மட்டுமல்லாமல் ஸ்டோரி வைக்கும் ஆப்சனும் இருக்கிறது.

ஒருவர் ஸ்டோரி மட்டுமே வைக்கலாம். மற்றொருவர் ஸ்டேட்டஸ் வைக்கலாம். அல்லது இரண்டையுமே சேர்த்து வைப்பவராக இருக்கலாம். ஆக மொத்தம் அந்த அம்சங்கள் பயனர்களுக்கு மனநிறைவைக் கொடுக்கிறது. புதிய பயனர்களை உள்ளிழுக்கிறது. அவ்வாறு உள்ளிழுக்க ட்விட்டர் ” fleets ” என்ற ஸ்டோரி டைப் அம்சத்தை அறிமுகப்படுத்தியது. இந்த அம்சம் பயனர்கள் மத்தியில் வரவேற்பு கிடைக்கும் என்றும், புதிய பயனர்கள் கிடைப்பார்கள் எனவும் ட்விட்டர் நினைத்தது. ஏனென்றால் சில ஆண்டுகளாகவே ட்விட்டரை பயன்படுத்துபவர்களின் எண்ணிக்கை குறைந்துகொண்டே வருகிறது.

இதனால் fleets ஆப்சன் அந்தக் குறையைப் போக்கும் என்று எதிர்பார்த்த ட்விட்டருக்கு ஏமாற்றமே கிடைத்தது.  இது எந்தப் புரட்சியையும் ஏற்படுத்தவில்லை. மாறாக பயனர்கள் தாங்கள் ட்வீட்களைத் தான் fleets ஸ்டோரியிலும் வைத்தனர். அதாவது ட்வீட் ரீச் ஆக வேண்டுமென்பதால் அவ்வாறு வைத்தனர். உண்மையில் ட்விட்டர் எதிர்பார்த்தது என்னவோ வேறு. பயனர்கள் தங்கள் புகைப்படங்கள், தங்களுக்குப் பிடித்த பாடல்கள், வீடியோக்கள், கிப்களை (GIF) பதிவிடுவார்கள் என்று எண்ணியது. ஆனால் அது நடக்கவே இல்லை என்பது தான் சோகத்தின் உச்சம்.

ட்விட்டரின் போட்டி நிறுவனங்களான பேஸ்புக், இன்ஸ்டாவில் ஸ்டோரி அம்சம் சக்கைப்போடு போட்டுக்கொண்டிருக்கையில் இங்கே காத்தாடியது. சொல்லப்போனால் அந்நிறுவனங்களுக்குப் போட்டியாகவே இதை இந்தாண்டின் தொடக்கத்தில் அறிமுகப்படுத்தியது. ஆனால் வரவேற்பு இல்லாததால் அதை நிறுத்த முடிவு செய்திருக்கிறது. இதுகுறித்து ட்வீட் செய்துள்ள ட்விட்டர் நிறுவனம், “நாங்கள் ஆகஸ்ட் 3ஆம் தேதி fleets அம்சத்தை நீக்குகிறோம். வேறொரு புதிய மாற்றத்தைக் கொடுக்கும் பணியில் நாங்கள் ஈடுபட்டிருக்கிறோம். இதற்காக வருந்துகிறோம்” என்று குறிப்பிடப்பட்டுள்ளது. அந்த மிகப்பெரிய மாற்றம் என்பது ட்வீட்களுக்கு போடும் sad, haha போன்ற எமோஜியாக இருக்கலாம் என்று எதிர்பார்க்கப்படுகிறது.

பிரபல தகவல் பரிமாற்ற செயலியான வாட்ஸ்அப் கடந்த ஜனவரி மாதம் தனது தனியுரிமை கொள்கையில் மாற்றம் செய்து அறிவித்தது.

அதன்படி பயனாளர்களின் தகவல்களை தாய் நிறுவனமான ஃபேஸ்புக்குடன் பகிர்ந்து கொள்ளும் வகையில், புதிய விதிகளை வாட்ஸ்அப் நிறுவனம் வகுத்துள்ளது.

இதனால் பயனர்களின் தனிப்பட்ட விவரங்கள் பொதுவெளியில் பகிரப்படும் ஆபத்து உள்ளதாக இந்தியாவில் இதற்கு எதிர்ப்பு தெரிவிக்கப்பட்டது.

இந்த புதிய கொள்கை உலகளவில் புதிய சர்ச்சையை கிளப்பியது என்றே கூற வேண்டும்.  இந்த நிலையில் வாட்ஸ் ஆப்-பின் புதிய தனியுரிமைக் கொள்கைக்கு எதிராக ஐரோப்பிய நுகர்வோர் அமைப்பில் அதன் 8 உறுப்பினர்கள் சார்பில் புகார் அளிக்கப்பட்டுள்ளது.

வாட்ஸ்அப் அதன் புதிய கொள்கைகளை ஏற்றுக்கொள்ள பயனர்களுக்கு நியாயமற்ற முறையில் அழுத்தம் கொடுப்பதாகவும், இந்த நியாயமற்ற வணிக நடைமுறை ஐரோப்பிய ஒன்றிய விதி மீறல் எனவும் தெரிவிக்கப்பட்டுள்ளது.

தகவல் பாதுகாப்பு சட்டம் அமலுக்கு வரும் வரை, தனியுரிமைக் கொள்கை நிறுத்தி வைக்கப்படும் என டெல்லி உயர்நீதிமன்றத்தில் வாட்ஸ்ஆப் சார்பில் விளக்கம் அளிக்கப்பட்டுள்ளது.  

வாட்ஸ்ஆப்பில் புதிய தனி நபர் சுதந்திர கொள்கையை அறிமுகம் செய்ததிலிருந்தே வாட்ஸ்ஆப்பைச் சுற்றிப் பல சர்ச்சைகள் எழுந்தன. இது தொடர்பாக டெல்லி உயர்நீதிமன்றத்தில் வழக்கு தொடரபட்டது. இந்த வழக்கு விசாரணைக்கு வந்த போது, வாட்ஸ் ஆப் நிறுவனம் சார்பில் மூத்த வழக்கறிஞர் ஆஜரானார்.   

அப்போது பிரைவசி கொள்கையை தாங்களாகவே நிறுத்தி வைக்கிறோம் எனவும் இந்த கொள்கையை ஏற்க வேண்டும் என பயனாளர்களை கட்டாயப்படுத்த மாட்டோம் எனவும் தெளிவுபடுத்தினார். இதனை ஏற்காதவர்களுக்கு வழங்கப்படும் சேவையை குறைக்க மாட்டோம் என தெரிவித்த அவர் தகவல் பாதுகாப்பு சட்டம் அமலுக்கு வரும் வரை, தனியுரிமைக் கொள்கை நிறுத்தி வைக்கப்படும் என விளக்கம் அளித்தார். 

வருங்காலங்களில் வாட்ஸ் அப்பின் புதிய அப்டேட்டாக, இந்த வசதியை பயனாளர்கள் பெறலாம் என தெரிவிக்கப்பட்டுள்ளது. புதிய அப்டேட்டில் ஆட்டோமேட்டிக், பெஸ்ட் குவாலிட்டி, டேட்டா சேவர் என்ற ஆப்ஷன்கள் இடம்பெற்றுள்ளன.

ஆட்டோமேட்டிக் விருப்பத்தினை தேர்வு செய்வதன் மூலம் வீடியோவை அப்படியேவும், பெஸ்ட் குவாலிட்டி ஆப்ஷன் மூலம் வீடியோவை உயர் தரத்தில் அனுப்பலாம் என வாட்ஸ் அப் நிறுவனம் தெரிவித்துள்ளது.

டேட்டா சேவ் முறை மூலம் வீடியோக்களின் அளவைக் குறைத்து அனுப்பலாம் . வாட்ஸ் அப்பில் வீடியோ கால் பேசும்போதும் வீடியோவின் தரத்தை நிர்ணயம் செய்யும் தொழில்நுட்பத்தையும் வாட்ஸ் அப் விரைவில் வழங்க உள்ளது. 

அதே போல் வியூ ஒன்ஸ் என்ற வசதியையும் வாட்ஸ் அப் அறிமுகப்படுத்த உள்ளதாக தெரிகிறது. அதாவது, உங்களின் நண்பருக்கோ உறவினருக்கோ ஒரு ஃபோட்டோவை அனுப்பி அதை ஒருமுறை மட்டுமே பார்க்க முடியும்படி செய்யலாம்.

அதற்கு படத்தை அனுப்புவதற்கு முன்னதாக சாட் இன்புட் பாக்ஸில் ரைட் கிளிக் செய்து 1 என்ற ஆப்ஷனை தேர்வு செய்து அனுப்பலாம். இந்த வசதியும் இப்போது சோதனை முயற்சியில் உள்ளது.

ஸ்லோவேக்கியாவில் பறக்கும் காரின் சோதனை ஓட்டம் வெற்றிகரமாக நடைபெற்றது.

பேராசிரியர் ஸ்டீபன் க்ளென்  என்பவர் பெட்ரோலில் இயங்கும் நவீன ஏர்-காரை வடிவமைத்துள்ளார். பார்ப்பதற்கு பெராரி கார் போல் காட்சியளிக்கும் இந்த பறக்கும் கார் இரண்டேகால் நிமிடத்தில் விமானம் போன்று மாறி விடும். BMW இன்ஜின் பொருத்தப்பட்டுள்ள இந்த பறக்கும் கார்  வானில் 190 கிலோமீட்டர் வேகத்தில் பறக்கும் எனக் கூறப்படுகிறது.   

1000 கிலோ மீட்டர் தூரம் பறக்கக் கூடிய இந்த  காரின் சோதனை ஓட்டம் ஸ்லோவாக்கியாவில் உள்ள 2 விமான நிலையங்களுக்கு இடையே வெற்றிகரமாக நடைபெற்றது. 2 பேர் பயணம் செய்யக்கூடிய இந்த ஏர் காரை தயாரிக்க பதினேழரை கோடி ரூபாய் செலவானதாக பேராசிரியர் க்ளென் தெரிவித்துள்ளார். மேலும் கூடிய விரைவில் இந்த கார் விற்பனைக்கு வரும் என்று நம்பப்படுகிறது.