மோதலைத் தடுக்கும் தொழில்நுட்பக் கருவிகள் இருந்திருந்தால் ஒடிசா ரயில் விபத்தை தடுத்திருக்கக் கூடும் என மேற்குவங்க முதலமைச்சர் மம்தா பானர்ஜி தெரிவித்துள்ளார்.

ரயில் விபத்து நடைபெற்ற ஒடிசாவின் பாலசோருக்கு தனி ஹெலிகாப்டரில் மம்தா பானர்ஜி சென்றடைந்தார்.

தொடர்ந்து செய்தியாளர்ளை சந்தித்த அவர், கோரமண்டல் சிறந்த ரயில் சேவைகளில் ஒன்று எனவும், 21ம் நூற்றாண்டின் மிகப்பெரிய விபத்தாக இது பதிவு செய்யப்பட்டுள்ளதாகவும் குறிப்பிட்டார்.

மேலும்,  விபத்தில் உயிரிழந்த மேற்குவங்க மக்களின் குடும்பத்தினருக்கு 5 லட்ச ரூபாய் வழங்கப்படும் எனவும் அவர் கூறினார். 

இதையும் படிக்க     | " ரயில் விபத்திற்கு பராமரிப்பு குறைபாடே காரணம் " - காங். எம்.பி கார்த்தி சிதம்பரம்...!

வட சென்னை அனல் மின் நிலையத்தில் கொதிகலனில் ஏற்பட்ட கசிவு காரணமாக மீண்டும் 600மெகாவாட் மின் உற்பத்தி பாதிக்கப்பட்டுள்ளது.

திருவள்ளூர் மாவட்டம் அத்திப்பட்டில் வட சென்னை அனல் மின் நிலையம்  உள்ளது.  1994ஆம் ஆண்டு நிறுவப்பட்ட இந்த இந்த அனல் மின் நிலையத்தில் மெத்தம் 5 அலகுகள் உள்ளன. இதில் முதலாவது நிலையில் உள்ள மூன்று அலகுகளில் தலா 210 மெகாவாட் மின் உற்பத்தியும், இரண்டாவது நிலையில் இரண்டு அலகுகளில் தலா 600 மெகாவாட் மின் உற்பத்தி என மொத்தம் 1830 மெகாவாட் மின் உற்பத்தி செய்யப்பட்டு வருகிறது. 

இந்நிலையில் 2வது நிலையின் 1வது அலகில் கொதிகலன் குழாயில் ஏற்பட்ட கசிவு காரணமாக மீண்டும் 600 மெகாவாட் மின் உற்பத்தி பாதிக்கப்பட்டுள்ளது. கொதிகலன் கசிவை சரிசெய்யும் பணிகளில் மின் ஊழியர்கள் தீவிரமாக ஈடுபட்டு வருகின்றனர். விரைவில் கொதிகலன் சீரமைக்கப்படும் என எதிர்பார்க்கப்படுகிறது.

இதையும் படிக்க:ஃபர்ஹானா இஸ்லாமிர்யர்களுக்கு எதிரான படம் இல்லை!!!!

தமிழ் கலைகளையும் கலைஞர்களையும்  ஊக்குவிப்பதற்காக தமிழ்நாடு அரசு பங்காற்றி வரக்கூடிய சூழ்நிலையில் மேலும் சில உதவிகளை நாட்டுப்புறக்கலை ஆர்வலர்கள் கோரிக்கையாக விடுக்கிறனர்.

இணையதள பக்கம்:

உலகில் நாளுக்கு நாள் வளர்ந்து வரும் தொழில்நுட்ப வளர்ச்சியின் காரணமாக மனிதனின் நாகரிக வளர்ச்சியும் மாறிக்கொண்டே வருகிறது.  உள்ளங்கையில் உள்ள கைபேசியின் மூலம் உலகில் அனைத்து தகவல்களையும் நம்மால் பெற முடிகிறது. குறிப்பாக கைபேசியின் மூலமாக ஓரிடத்தில் இருந்து மற்றொரு இடத்திற்கு செல்வதற்கான வாகனங்களை புக் செய்வது வீட்டில் இருந்தபடியே உணவு புக் செய்வது போன்ற எண்ணற்ற தொழில்நுட்பங்கள் பரவி கிடக்கின்றது.  இதே வரிசையில் தற்போது தமிழ் நாட்டுப்புற கலைஞர்களின் வாழ்வாதாரத்தை மேம்படுத்தும்  விதமாக தமிழ் கலை டாட் காம் என்ற புதிய தனியார் இணையதள பக்கம் ஒன்று துவங்கப்பட்டு  உள்ளது.

மெல்ல மெல்ல..:

தமிழகத்தில் 1042 நாட்டுப்புற கலைகள் இருந்ததாகவும் தற்போது அவை மெல்ல மெல்ல அழிந்து வருவதாகவும் கலை ஆராய்ச்சியாளர்கள் தெரிவிக்கின்றனர்.  அவற்றை மீட்டெடுக்கும் பணிகளும் ஒரு புறம் நடைபெற்று வருகிறது.  இதனிடையே தமிழ் கலை டாட் காம் என்ற இணையதளம் கலை ஆர்வலர்களால் உருவாக்கப்பட்டுள்ளது.  இதன் நோக்கம் என்ன என்று விளங்குகிறார் இதன் இணை  இயக்குனர் கிஃப்டி.

தமிழ் கலை டாட் காம் குறித்து:

இந்தியாவில் தமிழ் கலைஞர்களை ஆன்லைன் மூலமாக புக் செய்வதற்கான தளமாக தமிழ் கலை டாட் காம் ஆரம்பிக்கப்பட்டுள்ளது.  

• பொதுமக்கள் தங்களுடைய இல்ல நிகழ்ச்சிகள் மற்றும் பிற நிகழ்ச்சிகளுக்கு எந்த இடத்தில் இருந்தாலும் குறிப்பிட்ட நேரத்தில் மொபைல் மூலமாக தமிழ் கலைஞர்களை நேரடியாக புக் செய்து கொள்வதற்கான எளிய வழியாக வருகிறது.

• கலைஞர்கள் பல்வேறு இடங்களுக்கு நிகழ்ச்சிகளுக்காக செல்கின்றனர் ஆனால் அதற்கான முழு தொகையும் அவர்களை சென்றடைவதில்லை இடைத்தரகர்கள் மூலமாக சென்று முழு தொகையும் பெற முடியாத பிரச்சனை நீண்ட காலமாக நடைபெற்று வருகிறது.   அதற்கான மாற்று வழியாக இணையதளம் மூலமாக கலைஞர்களை பதிவு செய்வதால் நேரடியாக கலைஞர்களுக்கான  ஊதியம் சென்றடைகிறது இதனால் அந்த உழைப்பின் முழு ஊதியத்தையும் நாட்டுப்புறக் கலைஞர்கள் பெறுவதற்கான சூழல் ஏற்படுகிறது.

• தமிழரின் பாரம்பரிய கலைகளில் கரகாட்டம் பறை இசை பொய்க்கால் குதிரை உள்ளிட்ட 30 கலைகளை ஆராய்ச்சிக்கு உட்படுத்தி  இந்த இணையதளத்தில் பயன்படுத்தப்பட்டுள்ளது.  ஒவ்வொரு கலைஞரின் சுயவிவர படம் அவர்களின் வீடியோக்கள் மற்றும் அனைத்து தரவுகளுமே இணையதளத்தில் பதிவேற்றம் செய்யப்பட்டு இருக்கும்.

• தமிழர்களின் நாட்டுப்புறக் கலைகளையும் கலைஞர்களையும் பாதுகாக்கும் இந்த இணையதள பக்கத்தில் அரசுடன் இணைந்து இவர்களின் வாழ்வாதாரத்தை மேம்படுத்துவதற்கான முயற்சிகளில் ஈடுபட்டுள்ளது.

வாழ்வாதாரம்:

நாட்டுப்புற கலைகலையும்  கலைஞர்களின்  வாழ்வாதாரங்களையும் முன்னேற்றும் விதமாக தொடங்கப்பட்ட இந்த இணையதளம் பொதுமக்களிடம் வெகுவாக சென்றடைந்து நாட்டுப்புறக் கலைஞரின் வாழ்வாதாரத்தை மேம்படுத்தும் என்று சமூக ஆர்வலர்கள் நம்பிக்கை தெரிவிக்கின்றனர்.

இதையும் படிக்க:    கட்டுமான பணிகளில் முறைகேடு... காங்கிரஸ் எம்.எல்.ஏ. மீது புகார்!!

சென்னை மெட்ரோ இரயில் நிறுவனத்தில் சிங்காரா சென்னை அட்டை (தேசிய பொது இயக்க அட்டை) அறிமுகப்படுத்தப்பட்டுள்ளது.

சென்னை மெட்ரோ இரயில் நிறுவனம், கட்டம் / மற்றும் கட்டம் நீட்டிப்பில் உள்ள மெட்ரோ இரயில் நிலையங்கள் முழுவதும் பாரத ஸ்டேட் வங்கியுடன் (வங்கி பங்குதாரர்) இணைந்து சிங்கார சென்னை அட்டையை (National COMMon Mobility Card - தேசிய பொது இயக்க அட்டை) அறிமுகப்படுத்தியுள்ளது.

தற்போது, சிங்கார சென்னை அட்டைகளை சென்னை மெட்ரோ இரயில் நிலையங்களிலும், இந்தியாவில் உள்ள அனைத்து மெட்ரோ இரயில் நிலையங்கள் எம்.எம்.ஆர்.டி.ஏ மும்பை லைன் 2 ஏ & 7, பெங்களூரு மெட்ரோ, டெல்லி மெட்ரோ விமான நிலையம், கான்பூர் மெட்ரோ, சிறந்த பேருந்துகள் மும்பை, மற்றும் கோவாவில் கடம்பா போக்குவரத்து பேருந்துகள் ஆகிய இடங்களில் ரூபே தேசிய பொது இயக்க அட்டைகளை ஏற்கும் இந்தியாவின் அனைத்து மெட்ரோக்களிலும் பயன்படுத்த முடியும். 

எதிர்காலத்தில், பேருந்து, புறநகர் இரயில்வே, சுங்கச்சாவடி, வாகன நிறுத்துமிடம், ஸ்மார்ட் சிட்டி மற்றும் சில்லறை விற்பனைக் கடைகள் உள்ளிட்ட நாட்டின் பல்வேறு பகுதிகள் மற்றும் பிரிவுகளில் பணம் செலுத்த வாடிக்கையாளர்கள் இந்த ஒற்றை அட்டையைப் பயன்படுத்தலாம்.  அனைத்து பாதுகாப்பு அம்சங்களுடனும் தேசிய அளவில் ஏற்றுக்கொள்ளப்பட்ட ரூபே தொழில்நுட்பம் இதன் அடிப்படையாகும்.

இந்த அட்டையை பாரத ஸ்டேட் வங்கி வழங்கும், வாலட் வசதியுடன் சேர்த்து அதிகபட்சமாக 2000 ரூபாய் சேமிக்க முடியும் புதிய அட்டையை பயன்படுத்துவதற்கும் மேலும் அட்டைகளை ரீசார்ஜ் செய்வதற்கும் பிரத்யேக இணையதளத்தை {https://transit.sbi/swift/CustoMerportal?p.agenaMe=CMl) பாரத ஸ்டேட் வங்கி கொண்டுள்ளது. இந்த அட்டைகான இருப்புத்தொகையை பணம் மூலமாகவும் ஆன்லைன் வங்கி சேமிப்பு கணக்குகள் மூலமாகவும் ரீசார்ஜ் செய்து கொள்ளலாம்.

சிங்கார சென்னை அட்டையின் முக்கிய அம்சங்கள்:

1. இந்த அட்டை பயணிகளுக்கு இலவசமாக வழங்கப்படுகிறது. 

2. இந்த அட்டையை இந்தியாவின் அனைத்து மெட்ரோ ரயில் 
நிலையங்களிலும் பயன்படுத்தலாம்.

3. குறைந்தபட்ச KYC உடன் எளிதான பதிவு செயல்முறை ஆகும்.

பாரத ஸ்டேட் வங்கியின் முதன்மை பொது மேலாளர் இராதகிருஷ்ணன் சிங்கார சென்னை அட்டையை திருமங்கலம் மெட்ரோ இரயில் நிலையத்தில் அறிமுகப்படுத்தினார். 

முதற்கட்டமாக, மெட்ரோ இரயில் நிலையங்களில் (கோயம்பேடு மெட்ரோ சென்ட்ரல் மெட்ரோ, விமான நிலையம் மெட்ரோ, உயர்நீதிமன்றம் மெட்ரோ, ஆலந்தூர் மெட்ரோ. திருமங்கலம் மெட்ரோ, கிண்டி மெட்ரோ) தேசிய பொது இயக்க அட்டை வழங்கப்படும்.  தேசிய பொது இயக்க அட்டைகளை அனைத்து மெட்ரோ இரயில் நிலையங்களின் தானியங்கி கட்டண வசூல் அமைப்பு கேட்களிலும் பயன்படுத்தலாம்.

இதையும் படிக்க:  பயன்படுத்தப்படாத நிலங்களை திரும்ப ஒப்படைக்க உத்தரவு...!!

மீண்டும் பயன்படுத்தக்கூடிய "தன்னியக்க ஏவுகணை சோதனையை" இஸ்ரோ வெற்றிகரமாக முடித்துள்ளது. 

மீண்டும் மீண்டும்:

மீண்டும் பயன்படுத்தும் வகையில் ஏவுகணைகளை தயாரிப்பது விண்வெளி துறையில் மிகப்பெரிய சாதனையாக பார்க்கப்படுகிறது.  அமெரிக்கா, ஐரோப்பிய யூனியன், ரஷ்யா, கனடா உள்ளிட்ட நாடுகள் மீண்டும் பயன்படுத்தக்கூடிய ஏவுகணை உருவாக்க தொழில்நுட்பத்தை பயன்படுத்தும் நிலையில், இந்தியாவும் இந்த சோதனை முயற்சியில் வெற்றி பெற்றுள்ளது மிகப்பெரிய சாதனையாக பார்க்கப்படுகிறது.

முதலீடு:

1975 ஆம் ஆண்டு முதல் இஸ்ரோ 120க்கும் மேற்பட்ட ஏவுகணை திட்டம் மூலம் செயற்கைக் கோள்கள் விண்கலங்கள் போன்றவற்றை விண்ணிற்கு அனுப்பி வருகிறது.  இந்திய ரஷ்ய கூட்டுத் தொழில்நுட்பத்தில் உருவாக்கப்பட்டு ஜிஎஸ்எல்வி, பிஎஸ்எல்வி, எஸ் எஸ் எல் வி ராக்கெட்கள் விண்ணில் இஸ்ரோ விஞ்ஞானிகளால் வடிவமைக்கப்பட்டு விண்ணில் ஏவப்படுகின்றன.  இந்நிலையில் விண்ணில் அனுப்பும் ராக்கெட்டை வெற்றிகரமாக மீண்டும் தரையிரக்கி பயன்படுத்தும் வகையிலான மறு பயன்பாட்டு ஏவுகணை தொழில்நுட்ப திட்டத்திற்கு இந்திய விண்வெளி ஆராய்ச்சி நிறுவனம் முதலீடு செய்தது.

முதல் வெற்றி:

அதன் படி மே 23, 2016 அன்று மேற்கொள்ளப்பட்ட முதல் கட்ட சோதனையில் மறுபயன்பாட்டு ஏவுகணை  ஆனது 770-வினாடிகள் கொண்ட ஒரு துணை விமானம் உதவியோடு கடலில் தரையிறங்கியது.  சோதனைப் பணியானது, HS9 திட ராக்கெட் பூஸ்டர் மறு பயன்பாட்டு ஏவுகணையை ஏறக்குறைய 65 கிமீ உயரத்திற்கு ஏற்றிச் செல்வதில் வெற்றி கண்டது. 

சோதனை வெற்றி:

இந்நிலையில் இன்று காலை 7 மணிக்கு இந்திய விமானப்படையின் சினூக் ஹெலிகாப்டரைப் பயன்படுத்தி 4.5 கிமீ உயரத்திற்கு கொண்டு செல்லப்பட்டது.  கிடைமட்ட வேகத்தில் ஓடுபாதைக்கு முன்னால் சுமார் 4 கிமீ முதல் 5 கிமீ தொலைவில் ஹெலிகாப்டரில் இருந்து மறு பயன்பாட்டு வாகனம் விடுவிக்கப்பட்டது.  விடுவிக்கப்பட்ட பிறகு, மறுபயன்பாட்டு வாகனம் சறுக்கி, ஓடுபாதையை நோக்கிச் சென்று, தானியங்கியாக தரையிறங்கியது.   

பத்து வருட முயற்சி:

சோதனை வெற்றிகரமாக முடிந்ததும் மென்பொருள், தரையிறங்கும் கருவியை சரிபாரப்பு, விமானத்தை இயக்குவதற்கும், ஓடுபாதையில் உள்ள உத்தேசித்த இடத்திற்கு அதை மீண்டும் கொண்டு வருவதற்கும் ஏரோடைனமிக்ஸ் சென்சார்கள் எவ்வாறு வேலை செய்தன என்பதைப் பற்றிய தரவுகளை பெற்றுள்ளதாகவும் அவற்றை மீண்டும் ஆய்வு செய்ய உள்ளதாக இஸ்ரோ தலைவர் சோம்நாத் தெரிவித்துள்ளார்.  கடந்த பத்து வருடமாக மறு பயன்பாட்டு ஏவுகணை திட்டத்தில் இஸ்ரோ விஞ்ஞானிகள் ஈடுபட்டு வரும் நிலையில் இன்றைய தினத்தின் சோதனை வெற்றி முக்கிய மைல்கல்லாக பார்க்கப்படுகிறது.

இதையும் படிக்க:  திரைப்பட நடிகை ஸ்ரேயா திருப்பதியில் சுவாமி தரிசனம்....!!!