சூரியனை தொடர்ந்து செயற்கை முறையில் , நிலவையும் உருவாக்கி சீன விஞ்ஞானிகள் சாதனை படைத்துள்ளனர்.

கடந்த ஆண்டு விண்வெளி ஆராய்ச்சியில் அதீத கவனம் செலுத்திய சீனா, பல்வேறு புதுமை திட்டங்களை செயல்படுத்தி,  21 நூற்றாண்டிலேயே சிறந்த ஆண்டாக கடந்த ஆண்டை மாற்றி அமைத்தது.

இந்ததநிலையில்  ஈர்ப்பு விசை சார்ந்த ஆய்வுகளை மேற்கொள்ள வசதியாக சிறிய செயற்கை நிலவை சீனா உருவாக்கியுள்ளது. 

புவியீர்ப்பு விசை கொண்ட செயற்கை நிலவில்,   விரும்பும் காலத்திற்கு ஈர்ப்பு விசையை நீட்டிக்க முடியும் எனவும், இதன் மூலம் பிற நாடுகளைப் போல ஈர்ப்பு விசையற்ற விமானங்களில் விண்வெளி வீரர்களுக்கு பயிற்சி அளிக்காமல் ஆய்வுகளை  எளிய வகையில் மேற்கொள்ள முடியும் எனவும் விஞ்ஞானிகள் தெரிவிக்கின்றனர்.

நிலவை போல் செயற்கையாக 2 அடி விட்டத்தில் உருவாக்கப்பட்டுள்ள சந்திரனில், எடை குறைந்த மணல், கற்கள் துாசிகள் நிரப்பப்பட்டுள்ளதாக தெரிவிக்கப்பட்டுள்ளது. 
 

பி.எஸ்.என்.எல். நிறுவனம், மற்ற நிறுவன வாடிக்கையாளர்களை கவரும் வகையில் புதிய திட்டத்தை அறிவித்துள்ளது.

இந்தியாவின் முன்னணி தொலைதொடர்பு நிறுவனங்களான ஏர்டெல், ஜியோ ஆகியவை  அனைத்து சலுகை கட்டணங்களையும் அதிகபட்சமாக 25 சதவீதம் வரை உயர்த்தின.  

இதனால், ஏராளமானோர் பி.எஸ்.என்.எல். சேவைக்கு மாற துவங்கினர். இதை தக்க வைத்துக்கொள்ளும் வகையில், பி.எஸ்.என்.எல்.  நிறுவனம் புதிய சலுகையை அறிவித்துள்ளது.

அதன்படி, ஏர்டெல், ஜியோ  வாடிக்கையாளர்கள் பி.எஸ்.என்.எல். சேவைக்கு மாறும் போது 5 ஜி.பி. டேட்டா இலவசமாக வழங்கப்படும் என அறிவிக்கப்பட்டுள்ளது.

மற்ற நிறுவன வாடிக்கையாளர்கள் பி.எஸ்.என்.எல். சேவைக்கு ஜனவரி 15ம் தேதிக்கு  முன்பு மாற வேண்டும் எனவும் தெரிவிக்கப்பட்டுள்ளது. 

ஆப்பிள் நிறுவனம், இந்தாண்டு குறைந்த விலையில் 5ஜி ஐபோனை விற்பனை செய்ய திட்டமிட்டுள்ளதாக தகவல் வெளியாகியுள்ளது.

ஆப்பிள் நிறுவனம், ஐபோன் எஸ்.இ.3 மாடலை உருவாக்கியுள்ளது. புதிய ஐபோன் எஸ்.இ. 3 மாடலை இந்த ஆண்டு மார்ச் அல்லது ஏப்ரல் மாதத்தில் அறிமுகம் செய்யலாம் என கூறப்படுகிறது.

பல்வேறு சிறப்பம்சங்களை கொண்ட இந்த ஐபோன்,  முந்தைய ஐபோன் எஸ்.இ.  2 போன்றே காட்சியளிக்கும் என தெரிவிக்கப்பட்டுள்ளது.

மேலும் டச் ஐ.டி. சென்சார் ஹோம் பட்டனும் பொருத்தப்பட்டு இருக்கும் என எதிர்பார்க்கப்படுகிறது. ஐபோன் எஸ்.இ.3 மாடல், குறைந்த விலை 5ஜி ஐபோனாக இருக்கும். இதன் விலை 399 டாலர்களில் துவங்கும் என தெரிகிறது. 

கடந்த ஆண்டு ஜூலை மாதத்தில் ‘சுல்லி டீல்ஸ்’ என்ற செயலியில், நூற்றுக்கும் மேற்பட்ட இஸ்லாமிய பெண்களின் புகைப்படங்கள் இழிவாக சித்தரிக்கப்பட்டு இருந்தன.

இந்த விவகாரம் பெரும் சர்ச்சையை ஏற்படுத்திய நிலையில், இதுதொடர்பாக டெல்லி போலீசார் வழக்குப்பதிவு செய்து விசாரணையை தொடங்கினார். அதில், மத்தியபிரதேச மாநிலம் இந்தூரை சேர்ந்த ஓம்காரேஷ்வர் தாக்குர் என்பவர் இந்த செயலியை உருவாக்கியது கண்டுபிடிக்கப்பட்டது. 

இதையடுத்து அவரை கைது செய்து காவல்துறையினர் விசாரித்ததில், கடந்த 2020ம் ஆண்டு ட்விட்டர் பக்கத்தில் ஒரு குழு இணைந்ததாகவும், அதில் இஸ்லாமிய பெண்களை இழிவுபடுத்தும் யோசனை பகிரப்பட்டதாகவும் ஒப்புக்கொண்டுள்ளார்.

10 வயது சிறுமிக்கு உயிருக்கு ஆபத்து விளைவிக்கக் கூடிய சேலன்ஞ்யை அமேசானின் அலெக்சா வாய்ஸ் அசிஸ்டன்ட் விடுத்ததையடுத்து அமேசான் நிறுவனம் விளக்கமளித்துள்ளது.

அலெக்சா (Alexa) எனும் செயற்கை நுண்ணறிவு மென்பொருள், அதிர்ச்சி தரும் ஒன்றைச் செய்துள்ளது. Amazon நிறுவனத்தின் மென்பொருளான அது, மனிதர்களிடம் பேசக்கூடியது; மனிதர்கள் கேட்கும் கேள்விகளுக்கு இயல்பாகப் பதிலளிக்கக்கூடியது

இந்நிலையில், அமெரிக்காவைச் சேர்ந்த 10 வயது சிறுமி வீட்டில் பொழுது போகாததால், தனக்கு ஒரு சவாலை விடுமாறு அலெக்சா-விடம் கேட்டுள்ளார். 

அதற்கு பென்னி சேலஞ்ச்' (penny challenge) செய்யச் சொன்னது. 2020 ஆம் ஆண்டில் சமூக ஊடக தளமான Tiktok இல் பென்னி சவால் வெளிவந்தது.  இந்த சவாலில், மின் செருகியின் இரு முனைகளிலும் நாணயத்தை வைத்து நாணயத்தைத் தொடும் 
சவால் வழங்கப்பட்டது.

அவ்வாறு செய்தால் மின்சாரம் தாக்கக்கூடும் என்பதால் சிறுமி அதனை செய்ய மறுத்துவிட்டார். கடந்தாண்டு டிக்-டாக்கில் பிரபலாமான இந்த பென்னி சாலஞ்சை (penny challenge) செய்ய முயன்ற பலருக்கு மின்சாரம் பாய்ந்து விரல்கள், கைகள் பாதிக்கப்பட்ட நிலையில் 10 வயது சிறுமிக்கு அலெக்சா இப்படி ஒரு அபாயகராமான சவாலை விடுத்தது பலத்த சர்ச்சையை ஏற்படுத்தியது.

இது குறித்து சிறுமியின் தாயார் ட்விட்டரில் பதிவிட்டிருந்த நிலையில், தவறை சரி செய்து, அலெக்சா அப்டேட் செய்யப்பட்டுள்ளதாக அமேசான் விளக்கமளித்துள்ளது.