இஸ்ரோவின் புதிய வகை ராக்கெட்டான   எஸ்.  எஸ்.எல்.வி. இன்று காலை விண்ணில் செலுத்தப்பட்ட நிலையில், ராக்கெட் சுமந்து சென்ற இரண்டு செயற்கைகோள்களும் செயலிழந்து விட்டதாக இஸ்ரோ அறிவித்துள்ளது.

குறைந்த எடைகொண்ட செயற்கைகோள்களை சுமந்து செல்லும்   எஸ்.  எஸ்.எல்.வி

500 கிலோ வரை குறைந்த எடை கொண்ட செயற்கைகோள்களை விண்ணில் ஏவுவதற்காக,   எஸ்.  எஸ்.எல்.வி. என்ற புதிய வகை ராக்கெட்டை இஸ்ரோ வடிவமைத்துள்ளது.   எஸ்.  எஸ்.எல்.வி. - டி1 எனப் பெயரிடப்பட்டுள்ள இந்த ராக்கெட் மூலம், புவி கண்காணிப்பிற்கான இ.ஒ.  எஸ் - 02 என்ற செயற்கை கோள் மற்றும் அரசுப்பள்ளி மாணவர்கள் இணைந்து உருவாக்கிய அசாதி சாட் செயற்கைகோள் ஆகிய இரண்டு செயற்கைகோள்கள் விண்ணில் செலுத்தப்பட்டன.

ஸ்ரீஹரிகோட்டா ஏவுதளத்தில் இருந்து விண்ணில் செலுத்திய இஸ்ரோ

விண்ணில் ஏவப்பட்ட ராக்கெட்டின் இரண்டாவது மற்றும் மூன்றாவது கட்ட நிலைகளை, வெற்றிகரமாக கடந்த நிலையில், இறுதி கட்டத்தில் சிக்னல் கிடைக்காமல் போனது. இந்நிலையில் செய்தியாளர்களை சந்தித்த இஸ்ரோ தலைவர் சோம்நாத், ராக்கெட்டின் இறுதிகட்ட செயல்பாடு குறித்து பகுப்பாய்வு நடைபெற்று வருவதாகவும், மீண்டும் தகவல் தொடர்பை கட்டுப்பாட்டுக்குள் கொண்டுவர முயற்சித்து வருவதாகவும் தெரிவித்திருந்தார்.

இரண்டு செயற்கைகோள்களும் செயலிழந்து விட்டன

இந்நிலையில் இரண்டு செயற்கைகோள்களும் கட்டுபாட்டை இழந்து விட்டதாக இஸ்ரோ அதிகாரப்பூர்வமாக அறிவித்துள்ளது. இது தொடர்பாக டிவிட்டர் பக்கத்தில் வெளியிடப்பட்டுள்ள செய்தியில், புவியிலிருந்து 356  கிலோமீட்டர் வட்டப்பாதையில் செயற்கைகோள்களை நிலைநிறுத்துவதற்கு பதிலாக, நீள்வட்டப்பாதையில் நிலைநிறுத்தப்பட்டதாகவும் கூறியுள்ளது. சென்சாரில் ஏற்பட்ட பிரச்சனையை சரிசெய்ய முயற்சித்த போது செயலிழந்து விட்டதாகவும் கூறியுள்ளது.  விரைவில்   எஸ்  எஸ்எல்வி-டி2 ராக்கெட் விண்ணில் செலுத்தப்படும் எனத் தெரிவிக்கப்பட்டுள்ளது.

ஸ்ரீஹரிகோட்டாவில் இருந்து ஏவப்பட்ட பிஎஸ்எல்வி செயற்கைக்கோள்களில் இருந்து சிக்னல் கிடைப்பதில் சிக்கல் ஏற்பட்டுள்ளது.

2 செயற்கைக்கோள்களை ஏந்திச்சென்ற எஸ்எஸ்எல்வி ராக்கெட்

இந்திய விண்வெளி ஆராய்ச்சி மையமான இஸ்ரோ இன்று முதல்முறையாக எஸ்எஸ்எல்வி ராக்கெட்டை விண்ணில் ஏவியது. இதற்காக நள்ளிரவில் கவுண்ட் டவுன் தொடங்கிய நிலையில், காலை 9.18 மணிக்கு ராக்கெட் விண்ணில் ஏவப்பட்டது. எஸ்எஸ்எல்வி டி1 என்ற இந்த ராக்கெட், எடை குறைந்த இஓஎஸ் 02, ஆசாதிசாட் என்ற இரு சிறிய செயற்கைக்கோள்களை சுமந்து சென்றது குறிப்பிடத்தக்கது. 

50 நிமிடங்களைக் கடந்தும் சிக்னல் கிடைக்கவில்லை

இந்த நிலையில் இஓஎஸ் 02, ஆசாதி சாட் செயற்கைக் கோள்களின் சிக்னல் கிடைப்பத்தில் சிக்கல் ஏற்பட்டுள்ளதாக, இஸ்ரோ தலைவர் சோம்நாத் தெரிவித்துள்ளார்.  ராக்கெட் விண்ணில் ஏவப்பட்டு அதிலிருந்து பிரிந்த 13வது நிமிடத்தில் சிக்னல் கிடைத்திருக்க வேண்டும் எனவும், 50 நிமிடங்களைக் கடந்தும் தற்போது வரை சிக்னல் கிடைக்காததாகவும் அவர் குறிப்பிட்டுள்ளார்.

தகவல்தொடர்பை கட்டுப்பாட்டுக்குள் கொண்டுவர முயற்சி

இருப்பினும் நிலையான சுற்றுப்பாதையை அடைவது தொடர்பான இறுதிப்பணி குறித்து பகுப்பாய்வு செய்து வருவதாகவும், மீண்டும் தகவல் தொடர்பை கட்டுப்பாட்டுக்குள் கொண்டுவர முயற்சித்ததாகவும் அவர் தெரிவித்துள்ளார். செயற்கைக்கோள்களில் ஒன்றான ஆசாதி சாட், பள்ளி மாணவிகளின் முன்முயற்சியால் உருவாக்கப்பட்டது குறிப்பிடத்தக்கது.

இரு செயற்கைக்கோள்களுடன் எஸ்எஸ்எல்வி வகையின் முதல் ராக்கெட், ஸ்ரீஹரிகோட்டாவில் இருந்து இன்று காலை விண்ணில் ஏவப்படுகிறது. இதற்கான 6 மணி நேர கவுண்ட்டவுன் அதிகாலை 3.18 மணிக்கு தொடங்கியது. 

இந்திய விண்வெளி ஆராய்ச்சி மையமான இஸ்ரோ, பிஎஸ்எல்வி மற்றும் ஜிஎஸ்எல்வி வகை ராக்கெட்டுகள் உதவியுடன் செயற்கைக்கோள்களை விண்ணில் செலுத்தி வருகிறது. அதிக எடைகொண்ட இவ்விரு பெரிய ராக்கெட்டுகளில் செயற்கைக்கோள்களை அனுப்பும் போது செலவு அதிகமாகிறது. எனவே, அதனை குறைக்க தற்போது மினி, மைக்ரோ, நானோ என 500 கிலோ வரை உடைய செயற்கைக்கோள்களை சுமந்து செல்லும் வகையில், எஸ்எஸ்எல்வி எனப்படும் ஸ்மால் சேட்டிலைட் லாஞ்ச் வெகிக்கிள்  ராக்கெட்டை இஸ்ரோ வடிவமைத்துள்ளது.

இந்த புதிய வகை எஸ்எஸ்எல்வி முதல் ராக்கெட், 'இ.ஓ.எஸ்., - 02, ஆசாதிசாட்' ஆகிய இரண்டு செயற்கைக்கோள்களை சுமந்தபடி, ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு  மையத்தின் ஏவுதளத்தில் இருந்து இன்று காலை 9:18 மணிக்கு விண்ணில் பாய்கிறது. இதற்கான 6 மணி நேர கவுண்ட்டவுன் அதிகாலை 3.18 மணிக்கு தொடங்கியது.

இந்தியாவின் மனித விண்வெளிப் பயணத் திட்டமான ககன்யான் அடுத்த ஆண்டு இறுதிக்குள் வெற்றிகரமாக இருக்கும் என்று  இஸ்ரோ தலைவர் எஸ் சோமநாத் கூறியுள்ளார். 

ககன்யான் திட்டம்:

ககன்யான்திட்டம் என்பது குறைந்த சுற்றுப்பாதையில் மனிதர்களைக் கொண்ட விண்வெளிப் பயணத்தை மேற்கொள்வதாகும்.

இத்திட்டத்தில் ஆளில்லா விமான பயணம் இரண்டும் மனிதர்களுடன் கூடிய பயணம் ஒன்றும் அரசாங்கத்தால் அங்கீகரிக்கப்பட்டுள்ளது.

2022 ஆம் ஆண்டுக்குள் ஐந்து முதல் ஏழு நாட்களுக்கு மூன்று நபர்களைக் கொண்ட குழுவை விண்வெளிக்கு அனுப்புவதை நோக்கமாகக் கொண்டது.

2018ல் சுதந்திர தின உரையில் பிரதமர் நரேந்திர மோடி முதலில் மனித விண்வெளி பயண திட்டத்தை முதலில் அறிவித்தார்.

ககன்யான் திட்டத்திற்கான மொத்த செலவு சுமார் 9000 கோடி ரூபாய் என மதிப்பிடப்பட்டுள்ளது.

திட்டத்தில் மாற்றம்:

இந்தியாவின் மனிதர்களை ஏற்றிச் செல்லும் திட்டமான ககன்யான்  விண்வெளி வீரர்கள் பாதுகாப்பு கருதி இந்த ஆண்டு நிறைவேற்ற இயலாது என இந்திய விண்வெளி ஆராய்ச்சி அமைப்பு (இஸ்ரோ) தலைவர் எஸ் சோமநாத் தெரிவித்துள்ளார்.  

இஸ்ரோ தலைவர் விளக்கம்:

இது மிக முக்கியமான பணி என்று குறிப்பிட்டுள்ள இஸ்ரோ தலைவர், மனிதர்களை விண்வெளிக்கு அனுப்பும்போது பாதுகாப்பில் அதிக கவனம் செலுத்த வேண்டும் என்றார். மேலும் பாதுகாப்பு குறித்து மிக கவனமாக சோதனைகள் மேற்கொள்ளப்பட்டு வருகிறது என்றும் கூறியுள்ளார்.

விண்கலத்தில் பழுது ஏற்படும் போது பயணிகள் பாதுகாப்பாக இருக்க வேண்டிய அமைப்பை மேம்ப்டுத்தி வருவதால் ககன்யான் திட்ட காலத்தில் மாற்றம் ஏற்பட்டுள்ளதாக தெரிவித்துள்ளார்.

ககன்யான் திட்டம் எப்போது?

2024ம் ஆண்டிற்குள் ககன்யான் திட்டம் வெற்றிகரமாக செயல்படுத்தபடும் என்று உறுதியாக கூறியுள்ளார் இஸ்ரோ தலைவர்.

அடுத்த 25 ஆண்டுகளுக்குள் விண்வெளியை நிரந்தர வாழ்விடமாக மாற்ற முடியும் என்றும் மேலும் அவர் கூறியுள்ளார்.

ஆண்ட்ராய்டு மால்வேர் என்றால் என்ன ?

கணினிகளில் அல்லது மொபைல் போன்களில் பலவகையான மால்வேர்களில் ஆண்ட்ராய்டு மால்வேர் மிகவும் ஒத்திருக்கிறது. ட்ரோஜான்கள், ரான்சம்வேர் , ஸ்பைவேர் போன்ற வைரஸ்கள் பயனரின் சாதனத்திற்கு தீங்கு விளைவிக்கும் தீங்கிழைக்கும் மென்பொருள் தான் ஆண்ட்ராய்டு மால்வேர். 

ஆண்ட்ராய்டு மால்வேரை தடுக்க சில குறிப்பு :  

பாதுகாப்பை பெரிதாக எடுத்துக் கொள்ளாத பயனர்கள் இந்த தீங்கு விளைவிக்கும் செயலிகளை பதிவிறக்குவதற்கான வாய்ப்புகள் அதிகம். உங்கள் ஸ்மார்ட்போனில் ஆண்ட்ராய்டு மால்வேர் ஊடுருவுவதை நீங்கள் கண்டறிந்து தடுக்கலாம் என்பதை உறுதிப்படுத்த சில குறிப்புகள்:-
  
        1. பயன்பாட்டின் அனுமதிகளை கவனமாகப் படிப்பதன் மூலம் உங்கள் தனியுரிமையைப் பாதுகாக்கலாம். பயன்பாட்டின் நோக்கத்திற்கு அவை பொருத்தமானதா என்பதைக் கவனியுங்கள்; முறையற்ற அனுமதிகளை வழங்குவது உங்கள் தனிப்பட்ட தகவல்களை மூன்றாம் தரப்பினருக்கு வெளிப்படுத்த உதவலாம். 

       2. ஒரு செயலியை பதிவிறக்கம் செய்வதற்கு முன்பாக அந்த செயலியை பயன்படுத்திய பயனர்களின் விமர்சனங்களை படித்து ஆயுவு செய்து பார்க்கலாம். 

       3. மூன்றாம் தரப்பு செயலிகளை பதிவிறக்கம் செய்வதை தவிர்க்கலாம். அதில் தான் பெரும்பாலும் இந்த மால்வேர் பாதித்த நிரல்கள் மறைந்திருக்கும்.

       4. இலவச வைரஸ் தடுப்பு சோதனைகள் குறித்து எச்சரிக்கையாக இருங்கள், ஏனெனில் அவை உங்கள் மொபைல் சாதனத்தைப் பாதிக்கும் மல்வேரை கொண்டிருக்கலாம். ஆண்ட்ராய்டு பாதுகாப்பு மென்பொருளானது புகழ்பெற்ற சப்ளையர்களிடமிருந்து நியாயமான விலையில் கிடைக்கிறது, மேலும் இது ஆபத்தான பயன்பாடுகளைத் திறம்படத் தடுக்கிறது. 

மால்வேர் : ஆட்டோலிகாஸ்  

தற்போது கூகுள் நீக்கியுள்ள இந்த 8 செயலிகளில் பாதிக்கப்பட்டுள்ள அந்த மல்வேருக்கு ஆட்டோலிகாஸ் என பெயரிடப்பட்டுள்ளது. இதனை மால்வேர் பாதுகாப்பு ஆராய்ச்சியாளர் மாக்சிம் இங்க்ராவோவால் கண்டுபிடிக்கப்பட்டது. மேலும் இது முதலில் Bleeping Computer என்ற தகவல் பாதுகாப்பு மற்றும் தொழில்நுட்ப செய்தி மூலம் அறிவிக்கப்பட்டது. இது தான் தற்போது கூகுள் ப்லே ஸ்டோரில் உள்ள 8 செயலிகளை பாதித்துள்ளது. அதனை கூகுள் நீக்கியுள்ளது. கூகுள் அதன் அறிக்கைகளின்படி, ஆரம்ப ஒப்புதலிலிருந்து இந்த 8 செயலிகளை நீக்க ஆறு மாதங்கள் தேவைப்பட்டதாக தெரிவித்துள்ளது.  மேலும், இந்த செயலிகள் 3 மில்லியனுக்கும் அதிகமான முறை பதிவிறக்கம் செய்யப்பட்டுள்ளதாக கூறியுள்ளது.
  
மால்வேர் பாதித்த அந்த 8 செயலிகள்: 

1. விலாக் வீடியோ எடிட்டர்  (1 மில்லியன் பதிவிறக்கம்)
2. கிரியேட்டிவ் 3D லான்ஞ்சர்  (1 மில்லியன் பதிவிறக்கம்)
3. வாவ் பியூட்டி கேமரா (1,00,000 பதிவிறக்கம்)
4. ஜிஐஎப் எமோஜி கி போர்டு (1,00,000 பதிவிறக்கம்)
5. ரேசர் கி போர்டு & தீம் (50,000 பதிவிறக்கம்)
6. பிரீ க்லோ  கேமரா 1.0.0 (5,000 பதிவிறக்கம்)
7. கோகோ கேமரா v1.1 (1,000 பதிவிறக்கம்)
8. ஃபன்னி கேமரா ( 50,000 பதிவிறக்கம் )

இந்த மால்வேர் பாதித்த செயலிகளை பதிவிறக்கம் செய்வதனால் வங்கி விவரங்கள் அல்லது ஒரு முறை கடவுச்சொற்கள் (OTP) போன்ற முக்கியமான தகவல்கள் திருடுபோகவும் வாய்ப்பிருக்கிறது. இந்த செயலிகள் சமூக வலைத்தளங்களில் விளம்பரங்கள் மூலம் ஊக்குவிக்கிறது. 

எப்படி நீக்குவது..?

இந்த 8 செயலிகளில் ஏதேனும் ஒன்றை பயனர்கள் பதிவிறக்கம் செய்திருந்தால், முதலில் செய்ய வேண்டியது, உடனடியாக செயலியை நீக்குவதுதான் (UNINSTALL). மேலும், பயனர்கள் தங்கள் பைல் எக்ஸ்ப்ளோரருக்குச்(FILE EXPLORER ) சென்று செயலியின் பெயரைக் கொண்டு தேடி, அந்த செயலி தொடர்பான ஏதேனும் கோப்பைக் கண்டால், அதை நீக்கிவிட்டு, தங்கள் ஸ்மார்ட்ஃபோனை மறுதொடக்கம்(REBOOT) செய்ய வேண்டும். மேலும், சமூக ஊடக விளம்பரங்களில் பார்க்கும் பயன்பாடுகளைப் பதிவிறக்க வேண்டாம் என்று பயனர்கள் அறிவுறுத்தப்படுகிறார்கள்.