சென்னையை அடுத்த கண்ணகி நகரில் கஞ்சா விற்ற இளைஞருக்கு ஐந்தாண்டுகள் சிறை தண்டனை விதித்து போதைப்பொருள் கடத்தல் தடுப்பு  வழக்குகளை விசாரிக்கும் சிறப்பு நீதிமன்றம் தீர்ப்பளித்துள்ளது.

சென்னையை அடுத்த கண்ணகி நகர் பேருந்து நிலையம் பின்புறம் கஞ்சா விறகப்படுவதாக போலீசாருக்கு தகவல் கிடைத்தது.

 இதனையடுத்து அங்கு சென்ற காவல்துறையினர்,  அங்கு சந்தேகத்துக்கிடமான முறையில் நின்று கொண்டிருந்த அதே பகுதியை சேர்ந்த தமிழரசன் என்பவரை கைது செய்தனர். 

அவரிடம் இருந்து ஒரு கிலோ 200 கிராம் கஞ்சாவை  போலீசார் பறிமுதல் செய்தனர்.

கடந்த 2019ம் ஆண்டு பிப்ரவரி மாதம் நடந்த இந்த சம்பவம் தொடர்பான வழக்கை விசாரித்த,  போதைப்பொருள் கடத்தல் தடுப்பு  வழக்குகளை விசாரிக்கும் சிறப்பு நீதிமன்ற நீதிபதி திருமகள், குற்றச்சாட்டுகள் நிரூபிக்கப்பட்டுள்ளதாக கூறி, தமிழரசனுக்கு ஐந்தாண்டுகள் சிறை தண்டனையும்,   ஐம்பதாயிரம் ரூபாய் அபாரமும் விதித்து தீர்ப்பளித்தார்.

-நப்பசலையார்

இதையும் படிக்க:  ”தமிழுக்காக தண்டவாளத்தில் தலை வைத்தவர்.......” முன்னாள் அமைச்சர் கிண்டல் பேச்சு!!!

ஒரு கட்சியுடன் கூட்டணி என்பதால் அதிமுகவை எதிரியாக சிறுபான்மை மக்கள் பார்க்க கூடாது முன்னாள் அமைச்சர் வைகைச்செல்வம் பேச்சு

பொதுக்கூட்டம்:

சென்னையை அடுத்த ஆலந்தூரில் சென்னை புறநகர் அதிமுக மாணவர் அணி சார்பில் வீரவணக்க நாள் பொது கூட்டம் நடைபெற்றது.  இதில் முன்னாள் அமைச்சர் வைகைச்செல்வம் பேசுகையில்  ,தமிழுக்காக தொண்டு செய்தேன் என சொல்லும் அவர்கள் என்ன செய்தார்கள் எனக் கேள்வெயெழுப்பியுள்ளார்.  

தமிழுக்காக தண்டவாளத்தில்:

மேலும் ஒரு காலத்தில் தமிழுக்காக தண்டவாளத்தில் தலை வைத்து கருணாநிதி படுத்தார் என்பதை மறுக்க முடியாது எனக் கூறிய வைகை செல்வன் அவர் 4ம் நம்பரில் தலை வைத்தார் ஆனால் ரெயிலோ 5ம் நம்பர் தண்டவாளத்தில் வந்தது எனக் கிண்டலாக கூறியுள்ளார்.  

கண்டிக்காத முதலமைச்சர்:

தொடர்ந்து பேசிய அவர் உதயநிதி துணை முதலமைச்சர் போல் பணியாற்றுவதாக பள்ளி கல்வி அமைச்சர் அன்பில் மகேஷ் கூறி உள்ளதை தெரிந்தும் இதை முதலமைச்சர் கண்டிக்காமல் இருப்பது சரியா எனக் கேட்டுள்ளார்.  மேலும் திமுகவின் குடும்ப அரசியலுக்கு மக்கள் முற்றுப்புள்ளி வைக்க உள்ளனர் எனவும் அண்ணா முதலமைச்சர் பதவி ஏற்க வந்தபோது அவரது மனைவி வர விரும்பிய போது குடும்பத்தையும் நாட்டையும் ஒன்றாக இணைக்க கூடாது எனத் தெரிவித்துள்ளார்.  

தோழனாக இருப்போம்:

மேலும் இஸ்லாமியர்களுக்கு பாதுகாப்பானவர்கள் அதிமுக எனவும் திமுகவை நம்ப கூடாது எனவும் கூறிய அவர் ஒரு கட்சியுடன் கூட்டணி வைத்து உள்ளோம் எனக் கூறியுள்ளார்.  அதனோடு அதிமுகவை சிறுபான்மை மக்களுக்கு எதிரியாக பார்க்க கூடாது எனவும் தோழனாக இருப்போம் எனவும் தெரிவித்துள்ளார்.

-நப்பசலையார்

இதையும் படிக்க:    பாஜக கொடிக் கம்பத்தில் தேசிய கொடியை ஏற்றியதால் சர்ச்சை.......

பொன்னேரி அருகே பாஜக கொடி கம்பத்தில் தேசிய கொடி ஏற்றப்பட்ட சம்பவம் சர்ச்சையை ஏற்படுத்தியுள்ளது. 

திருவள்ளூர் மாவட்டம் பொன்னேரி அடுத்த ஆரணி காவல் நிலையம் எதிரே பல்வேறு அரசியல் கட்சிகள், அமைப்புகளின் கொடிக்கம்பங்கள் நிறுவப்பட்டுள்ளன. இதில், பாஜகவின் கொடி கம்பத்தில் தேசியக்கொடி ஏற்றப்பட்டுள்ளது.  பொதுவாக கட்சி கொடி கம்பத்தில் தேசியக் கொடி ஏற்றப்படுவதில்லை. 

அதற்கென தனி கம்பம் அமைத்து தேசியக் கொடி ஏற்றப்படுவது வழக்கம்.  இந்நிலையில், பாஜக கொடி கம்பத்தில் தேசிய கொடி ஏற்றப்பட்ட சம்பவம் சர்ச்சையை ஏற்படுத்தியுள்ளது. 

-நப்பசலையார்

இதையும் படிக்க:   காட்டுப்பன்றியை வேட்டையாடியோர் கைது.....

காப்புக்காடு வனப்பகுதியில், காட்டுப் பன்றியை வேட்டையாடி இறைச்சியை விற்பனை செய்த 4 பேரை வனத்துறையினர் கைது செய்தனர். 

திருவண்ணாமலை மாவட்டம் கண்ணமடை காப்புக்காடு வனப்பகுதியில் வனத்துறையிர் ரோந்து சென்று கொண்டிருந்தனார். அப்போது, காட்டு பன்றியை வேட்டையாடி இறைச்சியை விற்பனை செய்து கொண்டிருந்த நான்கு பேரை வனத்துறையிர் கையும் களவுமாக கைது செய்தனர். அத்துடன், அவர்களிடமிருந்து, 50 கிலோ காட்டுப் பன்றி இறைச்சியை பறிமுதல் செய்தனர். 

-நப்பசலையார்

இதையும் படிக்க:  காங்கிரஸ் புறக்கணித்த தேநீர் விருந்தில் கலந்துகொண்ட முதலமைச்சர்......!!!

குடியரசு தினத்தையொட்டி சென்னை ஆளுநர் மாளிகையில் நடைபெற்ற ஆளுநர் தேநீர் விருந்தில் முதலமைச்சர் மு.க.ஸ்டாலின் கலந்துக் கொண்டார்.

அழைப்பு:

குடியரசு தினத்தை ஒட்டி அனைத்து கட்சி உறுப்பினர்களுக்கும் தேநீர் விருந்து நிகழ்ச்சியில் பங்கேற்க ஆளுநர் மாளிகை சார்பில் அழைப்பு விடுக்கப்பட்டது.  தேநீர் விருந்தை திமுக கூட்டணி கட்சிகள் புறக்கணித்த நிலையில் முதலமைச்சர் மு.க.ஸ்டாலினை தொலைபேசி வாயிலாக ஆளுநர் ஆர்.என்.ரவி கலந்துகொள்ள அழைப்பு விடுத்தார். 

முதலமைச்சர் பங்கேற்பு:

இந்த நிலையில் தேநீர் விருந்தில் முதலமைச்சர் மு.க ஸ்டாலின் பங்கேற்றார்.  மேலும் அவருடன் அமைச்சர்கள் துரைமுருகன், உதயநிதி ஸ்டாலின், தலைமைச் செயலாளர் இறையன்பு, டிஜிபி சைலேந்திர பாபு  ஆகியோர் பங்கேற்றனர்.  

பாஜக உறுப்பினர்கள்:

அதேபோல் தேநீர் விருந்தில் தமிழ்நாடு பாஜக தலைவர் அண்ணாமலை மற்றும் பாஜக எம்எல்ஏ-க்களும் பங்கேற்றனர்.  அதிமுக சார்பில் சேவூர் ராமச்சந்திரன் மற்றும் அக்ரி கிருஷ்ணமூர்த்தி ஆகியோர் கலந்துகொண்ட நிலையில் ஓபிஎஸ் தரப்பில் யாரும் பங்கேற்கவில்லை.

மற்றவர்கள்..:

மேலும் தேநீர் விருந்தில் சென்னை உயர் நீதிமன்ற பொறுப்பு தலைமை நீதிபதி ராஜா கலந்து கொண்ட நிலையில் நடிகர் ரஜினிகாந்த் அவரது மகள் ஐஸ்வர்யாவுடன் கலந்துக் கொண்டார்.

-நப்பசலையார்

இதையும் படிக்க:   இசைக்காகவே 70 ஆண்டுகள் வாழ்க்கையை அர்ப்பணித்த கலைப்பெட்டகம்.......