தஞ்சாவூரை சோ்ந்தவா் குமரவேல் (31). கட்டடத் தொழிலாளியான இவா் கடந்த 8 ஆண்டுகளுக்கு முன்பு வேலைக்காக சவுதி அரேபியாவில் உள்ள ரியாத்திற்கு சென்றாா்.அங்கு கட்டிடத்தொழிலாளியாக வேலை செய்து வந்தாா்.

குமாரவேலுக்கான விசா காலம் முடிந்த பின்பும்,இவா் இந்தியாவிற்கு திரும்பி வராமல், சவுதி அரேபியாவிலேயே சட்டவிரோதமாக  தங்கியிருந்து  வேலை செய்து உள்ளார்.

இந்நிலையில் குமாரவேலுக்கு தற்போது சொந்த நாட்டிற்கு திரும்ப வேண்டும் என்ற ஆசை ஏற்பட்டது.ஆனால் காலாவதியான விசாவுடன் திரும்பி வரமுடியாத நிலையில் அந்த நாட்டு விமானநிலையத்தில் குடியுரிமை அதிகாரிகள் கண்டுப்பிடித்து கைது செய்து சிறை தண்டனை உட்பட கடுமையான தண்டையை அளிப்பாா்கள் என்று பயந்தாா்.

இந்நிலையில் அருகே உள்ள ஏமன் நாட்டிற்கு சென்றுவிட்டால், அங்கிருந்து போலி விசா போன்ற ஆவணங்களை பணம் கொடுத்து வாங்கி,சாா்ஜா வழியாக இந்தியாவிற்கு சென்றுவிடலாம் என்று நண்பா்கள் சிலா் கூறினா்.ஏமன் இந்திய அரசால் தடை செய்யப்பட்ட நாடு,என்பது தெரிந்தும் குமாரவேல்,15 நாட்களுக்கு முன்பு ஏமனுக்கு சென்றுவிட்டாா்.

ஏமனில் சட்டவிரோதமாக தங்கியிருந்து, சில ஏஜெண்ட்கள் மூலம் போலி விசா வாங்க ஏற்பாடு செய்தாா். இதற்கிடையே ஏமன் நாட்டு குடியுரிமை அதிகாரிகளுக்கு, குமாரவேல் பற்றிய தகவல் கிடைத்தது.  இதையடுத்து அந்நாட்டு குடியுறிமை அதிகாரிகள் குமாரவேலை கைது செய்து முகாமில் வைத்தனா். அதன்பின்பு அவரை இந்தியாவிற்கு  திருப்பி அனுப்ப முடிவு செய்தனா்.

அதன்படி குடியுரிமை அதிகாரிகள் குமாரவேலை சாா்ஜா வழியாக ஏா் அரேபியா விமானத்தில் சென்னைக்கு அனுப்பி வைத்தனா். அதோடு சென்னை விமானநிலைய குடியுரிமை அதிகாரிகளுக்கும் தகவல் தெரிவித்து விட்டனா்.

இதையடுத்து சென்னை விமானநிலையத்தில் குடியுரிமை அதிகாரிகள், இந்திய அரசால் பாதுகாப்பு காரணங்களுக்காக   தடை செய்யப்பட்ட ஏமன் நாட்டிற்கு சென்ற குற்றத்திற்காக கைது செய்தனா். குமாரவேலிடம் பல மணி நேரம் விசாரித்தனா் அதோடு மத்திய உளவுத் துறையினரும் விசாரணை நடத்தினா் குமாரவேலின் செல்போன் பதிவுகளை முழுமையாக ஆய்வு செய்தனா். மேலும் குமாரவேல் ஏமனில் எங்கு தங்கியிருந்தாா்? இந்திய அரசின் தடையை மீறி,ஏமன் நாட்டிற்கு சென்றது ஏன்? என்றும் விசாரணை நடந்தது. 

அதன்பின்பு  சென்னை விமானநிலைய போலீசில் ஒப்படைத்தனா். சென்னை விமான நிலைய போலீசாரும் பாஸ்போா்ட்டை தவறாக பயன்படுத்துதல், அரசால் தடை செய்யப்பட்ட நாட்டிற்கு சட்ட விரோதமாக சென்றது உள்ளிட்ட பிரிவுகளில் வழக்குப்பதிவு செய்து விசாரணை நடத்தி வருகின்றனர்.

நீலகிரி மாவட்டம் கூடலூர் அருகே தேயிலைத் தோட்டத்திற்குள் உலா வரும் புலி, மனிதர்களையும் மாடுகளையும் தாக்கி கொன்றுள்ளது. தேவன் எஸ்டேட் பகுதியில் பதுங்கி உள்ள புலியின் நடமாட்டத்தை நேரில் பார்த்ததாக மக்கள் கூறியதன் அடிப்படையில் தேடுதல் வேட்டை நடைபெற்று வருகிறது.

10 க்கும் மேற்பட்ட இடங்களில் கண்காணிப்பு கேமராக்கள் பொருத்தப்பட்டு 4 இடங்களில் கூண்டுகள் வைக்கப்பட்டுள்ளன.மேலும் மரங்களின் மீது பரண்கள் அமைத்து கண்காணிப்பு பணிகளை வனத்துறையினர் மேற்கொண்டு வருகின்றனர். 

புலியை மயக்க ஊசி செலுத்தி பிடித்து வண்டலூர் பூங்காவிற்கு கொண்டு செல்ல முடிவு செய்யப்பட்டுள்ளது. கேரள மாநிலத்தில் இருந்து வந்துள்ள 15 பேர் கொண்ட குழு, பிரத்யேக உடை அணிந்து, வனப்பகுதியில் முகாமிட்டு கண்காணித்து வருகிறது.  

புலியை பிடிக்கும் வரை இரவு நேரங்களில் எந்த காரணத்திற்காகவும் பொதுமக்கள் வீட்டை விட்டு வெளியே வர வேண்டாம் என வனத்துறையினர் எச்சரிக்கை விடுத்துள்ளனர்.

அண்ணா பல்கலை இணைப்பில் உள்ள 440 இன்ஜினியரிங் கல்லுாரிகளில், மாணவர் சேர்க்கைக்கான, 'ஆன்லைன்' கவுன்சிலிங் 17ம் தேதி துவங்கியது.6,000 இடங்கள் ஒதுக்கீடுமொத்தம் 1.52 லட்சம் இடங்களுக்கு 1.39 லட்சம் மாணவர்கள் விண்ணப்பித்துள்ளனர். அவர்களில், சிறப்பு ஒதுக்கீட்டு பிரிவு மாணவர்களுக்கு முதற்கட்ட கவுன்சிலிங் நடந்துள்ளது.இதில்,அரசு பள்ளி மாணவர்களுக்கான 7.5 சதவீத இட ஒதுக்கீடு, விளையாட்டு பிரிவு, மாற்று திறனாளிகள் மற்றும் முன்னாள் ராணுவ வீரர்களுக்கான பிரிவினருக்கு இடங்கள் ஒதுக்கப்பட்டுள்ளன.   

மொத்தம் 6,000 இடங்கள் ஒதுக்கீடு செய்யப்பட்டுள்ளன. இதையடுத்து, பொது பிரிவில் சேரும் மாணவர் களுக்கான, கட்டணம் செலுத்தும் வசதி நேற்று துவங்கியது. இதில், தரவரிசை பட்டியலில், 14 ஆயிரத்து 788 வரை உள்ளவர்கள் மட்டும், 30-ம் தேதி மாலை 5:00 மணி வரை கவுன்சிலிங் கட்டணம் செலுத்தலாம் என்று அறிவிக்கப்பட்டுள்ளது.

உத்தேச ஒதுக்கீடு இந்த மாணவர்களுக்கு, அக்டோபர்  1-ம் தேதி முதல் விருப்பமான கல்லுாரிகள் மற்றும் பாட பிரிவுகளுக்கான பதிவு துவங்கி, 2-ம் தேதி முடிகிறது. 3-ம் தேதி உத்தேச ஒதுக்கீடும், 5ம் தேதி இறுதி ஒதுக்கீடும் வழங்கப்படும்.இதையடுத்து, தரவரிசைபட்டியலில் இரண்டு, மூன்று, நான்காம் கட்டங்களில் உள்ள மாணவர்களுக்கு, படிப்படியாக கட்டணம் செலுத்தும் வசதி மற்றும் விருப்ப பதிவு நடந்து, இடங்கள் ஒதுக்கப்பட உள்ளன.

இதுதொடர்பாக தமிழக சுகாதாரத்துறை வெளியிட்டுள்ள அறிக்கையில், கொரோனா தொற்றுக்கு இதுவரை 26 லட்சத்து 58 ஆயிரத்து 923 பேர் பாதிக்கப்பட்டுள்ளனர். கொரோனாவால் பாதிக்கப்பட்டு ஒரே நாளில் 19 பேர் உயிரிழந்த நிலையில், இதுவரை உயிரிழந்தவர்கள் மொத்த எண்ணிக்கை 35 ஆயிரத்து 509ஆக அதிகரித்துள்ளது.

மேலும், கடந்த 24 மணி நேரத்தில், ஆயிரத்து 662 பேர் நலம் பெற்று வீடு திரும்பியுள்ள நிலையில், இதுவரை 26 லட்சத்துக்கும் அதிகமானோர் தொற்றில் இருந்து மீண்டுள்ளனர். 

இதனிடையே, தமிழகத்தில் கொரோனா தினசரி பாதிப்பில் அதிகபட்சமாக கோவையில் 189 பேருக்கும், சென்னையில் 186 பேருக்கும் தொற்று உறுதி செய்யப்பட்டுள்ளது. கொரோனா தொற்றுக்கு சிகிச்சை பெறுவோர் எண்ணிக்கை 17 ஆயிரத்து 261ஆக உள்ளது.

நடிகர் விஜயின் தந்தையும், இயக்குநருமான எஸ்.ஏ சந்திரசேகர் மற்றும் அவரது தாயார் ஷோபா ஆகியோர் விஜய் மக்கள் இயக்கம் என்ற அமைப்பை தொடங்கினர். விஜய் அரசியலுக்கு வருவதற்கான ஆரம்பப் புள்ளிதான் என அப்போதே கிசுகிசுக்கப்பட்டது.

இந்நிலையில் விஜய் மக்கள் இயக்கத்துக்கும் தனக்கும் எந்தவித  தொடர்பும் இல்லை எனக் கூறிய நடிகர் விஜய் தனது ரசிகர்கள் யாரும் அதில் இணைய வேண்டாம் எனக் கேட்டுக் கொண்டார். மேலும் தனது பெற்றோருக்கு எதிராக சென்னை உரிமையியல் நீதிமன்றத்தில் வழக்கு பதிவு செய்தார்.

விஜய் மக்கள் இயக்கம் 9 மாவட்ட உள்ளாட்சித் தேர்தலில் போட்டியிடப் போவதாக அறிவித்த நிலையில் இந்த வழக்கு மிகுந்த கவனம் பெற்றது.  இந்நிலையில் விஜய் மக்கள் இயக்கம் கடந்த பிப்ரவரி மாதமே கலைக்கப்பட்டு விட்டதாகவும் அதன் பொறுப்பாளர்கள் அனைவரும் விலகி விட்டதாகவும் எஸ்.ஏ சந்திரசேகர் சென்னை உரிமையியல் நீதிமன்றத்தில் பதில்மனு தாக்கல் செய்துள்ளார்.

எனினும் தாங்கள் விஜய் ரசிர்களாக தொடர்வதாகவும் அவர் குறிப்பிட்டுள்ளார். எஸ்.ஏ சந்திரசேகரின்  பதில் மனுவை ஏற்றுக்கொண்ட உரிமையியல் நீதிமன்றம் இது தொடர்பாக நடிகர் விஜய் மற்றும் கூட்டுறவு சங்கங்களின் பதிவாளர் ஆகியோர் பதிலளிக்க உத்தரவிட்டு வழக்கை அக்டோபர் 29ம் தேதிக்கு ஒத்திவைத்தனர்.