உயர் நீதிமன்றம் மதுரை கிளையில்  முதல் பெண் ‘சோப்தாராக"  லலிதா என்பவர் நியமிக்கப்பட்டுள்ளார். 

சோப்தார் :

உயர் நீதிமன்றங்களில் நீதிபதிகள் தங்களது தனி அறையில் இருந்து நீதிமன்ற அரங்குக்கு செல்லும்போது அவர்களுக்கு முன்பாக 'சோப்தார்' எனப்படும் உதவியாளர்கள், வெள்ளைநிற சீருடை மற்றும் சிவப்பு நிற தலைப்பாகை அணிந்துக்கொண்டு மரியாதை நிமித்தமாகவும், நீதிபதிகளின் வருகையை உணர்த்தும் விதமாகவும் செங்கோலை ஏந்தியபடி சமிக்ஞை (சைகை) கொடுத்துக் கொண்டே செல்பவர்கள் தான் “சோப்தார்”.

சோப்தாரின் பணி:

சோப்தாரின் பணி என்னவென்றால்,  நீதிபதிகளுக்கு தேவையான சட்டப் புத்தகங்களையும், வழக்கு தொடர்பான கோப்புகளையும் எடுத்துத் தருவது உள்ளிட்ட நீதிபதிகளின் அன்றாடப் பணிகளை செய்வது தான் இவர்களின் வேலையாகும். இதுவரை ஆண்கள் தான் சோப்தார்களாக நியமிக்கப்பட்டுள்ளனர். ஆனால், அதனை மாற்றுவிதமாக பெண் சோப்தார்கள் தற்போது பணியில் நியமிக்கப்படுகின்றனர்.

இதையும் படிக்க: டிசம்பர் 8...13 மாவட்டங்களுக்கு அதிகனமழை எச்சரிக்கை...உங்க மாவட்டம் இருக்கான்னு பார்த்துக்கோங்க!

40 சோப்தார் தேர்வு:

சென்னை உயர்நீதிமன்றம் கடந்தாண்டு 40 சோப்தார் பணியிடங்களை நிரப்புவதற்காக எழுத்துத்தேர்வு நடத்தியது. இதன்மூலம் உயர் நீதிமன்ற வரலாற்றில் முதல் முறையாக பெண் நீதிபதிகளுக்கு பெண் சோப்தார் நியமிக்கும் வகையில் 20 பெண் சோப்தார்களை தேர்வு செய்தது.

முதல்பெண் சோப்தார்:

அதன்படி, கடந்தாண்டு ஜூன் மாதம் சென்னை உயர்நீதிமன்றத்தில் முதல் பெண் சோப்தாராக திலானி என்பவர் நியமிக்கப்பட்டார். இதன்மூலம் வரலாற்றிலேயே முதல்பெண் சோப்தரானார்.

மீண்டும் பெண் சோப்தார்:

இந்நிலையில் தற்போது, உயர்நீதிமன்றம் மதுரை கிளையில் முதன் முதலாக பெண் சோப்தாராக லலிதா என்ற பெண் நியமிக்கப்பட்டு உள்ளார். இவர் நீதிபதி மாலா என்பவரின் சோப்தாராக நியமிக்கப்பட்டுள்ளார். இது குறித்து லலிதா பேசுகையில், சோப்தார் பணியில் சேர்ந்தது பெருமையாக இருப்பதாக கூறினார்.

வங்கக்கடல் பகுதியில் வரும் 8ம் தேதி உருவாகவுள்ள புயலால், சென்னை உள்ளிட்ட 13 மாவட்டங்களில் அதி கனமழை பெய்ய வாய்ப்புள்ளதாக சென்னை வானிலை ஆய்வு மையம் அறிவித்துள்ளது.

கனமழைக்கு வாய்ப்பு:

தெற்கு அந்தமான் கடற்பகுதியில் நிலவி வரும் காற்றழுத்த தாழ்வுப்பகுதி, நாளை தாழ்வு மண்டலமாக வலுவடைந்து வரும் 8ம் தேதி தெற்கு ஆந்திர கடலோரப் பகுதிகளில் வந்தடையும் எனவும், இதன் காரணமாக இன்றும் நாளையும் மிதமான மழையும், நாளை மறுநாள்  தஞ்சை, திருவாரூர் உள்ளிட்ட 6 மாவட்டங்களில் கனமழையும் பொழிய வாய்ப்புள்ளதாகவும் சென்னை வானிலம் மையம் அறிக்கை வெளியிட்டுள்ளது.

இதையும் படிக்க: விறுவிறு குஜராத் தேர்தல்...ஜனநாயகக்கடமை ஆற்றிய பிரதமர்!

புயல் காரணமாக வரும் 8ம் தேதி சென்னை, கடலூர், விழுப்புரம், செங்கல்பட்டு, காஞ்சி, திருவள்ளூர், கள்ளக்குறிச்சி, அரியலூர், பெரம்பலூர், மயிலாடுதுறை, தஞ்சை, திருவாரூர், நாகை உள்ளிட்ட மாவட்டங்களில் அதி கனமழை பெய்யக்கூடும் என வானிலை மையம் எச்சரித்துள்ளது.

அன்றைய தினம், தமிழகம்  மற்றும் அதனையொட்டிய தெற்கு ஆந்திர கடலோரப் பகுதிகளில் 60 கிலோமீட்டர் வேகத்தில் சூறாவளிக்காற்று வீச வாய்ப்புள்ளதால் மீனவர்கள் எச்சரிக்கையுடன் இருக்க வேண்டும் எனவும் கூறப்பட்டுள்ளது.

செய்தியாளர்களிடம் பேசிய முன்னாள் அமைச்சர் ஜெயக்குமார் அதிமுக கூட்டணி பற்றி அதிமுகவின் பொதுச்செயலாளர் எடப்படி பழனிச்சாமி  சீர்காழி, நாமக்கல் கூட்டத்தில் தெளிவு படுத்திட்டாரு.  பாஜக தேசிய கட்சி அவங்களுக்கு சித்தாந்தம் இருக்கு. அவர்கள் வேலை அவங்க பாக்குறாங்க எங்க வேலை நாங்க பாக்குறோம் . அதிமுக கட்சிய பொறுத்தவரையில் இடைகால பொதுச்செயலாளராக  ஏற்றுக்கொள்ளபட்டவர்.

மேலும் படிக்க | இபிஎஸ்-ன் டெண்டர் விவகாரம் பேச அறப்போர் இயக்கத்திற்கு வாய் பூட்டு

தேர்தல் கூட்டணி

எந்த காலத்திலும் அவர்களோடு தேர்தல் கூட்டணி கிடையாது எந்த காலத்திலும் அவர்களோடு இணைத்துகொள்வதாக சூழ்நிலை இல்லை. டிடிவி தினகரன் சொல்லுறாரு இபிஎஸ் உடன் கூட்டணி வைக்கமாட்டேன் என்று ரொம்ப நல்லது .  மீதி பேரும் அதே போல் சென்றால்  நல்லது . கட்சியில் குமுறல் நீர்புகுந்த நெருப்பு அதனுடைய வெளிப்பாடு தான் இன்றைக்கு அதன் வெளிப்பாடாக ஒரு பூனக்குட்டி வெளியில் வந்துருக்கு  அவர்தான் ஆர்.எஸ்.பாரதி என்ன சொல்லுறாரு உழைப்பவர்களுக்கு மரியாத இல்ல, பதவி இல்ல வெளிபடையாக சொல்லுறாரு.

முதல்வர் ஸ்டாலின்

கட்சியின் நிலைமை முதல்வர் ஸ்டாலினுக்கு மக்கள் பற்றி கவலை இல்ல தன்னுடைய பையன் உதயநிதிக்கு மூடி சூடனும் இதுதான் முதல்வரின் ஆசை  தேர்தல் நெருங்க நெருங்க திமுக மீது பல கட்சிகளுக்கும் இடையில் கருத்து வேறுபாடு இருக்கு. சிபிஐஎம் திமுக முரண்பாடு இருக்கு , திமுகவிற்கும் காங்கிரசிற்கும் முரண்பாடு இருக்கு விசிகவின் பெண் கவுன்சிலர் தென் சென்னையில் தன்னுடைய பணிய ஆற்ற முடியல வட்ட செயலாளர் மிரட்டுறாரு பெண் கவுன்சிலர் காவல் துறையில் புகார் கொடுக்குறாங்க  தேர்தல் நெங்கும் போது 11 கட்சிகள் என்று சொல்வது கட்டெறும்பு தேய்ந்து சிட்டறும்பு ஆன கதையாக இருக்கும் என முன்னாள் அமைச்சர் ஜெயக்குமார் பேசினார்

பிரபலங்கள் மரியாதை

தமிழ்நாட்டின் முன்னாள் முதலமைச்சரும், அதிமுகவின் பொதுச்செயலாளருமான ஜெ.ஜெயலலிதாவின் ஆறாம் ஆண்டு நினைவு நாள் இன்று. கடந்த 2016 டிசம்பர் 5ஆம் தேதி உடல்நலக்குறைவால் காலமான ஜெயலலிதாவிற்கு அதிமுகவை சேர்ந்த பிரபலங்கள் மற்றும் தொண்டர்கள் அவரது நினைவிடத்தில் மலர் தூவி மரியாதை செலுத்தி வருகின்றனர்.

ஈ.பி.எஸ் அஞ்சலி 

ஜெயலலிதாவின் நினைவுநாளையொட்டி அவரது நினைவு இடத்தில் அதிமுகவின் எதிர்க்கட்சி தலைவரான எடப்பாடி பழனிசாமி மலர் வளையம் வைத்து, மலர் தூவி அஞ்சலி செலுத்தினார். அப்போது பேசிய அவர், புரட்சி தலைவர் எம்.ஜி.ஆர் துவக்கி வைத்த மாபெரும் மக்கள் பேரியக்கமான அனைத்து இந்திய அண்ணா திராவிட முன்னேற்ற கழகத்தை நம் இதய தெய்வம் புரட்சி தலைவி அம்மா தன் வாழ்வின் உயிர் மூச்சாக கொண்டு, எனக்கென்ற தனிப்பட்ட வாழ்வில்லை, எனக்கென்று தனிப்பட்ட எதிர்பார்ப்பில்லை, நான் வாழ்வதே இந்த இயக்கத்திற்காக தான், தமிழக மக்களுக்காக தான், ஒவ்வொரு நொடி பொழுதும் இந்த இயக்கத்தை பற்றியும், தமிழ்நாட்டு மக்களை பற்றியும் சிந்தித்து கொண்டிருந்தவர்.

உண்மையான அன்பு, அயராத உழைப்பு,வல்லமைமிக்க செயல்கள்,மக்கள் நலன் சார்ந்த சிந்தனைகள் என வாழ்நாளெல்லாம் மக்களுக்காகவே வாழ்ந்து, தமிழக மக்களின் வாழ்வில் வசந்தத்தை தந்த மாண்புமிகு இதயதெய்வம் புரட்சித் தலைவி அம்மா அவர்களின் நினைவுநாளில் அவர் எண்ணிய சிந்தனையை செயல்படுத்த உறுதியேற்போம் என்று ஈ.பி.எஸ் தெரிவித்தார்.

ஓ.பி.  எஸ் உறுதிமொழி

தமிழ்நாடு சட்டமன்ற எதிர்க்கட்சி துணைத்தலைவரான ஓ.பன்னீர்செல்வம் மறைந்த முன்னாள் முதலமைச்சர் ஜெ.ஜெயலலிதா நினைவிடத்திற்கு நேரில் சென்று மலர் தூவி மரியாதை செய்த பின்னர், கழக நிர்வாகிகள் மற்றும் தொண்டர்களுடன் இணைந்து ஏற்ற உறுதிமொழி பின்வருமாறு.

அனைத்து இந்திய அண்ணா திராவிட முன்னேற்ற கழகத்தின் நிரந்தர பொதுச்செயலாளர் மாண்புமிகு இதய தெய்வம் புரட்சி தலைவி அம்மா அவர்களின் 6ஆம் ஆண்டு நினைவு நாளையொட்டி கழக உடன்பிறப்புகள் உறுதிமொழியேற்பு.

மேலும் படிக்க: முதலமைச்சர் மு.க.ஸ்டாலின், எடப்பாடி பழனிசாமி இன்று டெல்லி பயணம்..!

அதிமுக என்னும் பேரியக்கத்தை தோற்றுவித்த புரட்சி தலைவரும் , அதனை முக்கடலும் சூழ்ந்த பாரதத்தில் மூன்றாம் பெரும் இயக்கமாக வளர்த்துக் காட்டியவர் புரட்சி தலைவி அம்மாவும், இயக்கத்தின் இதயமாக கருதியது, கழகமே உலகமென வாழும் தொண்டர்களை தான். அப்படிப்பட்ட தொண்டர்களின் கருத்துகளுக்கு அந்த மாபெரும் தலைவர்களால் தரப்பட்ட மதிப்பும், முக்கியத்துவமும் இன்று சிலரால் திட்டமிட்டு பறிக்க முயல்வதை தொண்டர்களின் துணையோடு முறியடித்து அனைத்து இந்திய  அண்ணா திராவிட முன்னேற்ற கழகம் என்கின்ற அப்பழுக்கில்லா இயக்கத்தை மிடுக்கு குறையாத, எஃகு கோட்டையாக தொடர்ந்து கொண்டு சென்றிட இந்த தியாக திருநாளில் உளமார உறுதியேற்கிறோம்.

50 லட்சம் பேர் இணைப்பு

தமிழ்நாடு முழுவதும் மின் இணைப்பு எண்ணுடன் ஒரே வாரத்தில் 50 லட்சத்திற்கும் மேற்பட்டோர் ஆதார் எண்ணை இணைத்துள்ளதாக மின் உற்பத்தி மற்றும் பகிர்மான கழக அதிகாரிகள் தெரிவித்தனர். தமிழ்நாட்டில் உள்ள வீடு, கைத்தறி, விசைத்தறி, குடிசை மற்றும் விவசாய நுகர்வோர் தங்களது மின் இணைப்பு எண்ணுடன் ஆதார் எண்ணை இணைப்பது கட்டாயமாக்கட்டுள்ளது.

மின்வாரியம் குறுந்தகவல்

அதன்படி, கடந்த மாதம் மின் இணைப்பு எண்ணுடன் ஆதார் இணைப்பதற்கான மின்நுகர்வோரின் கைபேசி எண்களுக்கு மின்வாரியம் குறுந்தகவல் அனுப்பியது. நேரடியாக மின் கட்டணம் செலுத்துபவர்கள், ஆதார் அட்டையின் நகலை எடுத்து சென்று ஆதார் எண்ணை இணைத்துக் கொள்ளலாம் என்று கூறப்பட்டது.

சிறப்பு முகாம்

இதனிடையே, ஆதார் இணைப்பு தொடர்பாக பல்வேறு சந்தேகங்கள் பொதுமக்களிடையே நிலவியது. குறிப்பாக 100 யூனிட் இலவச மின் திட்டம் நிறுத்தப்படுமா, மின் கட்டணம் செலுத்த முடியாமல் போகுமா என மின்நுகர்வோர் குழப்ப நிலையில் இருந்தனர். இந்நிலையில், பொதுமக்களின் சந்தேகங்களை தீர்க்கும் வகையில், தமிழ்நாடு முழுவதும் உள்ள மின் கட்டண அலுவலகங்களில் சிறப்பு முகாம் அமைக்கப்படும் என அறிவிப்பு வெளியானது.

அதன்படி, கடந்த மாதம் 28ம் தேதி தமிழ்நாடு முழுவதும் 2,811 சிறப்பு முகாம்கள் திறக்கப்பட்டன. இதில், பொதுமக்கள்  நேரடியாக வந்து ஆதாரை இணைத்து கொள்ளலாம் என மின்துறை அறிவித்தது. மேலும் ஆன்லைன் மூலமாகவும் ஆதாரை இணைக்கும் வசதியும் செய்யப்பட்டிருந்தது. 

ஆன்லைன் வாயிலாக இணைப்பு

மின் இணைப்பு எண்ணுடன் ஆதாரை இணைக்க அந்தந்த மின் கட்டண அலுவலகங்களில் விழிப்புணர்வு பாதாகைகள் வைக்கப்பட்டன.  முதியவர்கள் மற்றும் மாற்றுத்திறனாளிகளை நீண்ட நேரம் வரிசையில் காக்க வைக்காமல் எளிதில் ஆதாரை இணைக்க முக்கியத்துவம் வழங்கப்பட்டன. அதேபோல், செல்போன் மற்றும் கணினி வாயிலாக ஆன்லைன் மூலம் பலர் ஆதாரை இணைத்தனர்.

மேலும் படிக்க: பாபர் மசூதி இடிப்பு தினத்தை முன்னிட்டு குவிக்கப்படும் போலீஸ் படைகள்..!

அந்த வகையில், தமிழ்நாடு முழுவதும் மின் இணைப்பு பெற்றுள்ள 2.37 கோடி மின்நுகர்வோரில் 54.55 லட்சம் பேர் சிறப்பு முகாம் மற்றும் ஆன்லைன் மூலமாக மின் இணைப்பு எண்ணுடன் ஆதார் எண்ணை ஒரே வாரத்தில் இணைத்துள்ளதாக மின்வாரிய அதிகாரிகள் தெரிவித்துள்ளது குறிப்பிடத்தக்கது.