பனி மூட்டம் காரணமாக விமானங்கள் பெங்களூரு, ஐதராபாத் பகுதிகளுக்கு திருப்பி விட்டப்பட்டன.

சென்னை புறநகர் பகுதிகளில் இன்று காலை 6:30 மணியில் இருந்து கடுமையான பனிமூட்டம் நிலவியது.  இதையடுத்து சென்னை  விமான நிலையத்தில் விமான சேவைகள் பாதிக்கப்பட்டுள்ளது.

இன்று காலை 6:30 மணிக்கு சென்னையில் தரையிறங்க மஸ்கட்டில் இருந்து 284 பயணிகளுடன் வந்த விமானம் கடும் பனிமூட்டம் காரணமாக  தரையிறங்க முடியாமல் பெங்களூருவுக்கு திருப்பி அனுப்பப்பட்டுள்ளது. 

அதேபோல் காலை 6:55 மணிக்கு குவைத்திலிருந்து சென்னைக்கு 182 பயணிகளுடன் வந்த விமானம் சென்னையில் தரையிறங்க முடியாமல் நீண்ட நேரமாக வானிலே வட்டமடித்துக் கொண்டு இருந்தது. பின்னர் தரையிறங்க முடியாததால் ஐதரபாத்திற்கு திருப்பி விடப்பட்டது. புனேவில் இருந்து வந்த விமானமும் தரையிறங்க முடியாமல் ஐதராபாத்திற்கு திருப்பி விடப்பட்டது.

 மேலும்  ஐதராபாத், பெங்களூரு, கொல்கத்தா, மும்பை, மலேசியா, ஆகிய விமானங்கள் வானில் வட்டமடித்து பின்னர் தரையிறங்கியது.  இதே போல் சென்னையில் இருந்து புறப்படும் ஐதராபாத்,  விசாகப்பட்டினம்,  ராஜமுந்திரி, மதுரை மும்பை உள்ளிட்ட 8 விமானங்கள் சுமார் அரை மணி நேரம் வரை தாமதமாக புறப்பட்டு சென்றது.

இதையும் படிக்க : சபரிமலை செல்லும் பக்தர்களுக்கு சிறப்பு ரயில்...! இன்று முதல் இயக்கம்...! 

தமிழ்நாடு சீருடை பணியாளர் தேர்வு குழுமம் சார்பில் 2022-ஆம் ஆண்டுக்கான இரண்டாம் நிலை காவலர் எழுத்துத் தேர்வு இன்று நடைபெறுகிறது. 

இரண்டாம் நிலை காவலர் பதவியில் ஆயிரத்து 526 ஆண்கள், 654 பெண்கள் என 2 ஆயிரத்து180 பேர், சிறப்பு காவல் படை, தீயணைப்பு மற்றும் மீட்புப் பணிகள் துறை என மொத்தம் 3 ஆயிரத்து 552 காலி பணியிடங்களுக்கு தேர்வு நடைபெறுகிறது. அனைத்து மாவட்டங்களிலும் தேர்வு மையங்கள் அமைக்கப்பட்டுள்ளன. 

இந்நிலையில், ஹால்டிக்கெட்டுகளில் குறிப்பிட்டுள்ள தேர்வு மையத்தில் மட்டுமே தேர்வு எழுத வேண்டும், புகைப்படத்துடன் கூடிய அடையாள அட்டை கொண்டு வரவேண்டும், செல்போன், ஸ்மாட் வாச், புளுடூத் போன்றவைகளை கொண்டு வரக்கூடாது என்பன உள்ளிட்ட  பல்வேறு கட்டுப்பாடுகள் விதிக்கப்பட்டுள்ளன. மேலும், தேர்வு மையங்களுக்கு செல்ல சிறப்பு பேருந்து வசதி செய்யபட்டுள்ளது குறிப்பிடதக்கது .

இதையும் படிக்க : உலகக்கோப்பை கால்பந்து போட்டி...! ஆஸ்திரேலியா, அர்ஜெண்டினா அணிகள் வெற்றி...!

பாஜகவில் இருந்து சில நிர்வாகிகள், எடப்பாடியை நேரடியாக சந்தித்து பேசி இருப்பதாக தகவல் வெளியாகி உள்ளது.

அதிமுக பிளவு:

அதிமுகவில் கடந்த ஜூன் மாதம் எழுந்த ஒற்றைத்தலைமை கோஷத்தை தொடர்ந்து, கடந்த ஜூலை 11 ஆம் தேதி சென்னை வானகரத்தில் நடைபெற்ற அதிமுக பொதுக்குழு கூட்டத்தில் ஈபிஎஸ் அதிமுகவின் இடைக்கால பொதுச்செயலாளராக தேர்ந்தெடுக்கப்பட்டார். இதற்கு ஓபிஎஸ் மற்றும் அவரது ஆதரவாளர்கள் கடும் எதிர்ப்புத் தெரிவித்ததால், அதே நாளில் கட்சியில் இருந்து நீக்கப்பட்டனர்.

மாறி மாறி வரும் தீர்ப்பு:

இதற்கு பதிலடி கொடுக்கும் விதமாக ஓபிஎஸ், கட்சியில் இருந்து ஈபிஎஸ் மற்றும் அவரது ஆதரவாளர்களை நீக்கி உத்தரவிட்டார். இப்படி மாறி மாறி ஒருவரையொருவர் நீக்கி வந்தனர். இதனிடையே பொதுக்குழுவிற்கு தடை விதிக்கக்கோரி ஓபிஎஸ் தொடர்ந்த வழக்கில் நீதிமன்றமும் மாறி மாறி தீர்ப்பு வழங்கி வருகிறது. தற்போது, இந்த வழக்கானது உச்ச நீதிமன்றத்தில் இருப்பதால் ஈபிஎஸ் ஓபிஎஸ் இருவரும் தீர்ப்பை எதிர்பார்த்து காத்திருக்கின்றனர்.

தேர்தலில் தீவிரம் காட்டும் பாஜக:

இப்படி அதிமுகவை பொறுத்தவரையில் ஒற்றை தலைமை விவகாரம் அணையாத நெருப்பாய் எரிந்து கொண்டிருக்கும் நிலையில், இந்த விவகாரத்தில் டெல்லி பாஜக மேலிடமும் மெளனம் காத்து வருகிறது. ஆனால், அதிமுகவை பொறுத்தமட்டில் ஈபிஎஸ்சும், ஓபிஎஸ்சும் இணைந்து இருப்பதை தான்  பாஜக பலம் என்று கருதுகிறது. இதனிடையே, வருகிற 2024 நாடாளுமன்ற தேர்தலில், தமிழகத்தில் அதிக தொகுதிகளில் வெற்றி பெற வேண்டும் என்று பாஜக திட்டம் தீட்டி அதற்கு உரிய வேலைகளில்  தீவிரம் காட்டி வருகிறது. 

எதையும் கண்டுகொள்ளாத ஈபிஎஸ்:

இந்நிலையில், ஓபிஎஸ் அணி, ஈபிஎஸ் அணி என இரண்டு அணிகளாக அதிமுக பிளவுபட்டு இருப்பதால், பாஜக மேலிடம் அப்செட் ஆகி இருப்பதாக தகவல் வெளியாகியுள்ளது.  ஏனென்றால் இவர்களின் பிரிவு எதிர் வரும் நாடாளுமன்ற மக்களவைத் தேர்தலில்,  திமுகவுக்கு சாதகமாக அமைந்து விடும் என்று பாஜக மேலிடம் எச்சரித்தும், எதையும் கண்டு கொள்ளாமல் எடப்பாடி பழனிசாமி இருந்து வருகிறார்.

ஈபிஎஸ்சை சந்தித்த பாஜக நிர்வாகிகள்:

இந்நிலையில், அதிமுக இடைக்காலப் பொதுச் செயலாளர் எடப்பாடி பழனிசாமியை, பாஜக மேலிடம் சார்பில் சிலர் சந்தித்து பேசி உள்ளதாக தகவல் வெளியாகி உள்ளது. அப்போது அவர்களிடம் பேசிய எடப்பாடி, "எம்ஜிஆர் - ஜெயலலிதாவுக்கு வராத நெருக்கடியா... எது நடந்தாலும் நான் பார்த்துக் கொள்கிறேன்.." என, எடப்பாடி பழனிசாமி தெரிவித்ததாகக் கூறப்படுகிறது.

மறைமுகமாக எச்சரித்த பாஜக:

இதைக் கேட்டு ஷாக் ஆன பாஜக நிர்வாகிகள், 'எம்ஜிஆர் - ஜெயலலிதா செல்வாக்கு மிக்க தலைவர்கள். அவர்கள் போல் நினைத்து முடிவெடுத்தால் உங்களுக்கு ஏமாற்றம் தான் கிடைக்கும்' என மறைமுகமாக எச்சரிக்கை விடுத்ததாகவும் கூறப்படுகிறது. இது, எடப்பாடி பழனிசாமி ஆதரவாளர்களிடையே மிகப்பெரிய கலக்கத்தை ஏற்படுத்தி உள்ளதாக தகவல் வெளியாகியுள்ளது.

இதையும் படிக்க : "சல்லியர்கள்" படத்தின் இசை வெளியிட்டு விழா...இயக்குனர் வெற்றிமாறன் விமர்சனம் ..

தமிழக பெண் வழக்கறிஞர்கள் சங்க 4 வது மாநில மாநாடு இன்று கன்னியாகுமரியில் உள்ள ஒரு தனியார் நட்சத்திர விடுதியில் நடைபெற்றது. இந்நிகழ்ச்சியில் சிறப்பு விருந்தினராக சென்னை உயர்நீதிமன்ற நீதிபதிகள் மகாதேவன், சேஷாசாயி, பவானி சுப்பராயன் ஆகியோர் கலந்து கொண்டனர். இதில் தமிழ் பெண் வழக்கறிஞர் சங்க தலைவர் சாந்தகுமாரி தலைமை தாங்கினார். மேலும் தமிழகத்தின் பல்வேறு மாவட்டங்களை சேர்ந்த 300க்கும் மேற்பட்ட பெண் வழக்கறிஞர்கள் கலந்து கொண்டனர்.

பின்னர் செய்தியாளர்களை சந்தித்த தமிழக பெண் வழக்கறிஞர்கள் சங்க மாநிலத் தலைவர் சாந்தகுமாரி, 75 ஆண்டுகளுக்கு பிறகும் ஒரு குழந்தைக்கு பாதுகாப்பாளராக பெண் என்கிற சட்ட திருத்தத்தை இதுவரை கொண்டு வராதை கண்டிப்பதோடு வருகிற காலங்களிலாவது உரிய வாய்ப்பையும், உரிய திருத்தத்தையும் கொண்டு வர வேண்டுமென முன்மொழிய வேண்டும் எனவும் பெண்களுக்கு எதிராக இருக்கக்கூடிய சட்டங்களை நீக்க வேண்டும் என்றும் தெரிவித்தார்,

மேலும் தமிழகம் எதிர்நோக்கி இருக்கின்ற மிக பெரிய பிரச்சனையாக குழந்தைகளுக்கு எதிரான பாலியல் வன்முறையை தான் எதிர்ப்பதாகவும், தொடர்ச்சியாக ஒவ்வொரு நாளும் பாலியல் வன்முறை வழக்குகள், வன்புணர்ச்சி வழக்குகள் அதிகரித்து வருவதும், பெண்கள் மீதான பார்வையில் மாற்றம் கொண்டு வருவதும், அரசு இவைகளுக்கு எதிராக மாற்றம் கொண்டுவர பாதுகாப்புத் திட்டங்களை வலுப்படுத்த வேண்டும் எனவும் கேட்டுக்கொண்டார். 

இதையும் படிக்க : பைக் ஓட்டுநரை தாக்கிய பஸ் ட்ரைவர் வீடியோ வைரல்...