நெல்லை மாவட்டம் வள்ளியூர் அருகே வடலிவிளையில் பிரேசில் நாட்டை சேர்ந்த WEG நிறுவனம், 88 கோடி ரூபாய் மதிப்பில்  இந்தியாவிலேயே அதிக அளவில் மின் உற்பத்தி திறன் கொண்ட காற்றாலை டர்பைனை அமைத்துள்ளது. இதன் மூலம் 4.2 மெகாவாட் மின்சார உற்பத்தி செய்யப்பட இருக்கிறது . இந்த காற்றாலை டர்பைனை, புதிய மற்றும் புதுப்பிக்கத்தக்க எரிசக்தி, ரசாயனம் மற்றும் உரங்கள் இணை அமைச்சர் பகவந்த் குபா நேரில் பார்வையிட்டு ஆய்வு செய்தார். 

தொடர்ந்து அந்த நிறுவன அதிகாரிகளிடம் அதிக மின் உற்பத்தி திறன் கொண்ட காற்றாலை செயல்பாடு, உற்பத்தி செலவு உள்ளிட்ட விபரங்களை கேட்டறிந்தார். இதனைத் தொடர்ந்து அவர் செய்தியாளர்களுக்கு அளித்த பேட்டியில், நெல்லை மாவட்டம் வள்ளியூர் வடலிவிளையில் பிரேசில் நாட்டை சேர்ந்த WEG நிறுவனம் இந்தியாவில் அதிக உற்பத்தி திறனான 4.2 மெகாவாட் காற்றாலை டர்பைனை அமைத்துள்ளது. எதிர்காலத்தில் 7 மெகாவாட் மின்சாரம் உற்பத்தி  திறன் கொண்ட டர்பைன் தயாரிக்க உள்ளோம். இந்திய கடலோரப் பகுதியில் 70 ஜிகாவாட் காற்று வளம் உள்ளது. குஜராத்தில் 35 ஜிகாவாட், தமிழ்நாட்டில் 35 ஜிகாவாட் காற்று வளம் உள்ளது . மேலும், இதில் குறிப்பாக ராமேஸ்வரம் தனுஷ்கோடியில் சுமார் 30 ஜிகாவாட் காற்று வளம் உள்ளது. இங்கு இரண்டு காற்றாலை டர்பைன் நிறுவ உள்ளோம். இதன் மூலம் ராமேஸ்வரம் நகர் முழுவதும் மின்சாரத்தை விநியோகிக்க முடியும். வரும் 2030 ஆம் ஆண்டுக்குள் இந்தியாவில்  மரபு சாரா எரிசக்தி மூலம் 500 ஜிகாவாட் மின்சாரம் உற்பத்தி செய்ய பாரதப் பிரதமர் மோடி இலக்கு நிர்ணயித்துள்ளார். இதற்கு போதுமான அளவு வாய்ப்பும் வளமும் இந்தியாவில் உள்ளது. சூரிய சக்தி மூலம் 300 ஜிகாவாட் மின்சாரமும், பிற மரபு சாரா எரிசக்தி மூலம் 200 ஜிகாவாட் மின்சாரமும் உற்பத்தி செய்ய முடியும்  என தெரிவித்தார்.

மேலும், இந்த நிகழ்சியில் WEG நிறுவன நிர்வாக இயக்குனர் ஜீன்கார்நோபஸ்கீ,பாரதிய ஜனதா கட்சி மாவட்ட பொருளாளர் பாலகிருஷ்ணன் சுரேஷ்,மார்த்தாண்டன், வள்ளியூர் நகர தலைவர் ராஜேஷ், வள்ளியூர் நகர பொதுச்செயலாளர் திரவியம் உள்ளிட்டவர்கள் கலந்து கொண்டனர்.

தமிழகம் முழுவதும் உள்ள கஞ்சா வியாபாரிகளின் வங்கி கணக்குகள் முடக்கப்பட்டுள்ளதாக தமிழக காவல்துறை தெரிவித்துள்ளது.

”ஆப்ரேஷன் கஞ்சா வேட்டை”:

தமிழகத்தில் போதைப் பொருள் பழக்கம் கட்டுக்கடங்காமல் சென்று கொண்டிருக்கிறது. எனவே, போதைப்பழக்க நடமாட்டத்தை கட்டுக்குள் கொண்டுவர, கடந்தாண்டு டிசம்பர் மாதத்தில் இருந்து ”ஆப்ரேஷன் கஞ்சா வேட்டை” என்ற பெயரில், கஞ்சா கடத்தல் மற்றும் பயன்பாட்டுக்கு எதிரான சோதனை நடத்தப்பட்டு வந்தது. தமிழக டிஜிபி சைலேந்திரபாபு உத்தரவின் பேரில் இந்த சோதனை நடைபெற்றது.

இதையும் படிக்க: முடிவுக்கு வந்த வேலை நிறுத்தப் போராட்டம்...முதலமைச்சர் பேசியது என்ன?

”ஆபரேஷன் கஞ்சா வேட்டை 2.0”:

அதன் பின்னர் ”ஆபரேஷன் கஞ்சா வேட்டை 2.0” என்ற சோதனை இந்த ஆண்டு மார்ச் மாதம் முதல் ஏப்ரல் மாதம் வரை நடத்தப்பட்டது. இந்த இரண்டு சோதனைகளின் முடிவுகளில் ஏராளமான கஞ்சா வியாபாரிகள் மீது வழக்குப் பதிவு செய்யப்பட்டுள்ளதாவும், அவர்களுக்கு சொந்தமான 2 ஆயிரம் வங்கி கணக்குகளை தமிழக போலீசார் முடக்கி உள்ளதாகவும் தெரிவிக்கப்பட்டுள்ளது.

வடசென்னை தண்டையார்பேட்டை பகுதியின் கலைஞர் 4வது தெருவை சார்ந்தவர் புவனா(37). இவர் குவைத் நாட்டில் வேலைக்காக, அவருக்கு தெரிந்தவரான ஜான்சன் என்பவர் மூலம் சென்று இருக்கிறார். குழந்தையை பராமரிக்கும் வேலை என அவர் அங்கு சென்றுள்ளார். ஆனால் ஒரு பெரிய குடும்பத்திற்கே தாம் வேலை செய்வதாகவும், தொடர்ந்து 20மணி நேரம் தம்மை வேலை வாங்குவதாகவும் கூறி அதிர்ச்சியான வீடியோவினை தனது கணவருக்கும் மகளுக்கும் அனுப்பியுள்ளார். மேலும் அந்த வீடியோவில்  பேசிய அவர், தன்னை அடித்து அவமானப்படுத்தி கழிவறையில் படுக்க வைப்பதாகவும் கூறியுள்ளார்.

இதுகுறித்த புவனாவின் கணவர் ஜேம்ஸ் பாலை தொடர்பு கொண்டு கேட்டபோது, கொரோனா காலக்ககட்டத்தில் தங்கள் குடும்பம் கடனில் சிக்கி கொண்டதாகவும், அந்த சமயத்தில் வேலை இல்லாமல் தவித்த வந்த தங்களது குடும்பத்திற்கு பழக்கமான ஜான்சன் என்பவர் குவைத் நாட்டில் குழந்தையை பராமரிக்கும் வேலை இருப்பதாகவும் தாங்கள் அதற்கு உண்டான மருத்துவ பரிசோதனை பணத்தை மட்டும் செலுத்தினால் போதும் என்றும் ஆசை வார்த்தை கூறியுள்ளார். அதனை தொடர்ந்து கடந்த பிப்ரவரி மாதம் புவனாவை குவைத் நாட்டிற்கு அனுப்பி வைத்ததாகவும் கூறினார்

ஆனால் அங்கு சென்ற தன் மனைவி வீடியோவில் கூறும் போது 20மணி நேரத்திற்கும் மேலாக வேலை வாங்குவதாகவும், சாப்பிட உணவு கூட சரிவர அளிக்காமல் அடிப்பதாகவும், தூங்குவதற்கு கழிவறையை மட்டுமே தருவதாவும் கூறியுள்ளதாக கூறியுள்ளார். மேலும் மூக்கில் இரத்தம் வரும் அளவிற்கு வேலை வாங்கி கொடுமை படுத்துவதாக கூறி கதறியுள்ளார் என்றும் கூறியுள்ளார்.

இது தொடர்பாக அவரது கணவர் தணியார் தொண்டு நிறுவனத்தின் உதவியை நாடியுள்ளார். அந்த தொண்டு நிறுவனத்தின் சியிஓ கணியா பாபு மூலம்  தூதரகத்தை தொடர்புகொண்ட போது தூதரக அதிகாரிகள், எப்படியாவது புவனா தப்பி வந்து தூதரகத்தை சேர்ந்தால் மற்றதை தாங்கள் பார்த்து கொள்வதாக கூறி பதில் அனுப்பியதாக கணியா கூறுகிறார்.

மேலும் தற்போது புவனா தங்கி வேலை செய்துவரும் வீடோ அந்த நாட்டின் காவல் அதிகரி வீடு என்றும், அங்கிருந்து அவர் தப்பித்தால் அவர் மீது திருட்டு பழி சுமத்தி திருட்டு வழக்கு போடும் முயற்சியும் நடைபெறும் என்றும் அதிர்ச்சிகரமாண பதிலை அளித்துள்ளார். அதுமட்டுமல்லாமல் போலி ஏஜெண்ட்கள் மூலம்  இது போன்று வெளி நாட்டிற்கு, வெறும் மருத்துவ பரிசோதனை மட்டுமே செய்து கொண்டு செல்பவர்களை போலி ஏஜெண்டுகள் வேலைக்கு அனுப்புகிறோம் என கூறி விற்றுவிடுவதாக மீண்டும் ஒரு அதிர்ச்சி தகவலை தெரிவிக்கிறார் கணியா.

மேலும் பேசிய கணியா, இதுவரை தங்களின் தொண்டு நிறுவனம் மூலம் 25க்கும் மேற்பட்டோரை மீட்டு இருப்பதாகவும், அதில் பெரும்பாலானோர் சென்னையை சேர்ந்தவர்கள் என்றும் புள்ளி விவரத்தை அடுக்குகிறார். கலைஞர் நகர் பகுதியில் வசித்து வரும் இவர்களை தற்போதைய தமிழக முதலமைச்சர் ஸ்டாலின் எப்படியாவது மீட்டு தர உதவ வேண்டுமென்று குவைத்தில் சிக்கியிருக்கும் புவனாவின் மகளும் கணவரும் கண்ணீர் மல்க கூறியுள்ளனர். இது போன்று போலி ஏஜெண்டுகளை நம்பி வெளிநாட்டு வேலை என்று மாட்டிக்கொள்பவர்களுக்கு இது போன்ற சம்பவங்கள் விழிப்புணர்வை ஏற்படுத்துகிறது.

தமிழ்நாட்டில் அடுத்த 3 நாட்களுக்கு கனமழை பெய்ய வாய்ப்புள்ளதாக, சென்னை வானிலை ஆய்வு மையம் தெரிவித்துள்ளது.

கனமழை பெய்ய வாய்ப்பு:

வங்கக்கடலில் நிலவும் காற்றழுத்த தாழ்வு பகுதி காரணமாக, தமிழ்நாட்டில் அடுத்த 3 நாட்களுக்கு கனமழை பெய்ய வாய்ப்புள்ளதாக, கூறப்பட்டுள்ளது. கடலூர், விழுப்புரம், கள்ளக்குறிச்சி, திருவண்ணாமலை, வேலூர், திருப்பத்தூர், ராணிப்பேட்டை, தஞ்சாவூர், திருவாரூர், நாகப்பட்டினம் உள்ளிட்ட மாவட்டங்களில் கனமழை பெய்ய வாய்ப்புள்ளதாக தெரிவிக்கப்பட்டுள்ளது.

இதையும் படிக்க: முடிவுக்கு வந்த வேலை நிறுத்தப் போராட்டம்...முதலமைச்சர் பேசியது என்ன?

மேலும், மயிலாடுதுறை, அரியலூர், பெரம்பலூர்,  திருச்சிராப்பள்ளி, புதுக்கோட்டை உள்ளிட்ட மாவட்டங்களிலும் கனமழை பெய்யக்கூடும் என குறிப்பிடப்பட்டுள்ளது.

சென்னையை பொறுத்தவரை அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும் எனவும், நகரின் ஒருசில பகுதிகளில் லேசான மழை பெய்யக்கூடும் என வானிலை ஆய்வு மையம் கூறியுள்ளது.

கோவை மாநகராட்சி ஒப்பந்த தூய்மை பணியாளர்கள் 3வது நாளாக வேலை நிறுத்த போராட்டத்தில் ஈடுபட்டுள்ளனர். 

தூய்மை பணியாளர்கள் போராட்டம்:

கோவை மாநகராட்சி, நகராட்சி, பேரூராட்சி அலுவலகங்கள் முன்பு தூய்மை பணியாளர்கள் 3வது நாளாக போராட்டத்தில் ஈடுபட்டுள்ளனர். இந்த போராட்டத்தில் ஊதிய உயர்வை உடனடியாக வழங்க வேண்டும், காப்பீடு பி.எப்., இ.எஸ்.ஐயை முறைப்படுத்த வேண்டும், 15 ஆண்டுகளுக்கு மேல் பணியாற்றும் தூய்மை பணியாளர்களை நிரந்தர பணியாளர்களாக நியமிக்க வேண்டும், தீபாவளி போனஸ் வழங்க வேண்டும் உள்ளிட்ட 18 கோரிக்கைகள் வலியுறுத்தப்பட்டன. 

இதையும் படிக்க: முடிவுக்கு வந்த வேலை நிறுத்தப் போராட்டம்...முதலமைச்சர் பேசியது என்ன?

பாதுகாப்பு பணியில் போலீசார்:
 
முன்னதாக நேற்று மாவட்ட ஆட்சியர் சமீரனுடன் நடைபெற்ற பேச்சுவார்த்தையில் உடன்பாடு ஏற்படாததால் ஒப்பந்த ஊழியர்கள் 3வது நாளாக இன்று வேலை நிறுத்த போராட்டத்தில் ஈடுபட்டுள்ளனர். இதனால் கோவையில் பதற்றமான சூழல் நிலவி வருகிறது. இதையடுத்து அசம்பாவிதங்களை தவிர்க்கும் வகையில் போலீசார் பாதுகாப்பு பணியில் ஈடுபட்டுள்ளனர்.