கொடைக்கானலில் 2 ஆவது நாளாக களைகட்டும் மலர் கண்காட்சி...!

கொடைக்கானலில் 2 ஆவது நாளாக நடந்து வரும் கோடை விழா மலர்க் கண்காட்சி சுற்றுலா பயணிகள் வருகையால் களை கட்டியுள்ளது. 

கொடைக்கானலில் 2 ஆவது நாளாக களைகட்டும் மலர் கண்காட்சி...!

மலைகளின் இளவரசி என்று அழைக்கப்படும் கொடைக்கானலில் இரண்டு ஆண்டுகளுக்கு பிறகு கோடை விழா மலர் கண்காட்சி நேற்று தொடங்கியது. தொடர்ந்து 2 ஆவது நாளாக நடைபெற்று வரும் மலர் கண்காட்சியில் கண்களைக் கவரும் அழகிய மலர்களின் அலங்காரத்தைக் காண ஆயிரக்கணக்கான சுற்றுலா பயணிகள் ஆர்வம் காட்டி வருகின்றனர். 

ஆறு நாட்கள் நடைபெற உள்ள இந்த மலர் கண்காட்சியில், கார்னேஷன் மலர்களைக் கொண்டு பல உருவங்கள் தத்ரூபமாக வடிவமைக்கப்பட்டு மக்களை ஈர்த்து வருகின்றன. மனதை மயக்கும் அரிய வகை மலர்களால் செய்யப்பட்டுள்ள அலங்காரங்களை மக்கள் கண்டு களித்து வருகின்றனர்.

மேலும், மலர்க்கண்காட்சி நடைபெறும் இடத்தில் மக்களை மகிழ்விக்க பல்வேறு கலை நிகழ்ச்சிகளும் நடத்தப்பட்டது. அதனை ஏராளமானோர் கண்டு களித்தனர். பல்வேறு விதமான போட்டிகளும் நடத்தப்பட்டு அனைவருக்கும் கௌரவம் செய்யப்பட்டது. சுற்றுலா பயணிகளுக்கு நிகராக உள்ளூர் வாசிகளும் பூங்காவில் மலர்க் கண்காட்சியை காண அதிக அளவில் வருகை தருவதால், பிரையண்ட் பூங்கா களை கட்டியுள்ளது.