இலவச கட்டாய கல்வி உரிமைச் சட்டத்தின் கீழ் தனியார் பள்ளிகளில் ஆண்டுதோறும் நடைபெறும் இலவச மாணவர் சேர்க்கைக்கான விண்ணப்ப பதிவு ஏப்ரல் மாதம் தொடங்க இருப்பதாக தகவல் வெளியாகி உள்ளது 

இலவச கட்டாய கல்வி உரிமைச் சட்டத்தின் படி, நாட்டில் உள்ள தனியார் பள்ளிகளில் 25 சதவீத இடங்களில் ஏழை குழந்தைகள் சேர்க்கப்படுவது வழக்கம். அதன்படி மாநில முழுவதும் உள்ள 8 ஆயிரத்துக்கும் அதிகமான தனியார் பள்ளிகளில் சுமார் ஒரு லட்சம் இடங்கள் உள்ளன.

இதையும் படிக்க : அரசின் குற்றங்குறைகளை விமர்சிப்போரை...அரசியல் எதிரியாகக் கருதி அடக்குமுறையை ஏவுவதா? சீமான் கண்டனம்!

இந்நிலையில் இலவச கட்டாய கல்வி உரிமைச் சட்டத்தின் கீழ் உள்ள இடங்களில் 2023-24 ஆம் கல்வியாண்டில் இலவச மாணவர் சேர்க்கைக்கான விண்ணப்பங்கள் ஏப்ரல் மாதம் தொடங்க உள்ளதாக தகவல் வெளியாகியுள்ளது. ஆர்டிஇ எனப்படும் இலவச கல்வி திட்டத்தின் கீழ் நடப்பு கல்வியாண்டின் மாணவர் சேர்க்கைக்கான விண்ணப்ப பதிவு இணைய வழியில் மேற்கொள்ளப்பட உள்ளதாகவும், இதற்கான பணியினை ஏப்ரல் மாதத்தில் தொடங்க இருப்பதாகவும் பள்ளி கல்வித்துறை அதிகாரிகள் தெரிவிக்கின்றனர்.

இலவச கல்வி திட்டத்தில் மாணவர்களை சேர்ப்பதற்கு தேவையான சாதி சான்றிதழ், இருப்பிட சான்றிதழ், வருமானவரி சான்றிதழ் உள்ளிட்ட ஆவணங்களை முன்கூட்டியே பெற்றோர் தயார் செய்து வைத்துக் கொள்ளவும் பள்ளிக்கல்வித்துறை அறிவுறுத்தியுள்ளது.

அரசின் குற்றங்குறைகளை விமர்சிப்போரை அரசியல் எதிரியாகக் கருதி அடக்குமுறையை ஏவுவதா? என  சீமான் கண்டனம் தெரிவித்துள்ளார்.

தமிழக அரசுக்கு கண்டனம் தெரிவித்துள்ள நாம் தமிழர் கட்சியின் ஒருங்கிணைப்பாளர் சீமான், குடும்பத்தலைவிகளுக்கு உரிமைத்தொகை வழங்கும் திமுக அரசின் நிதிநிலை அறிக்கையின் அறிவிப்பை திரைப்பட நகைச்சுவைத்துணுக்கோடு பொருத்தி இணையத்தில் விமர்சித்ததற்காக பிரதீப் எனும் இளைஞரைக் கைதுசெய்திருப்பது ஏற்புடையதல்ல என்றும், மாற்றுக்கருத்துடையோரையும், அரசின் குற்றங்குறைகளை விமர்சிப்போரையும் அரசியல் எதிரிகளாகக் கட்டமைத்து, அவர்கள் மீது அடக்குமுறையைக் கட்டவிழ்த்துவிடும் திமுக அரசின் கொடுங்கோல்போக்கு கடும் கண்டனத்திற்குரியது என்றும் தெரிவித்துள்ளார்.

இதையும் படிக்க : பட்டாசு ஆலை வெடி விபத்தில் உயிரிழந்தவர்களுக்கு தலா ரூ.3 லட்சம் நிவாரணம் அறிவிப்பு!

தேர்தல் அறிக்கையில், தமிழகத்திலுள்ள குடும்பத் தலைவிகள் அனைவருக்கும் உரிமைத்தொகை வழங்கப்படும்; இதன்மூலம், குடும்ப அட்டைதாரர்கள் அனைவரும் பயனடைவார்கள் எனக் கூறிவிட்டு, இப்போது தகுதியுள்ளவர்களுக்கு மட்டுமே உரிமைத்தொகை என திமுக அரசு மாற்றிப்பேசி, தகுதி எனும் சொல்லாடலை புதிதாக இடைச்சொருகும்போது எழும் விமர்சனத்தைத்தான் திரைப்படத்தின் நகைச்சுவைக்காட்சியோடு இணைத்து எள்ளல் செய்திருக்கிறார் தம்பி பிரதீப்.  கேலிச்சித்திரங்களின் நவீனப்பரிணாம வளர்ச்சிதான் இதுபோன்ற காணொளி நகைச்சுவைத்துண்டுகள்.

அதனை சமூக வலைத்தளத்தில் பதிவிட்டதற்காகவே கைது நடவடிக்கை என்பது மிக மிக அதீதமானது. சமூகத்தைப் பிளவுபடுத்தும், மண்ணுக்கும், மக்களுக்கும் பெருங்கேட்டை விளைவிக்கும் எத்தனையோ பேரைக் கைதுசெய்ய மறுக்கும் திமுக அரசு, எளிய மக்களின் விமர்சனங்களைச் சகிக்க முடியாது, அவர்களைக் கைதுசெய்து சிறைப்படுத்த எண்ணுவது ஜனநாயக விரோதமாகும் என்று கூறியுள்ளார்.

2023-ம் ஆண்டிற்கான ரமலான் நோன்பு நாளை அதிகாலை முதல் ஆரம்பமாகும் என திருச்சியில் நடந்த ஹிலால் கமிட்டி கூட்டத்தில் அறிவிக்கப்பட்டுள்ளது. 

காந்தி மார்க்கெட் அருகே உள்ள பேகம் பள்ளிவாசலில் ஹிலால் கமிட்டி உறுப்பினர்கள் கூட்டம் நடைபெற்றது. அதனை தொடா்ந்து ஜமாத்துல் உலமா சபைத் தலைவா் முகமது ரூஹில் ஹக் ஹஜரத் செய்தியாளா்களிடம் பேசுகையில், திருச்சி மாவட்டம் அதன் சுற்று வட்டார பகுதிகளில் ரமலான் முதல் பிறை தென்படாததால் இன்று இரவு தராவியா தொழுகை ஆரம்பம் எனவும், நாளை அதிகாலை முதல் இஸ்லாமியா்கள் நோன்பு நோற்கலாம் எனவும் அறிவிக்கப்பட்டுள்ளாக தொிவித்துள்ளாா்.

இதையும் படிக்க:  நன்றி தெரிவித்த நடிகர் கார்த்தி...!! 

கடந்த செவ்வாய் கிழமை தமிழ்நாடு வேளாண்மை பட்ஜெட் வேளாண்மை அமைச்சர் எம்.ஆர்.கே. பன்னீர்செல்வத்தால் தாக்கல் செய்யப்பட்டது.  இதில் விவசாயிகளுக்கு பயனளிக்கும் வகையில் பல திட்டங்களும் அறிவிப்புகளும் வெளியாகியிருந்தன.

இதற்கு பலரும் எதிர்ப்பு தெரிவித்து வரும் நிலையில் நடிகர் கார்த்தி முதலமைச்சருக்கு நன்றி கூறியுள்ளார்.  அதாவது 2023-24-ம் ஆண்டுக்கான வேளாண் பட்ஜெட்டில் நல்ல திட்டங்களை அறிவித்துள்ளதாக முதலமைச்சருக்கு நடிகா் காா்த்தி நன்றி தொிவித்துள்ளாா்.

மேலும் இதுகுறித்து அவா் உழவன் பவுண்டேஷன் மூலம் வெளியிட்டுள்ள அறிக்கையில், வேளாண் பட்ஜெட்டில் முக்கியமான திட்டங்கள் அறிவிக்கப்பட்டுள்ளதாகவும், உழவர்களின் தேவைகளை மிக நுணுக்கமாக ஆராய்ந்து பட்ஜெட்டில் அறிவித்திருப்பதில் பெரும் மகிழ்ச்சியாக உள்ளதாகவும் குறிப்பிட்ட அவா்  நல்ல திட்டங்களை அறிவித்துள்ள முதலமைச்சா் மு.க.  ஸ்டாலினுக்கு நன்றியை  தொிவித்து கொள்வதாகவும் தொிவித்துள்ளாா். 

இதையு படிக்க:   இந்தியாவில் முதல் முறையாக தமிழ்நாட்டின் விருதுநகரில்....!!

விருதுநகரில் அமைய உள்ள பிஎம் மித்ரா பூங்கா தமிழ்நாட்டில் உள்ள அனைத்து தொழில் மற்றும் ஜவுளி பூங்காக்களுக்கும் மகுடமாக திகழும் என முதலமைச்சா் மு.க.ஸ்டாலின் பெருமிதம் தொிவித்துள்ளாா்.

விருதுநகர் மாவட்டம் இ.குமாரலிங்கபுரத்தில் இந்தியாவின் முதல் பிஎம் மித்ரா பூங்கா அமையவுள்ளது.  அதற்கான தொடக்க விழா சென்னை கோட்டூர்புரத்தில் உள்ள அண்ணா நூற்றாண்டு நூலகத்தில் நடைபெற்றது.  நிகழ்ச்சியில் முதலமைச்சா் மு.க.ஸ்டாலின் பங்  கேற்று பேசுகையில், தொழில் துறையை பொறுத்தவரை உலக அளவிலான கவனத்தை தமிழ்நாடு ஈர்த்துள்ளது எனவும் நாட்டின் கைத்தறி துணி வர்த்தகத்தில் தமிழ்நாடு மூன்றில் ஒரு பங்கு வகிக்கிறது எனவும் தெரிவித்தார்.

மேலும் விருதுநகரில் அமைய உள்ள பிஎம் மித்ரா பூங்கா தமிழ்நாட்டில் உள்ள அனைத்து தொழில் மற்றும் ஜவுளி பூங்காக்களுக்கும் மகுடமாக திகழ போகிறது எனவும், பூங்கா முழு அளவில் செயல்படும்போது 2 லட்சம் இளைஞர்களுக்கு வேலைவாய்ப்பு உருவாகும் எனவும் கூறினார்.  தொடர்ந்து பேசிய அவர் இது தென் மாவட்டங்களின் பொருளாதார வளர்ச்சிக்கு ஊக்கம் அளிப்பதாக அமையும் எனவும் 2030-31-ம் ஆண்டிற்குள் தமிழ்நாடு ஒரு டிரில்லியன் அமெரிக்க டாலர் பொருளாதாரத்தை எட்ட மத்திய அரசு உதவிட வேண்டும் எனவும் கோாிக்கை விடுத்தாா்.  

அதனைத் தொடர்ந்து அவா் இந்திய அளவில் மட்டுமல்லாமல் தெற்காசியாவிலேயே சிறந்த தொழில் வளர்ச்சி மாநிலமாக உருவாக்கிட நாம் அனைவரும் இணைந்து  பாடுபட வேண்டும் எனவும் தெரிவித்தார்.  இந்நிகழ்வில் மத்திய ஜவுளித்துறை அமைச்சர் பியுஸ் கோயல், மத்திய இணை அமைச்சர் எல்.முருகன், அமைச்சர்கள்   கே.  கே.எஸ்.எஸ்.ஆர். ராமச்சந்திரன், தங்கம் தென்னரசு, ஆர்.காந்தி. மா.சுப்பிரமணியன் உள்பட பலா் கலந்து கொண்டனா். 

இதையும் படிக்க:   இந்தியா இதில் முன்னோடியாக இருந்திருக்க வேண்டும்... இன்னும் தாமதமில்லை!!