தஞ்சாவூர் தென்கீழ் அலங்கத்தில் உள்ள நகை கடையில் நேற்று மதியம் பர்தா அணிவந்த இரண்டு பெண்கள் நகை வாங்குவது போல் ஊழியர்களிடம் பேசியுள்ளனர். அப்போது செயின் வேண்டும் என அப்பெண்கள் கூற,  கடை ஊழியர் ஐந்து செயின்களை காட்டியுள்ளார்.

அப்போது கடை ஊழியரை திசை திருப்பிய மர்ம பெண்கள் ஒரு தங்க செயினை திருடிவிட்டு, அதற்கு பதிலாக கவரிங் செயினை மாற்றி வைத்துவிட்டு அங்கிருந்து சென்றுவிட்டனர்.  கடை ஊழியரும் எண்ணிக்கையில் செயின் சரியாக இருந்ததால் கவனிக்கவில்லை, 

இந்நிலையில் மீண்டும் செயினை சரிபார்க்கும் போது கவரிங் செயினை இருப்பதை கண்டு அதிர்ச்சி அடைத்து வெளியே தேடிய போது மர்ம பெண்கள் தப்பியோடியுள்ளனர். இது குறித்து கடை உரிமையாளர் தஞ்சை மேற்கு காவல்நிலையத்தில் புகார் அளித்துள்ளார்.

வந்தவாசி சிவில் சப்ளை குடோனில் இருந்து 11 டன் ரேஷன் பொருட்களை லாரியில் ஏற்றிக்கண்டு  லாரி ஓட்டுனர் சுப்பிரமணி என்பவர் வந்தவாசி மீரா காதர்ஷா தெருவில் உள்ள ரேஷன் கடைக்கு பொருட்களை இறக்குவதற்காக சென்று கொண்டிருந்தார். அப்போது மீரா காதர்ஷா தெருவில் லாரி திரும்பும்போது எதிர்பாராவதமாக மின்சாரக் கம்பத்தின் மீது மோதியது இதனால் மின்சார கம்பம் இரண்டு துண்டாக உடைந்தது மேலும் மின்சாரம் உரசியதில் தீப்பொறி எழுந்து லாரியில் இருந்த அரிசி சர்க்கரை மூட்டைகள் மீது பட்டதில் தீப்பிடித்து எரியத் தொடங்கியது.

இதையடுத்து அப்பகுதி மக்கள் உடனடியாக வந்தவாசி தீயணைப்பு துறைக்கு தகவல் தெரிவித்தனர். சம்பவ இடத்திற்கு விரைந்து வந்த தீயணைப்பு துறை அதிகாரிகள் சம்பவ  ஒரு மணி நேரம் போராடி தீயை அணைத்தனர்.  மேலும் அதிக வாகனங்கள் மற்றும் பொதுமக்கள் நடமாடக் கூடிய இந்த இடத்தில் மின்சாரக் கம்பத்தின் மீது லாரி மோதிய விபத்தில் பொதுமக்கள் மற்றும் வாகனங்கள் அவ்வழியாக எதுவும் வராததால் பெரும் அசம்பாவிதம் தவிர்க்கப்பட்டது.

ரேஷன் கடைக்கு பொருட்களை ஏற்றி வந்த லாரி மின்சாரக் கம்பத்தின் மீது மோதிய விபத்தால் மின்சார கம்பம் 2 துண்டாக உடைந்து அதில் தீப்பொறி எழுந்து லாரியில் இருந்த அரிசி மூட்டைகள் எரிந்த சம்பவம் வந்தவாசி பகுதியில் பெரும் பரபரப்பை ஏற்படுத்தியது.

திருச்சி மத்திய சிறை வளாகத்தில் உள்ள சிறப்பு அகதிகள் முகாமில் போலி பாஸ்போர்ட் மூலம் வெளிநாடு தப்பிச்செல்ல முயன்றது உள்ளிட்ட குற்றச் சம்பவங்களில் ஈடுபட்டதாக, 84 இலங்கை தமிழர்கள் உட்பட இலங்கை, பல்கேரியா, சூடான், நைஜீரியா உள்ளிட்ட பல்வேறு நாடுகளைச் சேர்ந்த, 110 பேர் அடைத்து வைக்கப்பட்டுள்ளனர்.

இதில் பலர் தங்கள் தண்டனைக் காலம் முடிந்தும் சட்ட விரோதமாக அடைத்து வைத்திருப்பதாகவும், தங்களை உடனடியாக விடுதலைச் செய்து, தங்கள் குடும்பத்துடன் சேர்த்து வைக்க வலியுறுத்தியும் அவ்வப்போது போராட்டத்தில் ஈடுபடுவர். அதிகாரிகளுடன் பேச்சுவார்த்தையில் உடன்பாடு ஏற்பட்டால் போராட்டத்தை ஒத்திவைப்பார்கள்.

இந்நிலையில் அங்கு அடைக்கப்பட்டுள்ள இலங்கை தமிழர்கள் 9 பேர் தங்களை உடனடியாக விடுவிக்க வலியுறுத்தி உண்ணாவிரத போராட்டத்தில் ஈடுபட்டுள்ளனர்.  கடந்த 20 ஆம் தேதி வெள்ளிக்கிழமை முதல் இந்த உண்ணாவிரத போராட்டம் நடைப்பெற்று வருகிறது. போராட்டத்தின் ஏழாம் நாளான நேற்று உண்ணாவிரத போராட்டத்தில் ஈடுபட்டிருந்தவர்கள் இல் 6 பேருக்கு உடல்நலக்குறைவு ஏற்பட்டது அதனையடுத்து அவர்கள் காவல்துறை வாகனம் மூலம் திருச்சி அரசு மருத்துவமனைக்கு சிகிச்சைக்காக அனுப்பி வைக்கப்பட்டனர்.

அங்கு அவர்களுக்கு தொடர் சிகிச்சை அளிக்கப்பட்டு வருகிறது இந்நிலையில் மீதமுள்ள நான்கு பேருடன் இணைந்து மேலும் 6 பேர் இன்று உண்ணாவிரதப் போராட்டத்தை எட்டாவது நாளாக தொடர்ந்து வருகின்றனர்.

சிறந்த புலனாய்வு, தீரச் செயல் புரிதல் ஆகியவற்றுக்காக காவல்துறை உள்ளிட்ட பல்வேறு துறைகளைச் சேர்ந்தவர்களுக்கு இந்திய குடியரசுத் தலைவர் பதக்கங்கள், மத்திய உள்துறை அமைச்சர் பதக்கங்கள் மற்றும் தமிழ்நாடு முதலமைச்சர் பதக்கங்கள் வழங்கும் நிகழ்ச்சி சென்னை எழும்பூர் ராஜரத்தினம் மைதானத்தில் நடைபெற்றது. 

தமிழக டிஜிபி சைலேந்திரபாபு தலைமையில் நடைபெற்ற நிகழ்ச்சியில்  முதலமைச்சர் மு.க ஸ்டாலின் கலந்துகொண்டு வீர தீர செயல் புரிந்த காவலர்களுக்கு பதக்கங்களை வழங்கி பாராட்டு தெரிவித்தார்.

இதை தொடர்ந்து நிகழ்ச்சியில் பேசிய முதலமைச்சர் மு.க.ஸ்டாலின், குற்றம் நடைபெறாத மாநிலமாக தமிழ்நாடு மாற காவல்துறையினர் பணியாற்ற வேண்டும் என கூறினார்.  ஒரு காவலர் தவறு செய்தாலும் ஒட்டுமொத்த காவல்துறைக்கு தலைகுனிவை ஏற்படுத்தி  விடும் என்பதை உணரவேண்டும் என முதலமைச்சர் அறிவுறுத்தினார்

தமிழகத்தில் குற்றச் சம்பவங்கள் இல்லாமலும், எந்த வன்முறையும் உருவாகாமலும் பார்த்து கொள்ள வேண்டும் என கேட்டுகொண்ட முதலமைச்சர், திட்டமிட்டு வன்முறை ஏற்படுத்துபவர்களை கண்டறிந்து இரும்பு கரம் கொண்டு ஒடுக்க வேண்டும் என வலியுறுத்தினார்.

தமிழகத்தை அமைதி பூங்காவாக மாற்றும் சூழலை காவல்துறை உருவாக்க வேண்டும் என்று முதலமைச்சர் மு.க.ஸ்டாலின் கேட்டு கொண்டுள்ளார். 

இன்று வெளியாகியுள்ள வாய்தா திரைபடத்தில் நீதிபதிகளையும் வழக்கறிஞர்களையும் விமர்சித்து இடம்பெற்றுள்ள காட்சிகளை நீக்கக்கோரி சென்னை உயர்நீதிமன்ற வளாகம் முன்பு வழக்கறிஞர்கள் ஆர்பாட்டத்தில் ஈடுபட்டனர்.

அதனை தொடர்ந்து செய்தியாளர்களிடம் பேசிய வழக்கறிஞர் ஜானகிராமன், மஹிவர்மா இயக்கத்தில் வெளியான வாய்தா திரைபடத்தில் வழக்கறிஞர்களை மிகவும் தரகுறைவாக சித்தரித்தும், வழக்கறிஞர்கள் மற்றும் நீதிபதிகள் ஜாதி அடிப்படையிலேயே தீர்ப்பு வழக்குவதாக காட்சிகள் சித்தரிக்கப்பட்டுள்ளது.

இது போன்ற ஒரு சார்பிற்கு எதிராக எடுக்கும் படங்களின் காட்சிகளை தணிக்கை குழு நீக்க வேண்டும்.  ஆனால், அதனை செய்யவில்லை எனவே தமிழக முதல்வர் கவனத்திற்கு சென்று நீதிபதிகளுக்கும், வழக்கறிஞர்களுக்கு எதிரான காட்சிகளை நீக்கவும், இது போன்ற படங்களை தடை செய்யவும் கோரிக்கை வைத்தனர்.