2023-ம் ஆண்டிற்கான ரமலான் நோன்பு நாளை அதிகாலை முதல் ஆரம்பமாகும் என திருச்சியில் நடந்த ஹிலால் கமிட்டி கூட்டத்தில் அறிவிக்கப்பட்டுள்ளது. 

காந்தி மார்க்கெட் அருகே உள்ள பேகம் பள்ளிவாசலில் ஹிலால் கமிட்டி உறுப்பினர்கள் கூட்டம் நடைபெற்றது. அதனை தொடா்ந்து ஜமாத்துல் உலமா சபைத் தலைவா் முகமது ரூஹில் ஹக் ஹஜரத் செய்தியாளா்களிடம் பேசுகையில், திருச்சி மாவட்டம் அதன் சுற்று வட்டார பகுதிகளில் ரமலான் முதல் பிறை தென்படாததால் இன்று இரவு தராவியா தொழுகை ஆரம்பம் எனவும், நாளை அதிகாலை முதல் இஸ்லாமியா்கள் நோன்பு நோற்கலாம் எனவும் அறிவிக்கப்பட்டுள்ளாக தொிவித்துள்ளாா்.

இதையும் படிக்க:  நன்றி தெரிவித்த நடிகர் கார்த்தி...!! 

கடந்த செவ்வாய் கிழமை தமிழ்நாடு வேளாண்மை பட்ஜெட் வேளாண்மை அமைச்சர் எம்.ஆர்.கே. பன்னீர்செல்வத்தால் தாக்கல் செய்யப்பட்டது.  இதில் விவசாயிகளுக்கு பயனளிக்கும் வகையில் பல திட்டங்களும் அறிவிப்புகளும் வெளியாகியிருந்தன.

இதற்கு பலரும் எதிர்ப்பு தெரிவித்து வரும் நிலையில் நடிகர் கார்த்தி முதலமைச்சருக்கு நன்றி கூறியுள்ளார்.  அதாவது 2023-24-ம் ஆண்டுக்கான வேளாண் பட்ஜெட்டில் நல்ல திட்டங்களை அறிவித்துள்ளதாக முதலமைச்சருக்கு நடிகா் காா்த்தி நன்றி தொிவித்துள்ளாா்.

மேலும் இதுகுறித்து அவா் உழவன் பவுண்டேஷன் மூலம் வெளியிட்டுள்ள அறிக்கையில், வேளாண் பட்ஜெட்டில் முக்கியமான திட்டங்கள் அறிவிக்கப்பட்டுள்ளதாகவும், உழவர்களின் தேவைகளை மிக நுணுக்கமாக ஆராய்ந்து பட்ஜெட்டில் அறிவித்திருப்பதில் பெரும் மகிழ்ச்சியாக உள்ளதாகவும் குறிப்பிட்ட அவா்  நல்ல திட்டங்களை அறிவித்துள்ள முதலமைச்சா் மு.க.  ஸ்டாலினுக்கு நன்றியை  தொிவித்து கொள்வதாகவும் தொிவித்துள்ளாா். 

இதையு படிக்க:   இந்தியாவில் முதல் முறையாக தமிழ்நாட்டின் விருதுநகரில்....!!

விருதுநகரில் அமைய உள்ள பிஎம் மித்ரா பூங்கா தமிழ்நாட்டில் உள்ள அனைத்து தொழில் மற்றும் ஜவுளி பூங்காக்களுக்கும் மகுடமாக திகழும் என முதலமைச்சா் மு.க.ஸ்டாலின் பெருமிதம் தொிவித்துள்ளாா்.

விருதுநகர் மாவட்டம் இ.குமாரலிங்கபுரத்தில் இந்தியாவின் முதல் பிஎம் மித்ரா பூங்கா அமையவுள்ளது.  அதற்கான தொடக்க விழா சென்னை கோட்டூர்புரத்தில் உள்ள அண்ணா நூற்றாண்டு நூலகத்தில் நடைபெற்றது.  நிகழ்ச்சியில் முதலமைச்சா் மு.க.ஸ்டாலின் பங்  கேற்று பேசுகையில், தொழில் துறையை பொறுத்தவரை உலக அளவிலான கவனத்தை தமிழ்நாடு ஈர்த்துள்ளது எனவும் நாட்டின் கைத்தறி துணி வர்த்தகத்தில் தமிழ்நாடு மூன்றில் ஒரு பங்கு வகிக்கிறது எனவும் தெரிவித்தார்.

மேலும் விருதுநகரில் அமைய உள்ள பிஎம் மித்ரா பூங்கா தமிழ்நாட்டில் உள்ள அனைத்து தொழில் மற்றும் ஜவுளி பூங்காக்களுக்கும் மகுடமாக திகழ போகிறது எனவும், பூங்கா முழு அளவில் செயல்படும்போது 2 லட்சம் இளைஞர்களுக்கு வேலைவாய்ப்பு உருவாகும் எனவும் கூறினார்.  தொடர்ந்து பேசிய அவர் இது தென் மாவட்டங்களின் பொருளாதார வளர்ச்சிக்கு ஊக்கம் அளிப்பதாக அமையும் எனவும் 2030-31-ம் ஆண்டிற்குள் தமிழ்நாடு ஒரு டிரில்லியன் அமெரிக்க டாலர் பொருளாதாரத்தை எட்ட மத்திய அரசு உதவிட வேண்டும் எனவும் கோாிக்கை விடுத்தாா்.  

அதனைத் தொடர்ந்து அவா் இந்திய அளவில் மட்டுமல்லாமல் தெற்காசியாவிலேயே சிறந்த தொழில் வளர்ச்சி மாநிலமாக உருவாக்கிட நாம் அனைவரும் இணைந்து  பாடுபட வேண்டும் எனவும் தெரிவித்தார்.  இந்நிகழ்வில் மத்திய ஜவுளித்துறை அமைச்சர் பியுஸ் கோயல், மத்திய இணை அமைச்சர் எல்.முருகன், அமைச்சர்கள்   கே.  கே.எஸ்.எஸ்.ஆர். ராமச்சந்திரன், தங்கம் தென்னரசு, ஆர்.காந்தி. மா.சுப்பிரமணியன் உள்பட பலா் கலந்து கொண்டனா். 

இதையும் படிக்க:   இந்தியா இதில் முன்னோடியாக இருந்திருக்க வேண்டும்... இன்னும் தாமதமில்லை!!

காஞ்சிபுரம் மாவட்டம் ஓரிக்கை கிராமத்தில் வெடிபொருள் சேமிப்புக் கிடங்கில் ஏற்பட்ட விபத்தில் உயிரிழந்தவர்களின் குடும்பங்களுக்கு தலா மூன்று லட்ச ரூபாய் நிவாரணம் வழங்கப்படும் என முதலமைச்சர் மு க ஸ்டாலின் அறிவித்துள்ளார். 

காஞ்சிபுரம் மாவட்டம் ஓரிக்கை கிராமத்தில் இயங்கி வந்த தனியாருக்குச் சொந்தமான வெடிபொருள் சேமிப்புக் கிடங்கில் எதிர்பாரதவிதமாக ஏற்பட்ட தீ விபத்தில் 9 பேர் பரிதாபமாக உயிரிழந்தனர். கடுமையான தீக்காயங்களுடன் 12 பேர் செங்கல்பட்டு அரசு மருத்துவமனையில் அனுமதிக்கப்பட்டு சிகிச்சையில் உள்ளனர். இந்த சம்பவம் குறித்து தகவலறிந்த காஞ்சிபுரம் மாவட்ட ஆட்சியர் ஆர்த்தி மருத்துவமனையில் சிகிச்சை பெறுபவர்களை சந்தித்து ஆறுதல் கூறினார்.

அதேசமயம், காவல்துறை டிஐஜி பகலவன் மற்றும் காவல் கண்காணிப்பாளர் சுதாகர் ஆகியோர் நேரில் சென்று பார்வையிட்டனர். இந்த விபத்து தொடர்பாக, வழக்கு பதிவு செய்த காவல்துறையினர் வெடிபொருள் கிடங்கு உரிமையாளர் உட்பட 4 பேரை கைது செய்து விசாரித்து வருகின்றனர். 

இதையும் படிக்க : சட்டப்பேரவையில் நாளை மீண்டும் ஆன்லைன் தடை சட்ட மசோதா தாக்கல்...!

காயங்களுடன் சிகிச்சை பெற்று வருபவர்களை அமைச்சர் தா மோ அன்பரசன் சந்தித்து ஆறுதல் கூறினார். இதனைத் தொடர்ந்து செய்தியாளர்களிடம் பேசிய அவர், 10 நபர்கள் பணிபுரிய வேண்டிய இடத்தில் 20க்கும் மேற்பட்ட நபர்கள் பணிபுரிந்துள்ளதாக குற்றம் சாட்டினார்.

இந்நிலையில், வெடி விபத்தில் உயிரிழந்தவர்களின் குடும்பங்களுக்கு தமிழ்நாடு முதலமைச்சர்  மு க ஸ்டாலின் ஆறுதலையும் வேதனையையும் தெரிவித்து அறிக்கை வெளியிட்டுள்ளார். தொடர்ந்து, உயிரிழந்தவர்களின் குடும்பங்களுக்கு தலா 3 லட்சம் ரூபாயும், கடுமையாக காயமடைந்தவர்களுக்கு தலா ஒரு லட்சம் நிவாரணம் வழங்க உத்தரவிட்டுள்ளார். மேலும்,  காயமடைந்தவர்களுக்கு  உயர் சிகிச்சையளிக்க அறிவுறுத்தியுள்ளார்.

இதனிடையே, வெடி விபத்தில் உயிரிழந்தவர்களின் குடும்பங்களுக்கு  எதிர்கட்சித் தலைவர்  எடப்பாடி பழனிசாமி,  பாட்டாளி மக்கள் கட்சி தலைவர் அன்புமணி ராமதாஸ், தமிழ்நாடு பாஜக தலைவர் அண்ணாமலை ஆகியோர் இரங்கல் தெரிவித்துள்ளனர்.

தமிழ்நாட்டில் வெயில் விளாசியதில் இன்று 2 மாவட்டங்களில் வெப்பம் சதம் அடித்துள்ளது

இந்த ஆண்டு கோடை காலம் தொடங்கும் முன்னரே தமிழ்நாட்டில் கடந்த பிப்ரவரி மாதம் ஈரோடு மாவட்டத்தில் வெப்பம் 100°F தொட்டது.

இதனையடுத்து கோடைகாலத்தின் முதல் மாதமான மார்ச் மாதத்திற்கான வானிலை முன்னறிவிப்பில், வெயிலின் தாக்கம் இயல்பை ஒட்டியும் அதற்கு கீழாகவும் இருக்கும் என இந்திய வானிலை ஆய்வு மையம் முன்னறிவிப்பை வெளியிட்டது.

மேலும் படிக்க | 2023-ஆம் ஆண்டு பத்ம விருதுகளை வழங்கினார் குடியரசு தலைவர் திரவுபதி முர்மு

இந்த நிலையில், கடந்த ஒரு வாரத்திற்கு மேலாக தமிழ்நாட்டின் பல்வேறு பகுதிகளிலும் மழை பெய்து வந்த நிலையில் இன்று தமிழ்நாட்டில் அதிகபட்சமாக கரூர் பரமத்தியில் 102.2F ஆக பதிவாகியுள்ளது. இதற்கு அடுத்த படியாக ஈரோட்டில் 101.12°F பதிவாகியுள்ளது.

தமிழ்நாட்டில் கோடை வெயிலின் தாக்கம் படிப்படியாக அதிகரித்து வரும் நிலையில் இன்று 2 மாவட்டங்களில் 100°F வெப்பம் பதிவாகியுள்ளது