பொது அமைதிக்குக் குந்தகம் விளைவிக்கும் குற்றச்செயல்களில் ஈடுபடுவோர், தேசிய பாதுகாப்பு சட்டத்தின்கீழ் கைது செய்யப்படுவர் என தமிழக டிஜிபி சைலேந்திரபாபு எச்சரித்துள்ளார்.

தமிழகத்தில் நீடிக்கும் பதற்றம்:

நாடு முழுவதும் பாப்புலர் ஃபிரண்ட் ஆஃப் இந்தியா அமைப்புக்கு எதிராக என்ஐஏ நடத்திய சோதனைகளை எதிர்த்து பல இடங்களில் பதற்றம் நீடித்து வருகிறது. தமிழகத்தில் கோவை ஈரோடு திருப்பூர்  மாவட்டங்களில் பாஜக மற்றும் இந்து அமைப்புகளின் வீடுகளை குறி வைத்து பெட்ரோல் குண்டு வீசப்பட்டு வருகிறது.  

டிஜிபி அறிக்கை:

இதனால் மக்கள் மத்தியில் அச்சம் எழுந்துள்ள நிலையில், தமிழக காவல்துறை டிஜிபி சைலேந்திரபாபு அறிக்கை வெளியிட்டுள்ளார். அதில் மண்ணெண்ணெய் நிரப்பிய பாட்டில்களை வீடுகள், வர்த்தக நிலையங்கள், வாகனங்களை குறிவைத்து வீசப்பட்டது தொடர்பாக 250 சந்தேக நபர்களிடம் விசாரித்து வருவதாக கூறியுள்ளார். அதேபோன்று, கோவையில் ஆர்ஏஎஃப் பிரிவுகள் உட்பட 3 ஆயிரத்து 500 போலீசார் பாதுகாப்புப் பணியில் ஈடுபடுத்தப்பட்டுள்ளதாகவும் டிஜிபி தெரிவித்துள்ளார்.

இதையும் படிக்க: “நாடாளுமன்ற தேர்தலோடு சட்டமன்றத்துக்கும் தேர்தல்” நிச்சயம்...கே.டி.ராஜேந்திர பாலாஜி அதிரடி பேச்சு!

டிஜிபி எச்சரிக்கை:

மேலும் பொது அமைதிக்குக் குந்தகம் விளைவிக்கும் வகையில் குற்றச்செயல்களில் ஈடுபடுவோர், தேசிய பாதுகாப்புச் சட்டத்தின் கீழ் கைது செய்யப்படுவார்கள எனவும் டிஜிபி  எச்சரித்துள்ளார்.

நெல்லையில் நடைபெற்ற போதை பொருள் ஒழிப்பு குறித்த மினி மராத்தான் போட்டியில் ஆயிரக்கணக்கான மாணவ, மாணவிகள் ஆர்வமுடன் பங்கேற்றனர்.

மினி மாரத்தான் போட்டி:

உலக இருதய தினத்தை முன்னிட்டு, போதைப்பொருள் ஒழிப்பு விழிப்புணர்வு ஏற்படுத்தும் வகையில், நெல்லையில் தனியார் மருத்துவமனை சார்பில் மினி மாரத்தான் போட்டி நடைபெற்றது. சுமார் 5 கிலோமீட்டர் தொலைவிற்கு நடைபெற்ற இந்த மாரத்தான் போட்டியை திருநெல்வேலி மாநகர காவல் துணை ஆணையர் சீனிவாசன் கொடியசைத்து தொடங்கி வைத்தார்.

இதையும் படிக்க: “நாடாளுமன்ற தேர்தலோடு சட்டமன்றத்துக்கும் தேர்தல்” நிச்சயம்...கே.டி.ராஜேந்திர பாலாஜி அதிரடி பேச்சு!

வெற்றி பெற்றவர்களுக்கு பரிசு:

பாளையங்கோட்டை அண்ணா விளையாட்டு அரங்கில் தொடங்கிய இந்த மாரத்தான் போட்டி, கலெக்டர் பங்களா, சேவியர் கல்லூரி வழியாக சென்று மீண்டும் அண்ணா விளையாட்டு அரங்கில் முடிவடைந்தது. இதில் பெண்கள், சிறுவர்கள் உள்பட 1000க்கும் மேற்பட்டோர் ஆர்வமுடன் கலந்து கொண்டனர். தொடர்ந்து போட்டியின் முடிவில், அண்ணா விளையாட்டு அரங்கில் வைத்து வெற்றி பெற்றவர்களுக்கு பரிசுகளும், சான்றிதழ்களும் வழங்கப்பட்டன.

உறுதிமொழி ஏற்பு:

முன்னதாக, மாரத்தானில் பங்கேற்றவர்கள் போதைப் பொருள்கள் ஒழிப்பு குறித்து துணை ஆணையர் சீனிவாசன் தலைமையில் உறுதி மொழியும் எடுத்துக் கொண்டனர். 

தமிழகத்தில் அக்டோபர் 2-ஆம் தேதி காந்தி ஜெயந்தி அன்று கிராம சபை கூட்டங்கள் நடத்த உள்ளாட்சி பிரதிநிதிகளுக்கு  தமிழக அரசு உத்தரவிட்டுள்ளது.

கிராம சபை கூட்டங்கள் நடத்த உத்தரவு:

நாடு முழுவதும் அக்டோபர் 2-ம் தேதி காந்தி ஜெயந்தி கொண்டாடப்பட உள்ளது. இந்நிலையில், காந்தி ஜெயந்தியையொட்டி ஊராட்சி எல்லைக்குட்பட்ட வார்டுகளில் கிராம சபை கூட்டங்களை சுழற்சி முறையில் வரும் 2ம் தேதி காலை 11 மணியளவில் நடத்த தமிழக அரசு உத்தரவிட்டுள்ளது. 

கிராம சபை கூட்டங்கள் அனைத்து ஊராட்சிகளிலும் நடத்த வேண்டும், இடம் மற்றும் நேரம் கிராம மக்களுக்கு தெரிவிக்கப்பட வேண்டும். இந்த கூட்டத்தில், ஊராட்சியின் தணிக்கை அறிக்கை, டெங்கு பரவல், வடகிழக்கு பருவமழை முன்னெச்சரிக்கை நடவடிக்கைகள் குறித்து விவாதிக்க அறிவுறுத்தப்பட்டுள்ளது. அத்துடன், 100 நாள் வேலை திட்டம், அண்ணா மறுமலர்ச்சி திட்டம், கலைஞர் வீடு வழங்கும் திட்டம் குறித்து விவாதிக்க வேண்டும் என தெரிவிக்கப்பட்டுள்ளது. 

இதையும் படிக்க:“நாடாளுமன்ற தேர்தலோடு சட்டமன்றத்துக்கும் தேர்தல்” நிச்சயம்...கே.டி.ராஜேந்திர பாலாஜி அதிரடி பேச்சு!

மேலும், கிராம சபை கூட்டங்கள் குறித்த அறிக்கையை அக்டோபர் 12-ம்  தேதிக்குள் அனுப்பவும் மாவட்ட ஆட்சியர்களுக்கு அறிவுறுத்தப்பட்டுள்ளது. 

வார இறுதி நாட்களும், இறைச்சி கடைகளும்:

பொதுவாக தமிழ்நாட்டில் வார இறுதிநாட்கள் இறைச்சி கடைகளிலும் மீன் சந்தைகளிலும் அசைவ பிரியர்களின் கூட்டம் அலை மோதுவதை தான் நாம் பார்த்திருப்போம். ஆனால் இந்த புரட்டாசி மாதம் வந்தால் மட்டும் இங்கெல்லம் ஆட்களே இருக்க மாட்டார்கள். இறைச்சி கடைகளை கடந்து செல்லும் பெரும்பான்மையான மக்கள் ஏக்கத்துடனேயே அக்கடைகளை பார்த்து செல்வர். 

அலைமோதும் காசிமேடு மீன் சந்தை:

அந்த வகையில், சென்னையை பொருத்தவரை, காசிமேட்டில் உள்ள மீன் சந்தையில் வார இறுதி நாட்களில் நிற்கவே இடம் இல்லாத அளவு, மக்கள் கூட்டம் அலைமோதும். சில்லறையாக வாங்குபவர்கள், மொத்தமாக வாங்குபவர்களை தாண்டி இந்த காசிமேடு மீன் சந்தையை பார்த்து செல்வதற்கே கூட்டம் கூடும். 

வெறிச்சோடிய காசிமேடு:

நள்ளிரவு முதல் ஏல அடிப்படையில் நடைபெறும் விற்பனையில், மொத்த வியாபாரிகள், சில்லறை வியாபாரிகள், பொதுமக்கள் என அனைவரும் மீன்களை ஆர்வமுடன் வாங்கிச் செல்வர். அப்படி ஆராவாரம் நிரம்பி காணப்பட்ட காசிமேடு மீன்சந்தை தற்போது மக்கள் கூட்டமின்றி வெறிச்சோடி காணப்படுகிறது. 

வஞ்சிரம் ரூ.500:

கடந்த வாரம் முதல் புரட்டாசி மாதம் தொடங்கி இருப்பதாலும், இன்று புரட்டாசி மகாளய அமாவாசை என்பதாலும், பொது மக்களின் வருகை வெகுவாக குறைந்தது. மக்களின் கூட்டம் குறைந்ததால், மீன்களின் விலையும் கணிசமாக குறைந்திருக்கிறது. எப்போதும் அதிக விலைக்கு விற்பனையாகும் வஞ்சிரம் கிலோ ரூ.500-க்கும், சங்கரா ரூ.400-க்கும், நண்டு, கடம்பா போன்றவரை ரூ.400-க்கும் விற்பனையாகி செய்யப்படுகிறது. 

தூத்துக்குடியில் அகில இந்திய வர்த்தக தொழில் சங்கத்தின் ரூபி ஜூபிலி விழா வருகிற 27ஆம் தேதி நடைபெற உள்ளது. இதை முன்னிட்டு இன்று எம்ஜிஆர் பூங்காவில் நடைபயணத்தை அகில இந்திய வர்த்தக தொழில் சங்கத்தின் தலைவர் தமிழரசு கொடியசைத்து தொடக்கி வைத்தார். இப்பேரணியானது எம்ஜிஆர் பூங்காவில் தொடங்கி நகரின் முக்கிய வீதிகள் வழியாக பழைய துறைமுகம் வரை சென்றது. இதில் சுமார் 200 பேர் கலந்து கொண்டனர். இதில் ஏராளமான பள்ளி, கல்லூரி மாணவர்கள் உட்பட தொழில் வர்த்தக சங்கத்தினர் பலர் கலந்து கொண்டு விழிப்புணர்வு ஏற்படுத்தினர்.

வணிகர்களின் ஆரோக்கியத்தை முன்னிட்டு நடைபெற்ற இந்த நடை பயணத்தில் ஒரு பகுதியாக நகரின் முக்கிய வீதிகளில் உள்ள குப்பைகளை அகற்றி பொது மக்களிடம் விழிப்புணர்வு ஏற்படுத்தப்பட்டது.