சுதந்திரதின அமுதப் பெருவிழாவை முன்னிட்டு, இன்று முதல் அனைத்து வீடுகளிலும் தேசியக் கொடி ஏற்ற வேண்டும் என்று பிரதமர் மோடி விடுத்த வேண்டுகோளை ஏற்று, நடிகர் ரஜினிகாந்த், சென்னையில் உள்ள போயஸ் கார்டன் இல்லம் முன்பு தேசியக்கொடி ஏற்றி உள்ளார்.

நாட்டின் 75வது சுதந்திர தினம் பிரதமர் மோடி வேண்டுகோள்

நாட்டின் 75வது சுதந்திர தின அமுதப் பெருவிழா நாடு முழுவதும் வெகுசிறப்பாக கொண்டாடப்படவுள்ளது. இதனையொட்டி, இந்திய சுதந்திரத்தையும், அதற்காக பாடுபட்ட சுதந்திரப் போராட்டத் தியாகிகளையும் நினைவில் கொள்ளும் விதமாக இன்று முதல் வரும் 15ம் தேதி வரை அனைத்து வீடுகளிலும் தேசியக் கொடி ஏற்ற வேண்டும் என்று பிரதமர் மோடி வேண்டுகோள் விடுத்திருந்தார்.

தமிழக அரசு அறிவுறுத்தல்

அதன்படி, தமிழகத்தில் உள்ள அனைத்து வீடுகளிலும் தேசியக் கொடியை ஏற்றி சுதந்திரதின விழாவை கொண்டாட தமிழக அரசு அறிவுறுத்தியுள்ளது. இதேபோல், அரசு அலுவலகங்கள், பள்ளிகள், கல்லூரிகள், தனியார் நிறுவன கட்டடங்களின் முகப்பில் முழு மரியாதையுடன் தேசியக் கொடி ஏற்ற வேண்டும் என்றும் அறிவுறுத்தப்பட்டுள்ளது. 

தேசியக் கொடி ஏற்ற தயாராகும் மக்கள்

இதற்கான ஏற்பாடுகள் சிறப்பாக செய்யப்பட்டுள்ள நிலையில்,  தமிழகம் முழுவதும் இன்று முதல் 3 நாட்கள் அனைத்து வீடுகளிலும் தேசியக் கொடியை ஏற்றி சுதந்திர தின விழாவை கொண்டாட பொதுமக்கள் தயாராகி வருகின்றனர்.

தேசியக் கொடி ஏற்றிய நடிகர் ரஜினிகாந்த்

இதனிடையே, ஒருநாள் முன்பாகவே சென்னையில் உள்ள தனது போயஸ் கார்டன் இல்லத்தில், நடிகர் ரஜினிகாந்த்  தேசிய கொடியை ஏற்றி உள்ளார். இதன்மூலம், அனைவருக்கும் முன்னுதாரணமாக அவர் தேசப்பற்றை வெளிப்படுத்தியுள்ளார்.

எவ்வித சாதிய பாகுபாடுகள் இன்றி சுதந்திர தின விழா கொண்டாடப்படுவதை மாவட்ட ஆட்சியர்கள் உறுதி செய்ய வேண்டும் என தலைமை செயலாளர் இறையன்பு உத்தரவு.

75-ஆவது சுதந்திர தின விழா..! 

நாடு சுதந்திரம் அடைந்து 75 ஆண்டுகள் நிறைவிடைவதை ஒட்டி இந்த ஆண்டு ஆகஸ்ட் 15 ஆம் தேதி நாட்டின் 75-ஆவது சுதந்திர தின அமுத பெருவிழா கொண்டாப்பட உள்ளது. இதற்காக நாட்டில் உள்ள அரசு அலுவலகங்கள், தனியார் நிறுவனங்கள், வீடுகள் உள்பட அனைத்து இடங்களிலும் தேசியக்கொடியை ஏற்றவேண்டும் என மத்திய அரசு கேட்டுக்கொண்டுள்ளது.

நமது மரபு:

மாவட்ட ஆட்சியாளர்களுக்கு தலைமைச் செயலாளர் இறையன்பு எழுதியுள்ள கடிதத்தில், சுதந்திர தினத்தில் சென்னை தலைமைச்செயலகம் முதற்கொண்டு கிராம ஊராட்சிகள் வரை அனைத்து தலைமை அலுவலக வளாகத்தில் மக்களால் தேர்ந்தெடுக்கப்பட்ட தலைவர்கள் தேசியக் கொடியை ஏற்றிவைப்பது மரபாகும் என குறிப்பிட்டுள்ளார்.

மேலும் படிக்க: வீட்டுச் சுற்றுச்சுவரை தேசியக்கொடியாக்கிய முன்னாள் இராணுவ வீரர் !!

குற்றம்:

ஒரு சில கிராம ஊராட்சிகளில், சாதியப் பாகுபாடுகள் காரணமாக தேசியக் கொடியை ஏற்றுவதில் பிரச்னைகளோ, தேசியக் கொடியையும், அதனை ஏற்றுபவரையும் அவமதிக்கும் செயலோ நடைபெறக்கூடும் என தகவல்கள் பெறப்பட்டுள்ளதாக தெரிவித்துள்ள அவர், இந்திய அரசியலமைப்பு சட்டம் பிரிவு 17இன் படி தீண்டாமையில் ஈடுபடுவது தண்டைக்குரிய குற்றம் என்றும் எஸ்சி, எஸ்டி வன்கொடுமைகள் தடுப்புச்சட்டப்படி, பட்டியலின மற்றும் பழங்குடியைச் சேர்ந்த மக்கள் பிரதிநிதிகள்,  அலுவலர்கள் என எவரையும் பணி செய்யவிடாமல் தடுப்பதோ, அச்சுறுத்துவதோ தண்டனைக்குரிய குற்றம் என்றும் அவர் குறிப்பிட்டுள்ளார்.

சாதியப் பாகுபாடின்றி கொடியேற்றம்:

இதனை கருத்தில் கொண்டு, வரும் 75வது சுதந்திர தின அமுதப் பெருவிழாவில், எவ்வித சாதியப் பாகுபாடின்றி மக்களால் தேர்ந்தெடுக்கப்பட்ட தலைவர்களைக் கொண்டு, அரசு அலுவலகங்களில் தேசியக் கொடி ஏற்றுவதை மாவட்ட ஆட்சியர்கள் உறுதி செய்ய வேண்டும் என இறையன்பு உத்தரவிட்டுள்ளார்.

மேலும் படிக்க: பதவி உயர்வு வழங்குவதில் முறைகேடு நடப்பதாக புகார் : தலைமைச் செயலாளர் முக்கிய உத்தரவு !!

கிராமசபைக் கூட்டம்:

அதேபோல், அனைத்து கிராம ஊராட்சிகளிலும் சுதந்திர தினத்தன்று நடைபெறும் கிராம சபைக் கூட்டத்திலும், எவ்வித சாதியப்பாகுபாடின்றி மக்களால் தேர்ந்தெடுக்கப்பட்ட தலைவர்கள் மற்றும் பிரதிநிதிகள், பொதுமக்கள் போன்றோர் கலந்து கொள்வதை உறுதி செய்ய வேண்டும் என்றும் அந்த கடிதத்தில் கூறப்பட்டுள்ளது.

இதனை செயல்படுத்துவதில் ஏதேனும் பிரச்னைகள் இருப்பின், காவல் துறையின் பாதுகாப்பை உறுதிப்படுத்தவும் அனைத்து மாவட்ட ஆட்சியர்களுக்கு தலைமை செயலாளர் இறையன்பு உத்தரவிட்டுள்ளார்.

வேலூர் ஆட்சியர் அலுவலகத்தில் 75 - வது சுதந்திர தினத்தை முன்னிட்டு, சுதந்திர போராட்ட தியாகிகளின் வாரிசுகளிடம் மாவட்ட ஆட்சியர் குறைகளை கேட்டறிந்து அவர்களுக்கு தேசிய கொடியினை வழங்கினார். 

வேலூர் மாவட்டம், சத்துவாச்சாரியில் உள்ள மாவட்ட ஆட்சியர் அலுவலகத்தின் காயிதே மில்லத் அரங்கில் மாவட்ட ஆட்சியர் குமாரவேல் பாண்டியன் தலைமையில் 75 - வது சுதந்திர தின விழாவை முன்னிட்டு, சுதந்திர போராட்ட தியாகிகளின் வாரிசுகளிடம் குறைகள் கேட்கும் கூட்டம் நடைபெற்றது. இதில் மாவட்ட வருவாய் அலுவலர் ராமமூர்த்தி,மாவட்ட காவல் கண்காணிப்பாளர் ராஜேஷ் கண்ணா மற்றும் சுதந்திர போராட்ட தியாகிகளின் வாரிசுகள் பங்கேற்றனர்.

 இதில் சுதந்திர போராட்ட தியாகிகளின் வாரிசுகளை, இந்த 75 - வது சுதந்திர தின பெருவிழாவை முன்னிட்டு அவர்களின் வீடுகளுக்கே சென்று கௌரவிப்பது என முடிவு செய்யப்பட்டது. இதில் மாவட்ட ஆட்சியர் சுதந்திர போராட்ட தியாகிகளின் வாரிசுகளுக்கு தேசிய கொடியினை வழங்கினார். பின்னர் ஆட்சியர் குமாரவேல் பாண்டியன், முதலமைச்சர் அறிவுறுத்தலின் படி, இந்த தியாகிகளின் வாரிசுகள் குறைதீர்வு கூட்டம் நடக்கிறது. யாராவது விடுபட்டிருந்தால் அவர்களுக்கும் வரும் ஆண்டில் இருந்து சிறப்பு செய்யபடும். மாற்றுத்திறனாளிகளுக்கான குறைகள், கல்வியில் குறைகள், முன்னுரிமை பெறுதல், போன்ற பரிந்துரைகள் வேண்டுமென்றால் உதவி செய்வோம்.என்றும் தொழில் செய்ய தியாகிகளின் வாரிகளுக்கு கடன் அளித்து குறைகளை போக்குவோம் என்றும் பேசியுள்ளார். 

மலைகளின் இளவரசி என்று அழைக்கப்படும் கொடைக்கானல் பிரபலமான சுற்றுலாத்தலமாகும்.நகரப் பகுதி மற்றும் கிராம பகுதிகளில் சுற்றுலா பயணிகள் மனதை கவர்வதற்காக நிறைய இடங்கள் இருந்தாலும்... கொடைக்கானல் மலைப்பகுதி கிராமங்களில் சிறப்பாக விளங்குவது இங்கு இருக்கக்கூடிய மலை கிராம விவசாயம் தான்.

நெல்லுக்கு முக்கிய பங்கு

தரைத்தலங்களை போன்று அல்லாது மலைப் பகுதியில் விவசாயம் அடுக்கு விவசாய பகுதிகளாகவே இருக்கும்.இந்த விவசாய நிலங்களில் மலை காய்கறிகளான உருளைக்கிழங்கு , கேரட் , பீன்ஸ் வெள்ளைப்பூண்டு விவசாயம் இங்கு பிரசித்தி பெற்ற விவசாயமாக இருந்து வருகிறது.மலைப் பகுதியில் விளையக்கூடிய காய்கறிகளுக்கு எப்போதுமே தனி மவுசும் பல இடங்களில் உண்டு. இதனை ஆங்கில காய்கறிகள் என்றும் கூட அழைப்பார்கள். தமிழர்களுக்கு என்று தனி பெருமையாக இருக்கக்கூடியதில் நெல் முக்கிய பங்கு வகித்து வருகிறது.ஆனால் மலை பகுதியில் இதுவரை நெல் விவசாயம் பெரிய அளவில் செய்யப்படுவதில்லை.மலை நெல் விவசாயமும் அழிந்துவிட்டது. கொடைக்கானலில் இருந்து சுமார் 40 கிலோ மீட்டர் தூரத்தில் அமைந்திருப்பது தான் பூண்டி என்ற கிராமம் இயற்கை எழில் கொஞ்சும் இந்த கிராமத்தில் இயற்கை விவசாயத்திற்கு பஞ்சமே இருக்காது.

நெல் விவசாயம் தரைத்தளங்களில் மட்டும் இருந்து வரக்கூடிய இந்த காலகட்டத்தில்.  மலை பகுதியில் மறைந்த போன இந்த மலை நெல் விவசாயத்தை தொடர்ந்து செய்து வருகிறது பாரம்பரிய குடும்பம்.மலைப்பாங்கான விவசாய நிலத்தில் நெல் மணிகளை பயிரிட்டு பத்து மாதங்கள் அதனை பாதுகாத்து தற்போது அறுவடைக்கும் தயாராகி வருகிறது.தரைதலங்களில் இருக்கக்கூடிய நெற்பயிர்களுக்கும் மழை பகுதியில் தற்போது விளையக்கூடிய இந்த நெற்பயிர்களுக்கும் நிறைய வித்தியாசங்கள் இருந்து வருவதாக கூறப்படுகிறது.

பாரம்பாரியத்தை காப்பாற்றும் குடும்பம்

தரை தளங்களில் இருக்கக்கூடிய நெற்பயிர்கள் மூன்று மாதங்களில் அறுவடைக்கு தயாராகும். ஆனால் மலைப் பகுதியில் விளையக்கூடிய இந்த நெற்பயிர்கள் 10 மாதங்களுக்கு பிறகு தான் அறுவடைக்கு தயாராகிறது விற்பனைக்காக செய்ய முடியாத நிலை இருந்தாலும் பாரம்பரியம் விட்டுப் போகக்கூடாது. என்பதற்காக ஒவ்வொரு ஆண்டும் இந்த விவசாயத்தை மேற்கொண்டு தற்போது கடந்த ஏழு ஆண்டுகளாக தொடர்ந்து செய்து வருகிறார்கள். எந்தப் பகுதியிலும் விளையாத கருங்குருவை, செங்குருவை ஆகிய இரண்டு வகையான நெற்பயிர்கள் இங்கு பயிரிடப்பட்டு இருக்கிறது.

முதலில் சுப்பிரமணி என்ற முதியவர் குடும்பத்தினருடன் சேர்ந்து இந்த நெர் பயிர்களை பயிரிட்டு இருந்தார். இந்த ஆண்டு இந்த நெற்பயிர்களை அறுவடை செய்வதற்காக ஏழு விவசாயிகள் தயாராக இருக்கிறார்கள் அழிந்துபோன வகையான நெற்பயிர்களை ஊக்கப்படுத்த வேண்டும் என்ற ஒரு கோரிக்கையும் இருந்திருக்கிறது. இந்த மழையில் ஏழு அடி வரை வளரும். மேலும் இந்த கருங்குருவை செங்குருவை அரிசிகளுக்கு மேலும் ஒரு சிறப்பு இருப்பதாகவே கூறப்படுகிறது ஒரு முறை இந்த அரிசியை சாப்பிட்டால் மூன்று முறை சாப்பிடத் தேவையில்லை. அந்த அளவிற்கு உணவு சத்து இந்த அரசியில் இருப்பதாகவும் இவர்கள் கூறுகிறார்கள்.  குடும்பத்துடன் பாரம்பரியத்தை காப்பாற்றுவதற்காக நெல்மணிகளை விவசாயம் செய்து வருவது போன்று அழிந்து போன மலை நெல்லை மற்ற விவசாயிகளும் பயிரிட வேண்டும் மலை நெல்லை காப்பாற்றுவதற்காக அரசு முழு முயற்சி எடுக்க வேண்டும் என்றும் கோரிக்கை வைத்திருக்கிறார்கள்.

குற்றாலம் சாரல் திருவிழாவில் இன்று நூற்றாண்டுகளை கடந்த கார் கண்காட்சி -   சுற்றுலாத்துறை அமைச்சர் மதிவேந்தன் - மாவட்ட ஆட்சியர் ஆகாஷ் ஆகியோர் தொடங்கி வைத்தனர். 

தென்காசி மாவட்டம் குற்றாலத்தில் சாரல் திருவிழா கடந்த 5ம் தேதி தொடங்கி நடைபெற்று வருகிறது. நாள் தோறும் குற்றாலத்திற்கு வருகை தரும் சுற்றுலா பயணிகளை மகிழ்விக்க மலர் கண்காட்சி மற்றும் பழக்கண்காட்சி, நாய் கண்காட்சி, கோலப்போட்டி, கொழு கொழு குழந்தை போட்டி ஆணழகன் போட்டி உட்பட  பல்வேறு கிராமிய கலைநிகழ்ச்சிகள் நடைபெற்றது.  நிறைவு நாளான இன்று நூற்றாண்டுகளை கடந்த கார் கண்காட்சி நடைபெற்றது.  

இந்த கண்காட்சியில் 1956 - ம் ஆண்டு பயன்படுத்தப்பட்ட மார்கன், 1942-ம் ஆண்டு பயன்படுத்தப்பட்ட மோரஸ் 8, 1934-ம் ஆண்டு பயன்படுத்தப்பட்ட சார்ஜன் இண்டாள் 1947 - ம் ஆண்டு பயன்படுத்தப்பட்ட மினி மவுத், யாஸ், போர்டு ஜீப், 1944-ம் ஆண்டு பயன்படுத்தப்பட்ட டக் பேக், 1934-ம் ஆண்டு பயன்படுத்தப்பட்ட கேரவன் உட்பட 33 கார்கள்  கண்காட்சியில் இடம்பெற்றிருந்தன. அதனை தொடர்ந்து கார்களின் அணிவகுப்பு நடைபெற்றது. இந்த அணிவகுப்பினை மாவட்ட ஆட்சியர் ஆகாஷ், சுற்றுலாத் துறை அமைச்சர் மதி வேந்தன் ஆகியோர் தொடங்கி வைத்தனர்.  

கார்களின் அணிவகுப்பு குற்றாலம் அண்ணா சிலை வழியாக காசிமேஜர்புரம், ராமலயம் வழியாக மீண்டும் புறப்பட்ட இடத்தை வந்தடைந்தது. இந்த விழாவில் மாவட்ட வருவாய் அலுவலர் ஜெய்னுலாப்தீன், வட்டார போக்குவரத்து அலுவலர்கள் ஆனந்த்,   ஆய்வாளர் கண்ணன்,  தி.மு.க மாவட்ட செயலாளர் சிவபத்மநாதன், ஒன்றிய செயலாளர்கள்  அழகுசுந்தரம், அன்பழகன், வார்டு செயலாளர் சுரேஷ் , பேரூர் கழக செயலாளர்  குட்டி, மற்றும் அரசுத்துறை அதிகாரிகள், சுற்றுலா பயணிகள் உட்பட பலர் கலந்து கொண்டு நூற்றாண்டுகளை கடந்த கார்களை பார்த்து ரசித்து மகிழ்ந்தனர்.