காவல்துறை விளக்கம்: அரும்பாக்கம் தனியார் வங்கி கொள்ளை வழக்கில் கொள்ளையர்களிடம் இருந்து எங்கெங்கு, எவ்வளவு நகைகள் மீட்கப்பட்டது என்பது குறித்து காவல்துறை விளக்கம் அளித்துள்ளது.

தனியார் வங்கி கொள்ளை: கடந்த 13 ஆம் தேதி கொள்ளை அரங்கேறிய நிலையில் 15 ஆம் தேதி கோயம்பேடு  பேருந்து நிலையத்தில் வைத்து கொள்ளையன் சந்தோஷிடம் இருந்து 15.951 கிலோ கிராம் தங்க நகைகளும், பாலாஜியிடம் இருந்து 63 கிராம் பிரேஸ்லெட் பறிமுதல் செய்ய்பட்டதாக காவல்துறை தெரிவித்திருக்கிறது.

தேதி வாரியாக நகைகள் ஒப்படைப்பு: 

அ) 17 ஆம் தேதி ஆய்வாளர் அமல்ராஜிடம் பறிமுதல் செய்யப்பட்ட 3.590 கிலோ கிராம் நகைகள் அண்ணாநகர் காவல்நிலையத்தில் ஒப்படைக்கப்பட்டதாக கூறப்பட்டுள்ளது

ஆ) 18 ஆம் தேதி சூரியாவிடம் இருந்து  8.827 கிலோ கிராமும், செந்தில் குமரனிடம் இருந்து கோயம்பேடு பேருந்து நிலையத்தில் வைத்து 80 கிராமும், முக்கிய குற்றவாளியான முருகனிடம் இருந்து 373 கிராம் தங்கமும் பறிமுதல் செய்யப்பட்டதாக தெரிவிக்கப்பட்டுள்ளது.

இ) மேலும் கொள்ளையன் சந்தோஷின் உறவினர் வீட்டில் 2.656  கிலோ கிராம் தங்கமும், 

ஈ) 19 ஆம் தேதி வில்லிவாக்கத்தில் உள்ள பாலாஜி வீட்டில்100 கிராம் தங்கமும், 

உ) கோவையைச் சேர்ந்த நகைக்கடை உரிமையாளரின் மருமகன் ஸ்ரீவத்சவாவிடம் இருந்து 63 கிராம் நகைகளும் என மொத்தம் 31.700 கிலோ தங்க நகைகள் மீட்கப்பட்டதாக காவல்துறை தெரிவித்திருக்கிறது.

கள்ளக்குறிச்சி மாவட்டம் சங்கராபுரம் அருகே உள்ள தியாகராஜபுரம் பஜனை கோவில் தெருவை சேர்ந்தவர் முருகன். அவர் மனைவி மீனாட்சி. இவர்கள் இருவரும் தொடர்ந்து கள்ளச்சாராயம் வியாபாரத்தில் ஈடுபட்டு வந்ததாகத் தகவல்கள் கூறுகின்றன.

மேலும் படிக்க: விழுப்புரம் : பாக்கெட் சாராய விற்பனையில் ஈடுபட்ட 6 பேர் கைது...!

இதனைத் தொடர்ந்து, சக்கராபுரம் காவல் துறையினருக்கு ரகசிய தகவல் கிடைத்துள்ளது.  தகவல் கிடைத்ததன் பெயரில், சங்கராபுரம் காவல் ஆய்வாளர் பாண்டியன் தலைமையில் காவலர்கள் சோதனை நடத்தினர். கள்ளச்சாராய வியாபாரிகளான ம்ுருகன் மற்றும் மீனாட்சி வீட்டில் சோதனை நடத்தியதில், அவர் வீட்டில், கிட்டத்தட்ட 200 பாக்கெட்டுகள் மது, மொத்தம் இரண்டு மூட்டைகளில் பதுக்கி வைக்கப்பட்டிருந்தது கண்டுபிடிக்கப்பட்டது. அவற்றைப் பறிமுதல் செய்து, சாலையில் ஒரு கல்லை வைத்து, அதில், மது பாக்கெட்டுகளை சிதற தேங்காய் போல உடைத்து அங்கேயே அழித்தனர்.

மேலும் படிக்க: கிணத்துல குதிச்சி செத்துட்டேன் : போதை ஆசாமி அக்கப்போர் !!

ஆனால், சோதனை செய்வது குறித்த தகவல் அறிந்ததாலோ என்னவோ, முருகன் மற்றும் மீனாட்சி சம்பவ இடத்தில் இருந்து தப்பி ஓடி விட்டனர். இதனால், தொடர்ந்து கள்ளச்சாராயம்  வியாபாரத்தில் ஈடுபட்டு வந்த அந்த தம்பதியினரை, காவல் துறையினர் வலை வீசி தேடி வருகின்றனர். இது தொடர்பாக வழக்கு பதிவு செய்யப்பட்டதை அடுத்து, இந்த தம்பதியினர் பல ஆண்டுகளாகவே கள்ளச்சாராய வியாபார்த்தில் ஈடுப்பட்டிருப்பது தெரிய வந்துள்ளது என அதிகாரிகள் தெரிவித்துள்ளனர்.

பாவனி ஆற்றில் ஏற்பட்ட வெள்ள பெருக்கால், கொடிவேரி அணையில் இரண்டரை கோடியில் அமைக்கப்பட்ட கான்கிரீட் தளம், வெள்ள நீரில் அடித்துச் செல்லப்பட்டுள்ளது.

கொடிவேரி அணை:

ஈரோடு மாவட்டம், கோபிசெட்டிபாளையம் அருகே, பவானி ஆற்றின் குறுக்கே கொடிவேரி அணை கட்டப்பட்டுள்ளது. இந்த அணையில் அருவி போல் தண்ணீர் கொட்டுவதால் விடுமுறை மற்றும் பண்டிகை காலங்களில், நாள்தோறும் ஏராளமான சுற்றுலா பயணிகள் குடும்பத்துடன் கொடிவேரி அணைக்கு வருவது வழக்கம். இந்நிலையில், சுற்றுலா வளர்ச்சி துறை சார்பில், 2 கோடியே 65 லட்ச ரூபாய் மதிப்பில், அணையின் கீழ் பகுதியில் சுமார் 100 மீட்டர் சுற்றளவில் கான்கிரீட் தளம் அமைக்கப்பட்டு, அதில் சுற்றுலாப் பயணிகள் பாதுகாப்பாக குளிக்கும் வகையில், தடுப்பு கம்பிகள் அமைக்கப்பட்டன.

அடித்துச்செல்லப்பட்ட கான்கீரிட் தளம்:

கடந்த 2021ஆம் ஆண்டு, அமைக்கப்பட்ட இந்த கான்கிரீட் தளத்தால், சுற்றுலா பயணிகள் தைரியமாக அணையில் குளித்து மகிழ்ந்தனர். இந்நிலையில் கடந்த சில நாட்களுக்கு முன்னர், பவானிசாகர் அணையின் நீர்பிடிப்பு பகுதிகளில் பெய்த கனமழை காரணமாக, அணையில் இருந்து 25 ஆயிரம் கன அடி உபரி நீர் வெளியேற்றப்பட்டது. இதில் கொடிவேரி அணையில் அமைக்கப்பட்ட கான்கிரீட் தளம் முற்றிலுமாக அடித்துச் செல்லப்பட்டுள்ளது.

சமூக ஆர்வலர்கள் கோரிக்கை:

இதனால் கொடிவேரி அணையில் ஆங்காங்கே உடைந்த கான்கிரீட் துண்டுகளும், கம்பிகளும் இருப்பதால் சுற்றுலா பயணிகள் அவதிக்குள்ளாகியுள்ளனர். இரண்டரை கோடி மதிப்பீட்டில் அமைக்கப்பட்ட கான்கிரீட் தளம், வெள்ளத்தில் அடித்துச் செல்லப்பட்டது, சுற்றுலா பயணிகள் மற்றும் சமூக ஆர்வலர்களிடையே அதிர்ச்சியை ஏற்படுத்தி உள்ளது. மேலும், அப்பகுதியில் தரமான கான்கீரிட் தளம் அமைக்க வேண்டும் என்ற கோரிக்கையும் எழுந்துள்ளது.

எதிர்க்கட்சி தலைவர் எடப்பாடி பழனிசாமி, நெடுஞ்சாலை துறை டெண்டர்களில் முறைகேடு செய்ததற்கான ஆதாரங்கள் இருப்பதாக, அறப்போர் இயக்கம் சார்பில் சென்னை உயர் நீதிமன்றத்தில் தெரிவிக்கப்பட்டுள்ளது.

ஈபிஎஸ்க்கு எதிராக வழக்கு:

கடந்த 2016 முதல் 21ம் ஆண்டுகளில், அதிமுக ஆட்சியில் தஞ்சாவூர், சிவகங்கை, கோவை மாவட்டங்களின் நெடுஞ்சாலை டெண்டர் ஒதுக்கீட்டில், அரசுக்கு 692 கோடி ரூபாய் இழப்பு ஏற்படுத்தி முறைகேடு செய்துள்ளதாக எடப்பாடி பழனிசாமிக்கு எதிராக, 
அறப்போர் இயக்கத்தின் சார்பில் கடந்த ஜூலை 22 ஆம் தேதி  புகார் அளித்தது. பின்னர், இது தொடர்பாக வெளியான செய்தியை அறப்போர் இயக்கம் சமூக வலைதளங்களில் வெளியிட்டு இருந்தது.

மானநஷ்ட வழக்கு:

அறப்போர் இயக்கத்தின் சார்பில் தொடரப்பட்ட இந்த புகா,ர் தனக்கு அவப்பெயர் ஏற்படுத்தியதுடன், மன உளைச்சலும் ஏற்படுத்தியுள்ளதாக கூறி, மான நஷ்ட ஈடாக ஒரு கோடியே 10 லட்சம் கேட்டு அறப்போர் இயக்கம் மீது எடப்பாடி பழனிசாமி வழக்கு தாக்கல் செய்திருந்தார்.

பதில் மனு தாக்கல்:

எடப்பாடி தொடர்ந்த மான நஷ்ட வழக்குக்கு,  அறப்போர் இயக்கம் சார்பில் இன்று  பதில் மனுத்தாக்கல் செய்யப்பட்டுள்ளது. அதில், விதிமுறைகளை பின்பற்றாமல் டெண்டர் வழங்கப்பட்டதால் அரசுக்கு இழப்பு ஏற்பட்டதற்கான ஆதாரங்கள் உள்ளதாக தெரிவிக்கப்பட்டுள்ளது.  மேலும், ஊழல் மற்றும் முறைகேடு நடந்துள்ளதாக லஞ்ச ஒழிப்பு துறையிடம் அளிக்கப்பட்ட புகாரை  சமூக வலைதளங்களில் வெளியிட்டது அவதூறு இல்லை எனவும் அறப்போர் இயக்கத்தின் பதில் மனுவில் கூறப்பட்டுள்ளது. அதேபோன்று, டெண்டர்கள் ஒதுக்கப்பட்டதில் ஒரு தரப்பினருக்கு சாதகமாக செயல்பட்டுள்ளதாகவும் பதில் மனுவில் குற்றம்சாட்டப்பட்டுள்ளது. மேலும் எடப்பாடி பழனிசாமி மீதான குற்றச்சாட்டுக்கு தகுந்த ஆதாரங்கள் உள்ளதால், மான நஷ்ட ஈடுக்கோரிய வழக்கை தள்ளுபடி செய்ய வேண்டுமெனவும் அறப்போர் இயக்கத்தின் பதில் மனுவில் குறிப்பிடப்பட்டுள்ளது. இந்நிலையில் இந்த வழக்கு வரும் 23ஆம் தேதி சென்னை உயர் நீதிமன்றத்தில் விசாரணைக்கு எடுத்து  கொள்ளப்படும் என்று எதிர்பார்க்கப்படுகிறது.

சென்னை பச்சையப்பன் கல்லூரியில் சாதியை வைத்து மாணவர்களை மதிப்பிடும் தமிழ்த்துறைத் தலைவரின் ஆடியோ வெளியாகி சர்ச்சையை ஏற்படுத்தியுள்ளது.

கல்லூரி  தமிழ்துறைத் தலைவரின் ஆடியோ:

சென்னை பச்சையப்பன் கல்லூரியில் தமிழ்துறைத் தலைவராக பணியாற்றி வருபவர் அனுராதா. இவர் தனது கல்லூரி மாணவர் ஒருவரிடம், சாதிய பாகுபாட்டுடன் பேசும் ஆடியோ ஒன்று வெளியாகியுள்ளது. முகத்தைப் பார்த்தாலே BC, MBC-யா என கண்டுபிடித்து விடுவேன் எனக்கூறி, பேசிக் கொண்டிருக்கும் மாணவனின் சாதியையும் நைசாகக் கேட்கும் அவர், தொடர்ந்து மற்றவர்களின் சாதியைக் கேட்டவாறே இருந்தார். இந்த வீடியோ சமூக வலைதளங்களில் வைரலாகி வருகிறது. 

விசாரணை:

இந்நிலையில் இதுதொடர்பாக கல்லூரி நிர்வாகம் விசாரணைக்கு அழைத்தபோது, அவர் ஒத்துழைக்கவில்லை எனவும் கூறப்படுகிறது.  இதனிடையே விசாரணையில், கடந்த ஆண்டும் இதேபோல் சாதிப் பாகுபாட்டுடன் பேசிய சர்ச்சையில், காஞ்சிபுரத்தில் உள்ள பச்சையப்பா கல்லூரிக்கு  அனுராதா பணிமாற்றம் செய்யப்பட்டதும் தெரிய வந்துள்ளது. இதனைத் தொடர்ந்து நீதிமன்றத்தில் இந்த உத்தரவுக்கு தடைபெற்று மீண்டும் சென்னை பச்சையப்பன் கல்லூரிக்கே அனுராதா மாற்றப்பட்ட தகவலும் வெளியாகியுள்ளது. 

நீ என்ன கம்யூனிட்டின்னே எனக்கு தெரியாது! ஆமா என்ன ஆளுக??...