சென்னை மெரினாவில் எம்ஜிஆர் ஜெயலலிதா நினைவிடத்தில்  மரியாதை செலுத்திய பிறகு  செய்தியாளர்களை சந்தித்த அவர் கூறுகையில்

தேர்தலை பொறுத்தவரை அதிமுகவின் சட்டதிட்டங்கள் படி தான் நடைபெற்றது இதில் எந்த ஒரு விதிமீறலும் இல்லை. எனவே எங்கள் கருத்துகளை நீதிமன்றத்தில் கூற நாங்கள் தயாராக உள்ளோம் என்றார்.

ஜனநாயக ரீதியாக எங்கள் உள்கட்சி தேர்தல் நடைபெற்றது.  இது சிலரின் கண்களுக்கு  உறுத்துல், சிலருக்கு தூக்கம் இல்லை என்றும், தவறுகள் ஏதேனும் நடக்குமா என்று எதிர்பார்த்தவர்களுக்கு ஒரு பெரிய ஏமாற்றம் அதனால் தான் நீதிமன்றம் சென்றுள்ளார்கள் நாங்கள் அதை எதிர்கொள்வோம் என கூறினார்.

தொடர்ந்து பேசிய அவர், சசிகலாவின் நீலி கண்ணீர் அதிமுக தொண்டர்களிடம் எடுபடாது எனவும் ஜெயக்குமார்  திட்டவட்டமாக கூறினார்.

சிவகங்கை மாவட்டம் காரைக்குடி 100 அடி சாலையில் அரசு மதுபானக்கடை அமைந்துள்ளது. இந்த மதுக்கடையில் எப்பொதும் கூட்டம் அதிகாமாக இருப்பதாக சொல்லப்படுகிறது. மதுக்கடைக்கு அருகே மதுக்கூடம் இருப்பதும் மதுப்பிரியர்களுக்கு சாதகமாகவே அமைந்ததுள்ளது. அப்படி கடைக்கு வரும் மதுப்பிரியர்கள் வாகனத்தை அங்கேயே நிறுத்திவிட்டு சாவகாசமாக அமர்ந்து மதுகுடித்து செல்வதை வழக்கமாக கொண்டுள்ளனர்.

இந்நிலையில் கடந்த இரண்டு நாட்களுக்கு முன்பு அரசு மதுபான கடையில் மாலையில் மதுபான விற்பனையை  நடை பெற்று கொண்டிருந்தது. அப்போது கடைக்கு அழையா விருந்தாளியாக வந்த சாரைப்பாம்பு ஒன்று மதுபான அட்டைபெட்டிக்குள் புகுந்துள்ளது.

இதனை கவனிக்காத ஊழியர் மது பாட்டில் எடுப்பதற்காக அட்டை பெட்டியை திறந்துள்ளார். அப்போது உள்ளிருந்த சாரைப்பாம்பு சீறியதை கண்டு அதிர்ச்சியடைந்த ஊழியர்கள் தலைதெறிக்கக் கடையை விட்டு வெளியே ஓடினர். மதுக்கடை மற்றும் மதுக்கூடத்தில் இருந்த மதுப்பிரியர்களும் அங்கிருந்து ஓட்டம்பிடித்தனர்.

மேலும் இது தொடர்பாக தீயணைப்புத்துறையினருக்கு தகவல் அளிக்கப்பட்டது. தகவலின்பேரில் விரைந்து வந்த தீயணைப்புத்துறையினர் மதுபான கடைக்குள் புகுந்த பாம்பை அரை மணி நேர போராட்டத்திற்கு பின்னர் உயிருடன் பிடித்தனர். இச்சம்பவம் அப்பகுதியில் பரபரப்பை  ஏற்படுத்தியுள்ளாது.

கொரோனா பரவல் காரணமாக அதிமுக உள்கட்சி தேர்தல் நடத்தப்படாமல் தள்ளிப்போன நிலையில், வரும் 13 முதல் 23ஆம் தேதி வரை அதிமுக உட்கட்சி நடைபெற உள்ளது. ஒருங்கிணைப்பாளர், இணை ஒருங்கிணைப்பாளர் பதவிக்கான தேர்தல் நாளை நடைபெறும் என்று அறிவிக்கப்பட்டு, அதற்கான வேட்புமனு தாக்கலும் நிறைவடைந்தது.

ஓ.பன்னீர்செல்வம், எடப்பாடி பழனிசாமி ஆகியோர், மீண்டும் ஒருங்கிணைப்பாளர் மற்றும் இணை ஒருங்கிணைப்பாளர் பதவிகளுக்கு விருப்ப மனு தாக்கல் செய்தனர். இந்த நிலையில், சென்னை ராயப்பேட்டையில் உள்ள அ.தி.மு.க. தலைமை அலுவலகமான எம்.ஜி.ஆர்.  மாளிகையில் வேட்புமனுக்கள் மீதான பரிசீலனை நேற்று நடைபெற்றது.

ஆனால், இருவரைத் தவிர வேறு யாரும் போட்டியிடாததால், தேர்தல் நடைபெறுவதற்கு வாய்ப்பு இல்லாமல் போனது. இந்த நிலையில், அ.தி.மு.க. ஒருங்கிணைப்பாளராக ஓ.பன்னீர்செல்வமும், இணை ஒருங்கிணைப்பாளராக எடப்பாடி பழனிசாமியும் மீண்டும் தேர்வு செய்யப்பட்டுள்ளதாக, அதிமுக அமைப்புச் செயலாளர் பொன்னையன் அறிவித்தார். 

பரபரப்பான அரசியல் சூழலுக்கு இடையே, ஒ.பன்னீர்செல்வம் மற்றும் எடப்பாடி பழனிசாமி ஆகியோர் மீண்டும் ஒருங்கிணைப்பாளர்களாக தேர்வானதால், கட்சி அலுவலகத்தில் அவர்களது ஆதரவாளர்கள் கொண்டாட்டத்தில் ஈடுபட்டுள்ளனர். 

நாகாலாந்து படுகொலைகள் தொடர்பாக சீமான் வெளியிட்டுள்ள அறிக்கை: நாகலாந்து மாநிலத்தில் பழங்குடி இனத்தைச் சேர்ந்த அப்பாவி பொது மக்களில் 19 பேர் இந்திய இராணுவத்தினரால் சுட்டுப்படுகொலை செய்யப்பட்டிருப்பது பேரதிர்ச்சி தருகிறது. நாடு முழுக்கப் பெரும் கொதிநிலையையும், கடும் எதிர்ப்பையும் உருவாக்கியிருக்கும் இச்சம்பவத்தின் மூலம் நாட்டுமக்களின் பாதுகாப்பும்,மக்களாட்சித் தத்துவமும் முழுமையாகக் கேள்விக்குள்ளாகியிருக்கிறது.

இது மக்களுக்கான நாடா? மக்களைக் கொன்றொழிக்கும் சுடுகாடா? என உள்ளச்சீற்றம் ஏற்படுகிறது. பழங்குடியினரைப் படுகொலை செய்துவிட்டு, பயங்கரவாதிகளென நினைத்துத் தவறுதலாகச் சுட்டுக்கொன்றுவிட்டோம் எனக்காரணம் கற்பிக்க முயலும் இந்திய இராணுவத்தினரின் செயல்பாடு மிக மிக இழிவானது.

அந்நிய ஆக்கிரமிப்புகளிலிருந்தும், தாக்குதல்களிலிருந்தும், இன்னபிற சிக்கல்களிலிருந்தும், இயற்கைச்சீற்றங்களிலிருந்தும் சொந்த நாட்டு மக்களைக் காப்பதற்காக உருவாக்கப்பட்ட இந்நாட்டு இராணுவம், இம்மண்ணின் மக்களையே, போற்றிக்கொண்டாட வேண்டிய ஆதித்தொல்குடிகளையே, காக்கை, குருவியைச் சுடுவது போலச் சுட்டுக்கொலை செய்தது கடும் கண்டனத்திற்குரியது. எதன்பொருட்டும், எத்தகையக் காரணத்தினாலும் இதுபோன்றப் பச்சைப்படுகொலைகளை, அரசப்பயங்கரவாதச்செயல்களை ஒருநாளும் ஏற்க முடியாது.

சொந்த நாட்டு மக்கள் மீதே இராணுவத்தினரால் ஏவப்பட்ட இத்தகைய அரச வன்முறையை, பயங்கரவாதத்தாக்குதலை வன்மையாக எதிர்க்கிறேன். இக்கோரச்சம்பவம் நாட்டையே உலுக்கியிருக்கும் கொடுஞ்சூழலிலும், இதுகுறித்து எவ்விதக் கருத்தும் தெரிவிக்காது, உயிரிழந்தவர்களின் குடும்பத்தினருக்கு ஆறுதலோ, கொலைசெய்த இராணுவ வீரர்களுக்குக் கண்டனமோ பதிவுசெய்யாது பிரதமர் நரேந்திரமோடி அமைதிகாப்பது வெட்கக்கேடானது. பாஜக அரசின் மக்கள் விரோதப் போக்கையும், அதிகாரத்திமிரில் செய்யும் அநீதிகளையும், அட்டூழியங்களையும் நாட்டு மக்கள் நீண்டகாலம் வேடிக்கைப் பார்த்துக் கொண்டிருக்க மாட்டார்கள்.

இவற்றிற்கான எதிர்வினையை, பதிலடியைக் கட்டாயம் ஜனநாயக முறையிலேயே திருப்பித்தருவார்கள் என அறுதியிட்டுக் கூறுகிறேன். ஆகவே, நாடு முழுக்க எழுந்திருக்கும் எதிர்ப்பலையையும், மக்களின் உணர்வுகளையும் இனிமேலாவது புரிந்துகொண்டு பழங்குடி மக்களைக் கொன்றொழித்த இராணுவ வீரர்களைக் கொலைவழக்கின் கீழ் கைதுசெய்து உடனடியாகச் சிறைப்படுத்த நடவடிக்கை எடுக்க வேண்டுமெனவும்,

கொலைசெய்யப்பட்ட பழங்குடி மக்களின் குடும்பத்தினருக்குத் தலா 10 கோடி ரூபாய் இழப்பீடு வழங்க வேண்டுமெனவும், அம்மண்ணை ஆக்கிரமித்திருக்கும் இராணுவத்தினரை உடனடியாகத் திரும்பப் பெறச் செய்ய வேண்டுமெனவும் ஒன்றிய அரசையும், நாகலாந்து மாநில அரசையும் வலியுறுத்துகிறேன் என சீமான் தெரிவித்துள்ளார்.

கன்னியாகுமரி மாவட்டம் மார்த்தாண்டம் அடுத்த குழித்துறை பகுதியை சேர்ந்தவர் சர்ஜின். டிக்டாக் ல் பிரபலம் அடைந்த இந்த வாலிபர் நேற்று மார்த்தாண்டபம் பகுதியில் உள்ள தனியார் மருத்துவமனையில் சிகிச்சைக்காக அனுமதிக்கப்பட்ட தனது நண்பர் காட்வின் என்பவரை சக நண்பரோடு பார்க்க சென்றுள்ளார். 

அப்போது அவர் உடலில் குளுக்கோஸ் செலுத்தப்பட்ட நிலையில் படுக்கையில் சோர்வாக இருப்பதை கண்டு சர்ஜின் அவரை மகிழ்விக்கும் விதமாக செல்போனில்

"மதுர குலுங்க குலுங்க நீ நையாண்டி பாட்டுப் பாடு"

"புழுதி பறக்க பறக்க நீ போடாத ஆட்டம் போது"

என்ற பாடல் வரிகளை ஒலிக்க செய்து நண்பருடன் இணைத்து குத்தாட்டம் போட்டு அதை வீடியோவாக பதிவு செய்து சமூக வலைதளங்களில் பதிவிட்டுள்ளார்.  தற்போது அந்த வீடியோ சமூக வலைதளங்களில் வைரலாகி வருகிறது.

நண்பரை மகிழ்விப்பதாக எண்ணி மருத்துவமனையில் இதுபோன்ற செயல்களில் ஈடுபடும் போது மருத்துவமனையில் இருதயம் சம்பந்தப்பட் பிற சிகிச்சைகளில் இருக்கும் நோயாளிகளுக்கு கடும் பாதிப்பை ஏற்படுத்தும் என சுட்டி காட்டும் சமூக ஆர்வலர்கள் இளைஞர்கள் மருத்துவமனை போன்ற இடங்களில் இதுபோன்ற செயல்களில் ஈடுபட வேண்டாம் என அறிவுறுத்துகின்றனர்