கன்னியாகுமரி மாவட்டம் ஆரல்வாய்மொழி பகுதியில் ஓணம் பண்டிகைக்காக அறுவடைக்கு தயார் நிலையில் பூக்கள் உள்ளன. இரண்டு ஆண்டு இடைவெளிக்கு பின்பு கேரளாவில் இந்த ஆண்டு திருவோண பண்டிகை விமரிசையாக கொண்டாடப்பட உள்ள நிலையில், சரிந்து போன தங்கள் பூ வியாபாரம் மீண்டும் செழிக்கும் என குமரி மாவட்ட பூ விவசாயிகள் நம்பிக்கையாக உள்ளனர்.

கன்னியாகுமரி மாவட்டம் தோவாளையில் அமைந்துள்ள மலர் சந்தை, தமிழ்நாடு மட்டுமல்லாது கேரளா மாநில அளவிலும் புகழ் பெற்றதாகும். ராயக்கோட்டை, ஓசூர், மதுரை, திண்டுக்கல் மற்றும் பெங்களூர் என பல பகுதிகளிலிருந்தும் உள்ளூர் பகுதிகளான குமாரபுரம், ஆரல்வாய்மொழி, செண்பகராமன்புதூர் உள்ளிட்ட இடங்களில் இருந்தும் தினந்தோறும் பூக்கள் கொண்டுவரப்பட்டு விற்பனை செய்யப்படுகிறது.

இந்நிலையில் வருகிற செப்டம்பர் 8ம் தேதி கேரள மாநிலத்தில் ஓணம் பண்டிகைகளில் மலையாளம் பேசும் மக்களால் மிக விமரிசையாக கொண்டாடப்படுகின்ற பண்டிகைகளில் ஒன்றான திருவோணம், சுமார் 10 நாட்கள் வரை கொண்டாடப்படுகிறது. மேலும், இந்த பத்து நாட்களில் வண்ண வண்ண மலர்களால் அத்தப்பூ எனப்படும் பூக்கோலமிடுவது வழக்கம்.  இந்த பத்து நாட்களில் சிறந்த அத்தப்பூ கோலம் இடுபவர்களுக்கு பரிசுப் பொருட்கள் வழங்கப்படுவதும் குறிப்பிடத்தக்கது.

இதனால் அங்கு வண்ண பூக்கள் அதிகமாக தேவைப்படுவதால் அவர்கள் கன்னியாகுமரி மாவட்டம் தோவளையில் இருக்கும் புகழ்பெற்ற மலர் சந்தைக்கு வந்து பூக்கள் வாங்கி செல்வார்கள். கடந்த இரண்டு வருடங்களாக கொரோனா பரவலால் கேரளாவில் ஓணம் பண்டிகை களையிழந்த நிலையில், தற்பொழுது கொரோனா கட்டுப்பாடுகள் நீக்கப்பட்டு ஓணம் பண்டிகை வெகு விமரிசையாக கொண்டாடப்பட உள்ளது.

இதன் காரணமாக தோவாளை செண்பகராமன் புதூர் போன்ற உள்ளூர் பகுதிகளில் கிரேந்தி, செவ்வந்தி, வாடாமல்லி, சம்பங்கி போன்ற பல வண்ண மலர்கள் பயிரிடப்பட்டுள்ளது. இந்த ஆண்டு திருவோணப்ண்டிகையை ஒட்டி, பூ வியாபாரம் மீண்டும் புத்துயிர் பெறும் என்ற நம்பிக்கையில் பூ விவசாயத்தில் ஈடுபட்டு வருவதாக விவசாயிகள் காத்திருப்பதாக தெரிவித்தனர்.

புதுக்கோட்டை மாவட்டம் ஆலங்குடி அருகே உள்ள நெடுவாசல் கிழக்கு கிராமத்தைச் சேர்ந்த ஆஸ்திரேலியா குமார் என்பவரது மூன்று குழந்தைகளுக்கும், இன்று நெடுவாசல் கிழக்கு சிவன் கோவிலில் காதணி விழா வெகு விமர்சையாக நடைபெற்றது.

இந்த விழாவிற்கு வந்த குழந்தைகள், தாய்மாமன்கள் நாட்டியக் குதிரைகள் நடனமாட அதன்மீது அமர்ந்தவாறு வந்தனர். மேலும், பாரம்பரிய கலைகளான மயிலாட்டம், கரகாட்டம், பொய்க்கால் குதிரை ஆட்டம் மற்றும் செண்டை மேளங்கள் என பலத்த ஆரவாரத்தோடு நடந்தது. பின்னர் 101 தட்டுகளில் தங்க நகைகள், பழங்கள், ஆடைகள் என பாரம்பரிய முறைப்படி சீர்வரிசைகளை சுமந்து, நெடுவாசல் கடைவீதியில் இருந்து கோவிலுக்கு ஊர்வலமாக வந்தனர். அவர்களை குடும்பத்தினர் உற்சாகமாக வரவேற்றனர்.   

மேலும், இந்த விழாவிற்கு இஸ்லாமிய மக்களும் சீர்வரிசைத் தட்டுகளை கொண்டு வந்து பங்கேற்றனர். அவர்களை நெடுவாசல் கிராம மக்கள் சந்தனமிட்டு வரவேற்று  மூண்டு குழந்தைகளுக்கும் காதணி அணிவிக்கும் நிகழ்ச்சி நடைபெற்றது. இதனையடுத்து விழாவிற்கு வந்திருந்த இஸ்லாமிய மக்கள் சீர்வரிசையாக நகைகளை குழ்நதைகளுக்கு அணிவித்து மகிழ்ந்தனர்.

இது குறித்து நெடுவாசல் சுற்றுவட்டார கிராம மக்கள், நாகரீகம் பெருகி உறவுகளை மறந்து வரும் காலத்திலும், தொண்மை மாறாமல் பாரம்பரிய முறைப்படி ஆட்டம் பாட்டத்துடன் செண்டை மேளங்கள் முழங்க சீர்வரிசை கொண்டு வரும் தாய்மாமன்களும், சாதி, மத பேதமின்றி இஸ்லாமியர்களும் சீர்வரிசைகளோடு இந்து விழாவில் கலந்து கொள்வதும் தங்கள் பகுதியின் அடையாளமாக நீடித்திருக்கின்றது என பெருமிதத்துடன் தெரிவித்து வருகின்றனர்.  

மாணவி மரணமும், கலவரமும்: கள்ளக்குறிச்சி மாவட்டம் கனியாமூர்  பள்ளி மாணவி மரண விவகாரத்தில் பெரும் கலவரம் வெடித்தது. இநத வன்முறையில் பள்ளி சூறையாடப்பட்டதுடன் பள்ளியின் பேருந்துகளுக்கு  தீவைப்பு சம்பவங்கள் அரங்கேறியது. 

கைது நடவடிக்கை: இது தொடர்பாக  அப்பகுதியைச் சேர்ந்த 500-க்கும் மேற்பட்டோரை  சிறப்பு புலனாய்வு போலீசார் கைது செய்து சிறையில்  அடைத்தனர். 

அப்பாவிகளும் கைது: இந்த நிலையில் கலவர வழக்கில்  அப்பாவிகளும் கைது செய்யப்பட்டுள்ளதால் அவர்களை அடையாளம் காணக் கோரியும், அவர்களுக்கு இழப்பீடு வழங்க அரசுக்கு உத்தரவிடக் கோரியும், மதுரையை சேர்ந்த வழக்கறிஞர் ரத்தினம் என்பவர் சென்னை உயர் நீதிமன்றத்தில் மனுத்தாக்கல் செய்துள்ளார்.

பிரிக்க வேண்டும்: மாணவி மரணம் தொடர்பான வழக்கில் கைது செய்யப்படு சேலம் சிறையில் அடைக்கப்பட்டுள்ள ஆசிரியை கிருத்திகாவை, அதே சிறையில் அடைக்கப்பட்டுள்ள பள்ளி செயலாளர் மிரட்டுவதாகவும், அதனால் அவரை உடனடியாக திருச்சி சிறைக்கு மாற்ற வேண்டுமெனவும் கோரிக்கை விடுத்துள்ளார். 

திங்கட்கிழமை விசாரணை: இந்த மனு, நீதிபதிகள் வைத்தியநாதன் மற்றும் ஜெகதீஷ் சந்திரா அமர்வில் வரும் திங்கள் கிழமை விசாரணைக்கு எடுத்து  கொள்ளப்படுகிறது.

கல்லூரி மாணவி தற்கொலை: நாமக்கல் மாவட்டம் மோகனூரை சேர்ந்த வேலுச்சாமியின் மகள் காயத்ரி  திருவாரூர் அரசு மருத்துவக் கல்லூரியில் ஐந்தாம் ஆண்டு படித்து வந்தார். மருத்துவக் கல்லூரி விடுதியில் தங்கி படித்த நிலையில்  நேற்று துக்கிட்டு தற்கொலை  செய்து கொண்டார்.

மன அழுத்தத்தால் தற்கொலை: இந்த சம்பவம் தொடர்பாக, போலீசார் வழக்குப் பதிவு செய்து விசாரணை நடத்தி வருகின்றனர். முன்னதாக  மாணவி காயத்ரி எழுதி வைத்திருந்த கடிதத்தை காவல்துறையினர் கைப்பற்றினர். அதில் மனஅழுத்தம் காரணமாக தற்கொலை செய்து கொண்டதாக குறிப்பிட்டிருந்தார்.  

வழக்கு சிபிசிஐடி வசம் ஒப்படைப்பு: எனினும் மாணவி மரணத்தில் சந்தேகம் இருப்பதாக பெற்றோர் குற்றம்சாட்டி வரும் நிலையில், வழக்கை  சிபிசிஐடிக்கு மாற்றி காவல்துறை டிஜிபி  சைலேந்திர பாபு உத்தரவிட்டுள்ளார். 

காவல்துறை விளக்கம்: அரும்பாக்கம் தனியார் வங்கி கொள்ளை வழக்கில் கொள்ளையர்களிடம் இருந்து எங்கெங்கு, எவ்வளவு நகைகள் மீட்கப்பட்டது என்பது குறித்து காவல்துறை விளக்கம் அளித்துள்ளது.

தனியார் வங்கி கொள்ளை: கடந்த 13 ஆம் தேதி கொள்ளை அரங்கேறிய நிலையில் 15 ஆம் தேதி கோயம்பேடு  பேருந்து நிலையத்தில் வைத்து கொள்ளையன் சந்தோஷிடம் இருந்து 15.951 கிலோ கிராம் தங்க நகைகளும், பாலாஜியிடம் இருந்து 63 கிராம் பிரேஸ்லெட் பறிமுதல் செய்ய்பட்டதாக காவல்துறை தெரிவித்திருக்கிறது.

தேதி வாரியாக நகைகள் ஒப்படைப்பு: 

அ) 17 ஆம் தேதி ஆய்வாளர் அமல்ராஜிடம் பறிமுதல் செய்யப்பட்ட 3.590 கிலோ கிராம் நகைகள் அண்ணாநகர் காவல்நிலையத்தில் ஒப்படைக்கப்பட்டதாக கூறப்பட்டுள்ளது

ஆ) 18 ஆம் தேதி சூரியாவிடம் இருந்து  8.827 கிலோ கிராமும், செந்தில் குமரனிடம் இருந்து கோயம்பேடு பேருந்து நிலையத்தில் வைத்து 80 கிராமும், முக்கிய குற்றவாளியான முருகனிடம் இருந்து 373 கிராம் தங்கமும் பறிமுதல் செய்யப்பட்டதாக தெரிவிக்கப்பட்டுள்ளது.

இ) மேலும் கொள்ளையன் சந்தோஷின் உறவினர் வீட்டில் 2.656  கிலோ கிராம் தங்கமும், 

ஈ) 19 ஆம் தேதி வில்லிவாக்கத்தில் உள்ள பாலாஜி வீட்டில்100 கிராம் தங்கமும், 

உ) கோவையைச் சேர்ந்த நகைக்கடை உரிமையாளரின் மருமகன் ஸ்ரீவத்சவாவிடம் இருந்து 63 கிராம் நகைகளும் என மொத்தம் 31.700 கிலோ தங்க நகைகள் மீட்கப்பட்டதாக காவல்துறை தெரிவித்திருக்கிறது.