அரசு கலை அறிவியல் கல்லூரிகளில் அடுத்த ஆண்டு முதல் புதிய பாடத்திட்டம் நடைமுறைக்கு வரும் என உயர்கல்வித்துறை அமைச்சர் பொன்முடி தெரிவித்துள்ளார். 

ஆய்வுக்கூட்டம்:

சென்னை கிண்டியில் உள்ள அண்ணா பல்கலைக்கழக தொலைதூர கல்வி மையம் அரங்கத்தில் அண்ணா பல்கலைக்கழக தொழில்நுட்ப கல்வி இயக்கம் மற்றும் அண்ணா பல்கலைக்கழகம் குறித்த ஆய்வு கூட்டம், உயர்கல்வித்துறை அமைச்சர் பொன்முடி தலைமையில் நடைபெற்றது. இதில் அனைத்து அரசு கலைக் கல்லூரிகள் மற்றும் அரசு பொறியாளர்கள் அரசு துணைவேந்தர்கள் ஆகியோர் கலந்து கொண்டனர்.

பல்வேறு விஷயங்கள் குறித்து ஆய்வு:

பின்னர் சென்னை கிண்டியில் செய்தியாளர்களிடம் பேசிய பொன்முடி, அண்ணா பல்கலைக்கழகத்தை சார்ந்த பொறியில் மற்றும் பாலிடெக்னிக் கல்லூரிகளில் உள்ள பாடத்திட்டங்கள் மற்றும் வேலை வாய்ப்பு குறித்து ஆய்வு செய்யப்பட்டதாகவும், வேலை வாய்ப்புகளுக்கு என்னென்ன புதியதாக செயல்பாடுகளை செய்ய வேண்டும் என்ற விஷயங்களை குறித்தும் கூட்டத்தில் பேசப்பட்டதாக தெரிவித்தார். 

இதையும் படிக்க: திராவிட தலைவர் என்றால் அது...  அதிமுக கட்சியே...அமைச்சர் பகீர்!

அதிகரித்தது மாணவர் சேர்க்கை:

இந்த ஆண்டு அரசு பொறியியல் கல்லூரிகளிலும் பாலிடெக்னிக் கல்லூரிகளும் மாணவர் சேர்க்கை என்பது அதிகரித்து உள்ளது. மேலும், தொழில்துறையையும் உயர்கல்வித்துறையையும் ஒருங்கிணைத்து நான் முதல்வன் திட்டம் செயல்பட்டு வருகிறது. இந்த திட்டம் மூலம் 1 லட்சத்து 20 ஆயிரத்திற்கும் மேற்பட்ட மாணவர்கள்  பயன் அடைந்துள்ளதாக தெரிவித்தார்.

அரசியலை பற்றி அதிகம் பேசும் ஆளுநர்:

தொடர்ந்து பேசிய அவர், புதிய கல்வித் திட்டமாக இருந்தாலும் தமிழக முதலமைச்சர் தமிழ்நாட்டுக்கு என்று ஒரு கல்வித் திட்டத்தை உருவாக்க  ஒரு குழுவை உருவாக்கி உள்ளார், அது விரைவில் செயல்பாட்டுக்கு வரும் என்று தெரிவித்த அவர், ஆளுநர் கல்லூரிகளில் கல்வியைப் பற்றி பேசுவதை விட அரசியலைப் பற்றி தான் அதிகமாக பேசுகிறார் என உயர்கல்வித்துறை அமைச்சர் பொன்முடி விமர்சித்துள்ளார்.

கிருஷ்ணகிரியில் மார்க்சிஸ்ட் கம்யூனிஸ்ட் கட்சியின் சார்பில் மறைந்த மூத்த தோழர் நாகரத்தினம் அண்ணாஜி பட திறப்பு விழா நிகழ்ச்சி இன்று நடைபெற்றது. இந்த நிகழ்ச்சிக்கு மாவட்ட செயலாளர் நஞ்சுண்டன் தலைமை வகித்தார். மாநில செயலாளர் கே. பாலகிருஷ்ணன் கலந்து கொண்டு அண்ணாஜி படத்தை திறந்து வைத்து  சிறப்புரையாற்றினார்.

மேலும் படிக்க | அரசிதழில் விடுபட்ட மஞ்சுவிரட்டு.. அறவழியில் போராட்டம்.. மஞ்சுவிரட்டு நல சங்கம் அறிவிப்பு

மேலும் ஆன்லைன் சூதாட்டத்தை ரத்து செய்யும் மசோதாவிற்கு ஆளுநர் அனுமதி வழங்காமல் உள்ளார். ஆன்லைன் ரம்மி விளையாட்டு என்ன  கால்பந்து போட்டியா, கிரிக்கெட் போட்டியா, விளையாட்டு போட்டியா, ஒரு சூதாட்டத்தை தடை செய்ய அனுமதி வழங்க மாட்டேன் என சொல்வது என்ன ஆளுநர், எதை கேட்டாலும் ஆளுநர் மாளிகையில் இருந்து பதில் வருவதில்லை இது மட்டும் இல்லாமல் 20வதுக்கும் மேற்பட்ட சட்ட மசோதாக்களை ஆளுநர் முடக்கி வைத்திருக்கிறார். இப்படி சட்ட மசோதாக்களை கிடப்பில் போட்டு இருப்பது மாநில மக்களை துரோகம் செய்கிற, வஞ்சிக்கிற, செயலாக பார்க்கிறோம். எனவே ஆளுநரை திரும்ப பெற வேண்டி வழங்கிய மனுவை வலியுறுத்தி மிகப்பெரிய இயக்கத்தை திரட்டி போராட்டம் நடத்த உள்ளோ ம் என பேசினார் 

தமிழர் பாரம்பரியம்

தமிழகத்தில் பொங்கல் பண்டிகையின் போது ஜல்லிக்கட்டு மற்றும் மஞ்சுவிரட்டு போட்டிகள் நடத்துபடுவது வழக்கம். இந்நிலையில், அடுத்த ஆண்டும் பொங்கல் பண்டிகையை முன்னிட்டு கிருஷ்ணகிரி மாவட்டத்தில் அனைத்து கிராமங்களிலும் மஞ்சுவிரட்டு போட்டி நடத்த அனுமதி வழங்க வேண்டும் என கிருஷ்ணகிரி மாவட்ட தமிழர் பாரம்பரிய மஞ்சுவிரட்டு நல சங்கம் சார்பில் கிருஷ்ணகிரி மாவட்ட ஆட்சியர் டாக்டர். ஜெயச்சந்திர பானு ரெட்டியிடம் மனு அளிக்கப்பட்டது.

உடனடி நடவடிக்கை

அந்த மனுவில், கிருஷ்ணகிரி மாவட்டத்திற்கு உட்பட்ட 200க்கும் மேற்பட்ட கிராமங்களில் பாரம்பரிய மஞ்சுவிரட்டு நடத்த அரசிதழில் பெயர் சேர்க்கப்படாமல் உள்ளது. எனவே, அந்த கிராமங்களை அரசிதழில் சேர்க்க உடனடியாக நடவடிக்கை எடுக்க வேண்டும். 100 ஆண்டுகளுக்கு மேலாக நடைபெற்று வரும் ஜல்லிக்கட்டு மற்றும் மஞ்சுவிரட்டு போட்டிகளை தடை செய்ய நினைப்பது தவறு.

மேலும் படிக்க | பொங்கல் பரிசு ரூ.1000 : ஆலோசனையில் தமிழ்நாடு அரசு

அறவழி போராட்டம்

இதனை கலாச்சார விழாவாக அறிவிக்க வேண்டும் எனவும், அரசிதழில் இந்த கிராமங்களை சேர்க்காவிட்டால் கிராமங்களில் உள்ள மக்களை ஒன்று திரட்டி அறவழியில் போராட்டம் நடத்தப்படும் என்று தமிழர் பாரம்பரிய மஞ்சுவிரட்டு நல சங்கம் சார்பில் அந்த மனுவில் தெரிவித்தனர்.

அதிமுக என்பது கட்சியே கிடையாது என பிற்படுத்தப்பட்டோர் நலத்துறை அமைச்சர் ராஜகண்ணப்பன் விமர்சித்துள்ளார்.

பரிசுகளை வழங்கிய அமைச்சர்:

சிவகங்கை அடுத்துள்ள கண்டாங்கிபட்டியில் செயல்பட்டுவரும் தனியார் பள்ளியில் தமிழ்நாடு, பாண்டிச்சேரி, அந்தமான் நிக்கோபார் உள்ளிட்ட மண்டல அளவிலான கைப்பந்துபோட்டி நடைபெற்று வருகிறது. இதில் தமிழக பிற்படுத்தப்பட்டோர் நலத்துறை அமைச்சர் ராஜகண்ணப்பன் கலந்துகொண்டு போட்டியை துவக்கி வைத்தார். அதன்பின்னர், கைப்பந்து போட்டியில் சிறப்பாக விளையாடிய மாணவ, மாணவியர்களுக்கு பரிசு கோப்பைகளை வழங்கினார். 

மக்கள் நலனே முக்கியம்:

பின்னர் செய்தியாளர்களை சந்தித்த அமைச்சர் ராஜகண்ணப்பன், 8 கோடி பேர் வசிக்க கூடிய தமிழ்நாட்டில் யாருக்கும் குறை இல்லாமல் ஆட்சி செய்வது என்பது கடினம், இருந்த போதிலும், அதையெல்லாம் மீறி தமிழ்நாடு முதலமைச்சர் முகஸ்டாலின் சிறப்பாக ஆட்சி செய்து வருகிறார். மேலும், திராவிட மாடல் ஆட்சி குறித்து குறை சொல்பவர்களை பற்றி எங்களுக்கு கவலை இல்லை என்று தெரிவித்த அவர், மக்களின் நலனே முக்கியம் என்று சிறப்பாக ஆட்சியை நடத்தி வரும் முதலமைச்சர் முகஸ்டாலின் பின்னால் நாங்கள் சென்று கொண்டிருப்பதாக கூறினார்.

கட்சியே கிடையாது:

தொடர்ந்து பேசிய அவர்,  அதிமுக என்பது கட்சியே கிடையாது என்று கூறிய அமைச்சர், தற்போது திராவிட தலைவர் என்றால் அது முதலமைச்சர் முகஸ்டாலின் மட்டும் தான் என்று அமைச்சர் ராஜகண்ணப்பன் விமர்சித்துள்ளார்.

காசாங்கோட்டை கிராமத்தில் சாதி பெயரை சொல்லி தாக்குதல் நடத்தியவர்களை கைது செய்யக்கோரி விடுதலை சிறுத்தைகள் கட்சியினர் அரியலூரில் ஆர்ப்பாட்டம்

 மேலும் படிக்க | மதிப்பெண் மட்டும் உங்களை மதிப்பீடு செய்யாது - அன்பில் மகேஷ் பொய்யாமொழி

 அரியலூர் மாவட்டம் தா.பழூர் ஒன்றியத்திற்குட்பட்டது காசாங்கோட்டை கிராமம். இந்த கிராமத்தில் கடந்த 20.11.2022 அன்று மஞ்சள் நீராட்டு விழாவிற்கு சீர்வரிசை எடுத்து  சென்ற காலணி தெரு மக்களை வழிமறித்து அங்கிருந்த சிலர் சாதியை சொல்லி திட்டி தாக்குதல் நடத்தி உள்ளதாக கூறப்படுகிறது.  இதுகுறித்து விக்ரமங்கலம் காவல் நிலையத்தில் புகார் அளித்து வன்கொடுமை தடுப்பு சட்டத்தில் வழக்குபதிவு செய்தும், அவர்களை கைது செய்யாததை கண்டித்து அரியலூர் அண்ணா சிலையருகே இன்று ஆர்ப்பாட்டம் நடைப்பெற்றது. 

மேலும் படிக்க | ஆப்பரேஷன் புதுவாழ்வு’ மூலம் 198 பிச்சைக்காரர்களுக்குக் கிடைத்த வாழ்வு.

அரியலூர் தொகுதி செயலாளர் மருதவாணன் தலைமையில் நடைப்பெற்ற ஆர்ப்பாட்டத்தில் விக்ரமங்கலம் காவல்நிலையம் மற்றும் மாவட்ட காவல்துறையை கண்டித்து கோஷமிடபட்டது.  மேலும் ஒரு சில நாட்களில் அவர்களை கைது செய்யவில்லை என்றால் மாவட்டம் முழுவதும் உள்ள விடுதலை சிறுத்தைகள் கட்சியினரை ஒன்றிணைத்து அரியலூர் மாவட்ட எஸ்பி அலுவலகத்தை முற்றுகையிடுவோம் என தெரிவித்தனர். இந்த நிகழ்ச்சியில் அக்கட்சியினர் ஏராளமானோர் கலந்து கொண்டனர்.