தமிழ்நாடு சீருடை பணியாளர் தேர்வு குழுமம் சார்பில் 2022-ஆம் ஆண்டுக்கான இரண்டாம் நிலை காவலர் எழுத்துத் தேர்வு இன்று நடைபெறுகிறது. 

இரண்டாம் நிலை காவலர் பதவியில் ஆயிரத்து 526 ஆண்கள், 654 பெண்கள் என 2 ஆயிரத்து180 பேர், சிறப்பு காவல் படை, தீயணைப்பு மற்றும் மீட்புப் பணிகள் துறை என மொத்தம் 3 ஆயிரத்து 552 காலி பணியிடங்களுக்கு தேர்வு நடைபெறுகிறது. அனைத்து மாவட்டங்களிலும் தேர்வு மையங்கள் அமைக்கப்பட்டுள்ளன. 

இந்நிலையில், ஹால்டிக்கெட்டுகளில் குறிப்பிட்டுள்ள தேர்வு மையத்தில் மட்டுமே தேர்வு எழுத வேண்டும், புகைப்படத்துடன் கூடிய அடையாள அட்டை கொண்டு வரவேண்டும், செல்போன், ஸ்மாட் வாச், புளுடூத் போன்றவைகளை கொண்டு வரக்கூடாது என்பன உள்ளிட்ட  பல்வேறு கட்டுப்பாடுகள் விதிக்கப்பட்டுள்ளன. மேலும், தேர்வு மையங்களுக்கு செல்ல சிறப்பு பேருந்து வசதி செய்யபட்டுள்ளது குறிப்பிடதக்கது .

இதையும் படிக்க : உலகக்கோப்பை கால்பந்து போட்டி...! ஆஸ்திரேலியா, அர்ஜெண்டினா அணிகள் வெற்றி...!

பாஜகவில் இருந்து சில நிர்வாகிகள், எடப்பாடியை நேரடியாக சந்தித்து பேசி இருப்பதாக தகவல் வெளியாகி உள்ளது.

அதிமுக பிளவு:

அதிமுகவில் கடந்த ஜூன் மாதம் எழுந்த ஒற்றைத்தலைமை கோஷத்தை தொடர்ந்து, கடந்த ஜூலை 11 ஆம் தேதி சென்னை வானகரத்தில் நடைபெற்ற அதிமுக பொதுக்குழு கூட்டத்தில் ஈபிஎஸ் அதிமுகவின் இடைக்கால பொதுச்செயலாளராக தேர்ந்தெடுக்கப்பட்டார். இதற்கு ஓபிஎஸ் மற்றும் அவரது ஆதரவாளர்கள் கடும் எதிர்ப்புத் தெரிவித்ததால், அதே நாளில் கட்சியில் இருந்து நீக்கப்பட்டனர்.

மாறி மாறி வரும் தீர்ப்பு:

இதற்கு பதிலடி கொடுக்கும் விதமாக ஓபிஎஸ், கட்சியில் இருந்து ஈபிஎஸ் மற்றும் அவரது ஆதரவாளர்களை நீக்கி உத்தரவிட்டார். இப்படி மாறி மாறி ஒருவரையொருவர் நீக்கி வந்தனர். இதனிடையே பொதுக்குழுவிற்கு தடை விதிக்கக்கோரி ஓபிஎஸ் தொடர்ந்த வழக்கில் நீதிமன்றமும் மாறி மாறி தீர்ப்பு வழங்கி வருகிறது. தற்போது, இந்த வழக்கானது உச்ச நீதிமன்றத்தில் இருப்பதால் ஈபிஎஸ் ஓபிஎஸ் இருவரும் தீர்ப்பை எதிர்பார்த்து காத்திருக்கின்றனர்.

தேர்தலில் தீவிரம் காட்டும் பாஜக:

இப்படி அதிமுகவை பொறுத்தவரையில் ஒற்றை தலைமை விவகாரம் அணையாத நெருப்பாய் எரிந்து கொண்டிருக்கும் நிலையில், இந்த விவகாரத்தில் டெல்லி பாஜக மேலிடமும் மெளனம் காத்து வருகிறது. ஆனால், அதிமுகவை பொறுத்தமட்டில் ஈபிஎஸ்சும், ஓபிஎஸ்சும் இணைந்து இருப்பதை தான்  பாஜக பலம் என்று கருதுகிறது. இதனிடையே, வருகிற 2024 நாடாளுமன்ற தேர்தலில், தமிழகத்தில் அதிக தொகுதிகளில் வெற்றி பெற வேண்டும் என்று பாஜக திட்டம் தீட்டி அதற்கு உரிய வேலைகளில்  தீவிரம் காட்டி வருகிறது. 

எதையும் கண்டுகொள்ளாத ஈபிஎஸ்:

இந்நிலையில், ஓபிஎஸ் அணி, ஈபிஎஸ் அணி என இரண்டு அணிகளாக அதிமுக பிளவுபட்டு இருப்பதால், பாஜக மேலிடம் அப்செட் ஆகி இருப்பதாக தகவல் வெளியாகியுள்ளது.  ஏனென்றால் இவர்களின் பிரிவு எதிர் வரும் நாடாளுமன்ற மக்களவைத் தேர்தலில்,  திமுகவுக்கு சாதகமாக அமைந்து விடும் என்று பாஜக மேலிடம் எச்சரித்தும், எதையும் கண்டு கொள்ளாமல் எடப்பாடி பழனிசாமி இருந்து வருகிறார்.

ஈபிஎஸ்சை சந்தித்த பாஜக நிர்வாகிகள்:

இந்நிலையில், அதிமுக இடைக்காலப் பொதுச் செயலாளர் எடப்பாடி பழனிசாமியை, பாஜக மேலிடம் சார்பில் சிலர் சந்தித்து பேசி உள்ளதாக தகவல் வெளியாகி உள்ளது. அப்போது அவர்களிடம் பேசிய எடப்பாடி, "எம்ஜிஆர் - ஜெயலலிதாவுக்கு வராத நெருக்கடியா... எது நடந்தாலும் நான் பார்த்துக் கொள்கிறேன்.." என, எடப்பாடி பழனிசாமி தெரிவித்ததாகக் கூறப்படுகிறது.

மறைமுகமாக எச்சரித்த பாஜக:

இதைக் கேட்டு ஷாக் ஆன பாஜக நிர்வாகிகள், 'எம்ஜிஆர் - ஜெயலலிதா செல்வாக்கு மிக்க தலைவர்கள். அவர்கள் போல் நினைத்து முடிவெடுத்தால் உங்களுக்கு ஏமாற்றம் தான் கிடைக்கும்' என மறைமுகமாக எச்சரிக்கை விடுத்ததாகவும் கூறப்படுகிறது. இது, எடப்பாடி பழனிசாமி ஆதரவாளர்களிடையே மிகப்பெரிய கலக்கத்தை ஏற்படுத்தி உள்ளதாக தகவல் வெளியாகியுள்ளது.

இதையும் படிக்க : "சல்லியர்கள்" படத்தின் இசை வெளியிட்டு விழா...இயக்குனர் வெற்றிமாறன் விமர்சனம் ..

தமிழக பெண் வழக்கறிஞர்கள் சங்க 4 வது மாநில மாநாடு இன்று கன்னியாகுமரியில் உள்ள ஒரு தனியார் நட்சத்திர விடுதியில் நடைபெற்றது. இந்நிகழ்ச்சியில் சிறப்பு விருந்தினராக சென்னை உயர்நீதிமன்ற நீதிபதிகள் மகாதேவன், சேஷாசாயி, பவானி சுப்பராயன் ஆகியோர் கலந்து கொண்டனர். இதில் தமிழ் பெண் வழக்கறிஞர் சங்க தலைவர் சாந்தகுமாரி தலைமை தாங்கினார். மேலும் தமிழகத்தின் பல்வேறு மாவட்டங்களை சேர்ந்த 300க்கும் மேற்பட்ட பெண் வழக்கறிஞர்கள் கலந்து கொண்டனர்.

பின்னர் செய்தியாளர்களை சந்தித்த தமிழக பெண் வழக்கறிஞர்கள் சங்க மாநிலத் தலைவர் சாந்தகுமாரி, 75 ஆண்டுகளுக்கு பிறகும் ஒரு குழந்தைக்கு பாதுகாப்பாளராக பெண் என்கிற சட்ட திருத்தத்தை இதுவரை கொண்டு வராதை கண்டிப்பதோடு வருகிற காலங்களிலாவது உரிய வாய்ப்பையும், உரிய திருத்தத்தையும் கொண்டு வர வேண்டுமென முன்மொழிய வேண்டும் எனவும் பெண்களுக்கு எதிராக இருக்கக்கூடிய சட்டங்களை நீக்க வேண்டும் என்றும் தெரிவித்தார்,

மேலும் தமிழகம் எதிர்நோக்கி இருக்கின்ற மிக பெரிய பிரச்சனையாக குழந்தைகளுக்கு எதிரான பாலியல் வன்முறையை தான் எதிர்ப்பதாகவும், தொடர்ச்சியாக ஒவ்வொரு நாளும் பாலியல் வன்முறை வழக்குகள், வன்புணர்ச்சி வழக்குகள் அதிகரித்து வருவதும், பெண்கள் மீதான பார்வையில் மாற்றம் கொண்டு வருவதும், அரசு இவைகளுக்கு எதிராக மாற்றம் கொண்டுவர பாதுகாப்புத் திட்டங்களை வலுப்படுத்த வேண்டும் எனவும் கேட்டுக்கொண்டார். 

இதையும் படிக்க : பைக் ஓட்டுநரை தாக்கிய பஸ் ட்ரைவர் வீடியோ வைரல்...

இந்தி திணிப்புக்கு எதிராக உயிர் நீத்தவர்களின் பட்டியல் நீண்டு கொண்டே செல்வது வேதனை அளிக்கிறது. தாய் மொழியாம் தமிழ் மொழிக்காக தங்கள் இன்னுயிரை ஈந்த தியாகிகளின் பட்டியல் இதோ...

நீளும் மொழிப்போர் தியாகிகள் பட்டியல்:

1. இந்தி திணிப்புக்கு எதிராக நடைபெற்ற மொழிப் போராட்டத்தில் முதல் களப் பலியானவர் சென்னை ஜார்ஜ் டவுன் பகுதியைச் சேர்ந்த நடராஜன். 1939-ஆண்டு நடைபெற்ற போராட்டத்தில் சிறைக்கு சென்று 1939-ம் ஆண்டு ஜனவரி15-ம் தேதி உடல்நலக் குறைவால் சிறையிலேயே உயிரிழந்தார். 

2. இரண்டாவது பலியாக உயிர் நீத்தவர் தாளமுத்து. மொழிப்போராட்டத்தில் சிறைக்கு சென்ற இவர் கும்பகோணம் சிறையில் 1939-ம் ஆண்டு மார்ச் 12-ம் தேதி உயிரிழந்தார்.

3. 1964-ம் ஆண்டு ஜனவரி 25-ம் தேதி அரியலூர் மாவட்டம் கீழப்பழுவூரை சேர்ந்த சின்னசாமி, திருச்சி ரயில் நிலையம் அருகே தீக்குளித்து உயிரிழந்தார்.

4. தமிழ் மொழி மீது கொண்ட பற்றாலும், இந்தி திணிப்புக்கு எதிராகவும், 1965-ஆண்டு ஜனவரி 25-ம் தேதி மாணவர்கள் முன்னெடுத்த மாபெரும் போராட்டம் தமிழகம் முழுவதும் பற்றி எரிந்தது. இதில், 1965-ம் ஆண்டு ஜனவரி 25-ம் தேதியான அதே நாளில்  மாநகராட்சி ஊழியரான சிவலிங்கம் சென்னை கோடம்பாக்கத்தில் தீக்குளித்து உயிர் நீத்தார்.

இதையும் படிக்க: ஆளுநரிடம் புகார் அளித்த ஈபிஎஸ்...பதிலடி கொடுத்த அமைச்சர்! 

5. மறுநாள் அதாவது 1965 ஜனவரி 26-ம் தேதி விருகம்பாக்கத்தை சேர்ந்த அரங்கநாதன் என்பவர்  தீக்குளித்து உயிரிழந்தார். 

6. அதே நாளில் புதுக்கோட்டையை சேர்ந்த முத்து என்பவர் விஷம்  அருந்தி தற்கொலை செய்து கொண்டார். 

7. இதனால் 1965-ம் ஆண்டு ஜனவரி 27-ம் தேதி போராட்டம் தீவிரமடைந்தது. ஊர்வலமாக சென்ற மாணவர்கள் மீது போலீசார் நடத்திய  துப்பாக்கிச்சூட்டில், மாணவர் ரவிச்சந்திரன் பலியானார். இதன் காரணமாக போராட்டம் தீவிரமடைந்த நிலையில், ராணுவம் களத்தில் இறங்கியது. இதனால் 100க்கும் மேற்பட்டோர் கொல்லப்பட்டனர்.

பின்னர் இந்தியுடன் ஆங்கிலமும் ஆட்சி மொழியாக தொடரும் என ஆட்சியாளர்கள் அறிவித்தனர். இதனால் மொழிப்போராட்டம் ஓய்ந்திருந்தது. ஆனால் தற்போது, இந்தி திணிப்பிற்கு எதிர்ப்பு தெரிவித்து, 57 ஆண்டுக்ளுக்குப் பின்னர் மீண்டும் உயிர் பலி நிகழ்ந்துள்ளது. 

8. 2022- நவம்பர் 26-ம்  தேதியில், சேலம் மாவட்டம் மேட்டூர் அருகே தாழையூரை சேர்ந்த தங்கவேல் என்ற 85 வயது முதியவர் தீக்குளித்து இன்னுயிர் நீத்துள்ளார் என்பது குறிப்பிடத்தக்கது.

அரசு மருத்துவமனைகளில் போதுமான அளவு மருந்துகள் கையிருப்பில் உள்ளதாக மாநில மருத்துவம் மற்றும் சுகாதாரத் துறை அமைச்சர் மா சுப்பிரமணியன் தெரிவித்துள்ளார்.

மருத்துவர்கள் எப்படி காரணமாக முடியும்?:

சென்னை ஆதம்பாக்கத்தில் உள்விளையாட்டரங்கம் அமைப்பதற்கான பணிகளுக்கு அமைச்சர் மா சுப்பிரமணியன் இன்று அடிக்கல் நாட்டினார். இதனைத் தொடர்ந்து செய்தியாளர்களிடம் பேசிய அவர், எழும்பூர் தாய் சேய் நல மருத்துவமனையில் இருந்து வெளியேறிய பெண், திருவள்ளூரில் ரயில் முன்பு பாய்ந்து தற்கொலை செய்து கொண்டது குறித்த கேள்விக்கு பதிலளித்த அமைச்சர், மருத்துவமனையில் இருந்து வெளியேறி பெண் தற்கொலை செய்துக்கொண்டதற்கு மருத்துவர்கள் எப்படி காரணமாக முடியும்? என்று மா.சுப்பிரமணியன் தெரிவித்தார்.

இதையும் படிக்க: வெற்றிகரமாக விண்ணில் பாய்ந்தது பிஎஸ்எல்வி - சி 54 வகை ராக்கெட்...!

நேரில் ஆய்வு செய்யட்டும்:

தொடர்ந்து பேசிய அவர், மருத்துவமனைகளில் மருந்து தட்டுப்பாடு இருப்பதாக ஆளுநரிடம் எடப்பாடி  புகார் அளித்தார். ஆனால், தமிழகத்தில் 32 மாவட்டங்களில் உள்ள மருந்து கிடங்குகளிலும் தேவையான மருந்துகள் கையிருப்பில் உள்ளது. வேண்டுமென்றால், புகார் அளித்த எடப்பாடி பழனிச்சாமி, நேரில் சென்று ஆய்வு செய்து கொள்ளலாம் என்று சுகாதாரத்துறை அமைச்சர் தெரிவித்தார்.