தமிழ்நாடு முதலமைச்சர் மு.க.ஸ்டாலின் 28.11.2022(நாளை) 3 மாவட்டங்களுக்கு சுற்று பயணம் மேற்கொள்கிறார். 

திருச்சி, பெரம்பலூர், அரியலூர் மாவட்டங்களில் நடைபெறும் நிகழ்சிகளில் கலந்துகொள்வதற்காக சென்னையில் இருந்து விமானம் மூலம் புறப்பட்டு திருச்சி செல்கிறார். பின்னர்,பெரம்பலூர் மாவட்டத்தில் 36-எறையூர் கிராமத்தில் 250 ஏக்கர் பரப்பளவில் அமையவுள்ள சிப்காட் தொழிற்சாலைக்கு அடிக்கல் நாட்டுகிறார்.  அதனால் பாதுகாப்பு கருதி அந்த மாவட்டத்தில் நாளையும், 29 ஆம் தேதியும் டிரோன்கள் பறக்க தடை விதித்து உத்தரவிடப்பட்டுள்ளது.  மேலும் முதலமைச்சரின் வருகையை முன்னிட்டு அந்த பகுதிகளில் பாதுகப்பு பலப்படுத்தப்பட்டுள்ளது.  

இதையும் படிக்க : சென்னையில் கடும் பனிமூட்டம்...! திருப்பி விடப்பட்ட விமானங்கள்...!

மின் இணைப்புடன் ஆதார் எண்ணை  இணைக்க நவம்பர் 28ம் தேதி முதல் டிசம்பர் 31ம் தேதி வரை சிறப்பு முகாம் நடைபெறும் என மின்சாரத்துறை அமைச்சர் செந்தில் பாலாஜி தெரிவித்துள்ளார். 

செந்தில் பாலாஜி அறிக்கை:

மின் இணைப்புடன் ஆதார் எண்ணை  இணைப்பது குறித்து மின்சாரத்துறை அமைச்சர் செந்தில் பாலாஜி அறிக்கை வெளியிட்டுள்ளார். அந்த  அறிக்கையில், மின் இணைப்பு எண்ணுடன் ஆதார் எண்ணை இணைப்பதற்கு வருகிற டிசம்பர் 31ம் தேதி வரை நடைபெறும் சிறப்பு முகாம்களில் பொதுமக்கள் அனைவரும்  தங்களது மின் கட்டனத்தை எவ்வித சிரமமும் இன்றி ஏற்கனவே உள்ள நடை முறையின் படி செலுத்தலாம் என தெரிவித்துள்ளார். 

ஆதாரை இணைப்பதால் மின் நுகர்வோருக்கு வழங்கப்பட்டு வரும் இலவச மின்சாரம் மற்றும் மானியத்தில் எவ்வித பாதிப்புகளும் ஏற்படாது என கூறியுள்ளார். 

இதையும் படிக்க: களைகட்டிய அண்ணாமலையார் திருக்கோயில்...தொடங்கியது கார்த்திகை தீபத் திருவிழா கொடியேற்றம்...!

வீடுகளுக்கு தற்போது வழங்கப்பட்டு வரும் 100 யூனிட் இலவச மின்சாரத்தில் எவ்வித மாற்றமுமின்றி தொடரும் என அமைச்சர் செந்தில் பாலாஜி தெரிவித்துள்ளார். 

குடிமை, விவசாய மின் இணைப்புகளுக்கு தரப்படும் இலவச மின்சாரம் தொடர்ந்து வழங்கப்படும் என்றும் கைத்தறி, விசைத்தறி மின் நுகர்வோர்களுக்கு தற்போது வழங்கப்பட்டு வரும் மானியமும் தொடரும் என அறிக்கையில் தெரிவிக்கப்பட்டுள்ளது.

திருவண்ணாமலை அருள்மிகு அண்ணாமலையார் திருக்கோயிலில் கார்த்திகை தீபத் திருவிழாவுக்கான கொடியேற்றம் இன்று காலை 6 மணி அளவில் வெகு விமரிசையாக நடைபெற்றது.

அண்ணாமலையார் திருக்கோயிலில் தீபத் திருவிழா:

பஞ்ச பூத தலங்களில் அக்னி தலமாக விளங்கும் திருவண்ணாமலையில் கார்த்திகை தீபத்திருவிழா ஆண்டுதோறும் வெகு விமரிசையாக நடைபெறும். கார்த்திகை தீபத்தன்று 2 ஆயிரத்து 668 அடி உயரமுள்ள திருவண்ணாமலையில்  மகா தீபம் ஏற்றப்படும். திருவிழாவையொட்டி லட்சக்கணக்கான பக்தர்கள் திருவண்ணாமலைக்கு குவிவார்கள். 

கொரோனா தொற்று காரணமாக பல்வேறு கட்டுப்பாடுகள் விதிக்கப்பட்டிருந்த நிலையில், தற்போது கார்த்திகை தீபத்திருவிழா திருவண்ணாமலையில் களைகட்டத் தொடங்கி உள்ளது. இதன் தொடக்க நிகழ்ச்சியாக திருவண்ணாமலை சின்னக்கடை வீதியில் உள்ள துர்க்கை அம்மன் கோவில் மற்றும், 3-ம் பிரகாரத்தில் உள்ள பிடாரி அம்மன் சன்னதியில் உற்சவம் நடைபெற்றது. பின்னர், விநாயகர் உற்சவம் நடைபெற்றது.

இதையும் படிக்க: ஈபிஎஸ்சிடம் பேச்சு போட்ட பாஜக மேலிடம்...அமைதி ஆன எடப்பாடி!

இந்நிலையில், கார்த்திகை தீபத் திருவிழாவுக்கான கொடியேற்றம் இன்று காலை 6 மணி அளவில் நடைபெற்றது. கோயிலில் உள்ள தங்க கொடி மரத்தில், மங்கல இசை ஒலிக்க, சிவாச்சாரியாளர்கள் வேத மந்திரங்கள் முழங்க கொடியேற்றம் வெகு விமரிசையாக நடைபெற்றது. அப்போது அண்ணாமலையாருக்கு அரோகரா, அரோகரா என அனைவரும் பக்தியுடன் முழக்கம் எழுப்பினர். 

கார்த்திகை தீபத் திருவிழாவின் சிகர நிகழ்ச்சியாக டிசம்பர் 6-ந் தேதி விடியற்காலை 4 மணிக்கு கோவில் கருவறைக்கு முன்பு பரணி தீபமும், மாலை 6 மணிக்கு அர்த்தநாரீஸ்வரர் காட்சியும், கோவில் பின்புறம் உள்ள அண்ணாமலையார் மலை உச்சியில் மகா தீபம் ஏற்றும் நிகழ்ச்சியும் நடைபெற உள்ளது. இதனைத் தொடர்ந்து, பொதுமக்களும் தங்கள் வீடுகளில் தீபம் ஏற்றி அண்ணாமலையாரை வழிபடுவார்கள்.

தைப்பூசத்தை முன்னிட்டு ஒரு நாளைக்கு பத்தாயிரம் பேர் என்கிற வீதத்தில் 20 நாட்களில் 2 லட்சம் பேருக்கு அன்னதானம் வழங்கும் திட்டம் செயல்படுத்தப்படும் என பசி இல்லாத தமிழகத்தை உருவாக்க முதல்வர் உறுதியாக இருக்கிறார் ,எனவே அன்னதான திட்டம் விரிவுபடுத்தப்படும் என இந்து சமய அறநிலையத்துறை அமைச்சர் சேகர்பாபு தெரிவித்துள்ளார்.

மேலும் தெரிந்துகொள்ள | ஈபிஎஸ்சிடம் பேச்சு போட்ட பாஜக மேலிடம்...அமைதி ஆன எடப்பாடி!

இந்து சமய அறநிலைத்துறை அமைச்சர்  பி.கே. சேகர் பாபு பெரம்பூர்,செம்பியம் லெட்சுமி அம்மாள் திருக்கோவிலில் ரூபாய் 18.5 லட்சம் மதிப்பீட்டிலான ராஜகோபுரம் மண்டப சுதை சிற்பங்கள் சரிபார்த்து வண்ணப் பூச்சி பூசுதல், கருங்கல் தளம் அமைத்தல், அம்மன் சன்னதி மகா மண்டபம், உப சன்னதிகள் பழுது பார்த்தல் பணிகளுக்காக திருப்பணிகளை தொடங்கி வைத்தார்.

 உதயநிதி ஸ்டாலின்க்கு வாழ்த்து தெரிவித்த அமைச்சர் :

49 கோயில்கள் கணக்கிடப்பட்டு ஆயிரம் ஆண்டுகள் பழமையான கோயில்கள் பழமை மாறாமல் சீரமைக்கப்பட்டு வருகின்றன.திமுகவின் அடித்தளம் பலமாக உள்ளது. நான்காம் தலைமுறைக்கான அரசியல் அடித்தளத்தை முதலமைச்சர் கொடுத்திருக்கிறார். இந்த இயக்கத்திற்கு எதுவெல்லாம் வளர்ச்சியை கொடுக்கின்றதோ, அவற்றை ஆராய்ந்து தனது அரசியல் அனுபவத்தால் எடுக்கும் அனைத்து முடிவுகளும் சிறப்பாக அமைந்துள்ளன. அந்த வகையில் இந்த இயக்கத்திற்கு பல்வேறு நிர்வாகிகள் நியமிக்கப்பட்டதும் அமையும். உதயநிதி ஸ்டாலின் பிறந்த நாளை முன்னிட்டு தமிழகம் முழுவதும் பட்டி தொட்டி எங்கும் நலிந்தோருக்கு நலத்திட்ட உதவிகள் வழங்கப்பட்டு வருகின்றன. அவரின் பிறந்தநாளுக்கு எனது வாழ்த்துக்கள். தமிழக மக்களுக்கும் திமுகவிற்கும் அவர் உறுதுணையாக என்றும் இருப்பார். 

அன்னதான திட்டம் :

தமிழகத்தில் 8 கோயில்களில் முழு நேர அன்னதான திட்டம் நடைமுறையில் உள்ளது. திமுக ஆட்சிக்கு வந்த பின்னர் ஒன்றாக இருந்தது எட்டாக மாறியது. இந்த ஆண்டு மேலும் 10 கோயில்கள் சேர்க்கப்பட்டுள்ளன. தைப்பூசத்தை முன்னிட்டு ஒரு நாளைக்கு பத்தாயிரம் பேர் என்கிற வீதத்தில் 20 நாட்களில் 2 லட்சம் பேருக்கு அன்னதானம் வழங்கும் திட்டம் செயல்படுத்தப்படும் என முதல்வர் அறிவித்துள்ளார்.  நெல்லையப்பர் கோவிலில் நாள்தோறும் 500 பேருக்கு தொடர்ச்சியாக அன்னதானம் வழங்கப்படுகிறது. பசி இல்லாத தமிழகத்தை உருவாக்க முதல்வர் உறுதியாக இருக்கிறார் எனவே அன்னதான திட்டம் விரிவுபடுத்தப்படும்.

மேலும் தெரிந்துகொள்ள | ஆளுநரிடம் புகார் அளித்த ஈபிஎஸ்...பதிலடி கொடுத்த அமைச்சர்!

 தகர்த்தெறியும் திறன் திமுக ஆட்சிக்கு உள்ளது :

தங்க நகைகளை உருக்கி வைப்பு நிதியாக வைக்கும் திட்டம் தொடர்ச்சியாக செயல்படுத்தப்பட்டு வருகின்றது. இதன் மூலம் கோவில் வருமானம் பெருகுகிறது.  4000 கிலோ அளவிற்கான கோவில் நகைகள் வைப்பு நிதியாக வைக்கப்படும். திருக்கோயில் வளர்ச்சிக்கு வட்டித்தொகை பயன்படுத்தப்படும். எவ்வளவு இடையூறு வந்தாலும் அவற்றை தகர்த்தெறியும் திறன் இந்த ஆட்சிக்கு உள்ளது என தெரிவித்தார்.

சேலம் மாவட்டம், நங்கவள்ளி பகுதியில் உள்ள தாழையூர் கிராமத்தைச் சேர்ந்த திமுக விவசாய அணியின் முன்னாள் ஒன்றியப் பொறுப்பாளரான தங்கவேல் என்பவர் ஒன்றிய அரசின் இந்தித் திணிப்பு நடவடிக்கைகளை தாள முடியாமல் நேற்று காலையில் தி.மு.கழக அலுவலகத்திற்கு முன்பாக தீக்குளித்து மாண்டார் என்ற செய்தி கேட்டு பெரிதும் அதிர்ச்சியும் ஆராத் துயரமும் கொண்டேன் என்று மறுமலர்ச்சி திராவிட முன்னேற்ற கழகத்தின் தலைவர் வைகோ இரங்கல் தெரிவித்துள்ளார்.

மேலும் தெரிந்துகொள்ள | இந்தி எதிர்ப்பு....! அன்று முதல் இன்று வரை!! நீளும் மொழிப்போர் தியாகிகள் பட்டியல்!

இந்தி ஆதிக்கத்தினை எதிர்த்து கீழப்பழுவூர் சின்னச்சாமியை பற்றி உயிர் குடித்த தீ, இன்று தங்கவேல் அவர்களின் உயிரையும் பறித்தெடுத்த கொடுமையை எவ்வாறு தாங்கிக்கொள்வது, ஒன்றிய பா.ஜ.க. அரசு இவைகளை எல்லாம் கணக்கில் எடுத்துக்கொண்டு தமிழ் மக்களின் உணர்வுகளை மதித்து நடக்குமா? இந்தித் திணிப்பை, சமஸ்கிருத மொழி திணிப்பை நாள்தோறும் செய்து வருவதை நிறுத்திக்கொள்ளுமா? என்ற உணர்வு தமிழ் மக்களின் நெஞ்சில் தணலாய் கொதித்து எழுகிறது.

அன்னைத் தமிழ் மொழியைக் காப்பதற்காக ஆதிக்கம் செலுத்தி வரும் இந்தி, சமஸ்கிருத மொழிகளின் வல்லாதிக்கத்தை நிறுத்துவதற்காக தீக்குளித்து தன் மூச்சை நிறுத்திக்கொண்ட அந்தத் தியாக மறவன் தங்கவேல் அவர்களுக்கு என் வீர வணக்கத்தை தெரிவித்து, அவரது குடும்பத்தினருக்கு ஆறுதலையும், இரங்கலையும் தெரிவித்துக்கொள்கிறேன்.

இது தொடர்பாக தமிழ்நாடு முதலமைச்சரும், தி.மு.கழக தலைவருமான மாண்புமிகு தளபதி மு.க.ஸ்டாலின் அவர்கள் “ஏற்கனவே ஏராளமான தீரர்களை நாம் இழந்துவிட்டோம். இனி ஒரு உயிரையும் நாம் இழக்கக் கூடாது. போராட்ட வடிவமாக இன்னுயிரை இழக்கும் செயல்களில் யாரும் ஈடுபட வேண்டாம் என உரிமையோடு கேட்டுக்கொள்கிறேன்” என்று மனம் நெகிழ்ந்து வெளியிட்டுள்ள அறிக்கையை நான் வழிமொழிகிறேன்.