கடந்த 23-ம் தேதி அதிமுக பொதுக்குழு நடைபெற்றது. அதற்கு முன்தினம் பொதுக்குழுவிற்கு தடை விதிக்கக் கோரி ஓபிஎஸ் சார்பில் வழக்கு தொடரப்பட்டது. அந்த வழக்கை விசாரித்த நீதிபதிகள் துரைசாமி மற்றும் சுந்தர் மோகன், அதிமுக பொதுக்குழு கூட்டத்துக்கு தடை விதிக்க மறுப்பு தெரிவித்தனர்.

அந்தத் தீர்ப்பை எதிர்த்து பொதுக்குழு உறுப்பினர் சண்முகம் மேல்முறையீடு செய்தார். விடிய விடிய நடந்த விசாரணைக்குப் பின்பு அதிமுக பொதுக்குழு நடத்தலாம் என்றும், ஆனால் 23 தீர்மானங்களைத் தவிர புதிய தீர்மானங்கள் எதுவும் நிறைவேற்றக் கூடாது என தீர்ப்பளித்திருந்தனர்.

நடந்த அதிமுக பொதுக்குழுவில் அவைத் தலைவராக தமிழ் மகன் உசேன் நியமிக்கப்பட்டார். இதை தொடர்ந்து அடுத்த பொதுக்குழு ஜூலை 11 அன்று நடைபெறும் எனவும் அறிவிக்கப்பட்டது.  இந்த கூட்டம் வானகரம் ஸ்ரீவாரு மண்டபத்திலேயே பொதுக்குழு கூட்டத்தை நடத்த அதிமுக முடிவு செய்திருப்பதாக தற்போது தான் தகவல் வெளியானது.

இந்நிலையில், அதிமுக பொதுகுழுவுக்கு தடை விதிக்கக்கோரி உச்சநீதிமன்றத்தில் ஓபிஎஸ் தரப்பு கேவியட் மனு தாக்கல் செய்திருந்தார். இதற்கு பதில் அளித்த நீதிமன்றம்.. அதிமுக பொதுக்குழு கூட்டத்தில் புதிய தீர்மானங்களை நிறைவேற்ற கூடாது என சென்னை உயர்நீதி மன்றம் உத்தரவுவிட்டுள்ளது.

இந்நிலையில், பொதுக்குழு தொடர்பாக சென்னை உயர்நீதிமன்றம் உத்தரவுக்கு எதிராக உச்சநீதிமன்றத்தில் இபிஎஸ் தரப்பு மேல்முறையிடு செய்துள்ளது.

காஞ்சிபுரம் வடக்கு மாவட்ட திமுக உட்கட்சி தேர்தலுக்கான வேட்பு மனுத்தாக்கல் குன்றத்தூரில் உள்ள தனியார் திருமண மண்டபத்தில் நடைபெற்றது. 

அப்போது திருப்போரூர் ஒன்றியத்தை சேர்ந்த ரோஸ் நாகராஜன் என்பவர், ஒன்றிய செயலாளருக்கான வேட்பு மனு தாக்கல் செய்ய சென்ற போது, அங்கிருந்த திருப்போரூர் ஒன்றிய நிர்வாகிகள் அவர் மீது சரமாரி தாக்குதல் நடத்தினர். அந்த தள்ளுமுள்ளில் நாகராஜன் சட்டை கிழிந்ததோடு, லேசான காயமும் ஏற்பட்டது. இதையடுத்து அங்கு பாதுகாப்பு பணியில் இருந்த போலீசார் அவரை அங்கிருந்து மீட்டு வெளியே கொண்டு வந்தனர்.  இதனால் அப்பகுதியில் பரபரப்பு நிலவியது. 

பின்னர் இதுகுறித்து நாகராஜன் குன்றத்தூர் போலீசில் தனது ஆதரவாளர்களுடன் சென்று புகார் அளித்தார். இந்த புகாரின் பேரில் குன்றத்தூர் போலீசார் விசாரணை மேற்கொண்டு வருகின்றனர்.

சென்னை துரைப்பாக்கத்தில் நில மோசடி தொடர்பாக முன்னாள் அமைச்சர் ஜெயக்குமார் மீது மத்திய குற்றப்பிரிவில் புகார் அளிக்கப்பட்ட நிலையில், அவர் கைது செய்யப்பட்டார். இந்த வழக்கில், அவருக்கு கடந்த மார்ச் மாதம் நிபந்தனை ஜாமின் வழங்கி சென்னை உயர்நீதிமன்றம் உத்தரவிட்டது. ஒவ்வொரு மாதமும் முதல் மற்றும் மூன்றாவது வார திங்கட்கிழமைகளில் சென்னை மத்திய குற்றப்பிரிவு போலீசார் முன்பு, அவர் ஆஜராக வேண்டும் என நிபந்தனை விதிக்கப்பட்டது. 

இந்த நிலையில், ஜாமினில் வழங்கப்பட்ட நிபந்தனைகளிலிருந்து விலக்கு அளிக்க தாக்கல் செய்யப்பட்ட மனு, நீதிபதி சதீஷ்குமார் முன்பு விசாரணைக்கு வந்தது. வழக்கை விசாரித்த நீதிபதி, ஜெயக்குமாருக்கு வழங்கப்பட்ட நிபந்தனை ஜாமினில், முற்றிலும் தளர்வு அளித்து உத்தரவிட்டார். 

கடந்த 23-ம் தேதி அதிமுக பொதுக்குழு நடைபெற்றது. அதற்கு முன்தினம் பொதுக்குழுவிற்கு தடை விதிக்கக் கோரி ஓபிஎஸ் சார்பில் வழக்கு தொடரப்பட்டது. அந்த வழக்கை விசாரித்த நீதிபதிகள் துரைசாமி மற்றும் சுந்தர் மோகன், அதிமுக பொதுக்குழு கூட்டத்துக்கு தடை விதிக்க மறுப்பு தெரிவித்தனர்.

அந்தத் தீர்ப்பை எதிர்த்து பொதுக்குழு உறுப்பினர் சண்முகம் மேல்முறையீடு செய்தார். விடிய விடிய நடந்த விசாரணைக்குப் பின்பு அதிமுக பொதுக்குழு நடத்தலாம் என்றும், ஆனால் 23 தீர்மானங்களைத் தவிர புதிய தீர்மானங்கள் எதுவும் நிறைவேற்றக் கூடாது என தீர்ப்பளித்திருந்தனர்.

நடந்த அதிமுக பொதுக்குழுவில் அவைத் தலைவராக தமிழ் மகன் உசேன் நியமிக்கப்பட்டார்.  அதன் பிறகு 23 தீர்மானங்களும் ரத்து செய்யப்படுவதாக அறிவிக்கப்பட்டது. அடுத்த பொதுக்குழு ஜூலை 11 அன்று நடைபெறும் எனவும் அறிவிக்கப்பட்டது.

இந்த நிலையில், கூட்டம் நடைபெறுவதற்கான இடம் குறித்து பல்வேறு பகுதிகளில் அதிமுக நிர்வாகிகள் ஆய்வு நடத்தினர்.

குறிப்பாக சென்னை ஈசிஆர் சாலையில் உள்ள விஜிபி தங்க கடற்கரை அல்லது பெங்குடி ஓய்எம்சிஏ மைதானத்தில், திறந்தவெளி பொதுக்குழு கூட்டம் நடத்தப்படலாம் எனக்கூறப்பட்டது. ஆனால், தற்போது, மீண்டும் வானகரம் ஸ்ரீவாரு மண்டபத்திலேயே பொதுக்குழு கூட்டத்தை நடத்த அதிமுக முடிவு செய்திருப்பதாக தகவல் வெளியாகியுள்ளது.

மேற்கு திசை காற்றின் வேக மாறுபாடு காரணமாக, நாளை நீலகிரி, கோவை, தேனி, திண்டுக்கல், திருப்பூர், தென்காசி, விருதுநகர் மாவட்டங்களிலும், காஞ்சிபுரம், திருவண்ணாமலை, செங்கல்பட்டு, விழுப்புரம் பகுதிகளில் ஒரிரு இடங்களிலும் கனமழை பெய்ய வாய்ப்புள்ளதாக தெரிவிக்கப்பட்டுள்ளது.

சென்னையை பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும் என்றும், நகரின் ஒருசில பகுதிகளில் இடி மின்னலுடன் கூடிய மிதமான மழை பெய்யக்கூடும் எனவும் கணிக்கப்பட்டுள்ளது.  குமரிக்கடல், மன்னார் வளைகுடா அதனையொட்டிய தென்தமிழக கடலோரப்பகுதிகள், தென்மேற்கு வங்க கடல் பகுதிகளையொட்டிய இலங்கை கடலோரப்பகுதிகளில் பலத்த காற்று வீசும் என்பதால் நாளை வரை, மீனவர்கள் அங்கு செல்ல வேண்டாம் என சென்னை வானிலை மையம் எச்சரிக்கை விடுத்துள்ளது.