கோவை விளாங்குறிச்சி பகுதியில், எரிவாயு குழாய்கள் பொருத்தப்பட்டு பரிசோதனை செய்யப்பட்டது. அப்போது, திடீரென எரிவாயு குழாய் பெரும் சத்தத்துடன் வெடித்து சிதறிய சிசிடிவி காட்சி வெளியாகியுள்ளது.

இந்தியன் ஆயில் கார்பரேஷன் சார்பாக, எரிவாய் குழாய்கள் பொருத்தப்படும் பணிகள் நகராட்சிகளிலும், ஒரு சில மாநகர பகுதிகளிலும், இந்த குழாய் பதிக்கும் பணியானது நடந்து வருகிறது. இந்நிலையில், கோவை மாநகராட்சியின் 24வது வார்டான, காளப்பட்டி அடுத்த தண்ணீர் பந்தல் பகுதியில் ஒரு மாபெரும் அதிர்ச்சிகரமான சம்பவம் அரங்கேறியது.

எரிவாயு பணிகள் நடைப்பெற்று வரும் நிலையில், அந்த எரிவாயு குழாய்கள் பதிக்கப்பட்டப் பிறகு, அதற்கான சோதனைகள் நடந்துள்ளன. ஏற்கனவே சோதனைக்காக வெறும் காற்று மட்டுமே நிரப்பப்பட்டிருந்தது. தற்போது எரிவாயுவை நிரப்பி சோதனை செய்து கொண்டிருந்தனர். திடீரென யாரும் எதிர்பாராத விதமாக, பூமிக்கு அடியில் பதிக்கப்பட்ட அந்த எரிவாயு குழாய்கள் வெடித்து சிதறியுள்ளது.

தூசு, நிரம்ப, பெரும் சத்தத்துடன் அந்த குழாய் வெடித்ததால், பரபரப்பு நிலவியுள்ளது. ஏற்கனவே, அவிநாசி சாலை மேற்கு பகுதியில் இருந்து விளாங்குறிச்சி செல்லக்கூடிய அந்த சாலை, வழக்கமாக அதிகமான போக்குவரத்து காணக்குட்டிய இடமாக இருக்கிறது. ஆனால், இச்சம்பவம் நடந்தது மதிய வேளை என்பதால், அதிர்ஷ்டவசமாக குறைந்த போக்குவரத்தும், வாகனப் பயன்பாடுகள் குறைவாகவும் இருந்தது குறிப்பிடத்தக்கது.

உடனடியாக அருகில் இருந்த காவல் துறைக்கு தகவல் அளிக்கப்பட்டு, அடுத்தடுத்து நடக்க வேண்டிய மற்ற சோதனைகளும் நிறுத்தப்பட்டது. தொடர்ந்து, இந்த எரிவாயு குழாய்கள் எப்படி வெடித்தது என, இந்திய ஆயில் நிறுவனம், அப்பகுதியில் விசாரணை நடத்தி வருகின்றனர். மேலும், இது தொடர்பாக வழக்கு பதிவு செய்யப்பட்டுள்ளது.

கடந்த சில ஆண்டுகளாக, விளை நிலங்களுக்கு அருகே எரிவாயுகுழாய்கள் பதிக்கப்பட கூடாது என விவசாயிகள் தொடர்ந்து போராட்டம் நடத்தி வருகின்றனர். இந்நிலையில், சாலைகளில் வெடித்து சிதறிய இந்த எரிவாயு குழாய்களின் சிசிடிவி காட்சிகள் இணையத்தில் படு வைரலாக்கப்பட்டு வருகிறது.

முதலில் அந்த குழாய்களில் காற்று நிரப்பப்பட்டு, குழாய்கள் தாங்குகிறதா என்பதை சோதித்த பிறகு தான், எரிவாயு அக்குழாய்களில் நிரப்பப்பட்டதாக அதிகாரிகள் கூறும் நிலையில், திடீரென் நடந்த இச்சம்பவம், பெரும் பரபரப்பை ஏற்படுத்தியுள்ளது.

நீலகிரி மாவட்டத்தில் தென்மேற்கு பருவமழையின் தாக்கம் தீவிரம் அடைந்து, உதகை மற்றும் அதன் சுற்றுவட்டார பகுதிகளில் கடந்த 9 நாட்களுக்கும் மேலாக பலத்த காற்றுடன் கூடிய மிக கனமழை பெய்து வருகிறது.

இதனால் உதகை மற்றும் அதனை சுற்றியுள்ள பகுதிகளில் குடியிருப்புகள் மற்றும் தேசிய நெடுஞ்சாலைகளில் மண்சரிவுகள் ஏற்பட்டும் 50க்கும் மேற்பட்ட இடங்களில் ராட்சத மரங்கள் வேரோடு சாய்ந்து விழுந்துள்ளன. இதனை அப்புறப்படுத்தவும் மீட்பு பணிகளை மேற்கொள்ளவும் மாவட்ட நிர்வாகம் சார்பில் வருவாய் துறையினர், தேசிய பேரிடர் மீட்பு குழுவினர் மற்றும் மாநில பேரிடர் மீட்பு குழுவினர் ஆகியோர் இருபதுக்கும் மேற்பட்ட குழுக்களாக பிரிந்து மீட்பு பணிகளை மேற்கொண்டு வருகின்றனர்.

#Viral | நீலகிரி : தடுப்பு சுவர் இடிந்து விழும் காட்சி...! இணையத்தில் வைரல்..! #Nilgiris #wall #viral #trending #Malaimurasu #MalaimurasuNews pic.twitter.com/WmyIkEG4lW

— Malaimurasu TV (@MalaimurasuTv) August 11, 2022

இந்நிலையில் உதகையில் நேற்று இரவு முதல் கனமழை கொட்டித் தீர்த்து வருவதால் உதகை அருகே உள்ள வேல்யூ பகுதியில், தனியாருக்கு சொந்தமான பகுதியில் கட்டப்பட்டுள்ள 40 அடி உயரம் கொண்ட தடுப்பு சுவர் முற்றிலுமாக இடிந்த விழுந்தது. இதனை அப்பகுதியில் வசிக்கும் குடியிருப்பு வாசிகள் தங்களது செல்போனில் பதிவிட்டுள்ள, இந்த வீடியோ காட்சி வைரலாகி வருகிறது. 

இதனால், முறையான அனுமதி இல்லாமல் சட்டவிரோதமாக தடுப்பு சுவர் அமைத்த தனியார் விடுதி உரிமையாளர் மீது வருவாய்த் துறையினர் நடவடிக்கை எடுக்க உள்ளது குறிப்பிடத்தக்கது.

கன்னியாகுமரி மாவட்டம்  குளச்சலில்  சட்டவிரோதமாக திமிங்கல உமிழை விற்பனை செய்ய முயன்ற 5 பேர் போலீசாரால் கைது செய்யப்பட்டனர்.

போதை பொருள் விற்பதை கண்காணிக்க தனிப்படை:

கன்னியாகுமரி மாவட்டம் குளச்சல் சுற்றுவட்டார பகுதிகளில் கஞ்சா போதை பொருள் மற்றும் தடை செய்யப்பட்ட குட்கா பொருட்கள் விற்பனையை தடுக்கவும் விற்பனை செய்பவர்களை கண்காணித்து கைது செய்து நடவடிக்கை எடுக்கவும் மாவட்ட காவல் கண்காணிப்பாளர் ஹரிகிரண் பிரசாத் உத்தரவின் பேரில் சப்-இன்ஸ்பெக்டர் சணல்குமார் தலைமையில் தனிப்படை அமைக்கப்பட்டது. அதன்படி, அந்த தனிப்படை போலீசார் நேற்று மாலை குளச்சல் பகுதியில் தீவிர கண்காணிப்பு பணியில் ஈடுபட்டிருந்தனர்.

தனிப்படைக்கு ரகசிய தகவல்:

தீவிர கண்காணிப்பு பணியில் ஈடுபட்டிருந்த தனிப்படை போலீசாருக்கு, குளச்சல் மீன்பிடி துறைமுகத்தில் மீனவர் வலையில் சிக்கிய விற்பனைக்கு தடை செய்பட்ட பல கோடி ரூபாய் மதிப்பிலான திமிங்கல உமிழ்நீர் ஆன "ஆம்பர் கிரீஸ்" என்ற பொருளை காரில் கடத்தி சென்று சட்ட விரோதமாக விற்பனை செய்ய சிலர் முயற்சி செய்து வருவதாக  ரகசிய தகவல் கிடைத்தது.

விசாரணை:

ரகசிய தகவலையடுத்து, தனிப்படை போலீசார் குளச்சல் பகுதியில் தீவிர வாகன சோதனையில் ஈடுபட்டனர். அப்போது சந்தேகத்திற்கு இடமாக இரண்டு இருசக்கர வாகனம் மற்றும் சொகுசு காரில் வந்த 5-வாலிபர்களை மடக்கி விசாரணை நடத்தினர்.  விசாரணையின்போது, அவர்கள் முன்னுக்கு பின் முரணாக பேசிய நிலையில், 5-வாலிபர்களையும், சொகுசு கார் மற்றும் இருசக்கர வாகனங்களையும் கைப்பற்றி விசாரணை நடத்தினர். அதில், வாலிபர்கள் 5-பேரும் தடை செய்யப்பட்ட, சர்வதேச சந்தையில் சுமார் 12 கோடி ரூபாய் வரை விலை போகும், 12-கிலோ திமிங்கல உமிழ்நீர் "ஆம்பர் கிரீஸ்" ஐ சொகுசு காரில் பதுக்கி கேரளாவிற்கு கடத்தி சென்று சட்ட விரோதமாக விற்பனை செய்ய சென்றதும் தெரியவந்தது.

வாலிபர்களை கைது செய்த போலீசார்:

விசாரணையில் வெளியான தகவலின்படி, குற்றவாளியான வாலிபர்கள் 5-பேரையும் கைது செய்த தனிப்படை போலீசார் அவர்களிடம் இருந்த 12-கோடி ரூபாய் மதிப்பிலான 12-கிலோ ஆம்பர் கிரீஸ் உள்பட, கடத்தலுக்கு பயன்படுத்திய சொகுசு கார், இரண்டு இருசக்கர வாகனம் மற்றும் 5-செல்போன்களை பறிமுதல் செய்த போலீசார், வனத்துறை அதிகாரியிடம் ஒப்படைத்தனர். அதன்பின் அதிகாரி அவர்கள் மீது வழக்கு பதிவு செய்து நீமன்றத்தில் ஆஜர்படுத்தி சிறையில் அடைத்தனர்.

வனத்துறை அதிகாரி விஜயகுமார்:

இதுகுறித்து பேசிய வனத்துறை அதிகாரி விஜயகுமார், மீனவர்கள் தங்கள் வலையில் சிக்கும் திமிங்கல உமிழ்நீர் ஆம்பர் கிரீஸ் ஐ 48-மணி நேரத்தில் வனத்துறையிடமோ அல்லது கடல் காவல் நிலையத்திலோ ஒப்படைக்க வேண்டும் என்றும், தடையை மீறி விற்பனையில் ஈடுபட முயன்றால் கடும் நடவடிக்கை எடுக்கப்படும் எனவும் எச்சரித்தார்.

நொய்யல் ஆற்றில் ஏற்பட்ட வெள்ளத்தால் பரிசலில் பயணம் செய்ய முடியாமல் 10 கிலோமீட்டர் சுற்றி செல்லும் நிலையில் உள்ளனர் அந்த பகுதி பொதுமக்கள்.

திருப்பூர் மாவட்டம் ஒரத்துப்பாளையம் அணை அருகே உள்ள கத்தாங்கண்ணி, வயக்காட்டுபுதூர், கணபதி பாளையம், வெங்கலப்பாளையம், உள்ளிட்ட 5 கிராம மக்கள் ஊத்துக்குளி செல்ல வெங்கலப்பாளையம் பகுதியில் பரிசல் மூலமாக பயணம் செய்து வருகின்றனர். ஆற்றை கடந்து செல்ல 10 கிலோ மீட்டர் சுற்றிச் செல்ல வேண்டி உள்ளதால் பரிசல் மூலமாக பயணம் செய்கின்றனர். இந்நிலையில் நொய்யலில் வெள்ளப்பெருக்கு ஏற்பட்டுள்ளதால் பரிசலில் பயணம் செய்ய முடியாமல் 10 கிலோமீட்டர் சுற்றி சென்று வருகின்றனர். இப்பகுதியில் ஆற்றை கடக்க உயர்மட்ட பாலம் அமைத்து தர வேண்டும் என கோரிக்கை விடுத்துள்ளனர்.

அண்மைக் காலமாக கோயில்களில் வளர்க்கப்படும் யானைகளின் எண்ணிக்கை வெகுவாக குறைந்து வருவதால் இயற்கை சூழலுடன் கோயில்களில் யானைகளை பராமரிக்க அரசு நடவடிக்கை எடுக்க வேண்டும் என சமூக ஆர்வலர்கள் வேண்டுகோள் விடுத்துள்ளனர். 

கோயில்களில் குறைந்து வரும் யானைகள்:

பல்வேறு சிறப்புகளை கொண்ட யானைகளுக்காக அரசு சார்பில் மறுவாழ்வு முகாம்கள் செயல்படுகின்றன. எனினும், கோயில்கள் மற்றும் மடங்களில் பராமரிக்கப்பட்டு வரும் யானைகளின் எண்ணிக்கை அண்மைக்காலமாக வெகுவாக குறைந்து வருகிறது. தற்போது மயிலாடுதுறை மாவட்டத்தில் மயூர நாதர் கோயில், திருக்கடையூர் அபிராமி அம்மன் கோயில் ஆகிய இரண்டு கோயில்களில் மட்டுமே யானைகள் உள்ளன. மாதத்திற்கு ஒருமுறை கால்நடை மருத்துவர் மற்றும் வனத்துறை அதிகாரிகள் குழுவினர் யானையை பரிசோதித்து சான்றளிக்கின்றனர்.   

யானை பாகன்:

தமிழரின் பாரம்பரியத்துடன் கலந்து விட்ட யானைகள், குழந்தை போல் பழகும் தன்மை கொண்டது என யானை பாகன்கள் தெரிவிக்கின்றனர்.

சமூக ஆர்வலர்கள் கோரிக்கை:

மயிலாடுதுறை மாயூரநாதர் கோயில் யானை, கோயிலுக்கு வந்து ஐம்பது ஆண்டுகள் கடந்த நிலையில், அங்குள்ள யானைப்பாகன் குடும்பத்துடன் 3 தலைமுறைகளாக பழகி வந்துள்ளது. வைத்தீஸ்வரன் கோயில் உள்ளிட்ட பல கோயில்களுக்கு யானைகள் இல்லாத நிலையில் அவற்றை வாங்கி தர பெரும் செல்வந்தர்கள் தயாராக இருந்தாலும், தடையில்லா சான்று கிடைப்பதில் சிக்கல் உள்ளதாக கூறப்படுகிறது.  இந்த குறையை போக்க அரசு நடவடிக்கை எடுக்கவேண்டும் என்ற கோரிக்கையை சமூக ஆர்வலர்கள் வைத்துள்ளனர்.